misteryolohika sa Balita

Kapalaran sa Bagong Taon

2008-01-14T22:35:00.000-08:00

Tuwing bagong taon, lagi tayong nag-iisip at nagtatanong kung ano ang ating kapalaran sa buong taon.

Karaniwan nang sumasangguni ang iba sa mga psychic o “manghuhula” (hindi naman angkop na itawag sa kanila ang ganung pangalan, dahil sa ang anumang katuparan o hindi sa kanilang nakita sa baraha o anumang gamit ay nakasalalay pa rin sa desisyon, kaisipan at gawain ng sinuman).

Ang iba naman ay nakasanayan nang lumapit sa mga eksperto sa pungsoy (fengshui), astrologer at iba pang tao na may kakayanan na silipin ang kapalaran sa hinaharap o tinatawag sa katagang ingles na soothsayer, oracles (orakulo) o clairvoyant.

Bagaman alam ng karamihan na tutol ang simbahan at iba pang relihiyon sa ganitong mga hakbang ay hindi maaaring pigilin ang marami sa tao dahil sa una umaasa silang sa kahit ganitong paraan ay malalaman nila ng mas maaga kung meron nga bang naghihintay na magandang kapalaran sa kanila.

Mahirap ding itanggi ang katotohanan na merong iba na para magkapera ay puro magagandang salita ang maririnig mo habang binabasa ang umanoy kapalaran mo sa buhay at pinaaasa ang sinuman na ang mga pangarap ay magkakaroon ng katuparan.

Ang masaklap noon kapag hindi natupad ang mga sinabi ay saka siya babalikan ng taong umasa sa magandang kapalaran at sasabihan siyang huwad o fake na maaari pang humantong sa pananakit.

Ang nais ko lang linawin tungkol sa paksang ito, ang mga tunay na psychic at ang mga nag-aral sa astrolohiya paniwalaan man natin sa hindi ang kanilang angking abilidad ay meron talagang kakayanan na silipin ang kapalaran ng isang tao sa mga darating na araw, linggo, buwan o taon sa buhay nito dahil sa pagiging sensitibo nito sa mga enerhiya (vibrations) at kunin ang mga impormasyon sa kabilang dimensiyon o akashic records o sa paniniwalang Kristiyaho na Book of Life.

Ngayon, bakit may mga pagkakataon o maaaring kadalasan ay hindi nagkaroon ng katuparan ang mga nakita sa baraha, bolang Kristal at nasagap na mga enerhiya o impormasyon sa kabilang dimensiyon? Ito ay sa isang simpleng sagot ko na “FREE WILL”- ang kalayaan na ipinagkaloob sa atin ng Panginoong Diyos na mag-isip at magdesisyon ng naaayon sa ating kagustuhan kahit na hindi na natin iniisip kung ano ang magiging epekto sa ating buhay o sa ibang tao na nakapaligid sa atin.

Dito papasok ang kasabihang, tayo bilang tao ay gumagawa ng ating sariling kapalaran batay sa ating desisyon o hakbang na ginagawa sa pang-araw araw na buhay. Kung ganito ang sistema na tayo pala ang gumagawa ng ating kapalaran ay balewala na pala ang pagsangguni sa mga psychic at mga astrologer? Para sa akin, hindi ito balewala dahil sa nung oras na sumangguni ka sa kahit sino sa kanila ay talagang nakita nila ang iyong magiging kapalaran, ngunit habang umuusad ang panahon bawat segundo ng iyong buhay pagkatapos mong sumangguni ay magkakaroon na ng pagbabago sa kapalarang iyon batay sa iyong sariling mga desisyon.

Sadyang mahalaga na para maging maganda ang ating kapalaran sa bawat segundo, minuto, oras, araw, linggo, buwan o taon ng ating buhay ay isipin muna nating mabuti kung ano ang desisyon bago tayo humakbang. Malaking bagay dito ang positibong kaisipan kung saan wag nating isipin na hanggang ganito na lang ang buhay natin at wag nating kalilimutang manalangin at manalig sa Diyos. #

Sino si Santa Klaws?

2007-12-17T14:38:00.000-08:00

Ngayong kapaskuhan kahit gaano kahirap ang buhay o kapus sa pera ay nairaraos ng sambayanang Pilipino sa kahit na anong paraan ang masaya at masaganang pagdiriwang alang-alang sa diwa ng Pasko.

Hindi ba sa ganitong panahon ay hindi maipaliwanag ang kasiyahan ng mga bata at kitang kita natin sa kanilang mga mata ang kasabikan na makatanggap ng regalo, at tradisyunal na nating naimulat sa ating lahat na ito ay ibibigay sa atin ng isang nilalang sa pangalang Santa Klaws.

Sino nga ba si Santa Klaus? Totoo bang siya ay nabuhay sa mundong ito noong unang panahon? At totoo rin ba ang paniniwalang siya ay nakasakay sa isang karwahe na hinahatak ng mga usa (reindeer) at lumilipad sa himpapawid para maghatid ng regalo sa bawat bahay?

Nais kong ilahad sa inyo ang dalawang paniniwala tungkol kay Santa Klaus – una ay ang paniniwalang pang-relihiyon at ang pangalawa ay ang paniniwala at pananaliksik ng mga eksperto sa kasaysayan ng mundo.

Sa paniniwalang pang-relihiyon lalu na sa Simbahang Katoliko Romano at konserbatibong Protestante, si Santa Klaus ay walang iba kundi ang santong si San Nikolas o Saint Nicholas ng Bari na umanoy nabuhay sa Asia Minor at namatay noong 345 o 352 A.D. o Anno Domini sa Latin o “Year of the Lord” sa Ingles – ang taon ng kapanganakan o “birth year” ni Hesu Kristo.

May espekulasyon ang Catholic Information Network na si San Nikolas ay maaaring ipinanganak sa Patara, sa probinsiya ng Myra ng Asia Minor. Ito ay base sa paniniwalang siya ay naging Obispo ng Myra sa Lycia na ngayon ay ang bansang Turkey.

Sinasabi din na si San Nikolas ay dumalo sa Unang Konseho ng Nicea bagaman hindi naisulat ang kanyang pangalan sa listahan ng mga Obispo. Idineklara siyang Santong Patron ng mga bansang Austria, Belgium, Germany, Greece, Italy, Netherlands, Russia, Sicily at Switzerland. Itinuturing din siyang Santo ng mga Bata at mga Naglalayag sa Karagatan.

Sa paniniwala naman ng iba pang grupong relihiyon at mga eksperto sa kasaysayang pang-relihiyon sa buong mundo, walang balidong ebidensiya na magpapatunay na naging tao nga si San Nikolas o kilala bilang Santa Klaus.

Sa halip ayon sa mga historian, ang buhay ni San Nikolas ay maituturing na halaw sa paniniwalang Pagano sa mga itinuturing nilang diyos, tulad ng mga paniniwala ng mga Griyego sa kanilang diyos na si Poseidon – ang Roman God Neptune at ang Teutonic God Hold Nickar, na sa paniniwala ng mga mamamayang Ruso ay siya umanong magiging tagapagmana ng Mikoula – ang diyos ng Anihan na umanoy siyang papalit sa Diyos na Lumikha kapag naging matanda na.

Nang likhain ng simbahan ang persona ni San Nikolas, ginamit nila ang titulo ni Poseidon sa tawag ditong “the Sailor”. At pinaniniwalaang kinuha ang pangalan nito sa diyos na si Nickar. Karamihan sa mga templo ni Poseidon ay naging mga templo din ni San Nikolas.

Natuklasan din ng mga mananaliksik, na ang katangian ni San Nikolas ay halaw din sa naging ugali ng itinuturing na na “grandmother o befana” ng Italya nang naging kilala siya sa paglalagay ng mga regalo sa stockings o medyas ng mga bata, at ang kanyang kapilya ay sa Bari ay inialay din kay San Nikolas.

Noong ika-11 Siglo, batay sa turo ng Simbahang Katoliko na noong panahon ng pananakop ng mga Muslim sa Asia Minor, ang mga labi ni San Nikolas ay inilipat sa Bari, Italya at dun siya kinilala bilang Nicholas of Bari. Nabatid na ang katawan umano ni San Nikolas ay hindi naagnas sa halip ay naging mabango pa umano ito at nakagagamot sa ibat-ibang karamdaman.

Marami umanong mga himala ang nagawa ni San Nikolas nang ito ay buhay pa batay sa turo ng simbahan. May mga paniniwala noon na nung siya pa ay sanggol, pinaiinom lang siya ng gatas tuwing miyerkoles at biyernes at fasting siya sa iba pang mga araw. Pinatigil nito ang isang bagyo para iligtas ang tatlong naglalayag sa karagatan. Mahal na mahal nito ang mga bata sa buong buhay nya at laging naghahagis ng regalo sa binatana ng bawat bahay.

Kung susuriin nating mabuti ang mga aklat tungkol sa kasaysayan ng mga relihiyon at paniniwala sa buong mundo, wala ni isa man dito ay nagsasabi na si San Nikolas na kilala bilang si Santa Klaus, ay nakasakay sa lumilipad na karwahe at naghuhulog o naghahatid ng mga regalo.

Bagaman nagising tayo sa paniniwalang dumarating si Santa Klaws tuwing Kapaskuhan, mainam na buhayin natin siya sa ating mga sarili sa pamamagitan ng pagbibigayan, pagmamahalan at pagpapanatili ng kapayapaan. Tayo mismo sa ating mga sarili ay magsilbing Santa Klaws sa ating kapwa – bata man yan o matanda.

Para sa inyong mga katanungan at suhestyun, mag-text sa 09167931451, mag-email sa misteryolohika@gmail.com. Bisitahin ang aking website http://misteryolohika.tripod.com.

Source: http://www.religioustolerance.org/santa1.htm

Pagbabago sa Planeta, Di Dapat Ipagwalang-bahala

2007-12-10T23:10:00.000-08:00

Maniwala man tayo sa hindi, nangyayari na ngayon ang masasabi nating mga pagbabago sa ating planeta na nagreresulta sa maituturing nang abnormal na temperatura, lakas ng bagyo, mga lindol at iba pa.

Samut-saring mga espekulasyon tuloy ang ating naiisip. May mga nagsasabi na ito daw ay tanda na ng papalapit nang katuparan ng mga sinaunang prediksiyon na posibleng magwakas na ang mundo lalu na at usap-usapan na ngayon ang sinasabing katapusan ng Mayan Calendar pagsapit ng Disyembre 21, 2012.

Ang petsang ito ay sadyang kinatatakutan dahil sa magkakaron ng mas matinding pagbabago sa ating planeta, dulot ng impluwensiya ng alignment ng ating mundo sa araw at sa kalagitnaan ng Milky Way Galaxy.

Kabilang sa matitinding epekto nito ay ang polar shifting kung saan ang North Pole at South Pole ay mapupunta sa Equator ng ating planeta, na ang mas matinding epekto ay ang pagbabago sa ating klima. At kung mangyari man ito ay isipin na lang po natin kung ano ang maituturing na worst-case scenario.

Ngunit, marami sa atin ang naniniwala na hindi mangyayari ang kinatatakutan ng lahat na tuluyan nang magwawakas ang buhay ng tao sa planetang ito dahil sa buo ang ating tiwala sa Diyos na hindi nito kailanman sisirain ang kanyang nilikha.

Bagaman, masasabi nating hindi maaaring sirain ng Diyos ang kanyang nilikha sa planetang ito, ngunit mahirap tanggapin ang katotohanan na ang mga nangyayari sa planetang ito ay epekto na rin ng impluwensiya ng anumang “normal” na kaganapan sa mga planeta sa ating Solar System at anumang mga pangunahing kaganapan sa kalawakan.

Sinasabi kong normal dahil sa aking personal na paniniwala batay na rin sa pag-aaral ng mga siyentista, ang mga nangyayari sa ating kalawakan ay natural dahil sa ang ating Universe ay parang tao na may normal ding buhay na dapat niyang gampanan na kapag hinadlangan mo ay baka lalu pang magiging mas malala ang epekto.

Bukod sa planetary alignment ay meron ding matatawag na comets alignment tulad na lamang ng alignment ng tatlong kometa – 17P/Holmes, 8P/Tuttle, at Boattini na inaasahang magaganap sa darating na Disyembre 18-31 2007.

Ayon sa pag-aaral ng mga astronomer, ang ganitong alignment ng mga comet ay hindi dapat na ipinagwawalang bahala dahil sa posibleng masamang epekto nito sa ating planeta, kung anuman ang impluwensiyang dulot nito.

Napatunayan na ang matinding impluwensiya ng comets alignment na ito noong Disyembre 26, 2004 nang magkaroon ng lindol at tsunami sa Indonesia na kumitil ng libu-libong buhay noon.

Harinawa ay hindi mangyari ang mas matinding epekto ng alignments na ito sa ating planeta, gayunpaman, kailangang maging handa tayo sa anumang magiging kaganapan.

Mainam na samahan natin lagi ng panalangin na kung sakali mang di maiwasan ay wala sanang buhay na madadamay at kung di maiwasan na may mamatay ay hindi sana higit pa sa bilang ng mga namatay sa mga naunang kalamidad.

Para sa inyong mga katanungan at suhestyun, mag-text sa 09167931451. Mag-email sa misteryolohika@gmail.com at bisitahin ang aking website http://misteryolohika.tripod.com.#

Kapangyarihan ng Dasal

2007-11-26T23:27:00.001-08:00

Bagaman marami sa atin ang naniniwala sa kapangyarihan ng panalangin o dasal, iilan lamang sa atin ang tila ayaw maniwala na ang isang kaganapan ay resulta ng taimtim na panalangin.

Maraming ibat-ibang klase ng dasal at ito ay depende sa nakagisnang relihiyon o paniniwalang-espiritwal, ngunit anupaman ang pamamaraan ng panalangin o pagdarasal, ang pinakamahalaga dito ay ang intensiyon o layunin kung para saan ang iyong taimtim na panalangin.

Karaniwan sa ating pagdarasal ay humihiling tayo ng isang bagay o isang sitwasyon na makatutulong sa ating sarili, sa ating pamilya, sa ating komunidad at sa ating bansa sa pangkalahatan.

Ngunit, batay naman sa testimonya ng maraming taong nakaranas na, mas mabuti ang pagdarasal ng pasasalamat o prayer of gratitude dahil sa ang ganitong pamamaraan ng panalangin ay isang napakapositibong dasal dahil sa hinuhubog mo na sa iyong isipan na ang lahat ng iyong kahilingan ay naganap na, nagkatotoo na at naisabuhay na sa materyal na mundo natin.

Karaniwang tanong sa akin, kung yun bang paulit-ulit na dasal tulad ng orasyon ay maituturing na mabisa o matindi ang dating dahil sa katwiran ng iba na hindi naman dapat na ulit-ulitin dahil sa pabirong baka makulitan ang Diyos ay hindi niya ipagkakaloob ang kahilingan.

Sa totoo lang, una, wag na natin isipin na parang isang tao ang Diyos na nakukulitan o nabibingi sa ating mga panalangin, hindi po natin siya maaaring ihambing sa ugali ng tao dahil sa walang hanggan ang kanyang kabaitan, pang-unawa at pagmamahal. Pangalawa, ang panalangin na paulit-ulit tulad ng orasyon (novena) ay isang paraan para mahubog na mabuti ang layunin ng dasal na iyon na nasa iyong isipan. Ang paulit-ulit na pagbigkas sa dasal ay nakapagbibigay ng matinding enerhiya o lakas para ito ay maisakatuparan.

May tanong din na yun bang dasal na nasa wikang-Latin o anupamang mahiwagang mga kataga ay mas makapangyarihan kesa sa karaniwang mga dasal ngayon na isinalin na sa ating kasalukuyang wika. Ang katwiran naman dito, mas mainam na naiintindihan mo ang dasal na binibigkas mo kesa naman sa hindi baka naman ang dasal na yun ay nakatuon na pala sa kampon ng kadiliman.

May katwiran ang isang rason na mas mainam na bigkasin ang dasal sa salitang nauunawaan natin dahil sa alam natin kung kanino at kung ano ang layunin ng panalangin na iyon.

Ngunit, subok na sa mga pamamaraang-espiritwal (pagpapalayas sa mga espiritu) maging sa mga ritwal pangrelihiyon na ang mga dasal na ang gamit ay Latin at iba pang mahiwagang kataga ay napakamakapangyarihan dahil sa ang mga ito ay ginamit na mula pa sa sinaunang panahon. Ang mga dasal na ito ay maituturing na nakapagbuo ng malakas na enerhiya sa kabilang dimensiyon dahil sa ginamit na ito ng mga sinaunang mga lider-espiritwal o relihiyon na ang iba ay talagang naiangat na sa mas matataas na antas ng espiritwal sa kabilang buhay.

Para sa inyong mga katanungan at suhestyun, mag-text sa 09167931451. Mag-email sa misteryolohika@gmail.com. Bisitahin ang aking website http://misterolohika.tripod.com at http://misteryo.multiply.com. #

Mga Ebidensiya ng Kabilang Dimensiyon

2007-11-19T20:26:00.000-08:00

Sa kabila ng modernong panahon ngayon, unti-unti na tayong nagigising sa katotohanan na totoong merong kabilang dimensiyon dahil sa mga karanasan na noong una ay akala natin pawang resulta lamang ng malikot na imahinasyon o kaisipan ngunit yun pala ay may katotohanan.

Tulad na lamang ng pagpaparamdam at pagpapakita ng mga nilalang sa kabilang dimensiyon ay maituturing kong isang matibay na ebidensiya na kahalubilo natin sa pisikal na daigdig na ating ginagalawan ang mga nasa kabilang daigdig.

Anu-ano ba ang mga nilalang na ito na nasa kabilang dimensiyon? Kabilang sa mga nilalang na ito ay ang mga elemento (engkanto, duwende, diwata at ibapa), kaluluwa (mga sumakabilang buhay na tao), ekstra-terestriyals (humanoid, reptilian, mammalian at iba pa), at matataas na mga espiritu (anghel, santo, at iba pa).

Bagaman magkakaiba sila ng antas sa kabilang daigdig dahil depende ito sa kanilang kamalayan (consciousness), silang lahat ay merong kakayanan na makipag-ugnayan sa atin sa pisikal na daigdig.

Marami sa ating mga kababayan ang meron mga karanasan na kahulibilo natin ang mga nasa kabilang dimensiyon. Hindi ba’t may mga nabalitaan tayong ang mga sumakabilang buhay na tao ay nagagawa pang mag-text sa kanilang naulila? Ang ibang kaso naman ay nililigawan ng mga engkanto tulad ng kapre, duwende at iba pa. May kaso naman akong hinawakan na direkta siyang nakikipag-ugnayan sa mga ekstra-terestriyal sa pamamagitan ng mga mukha sa kanilang dingding, samantalang ang iba naman ay ang direktang pakikipag-ugnayan sa mga anghe at iba pang matataas na espiritu tulad ng mga santo hanggang sa Poong Lumikha ng lahat.

Narito ang ilan sa mga text ng mga kababayan natin nang talakayin ko nung Sabado ang kaso ng isang babae na araw-araw na nilang kasama sa bahay ang mga nilalang sa kabilang dimensiyon.

· Lam nyo we experience ung presence ng elementals na nakuha talaga sa celfone camera ng nephew ko. Ang itsura nila ay tumutugma sa karaniwang pinapakita sa TV na maliit, matulis na matangos ang ilong at orange ang kulay ng t-shirt.

· Ano ho bang ibig sabihin ng palagi nakakakita ng mga bungo at mga ibat ibang pigura ng mukha ng tao kahit pumunta ako ng maynila nakkita ko ang ganoon madalas mag appear sa CR at sa sahig sa dingding at sa curtina mula pa taon 2000- Gusto ko rin po mabuksan ang 3rd eye ko- ELSIE ng Sorsogon City

· Sir ray ano po b ibig sbhin ang may nagdridribol s kwarto na wla nman tao

· Na2ginip po ako na nasa lugar na puro color BLUE. No trees,people.etc pag gising ko may Blue sa hinlalaki ng paa ko. Ano ang meaning nun?-kim 14 of pampanga-

· Nakakita ako dito sa artessian well namin tabi ng poso may nakatayo nakasuot na puti bigla nawala may mga nararamdaman din ako sa bahay namin palagay ko good spirit sila kasi mabait lagi may money ako.

Sari-saring karanasan ng ating mga kababayan na pawang ebidensiya na meron talagang kabilang dimensiyon.

Kung meron kayong mga kakaibang nararamdaman sa inyong bahay at lugar na pinupuntahan, mangyaring ibahagi niyo sa inyong lingkod. Kung meron kayong mga larawan o video ng mga kababalaghan na ito ay makipag-ugnayan sa inyong lingkod mag-text sa 09209386533. Email: misteryolohika@gmail.com. Bisitahin ang aking website http://misteryolohika.tripod.com. #

Peke o Totoo?

2007-11-13T04:25:00.000-08:00

Peke o totoo? Ito ang lagi nating tinatanong kapag nakakita tayo ng mga larawan at video ng mga multo o espiritu. Ngunit meron tayong laging nakakaligtaan na isipin at pagnilayang mabuti, kung ano ba ang mga mensahe na gustong iparating sa atin ng mga nasa kabilang dimensiyon.

Marami nang mga artikulo at mga dokumento tungkol sa manipestasyon ng mga nilalang sa kabilang dimensiyon ang magpapatunay na sila ay totoo, ngunit dahil sa impluwensiya ng negatibong paniniwala natin sa mga multo at espiritu ay binabalewala natin.

Nitong nakalipas na Undas o kapiyestahan ng mga Kaluluwa ay naging tampok na naman sa mga artikulo sa diyaryo at mga palabas sa telebisyon ang hiwaga ng kabilang buhay at samut-saring mga kuwento.

Bagupaman ang Undas ay nakapanayam din ako ng mga TV network at iba pang grupo tungkol sa mga kababalaghan sa mga larawan sa pagpapakita ng mga multo, pakikipag-ugnayan ng mga elemento o engkanto sa mga tao at maging ang ugnayan sa atin ng mga taga-ibang planeta na kilala sa katawagan na ekstra-terestriyal.

Ang napapansin ko lang sa mga ginawang panayam sa akin, ang laging direksiyon ng tanong ay kung totoo bang may mga multo, elemento at mga ekstraterestriyal? At ang matindi pa nito merong mga grupo na pilit na ginagawan ng paraan na pabulaanan ang mga totoong manipestasyon.

Sa aking personal na pananaw, bagaman totoong merong mga computer software na ginagamit para dayain ang mga larawan at palalabasin na merong multo o kababalaghan, mas marami pa ring mga larawan at mga video ang masasabi kong totoo at hindi dinaya ng makabagong teknolohiya.

Lalu na at may mga manipestasyon na kahit anong paraan pa ang gawin ay hindi kayang kopyahin sa pamamagitan ng mga makabagong teknolohiya, dahil sa ang tunay na pagpapakita ng mga espiritu, multo man yan, anghel, elemento o ekstraterestriyal ay masasabi kong naiiba.

Ang nais ko lang naman na bigyan diin na kapag tayo ay pinagpakitaan ng mga nilalang na ito sa kabilang dimensiyon, personal mang nagpakita sa atin o sa pamamagitan ng larawan at video, alamin natin ang mga mensahe nila sa ating buhay.

Maaaring meron silang nais sabihin sa atin na makatutulong sa atin, o di man kaya ay sila ang nangangailangan ng tulong natin lalu na ang mga ligaw na kaluluwa na gumagala sa ating paligid.

Maaaring nais nilang sabihin na andyan lang sila sa ating tabi lalu na ang mga namayapa nating mahal sa buhay o kundi man ay nangangailangan ng mga mas eskpertong tulong para na rin sa kanilang ikatatahimik.

May mga manipestasyon na napagkakamalan nating multo ang ibang nilalang na nasa mas mataas na antas sa kabilang dimensiyon kabilang na ang mga anghel. Kung kayat sadyang napakahalaga na alamin natin kung sila ba ay kaluluwa o ibang nilalang tulad ng anghel. At yan ay mapatutunayan natin kung ano ang mensahe na maaaring nais nilang iparating sa atin.

Kung mga elemento man yan tulad ng mga engkanto (kapre, duwende, diwata at iba pa), mahalaga ring alamin natin kung ano ang nais nilang iparating sa atin maaaring mahalaga rin ang mensahe na nais nilang sabihin.

Gayundin ang mga Ekstra-Terestriyal, mahalaga ring alamin natin ang mga mensahe at hindi yung tayo ay tutunganga lamang sa isang tabi at pinapanood natin sila tulad ng mga UFO sighting.

At ang maituturing kong pinakamahalaga sa lahat na dapat nating pakinggan sa bawat segundo ng ating buhay ay – ang Poong Maykapal, ang lumikha sa lahat hindi lamang sa planetang ito, hindi lamang sa pisikal na daigdig kundi sa buong kalawakan at sa lahat ng antas ng kabilang dimensiyon o kabilang buhay.

Para sa inyong nais na ibahaging karanasan at mga katanungan, mag-text sa 09209386533, mag-email sa misteryo_lohika@yahoo.com. Bisitahin ang aking website: http://misteryolohika.tripod.com.

Mga Karanasan sa UFOs

2007-11-05T13:46:00.000-08:00

Sa aking programang Misteryo noong Sabado (Oktubre 27, 2007) na napapakinggan tuwing Sabado sa dzRH tungkol sa pagpapakita ng mga tinawag nating UFO o Unidentified Flying Object, marami sa mga kababayan natin ang naghayag ng kanilang mga karanasan.

Ito ay patunay na maraming insidente ng pagpapakita ng mga UFO sa ating mga kababayan ngunit iilan lamang sa mga ito ang lumalantad at sinasabing sila man ay merong ganitong karanasan na karaniwan nang nagaganap sa ibang bansa.

Kung ano ang mga pangunahing dahilan at bakit marami ang ayaw magsabi ng kanilang karanasan ay sa pangambang baka sila ay bansagang baliw mo nananaginip lamang, o di man kaya ay namamalikmata lamang ang mga ito.

Ang matindi pa nito ay bihira lamang kundi man wala sa ating mga kababayan ang matiyagang nakikinig sa testimonya ng mga taong merong direktang karanasan sa mga nilalang na tinatawag nating Ekstra-Terestriyal (ET) na silang karaniwang sakay ng mga makabagong sasakyang pangkalawakan o UFO.

Tulad ng naging karanasan ni Tony Israel na nagsimula pa noong taong 2000 sampu ng kanyang mga pamilya at mga kapitbahay sa Las Pinas ay hindi maitatangging totoo dahil sa nakunan pa niya ito ng video na ang kopya ay ibinigay sa inyong lingkod.

Hindi lamang isa kundi maraming UFO ang kanilang nakita noong gabi ng Setyembre 3, 2000 na noong una ay animo’y mga bituin lamang sa kalawakan, yun pala ay mga sasakyang pangkalawakan ng mga kakaibang nilalang.

Sa takbo ng aming usapan ni Ka Tony ay dito na nahimok ang ilan nating kababayan para ibunyag din ang kanilang mga karanasan sa mga UFO.

Mrs. Evangelista ng Palawan: Noong grade 1 po ako, may nakita po akong maliit na animoy plane kulay gold na lumilipad sa ilalim ng mga niyugan.

Lyndon ng Dagupan City: May nakita rin ako na ilaw sa kalawakan na napakabilis pero walang ingay na nagdaan sa bubong ng bahay namin. ufo ba yon? dalawang beses ko ng nakita ito sa taong ito.

Nenita Pujalte ng Princesa City: Nakakita rin ako noong 1972 mga 10 ng gab i malaki bilog maliwanag lumapag sa tabi ng bundok mga 4 km away from my house tumigil ng mga 5 minutes ngunit walang sound at umalis one direction ang movement mailaw palit palit ang liwanag.

Tony: Taong 989 o 1990 nakita ko maraming ilaw sabay- sabay sila mga 20 palapag ang taas walang ingay di tulad ng eroplano.

Brenner: I too saw a ufo aboutt 3oclock in the afternoon in about 2001. Its about one km above our house, saucer type and its multi colored belly was rotating. It was stationary and very long.

Buat Mangambit ng Pagalungan, Maguindanao: Nakakita ako ng parang ilaw ng eroplano sa madaling araw, pero walang andar (ingay, tunog) napakababa ang lipad, ano kaya yun.

Kung sa akala po ninyo ay may karanasan kayo sa mga UFO at meron kayong video o litrato man lang ay mangyaring mag-text sa 09286209127, mag-email sa misteryo_lohika@yahoo.com. Bisitahin ang aking website: http://misteryolohika.tripod.com.#

Mga Mensahe, Unawain

2007-10-29T02:49:00.000-07:00

Habang umuusad ang ating panahon at nagiging mas makabago pa ang teknolohiya ng tao, sumasabay pa rin sa pagbabagong ito ang aspekto ng ating espiritwal at dumarami na ngayon ang mga nakakaranas ng mga kababalaghan sa kanilang buhay na kahit na balewalain natin ay nandyan pa rin.

Ang tinutukoy ko ay hindi lamang ang pagpaparamdam at pagpapakita ng mga espiritu sa ating pang-araw araw na buhay, kundi maging ang mga kaganapan sa ating buhay na palagi nating isinasaisip na nagkataon lamang.

Ang ganitong mga kaganapan itanggi man natin sa hindi ay resulta ng ating sariling kagustuhan sa pamamagitan ng ating isipan, bagaman ang iba ay biglang dumarating sa ating buhay na ni minsan ay hindi naman naisip na mangyari.

Para sa karamihan, sadyang mahiwaga ang buhay natin sa mundong ito, ngunit kung lilimiin nating mabuti, lahat ng mga nagaganap sa ating buhay ay merong magandang resulta sa ating buhay at kung bubuksan lamang natin ang ating isipan ay wala naman talaga misteryo o hiwaga sa buhay ng tao – lahat ay normal.

Kahit gaano pa kapangit o kasama sa paningin natin o sa tingin ng iba ang isang kaganapan ay makikita pa rin natin na meron itong magandang epekto sa ating buhay, kung kaya’t ang lagi kong paalala, tignan ang positibong epekto ng lahat.

Ang mga nilalang sa kabilang buhay o dimensiyon, kaluluwa man yan, anghel man yan, engkanto at ekstra-terestriyal, lahat ng mga espiritu ay merong mga mensahe sa atin ngunit depende yan sa kundisyon ng ating kaisipan.

Kung ang kundisyon ng ating puso’t isipan ay nakatuon sa pangit na pananaw ng buhay ay negatibong pwersa ang lalapit sa iyong buhay na ang resulta ay masamang kapalaran, ngunit, kung positibo at magagandang layunin ang laging naiisip sa kabila ng mga sakripisyo at paghihirap ay tiyak na merong magandang kinabukasan na patutunguhan, ito ang kasabihan na “like attracts likes.”.

Kaya’t mahalagang maging sensitibo tayo, talasan ang ating pakiramdam, paningin at isipan sa anumang mga mensahe na dumarating sa ating buhay, lahat ng yan ay merong mahalagang papel sa ating buhay.

Tulad na lamang ng pakikipag-ugnayan natin sa Poong Maykapal, karamihan sa atin ay nagdarasal laging humihingi ng tawad at pagpapala sa Diyos, at laging naghihintay ng katugunan mula sa Kanya.

Karamihan ay nais na makita ng mga mata natin kung ano ang katugunan mula Diyos “to see is to believe” ika nga, ngunit sa totoo lang nung oras na ikaw ay nanalangin at nakipag-ugnayan sa Kanya ay meron na agad Siyang katugunan.

Sa unang pagkakataon kapag hindi mo naunawaan ang mensahe ay hindi titigil ang Diyos sa pagsasabi sayo ng Kanyang katugunan, hanggang sa umabot sa puntong maunawaan mo na.

Naranasan niyo bang isang araw may wish kayo ay bigla niyo na lamang nakita ang katugunan sa inyong kahilingan habang kayo ay naglalakad sa kalye, at kitang kita ng dalawa mong mga mata ang napakalaking kataga o di man kaya ay paulit-ulit mong naririnig ang mensahe mula na mismo sa mga taong nakapaligid sayo.

Kung kaya’t ang lagi kong sinasabi na kapag nanalangin tayo sa Poong Maykapal ay magpasalamat na tayo dahil “affirmation” na yun kumbaga ay tinanggap na natin ang naging katugunan Niya sa ating kahilingan, ngunit kadalasan sa maraming pagkakataon ay nababalam ang katuparan ng lahat, marahil sayo din ang problema tulad ng pagdududa at mga maling desisyon.

Mahalagang pakinggan natin ang mensahe hindi lamang mula sa Diyos kundi maging ng iba pang nilalang na makatutulong sa atin, basta magtiwala lamang tayo sa ating sariling kakayanan, ngunit kahit na madapa man tayo sa landas na ating tinatahak ay marami pang pagkakataon sa ating buhay – MANALIG LAMANG TAYO!

Para sa inyong mga katanungan at suhestyun, mag-text sa 09286209127. Mag-email sa misteryolohika@gmail.com. Bisitahin ang aking website http://misteryolohika.tripod.com/.#

Pagsabog sa Glorietta, Nakita Bago Nangyari

2007-10-22T02:46:00.000-07:00

Marami sa atin ang meron kakaibang kakayanan sa pag-iisip o mind power na maituturing na di-pangkaraniwan sa karamihan. Bagaman ang iba mula pagkabata ay kanilang natuklasan ang kanilang kakaibang abilidad tulad ng pagkakita sa mga mangyayari pa lamang na kilala sa tawag na “precognition”, ang iba naman ay kamakailan lamang nila natuklasan o dumating sa kanilang buhay.

Ngunit gusto kong linawin na ang bawat isa sa atin ay merong abilidad ngunit kung ano man ito ay depende sa antas ng ating kaisipan at kung ano ang maituturing nating naka-atang na tungkulin na dapat gampanan sa mundong ito.

Dahil dito, mawawala na ang luma nating paniniwala na ang mga maituturing nating pambihirang abilidad ay para lamang sa mga iilan na itinuturing din nating mga espesyal na nilalang sa mundong ito.

Sa totoo lamang lahat ng nilalang ng Panginoong Diyos ay espesyal sa Kanya kung kaya’t lahat ay mayrong espesyal na abilidad at tungkulin o misyon na dapat na maisagawa sa daigdig na ito.

Tulad na lamang ng abilidad na prekognisyon (precognition-halaw sa salitang latin “prae- prior to” at cognition “getting to know”), kung tatalasan lang natin ang ating pakiramdam at pag-iisip ay malalaman natin agad bagupaman mangyari ang isang insidente.

Ngunit dahil sa masyado tayong abala sa pang-araw-araw nating ginagawa lalu na sa usaping materyal ay hindi natin nagagamit ang ganitong abilidad kung kaya’t hindi natin nasasagap ang mga mensahe o impormasyon na maaaring makatulong sa atin at maligtas sa anumang kapahamakan.

Bagupaman nangyari ang pagsabog ng bomba sa isang mall sa Makati, tiyak kong marami sa atin ang nakasagap ng mga babala o mensahe ngunit iilan ang nakapakinig at naunawaan na ganito nga ang maaaring maganap.

Isang kababayan natin ang nagulat nang mangyari ang kakila-kilabot na trahedya sa Glorietta nang biglang sumambulat ang isang napakalakas na bomba na kumitil sa buhay at ikinasugat ng maraming inosenteng mamamayan.

Sa testimonya ng isa nating kababayan na itago natin sa pangalang Gemini, mga apat na linggo na ang lumipas nang bigla siyang managinip ng isang trahedya na hawig sa nangyaring pambobomba sa Glorietta Mall.

“Kitang-kita ko ang aking sarili sa isang mall na namamasyal nang bigla akong makarinig ng malakas na pagsabog at kasunod nito ang nakaririnding hiyawan, sigawan ng maraming tao at nag-uunahan na makalabas ng makipot na pintuan ng gusali. Nakita kong maraming tao kabilang na ang mga kabataan, at bata ang tila’y nakulong sa naturang pagsabog. Ang iba ay nag-iiyakan at humahagulgol sa sugat na kanilang tinamo samantalang ang iba naman ay nakahandusay na tila wala nang buhay. Hindi ko nakayanan ang aking nakita kung kaya’t ako ay umiiyak din hanggang sa ako ay magising. Laking pasalamat ko sa Diyos akala ko ay totoo yun pala ay panaginip lang. Ngunit nagulat na lamang ako na magkakatotoo ito sa tunay na buhay. May ilang mga malalapit na kaibigan akong nasabihan sa aking nakita sa panaginip ngunit ilan lamang sa kanila ang nakinig. ”

Maaaring ang karanasan ni Gemini ay naranasan din ng ibang sensitibong tao ngunit hindi lamang pinansin ang mensahe sa katwirang ito ay panaginip lamang o masamang pangitain. Ngunit sa kanyang panig bilang isang indibidwal ay meron siyang nasabihan bagaman hindi ito agad na pinaniwalaan hanggang sa mangyari ang kanyang nakita o napanaginipan sa katotohanan.

Ang lagi kong payo, anuman ang inyong makita sa inyong panaginip o bigla lang kayong naidlip at may nakita kayong pangyayari o insidente ay marapat na isulat ito lalu na pag malinaw na malinaw ang buong detalye ng anumang trahedya.

Para sa inyong mga katanungan at suhestyun, mag-text sa 09286209127. Mag-email sa misteryolohika@gmail.com. Bisitahin ang aking website http://misteryolohika.tripod.com.#

Sama ng Panahon O UFO?

2007-10-15T06:14:00.000-07:00

Bilang isang mananaliksik ay gusto kong busisiin ang mga di-pangkaraniwang pangyayari tulad na lamang ng masasabi kong abnormal na biglang paglaki ng alon na sumira sa daan-daang kabahayan sa baybayin ng Occidental Mindoro, at tumama din sa mga dalampasigan ng Batangas at Cavite noong Oktubre 2, 2007.

Bagaman itinuturing ng mga kinauukulan na isang natural na pangyayari dulot ng kalikasan ang biglang pagtaas ng alon sa karagatan nung gabi ng Lunes, meron namang teyorya na posibleng merong kakaibang dahilan kung bakit ito nangyari – at ito nga ay posibleng pagbagsak ng Unidentified Flying Object o UFO.

Lingid sa ating kaalaman, di maiwasang mangyari ang ganitong insidente ng pagbagsak ng mga UFO sanhi ng manaka-nakang labanan sa dimensiyon ng mga ekstra-terestriyal.

Bagaman, may ganitong teyorya, minabuti nating makuha ang paliwanag ng mga siyentista tungkol dito at sinabi nila na ang biglang pagtaas ng alon ay dulot ng tinawag nilang “storm surge” o ang nagsalubong na pwersa ng bagyong Hannah at ang banta ng sama ng panahon ng bagyong Ineng.

Ngunit kung natural lamang na resulta ng sama ng panahon ang biglang paglaki ng alon ay nagtataka ang mga residenteng apektado sanhi ng wala namang malakas na bayo ng hangin o buhos ng ulan nang ito ay nangyari.

Madaming kabahayan sa Sta. Cruz, Occidental Mindoro ang nawasak nang salpukin ng malalaking alon mula sa karagatan na nakaapekto rin sa mga baybaying dagat sa Mamburao at mga karatig lugar, maging sa mga lugar sa mga lalawigan ng Batangas at Cavite.

Lubhang nagtataka ang mga residente kung bakit biglang tumaas ang alon samantalang wala namang nangyaring paglindol sa karagatan o di man kaya ay babala ng tsunami sa karagatan.

Ilan sa mga natanong kong mga sensitibong tao (psychics) at channels ang nagsabing posibleng may bumagsak nang kung anung bagay sa dagat na lumikha ng biglang paglaki ng alon, ngunit hindi rin ako agad naniniwala dito dahil sa kailangan ko pang suriing mabuti ang tunay na nangyari.

Bagaman, siyempre bilang isang ordinaryong mamamayan at hindi ko naman itinuturing ang sarili ko bilang otorisado na magdeklara ng anuman tungkol sa nangyari, ngunit alinsunod sa aking nakalap na impormasyon, maaaring UFO ang bumagsak sa bahaging iyon ng South China Sea malapit sa baybayin ng Occidental Mindoro, Cavite at Batangas.

Isang psychic na si Joyce ng Laguna ang natanong ko tungkol dito at ganito ang kanyang nakita nang sinikap niyang i-focus o remote viewing ang bahaging yun ng karagatan.

“Malakas ang current ng tubig pababa sa ilalim ng dagat. May kung anong pabilog na bagay ang nakita ko na parang yun ang cause ng current. Yun ang bumaba sa ilalim kaya nagkaroon ng current. May nakita akong parang ipu-ipo under the sea lagpas pa sa sea mantle sa pinakailalim ng lupa ng dagat dun pababa. Ipu-ipo palagay ko yung UFO ang nilamon ng dagat. Malaki. Bandehado ang shape ng UFO. Hindi ko lang masyado makita, madilim ng makita ko ang antenna. Nakita ko lang maliit na ng lamunin ng dagat”

Kung inyong matatandaan, noong Enero 23, 2004 meron ding katulad na phenomenon ang nangyari sa karagatan na tumama sa baybayin ng La Union, kung saan nasa 194 na mga mangingisda sakay ng kani-kanilang mga bangka ang hinampas ng malalaki at malakas na alon at napadpad sila sa mga dalampasigan ng Pangasinan at ang iba ay sa lalawigan ng Ilocos Sur.

Pareho din ang naging paliwanag tungkol dito ng PAG-ASA sa phenomenon na nangyari sa Mindoro na ang malalaking alon ay sanhi ng masamang kalagayan ng panahon na ang eksaktong pagkakasabi ay “north east monsoon na pinalakas pa ng tail end ng cold front na nakaapekto sa naturang lugar.”

Ngayon, hindi ko sinasabing totoo ang nakita ng psychic sa pagbagsak at paglubog ng UFO sa gawing yun ng Mindoro na nagresulta sa malalaking alon ngunit mainam na maging bukas ang ating isipan, at meron naman tayong kalayaan na alamin ang katotohanan tungkol dito lalu na kapag di kayo kumbinsido sa paliwanag ng mga siyentista. #

Dapat Bang Sisihin ang Diyos?

2007-09-24T07:12:00.000-07:00

Dapat bang sisihin ang Diyos sa mga kalamidad, terorismo at iba pang kamatayan sa mundong ito? Ang tuwiran kong sagot sa katanungan na ito ay HINDI! Hindi dahil sa Diyos Siya at malaki ang utang na loob natin sa Kanya na lumikha sa atin, kundi dahil sa wala talaga Siyang dapat na panagutan sa mga nangyayari sa atin dito sa lupa.

Bagaman may punto sa kanyang akusasyon ang isang senador ng Estados Unidos, na bilang Diyos hindi dapat nito pinababayaan ang Kanyang mga nilikha na magdusa, maghirap at mamatay, ang akin namang nais na bigyang diin ay oo nilikha nga Niya ang buong sanlibutan ngunit binigyan naman Niya tayo ng kalayaan na mahalin, pangalagaan at proteksiyunan ang buhay na ipinagkaloob sa atin.

Umani ng ibat-ibang reaksiyon ang hakbang ni Nebraska State Senator Ernie Chambers nang pormal itong magharap ng reklamo laban sa Diyos sa Douglas County court dahil sa responsable ito sa mga nangyayaring kalamidad, terorismo at iba pang kamatayan ng mamamayan sa mundong ito.

Ikinatwiran ni Chambers, bilang Diyos dapat lamang Siyang sisihin sa mga masasamang pangyayari sa buhay ng tao dahil sa hindi Niya ginagampanan ang kanyang responsibilidad bilang Diyos na pangalagaan ang buhay na Kanyang nilikha.

Si Chambers ay kilalang salungat sa turo na may Diyos ngunit sa kanyang tinuran ay tila maging siya ay naniniwalang merong Diyos na lumikha sa lahat sa buong kalawakan o universe.

Ang naging aksiyon ni Chambers ay agad namang sinagot ng “Diyos” nang biglang may lumagpak na mga dokumento sa mesa ng clerk of court ng Douglas County. Hindi lamang isa kundi dalawang dokumento na nagsasabi kung ano ang maaaring nasa damdamin o isipan ng Diyos ayon sa mga naniniwala sa Kanya.

Binigyang-diin ng “Diyos” na hindi Siya dapat sisihin sa mga nangyayaring kalamidad, pagkakasakit, terorismo at kamatayan ng Kanyang nilikha dahil sa lahat ng Kanyang nilalang ay binigyan niya ng kalayaan na mabuhay, mag-isip at umaksiyon para bigyang halaga ang buhay, mahalin at proteksiyunan ito.

Ang tinukoy sa umano’y sagot ng Diyos ay ang ipinagkaloob Niya sa ating FREE WILL, na para sa aking personal na pananaw ay siyang maituturing na pinakamahalagang regalo bilang Kanyang mga nilikha.

Dahil sa free will na yan ay kayang baguhin ng tao ang kapalaran o destiny nito sa hinaharap ngunit sa dalawang direksiyon – mabuti o masama. Oo, ang bawat nilalang ay merong kapalaran na itinakda sa kanyang buhay ngunit magaganap lamang ito batay sa nais ng may buhay kung gusto niyang maging maganda at kumplikado ang buhay.

Kung anuman ang nangyayari sa ating buhay ngayon tulad ng mga kalamidad, terorismo at iba pang maramihang kamatayan ng tao ay tayo rin ang may gawa. Sa paanong paraan? Tignan po natin ang pagbabago sa ating klima o panahon tulad ng global warming. Hindi po ba yan ay resulta ng naging pang-aabuso natin sa kalikasan? Ano naman ang nagtulak sa mga taong tinawag nating terorista para maghasik ng karahasan? Hindi po ba ito ay gawa rin natin bilang tao dahil sa maling mga desisyon ng pamahalaan kung paano pakitunguhan ang ibang lahi at hindi kauri.

Para sa inyong mga katanungan, mag-email sa misteryolohika@gmail.com. Bisitahin ang aking website: http://misteryolohika.tripod.com. Mag-chat tayo, ang ym-id ko misteryo_lohika@yahoo.com. #

Mga Karanasang Paranormal

2007-09-10T00:17:00.000-07:00

Bawat isa sa atin ay merong karanasang paranormal. Ito ay sa kabila ng nakagisnan nating kaisipan na hindi ito dapat paniwalaan sanhi ng impluwensiya ng relihiyon na ating kinaaniban.

Ngunit mahirap ipagwalang bahala lamang ang mga kakaiba nating karanasan tulad ng pagkakita at pagkaramdam sa multo o anumang espiritu, at ang mga pangyayaring akala natin ay nagkataon lamang ngunit sa katotohanan ay hindi.

Narito ang ilan sa mga karanasan at katanungan ng ating mga kababayan tungkol sa paranormal.

Liza ng Sta. Rosa, Laguna: Tanong ko po kapag kinikilabutan ka na kabilang braso at may malamig na humipo at parang may anino na tumatakbo sa likod ko ano po yon may nakatira po ba sa bahay ko? Kasi gabi na kami nauwi araw walang tao.

RS: Totoong merong ibang nilalang sa inyong bahay kapag ganyan ang inyong nararamdaman. Ang pagtayo ng balahibo na para bang may sapot ng gagamba o malagkit na enerhiya sa tabi mo ay tanda ng presensiya ng multo o espiritu. Karaniwan kapag walang tao sa bahay ay maaaring tirhan ng mga kaluluwa.

Magie ng Nueva Ecija: About reincarnation. Noon pong buhay pa sila na kapamilya ko ay malimit silang mag-argumento. Bakit kahit na ngayong namayapa na sila ay nagawa pa nilang magre-incarnate sa mga mahal nila . Mahal ko sila kapwa. Panu po ba sila mapagkasundo?

RS: Batay sa aking nalalaman, hindi reinkarnasyon ang sinasabi mo kundi ito ay manipestasyon ng mga namayapa mong kamag-anak. Dalawang bagay ang maaaring paliwanag ko sa mga posibleng nangyayari sa inyong bahay o lugar na sa akala mo ay kagagawan ng mga namayapa mong kamag-anak. Una, maaaring multo nila ang nasa likod ng mga manipestasyon tulad ng sinasabi mong argumento nila o pagtatalo. Maaaring naririnig mo sa dis-oras ng gabi ang kanilang mga boses o mga pagtatalo. Pangalawa, posibleng ang mga boses o mga argumento na naririnig niyo sa inyong paligid ay ang enerhiyang nilikha rin mga namayapa mong kamag-anak ng sila ay nabubuhay pa. Para itong nai-record na pangyayari sa isang lugar at ang enerhiyang nilikha ay dumikit sa paligid at lalu pang lumalakas lalu na kapag walang katahimikan sa inyong bahay. Ito rin ang maituturing na isang dahilan ng pagkakaroon ng “poltergeist” o di matahimik na multo sa isang lugar na nakapagpapagalaw sa mga bagay at nakakapanakit sa mga taong nakatira.

Alex ng Cagayan de Oro City: I tried to meditate then para akong hinihigop what should i do? Kasi dumidilat na lang ako, I’m afraid baka di na ako magising.

RS: Wala kang dapat ikatakot sa naturang karanasan. Sa totoo lang para ka ngang mamamatay sa naturang proseso. Ang prosesong ito ay tinatawag naming na Out of Body Experience (OBE) – ang isang natural na kakayanan ng ating kaluluwa na lumabas sa ating katawan. Karaniwan itong napagkakamalan nating simpleng panaginip lamang ngunit sa totoo ay nasa labas ka ng iyong katawan. Sa aking personal na karanasan at ng iba pa ang OBE o Astral Projection/Travel ay karaniwan nating kakayanan ngunit kailangan lamang na wag matakot dahil sa ito rin ang maaaring maging dahilan ng ating kapahamakan tulad ng mga taong namamatay dahil sa bangungot.

Ilan lamang yan sa mga naidulog sa aking karanasang paranormal ng ating mga kababayan. Para sa inyong mga katanungan at suhestiyon, mag-text sa 09286209127. Mag-email sa misteryolohika@gmail.com. Bisitahin din ang aking website http://misteryolohika.tripod.com. #

Himala?

2007-09-03T23:23:00.000-07:00

Bagaman bawat segundo ng ating buhay ay may nagaganap na himala, iilan lamang sa atin ang nakapapansin nito dahil sa masyado tayong abala sa ating trabaho, sa ating pag-aaral at iba pang mga pang-araw araw na nating Gawain.

Maraming uri ang mga himala sa buhay ng tao. Unang-una ang ating buhay mula ng tayo ay gumising sa umaga hanggang sa tayo ay matulog sa gabi ay maituturing nating himala. Ang di inaasahang pagtulong ng ating kapwa sa atin ay masasabi nating himala. Ang pagkakasundo ng mga mag-kaaway ay himala. Ang paggaling ng isang taong may sakit ay himala. At ibat-iba pang himala na bagaman karaniwan na nating nararanasan sa araw-araw ay hindi na natin itinuturing na himala sa katwirang karaniwan na itong dumarating sa atin.

Ngunit paano kung ang materyalisasyon ng isang bagay mula sa kawalan ay naganap sa inyong buhay, masasabi ba ninyo itong himala? Tulad halimbawa ng biglang sulpot sa iyong harapan ng isang bagay na sa pagkakaalam mo ay imposible namang maganap.

Ganito ang naging karanasan ni Malou at kanyang mga kasamahan sa isang therapy center sa Paranaque City noong gabi ng Lunes, Agosto 20, 2007.

Pasado alas-7 ng gabi, katatapos lamang ng buong araw na pagsisilbi sa tao ang Dorn Method Back Pain Therapy Center sa Better Living Subdivision, Paranaque City nang unang mapansin ni Rose, secretary ni Malou ang isang kulay puting balahibo ng pakpak sa ibabaw ng susi ng sasakyan na nakapatong sa ibabaw ng mesa.

Bagaman, sa unang tingin pa lang nila ay nangilabot na sila dahil sa imposibleng magkaroon ng balahibo ng pakpak sa loob ng therapy center na dahil sa ito ay selyadong nakasara sanhi ng air condition ay wala naman silang alagang ibon o manok sa loob.

Nang hawakan ni Malou ang naturang balahibo ay nababalot pa ito ng mainit na enerhiya na kung iisipin natin ng lohika ay animo’y bagong pilas sa pakpak at damang-dama nilang lahat ang matinding kilabot ngunit masarap sa pakiramdam na enerhiya nang sumandaling iyon.

Iisa ang namutawi sa kanilang mga labi ng mga sumandaling iyon nang sila ay magtanong sa bawat isa kung saan nagmula ang balahibo ng pakpak – at ito ay mula sa pakpak ng anghel lalu na at bago nila simulan ang buong araw ng therapy ay nakaugalian na nilang magdasal sa Diyos at sa mga anghel partikular na kay San Miguel Arkanghel.

Bagaman sa kanyang paniniwala na ito ay mula sa isang anghel at malakas ang kanilang kutob na mula ito kay Arkanghel Miguel, minabuti ni Malou na sumangguni sa isang channel.

Ang Channel ay merong kakayanan na makipag-ugnayan sa mga nilalang sa kabilang dimensiyon o sa daigdig ng mga espiritu.

Nang taungin ng isang channel ang nilalang na maaaring pinagmulan ng naturang balahibo ng pakpak at kinumpirma nitong mula nga ito sa isang anghel, at ito nga ay si Arkanghel Miguel.

Maging ang inyong lingkod ay tumanggap din ng mensahe mula sa isang channel na ang naturang balahibo ay mula sa isang anghel, kung kayat maging ako ay kumbinsido tungkol dito.

Mahirap paniwalaan ngunit nagaganap ang ganitong materiyalisasyon ng mga bagay na sa akala natin ay imposibleng maganap. Ito ay kung buo ang ating paniniwala na kahit saan, anumang oras at panahon ay maaaring magkaroon ng itinuturing nating himala sa ating buhay.

Kung matuto lang tayo na isipin at tanggapin na maging ang ating buhay kahit gaano kahirap ay ituring nating isang himala ay di malayong maranasan natin ang ganitong kaganapan sa buhay ni Malou.

Para sa inyong mga katanungan at suhestyun, mag-text sa 09286209127, mag-email sa misteryolohika@gmail.com. Bisitahin ang aking website http://misteryolohika.tripod.com. May mga guided meditation at music din tayo na maaari ninyong magamit para sa inyong psychic development, at mga video na makatutulong sa inyong pansariling espiritwal na kaalaman.#

Guardian Angel, Paano Makausap?

2007-08-27T07:16:00.000-07:00

Bagaman, karamihan sa atin ay naniniwala na may kanya-kanya tayong guardian angel o anghel dela guardia, iilan lamang sa atin ang nagkakaroon ng pagkakataon na makausap ang ating anghel.

Ito ay dahil karaniwang hindi natin alam kung paano sila makakausap, at kalimitan kapag nagparamdam sila sa atin ay napagkakamalan nating sila ay multo o anumang espiritu na karaniwang kinatatakutan lalu na sa maling akala na sila ay kampon ng kasamaan.

Kapag ganun ang ating laging impresyon sa mga nilalang na hindi natin nakikita ay malabo nang magkaroon ng manipestasyon ang mga anghel lalu na ang bantay nating anghel sa ating buhay.

Ang aking laging suhestyun sa mga taong sumasangguni sa inyong lingkod tungkol sa mga espiritu at mga nilalang na hindi nakikita, kailangang alamin muna natin kung sino ang mga ito bago natin husgahan na sila ay mga kampon ng kadiliman o di man kaya ay mananakit sa atin.

Ang isa sa mga maaari nating palatandaan para malaman kung masama o mabuti ang espiritu o mga di nakikitang nilalang, ay ang mismong epekto ng kanilang manipestasyon.

Tulad halimbawa na kung palaging may away sa inyong bahay, may mga pasa o sugat ang kasambahay, at ang mga mensahe ay naguudyok ng galit o hinanakit sa kapwa, masasabi nating mga negatibo ang anumang nilalang o espiritu sa inyong tinitirhan.

Ngunit kung ang manipestasyon ng nilalang ay para sa pag-ibig, pagmamahal, kapayapaan at pagbibigay ng proteksiyon ay masasabi kong ang mga ito ay nasa pwersa ng liwanag anumang nilalang sila, pangit man o maganda.

Sa hanay ng mga anghel, karaniwan silang nagbibigay ng inspirasyon, pag-asa, lakas ng loob, pagmamahal at pagpapagaling sa mga may karamdaman.

Maraming paraan para maka-ugnayan ang inyong mga anghel, unang una na dito ay kailangang maging sensitibo tayo sa kanilang presensiya o manipestasyon, na ang ibig sabihin ay matuto tayong sila’y damhin.

Ang isa sa mairerekumenda kong paraan na sila ay makaugnayan ay sadyain nating hilingin sa ating anghel na kausapin tayo habang tayo ay natutulog, dahil karaniwan sa atin na nakaka-ugnayan ang mga nasa kabilang dimensiyon sa ating pagtulog na kadalasan nating napagkakamalan na isa lamang panaginip.

Maaari mong isama ang iyong kahilingan ng pakikipag-ugnayan sa iyong anghel sa iyong pagdarasal bago matulog sa gabi o di man kaya ay kahit na yung normal lamang na kinakausap mo siya na “aking anghel gusto kitang makausap pwede bang mag-usap tayo sa aking panaginip?”

Ang pangunahing susi para hindi mag-alangan na makipag-ugnayan sa inyo ang inyong anghel ay kaibiganin mo siya, ituring mo siyang hindi ibang nilalang na ang ibig sabihin ay ituring mo siyang napatalik mong kaibigan o di man kaya ay kapatid na hindi ka nahihiya lalu na kapag merong problema.

Isang araw, kinausap ako ng kasamahan kong announcer sa DZRH si Ruth Abao at nagtanong kung paano niya makakaugnayan ang kanyang anghel o sinumang spiritu guide.

Ang isang paraan na aking sinabi sa kanya ay matutong mag-meditasyon dahil sa ganung paraan pa lamang ay meron na tayong magagawa o sadya nating maisasakatuparan ang kahilingang kausapin an gating anghel dela guwardiya.

Sa inyong meditasyon, lumikha ng isang lugar sa inyong isipan tulad ng isang pabilog na hardin na merong dalawang lagusan. Ang isang lagusan ay siyang iyong pinagmulan samantalang ang isa naman ay katapat ng lagusan na pinasukan mo kung saan dadaanan ng iyong anghel dela guardiya papasok din sa loob ng pabilog na hardin na merong kahoy na mesa at dalawang magkatapat na upuan sa gitna..

Kapag ikaw ay nasa loob ng pabilog na hardin, maupo ka at ibulong mo na gusto mong makausap ang iyong anghel dela guardiya. Mamaya ng konti kung di man katagalan ay may nilalang magpapakita sa iyo, maaaring bata, matanda, ibon, babae o lalaki sa kabilang lagusan, at kapag nakita mo na ngumiti ka at imbitahan mo siyang maupo sa harap mo, at doon na magsisimula ang inyong pag-uusap. Magtanong ka kung ano ang gusto mong tanungin at isaisip na mabuti ang kanyang kasagutan, maaaring nakangiti siya, malungkot, may pagkilos ang kanyang katawan o kamay at pakinggan kung may maririnig ka sa kanyang sinasabi. Pagkatapos ng inyong pag-uusap ay magpasalamat ka sa kanya at pinagbigyan ang iyong kahilingan, hanggang sa siya ay magpapa-alam na at nasa iyo kung gusto mo siyang yakapin, dahil nakilala mo siya at itinuturing mo na siya ngayong kapatid o kaibigan. Isulat ang anumang napag-usapan.

Para sa inyong mga katanungan at suhestyun, mag-text sa 09209386533. Mag-email sa misteryolohika@gmail.com. Bisitahin ang aking website http://misteryolohika.tripod.com.#

Tao, Gising na sa Kamalayang Espiritwal

2007-08-13T07:23:00.000-07:00

Tulad ng dapat na maganap sa pagpasok ng Bagong Panahon ng Aquarius (Age of Aquarius), habang umuusad ang panahon ngayon ay nagiging kapansin-pansin ang unti-unting pagbubukas ng malawak na kaisipan at pang-unawa ng tao hindi lamang dito sa Pilipinas kundi sa buong mundo.

Tulad halimbawa sa nakalipas kong programa nitong sabado, Misteryo sa DZRH, ay naging mainit at kapupulutan ng aral ang naging talakayan naming ni George Balagtas, ang nagtataguyod sa aral na itinuturo ng kanilang samahan na tinaguriang DEO o Divine Endeavors Organization.

Kabilang sa mga naitanong sa aming talakayan na hindi namin nasagot sa himpapawid dahil kapos na sa oras ay ang mga sumusunod.

* Ako po ay isang couple for Christ, nung binawtismuhan po ako umangat daw ako sa tinatapakan ko at nagsalita ako ng ibat-ibang wika, gift po bay un. - Juliet

RS: Batay din sa paliwanag ni Ginoong George, at batay din sa paniniwala mo Juliet, totoong spiritual gift yan ang nakakapagsalita sa ibat-ibang wika. At ang pag-angat ay isang palatandaan na naging matibay ang kuneksiyon mo sa kaitaas-taasan.

* Tanong kop o pag may nangyayaring barilan sa Basilan katulad nung pinugutan ng ulo nakita ko sa isang baso ko ang isang pugot na ulo ang sabi ko sa sarili ko may masamang mangyayari, nagkatotoo nga. Umiyak nga ako.

RS: Marahil ay naging guilty ka sa nangyari dahil sa nasabi mong may mangyayaring masama. Tulad ng iba ganyan ang kanilang nararamdaman sa paniniwalang sila ang may gawa nun na parang isang sumpa, ngunit sa totoo lang kaya mo nakita ang isang pangitain tulad ng pagkakita sa pugot na ulo sa baso ay isang mensahe mula sa kabilang dimensiyon o daigdig na talagang may masamang mangyayari. Isang mensahe na mahirap ihayag sa tao lalu na at nakasalalay dito ang usaping pang-seguridad. Yan din ang problema ng mga taong sensitibo o nakakakita, nakakarinig ng mga mensahe dahil wala silang sapat na kalayaan na ihayag ang anumang mensahe na ipinaramdam o ipinakita sa kanila.

* Bakit po ba na-develop lalu yung pagka-sensitive ko sa paligid at pagkaganun, ano po ba mga pwede magawa o kaya gawin. Ayaw ko makaramdam ng may mamamatay. - Arki

RS: May mga pagkakataon talaga na kahit na ayaw mo man sa gusto ay talagang darating ang pagkakataon na nagiging mas sensitibo tayo sa mga hindi nakikita sa ating dimensiyon na ginagalawan. Ang iba ay takot lalu na at nakakakita na sila ng mga kaluluwa o engkanto sa paligid. Sa totoo lang hindi biro na magkaroon ng ganitong abilidad dahil sa isa itong malaking responsibilidad ng mismong taong nakakaranas nito

*Bakit po magkakaiba ang kapalaran ng bawat tao? – Nhorjan ng Maliga ng Buluan, Maguindanao

RS: Tayo rin ang gumagawa ng kapalaran natin. Oo nga at merong nakalaan na landas ng ating buhay o yung tinatawag na na destiny, maaari pa rin itong baguhin sa pamamagitan ng ating sariling desisyon na sa akala natin ay mas makabubuti sa atin.

*Yung sister ko po kapag nanaginip, nangyayari po o kaya ay nangyari na, ano po ba ibig sabihin nun.

RS: Tulad ng mga pangitain kahit na gising ay maaari ding magpadala ng mga mensahe ang mga nasa kabilang dimensiyon sa pamamagitan ng panaginip, bagaman hindi kadalasan na literal ang panaginip ngunit sa mga taong may mas sensitibong nararamdaman o matatawag nating visionary ay ganito ang nangyayari, kung kayat kung may pagkakataon ay ihayag natin sa iba kung ano ang nakita natin.

* Lord Jesus said “ang way to heaven ay ang pagpapatawad sa kapwa tao.” Paano po kung hindi nagpatawad ang isang tao at namayapa na, sa kingdom din po kaya siya ni Lord, magtutungo.

RS: Tulad ng sinabi ng Panginoong Hesukristo, magpatawad ka para patawarin ka, mahalin mo ang iyong kapwa (lalu na ang kaaway) ng tulad ng pagmamahal mo sa iyong sarili. Ang pagpapatawad ay isang napakahalagang aspeto ng pag-ibig sa ating kapwa ke kaibigan man natin o kaaway. Kung namayapa na ang isang tao, kapag may dinadalang mabigat sa dibdib nito ay dadalhin din niya ito sa kabilang buhay. Bagaman lahat ay tanggap sa Kalangitan ngunit kapag mabigat ang nasa kalooban ay malabong mangyari yun hindi dahil sa ayaw ng Diyos na tayo ay tanggapin kundi tayo ang maglalayo sa sarili natin sa kanya. Kahit na nasa kabilang buhay ay meron pa rin tayong pagkakataon na magpatawad ng kapwa, ngunit sa iba na hindi ganito ang pagkakaunawa ay matagal na panahon na mananatili sa pisikal na dimensiyon at pagala-gala dito ang kanilang kaluluwa.

Ilan lamang yan sa mga katanungan na aming tinanggap sa pagsasahimpapawid ng aking palatuntunang Misteryo sa DZRH tuwing araw ng Sabado, 5:30-6 ng gabi. Para sa inyong mga katanungan at suhestyun, mag-text sa 09167931451 o mag-email sa misteryolohika@gmail.com. Bisitahin ang aking website – http://misteryolohika.tripod.com.#

Babala sa paggamit ng Ouija Board, Spirit of the Glass

2007-08-06T07:20:00.000-07:00

Isang araw, merong kababayan natin ang nagtanong sa akin kung tama bang makipag-ugnayan sa mga patay sa pamamagitan ng Ouija Board at iba pang pamamaraan tulad ng spirit of the glass, coin, at ball pen?

Kung ang personal na opinyon ko ang tatanungin, hindi ko gagawin yun dahil sa posibleng panganib na maaaring idulot ng ganitong hakbang sa mga taong gumagawa nito, at maaari lamang itong gawin ng tao na merong sapat na kaalaman at kakayanan.

Kung gagawin lamang itong isang katuwaan lalu na sa hanay ng mga kabataan ay mangyaring wag nang ituloy dahil sa posibleng masamang mangyari lalu na kapag ang nabuksan ay ang pintuan sa mababang antas o level na dimensiyon kung saan nananahan ang mga negatibong espiritu.

Lagi kong naaalala ang isang karanasan ng aking kapatid nang naging katuwaan nilang magkakaiban na gawin ang spirit of the glass sa mismong bahay namin sa lalawigan ng La Union na humantong sa kanilang pagkasindak nang biglang sumabog ang baso na ginamit nila sa naturang sesyon.

Kasunod nito ay halos gabi gabi silang binabangungot at tila nararamdaman nilang merong kaluluwa na laging nakasunod sa kanila saanman sila magpunta.

Nawala lamang ang ganitong mga karanasan at pagpaparamdam nang nag-alay sila ng dasal sa sinumang kaluluwa na kanilang natawag nang gawin nila ang spirit of the glass, at mula noon ay ayaw na nilang makarinig ng anuman tungkol sa kanilang ginawa at binalaan din ang iba pa na wag gagawin ang pagtawag sa kaluluwa ng patay bilang isang uri ng laro o katuwaan.

Batay sa aking nalalaman, ang paggamit ng Ouija board, at spirit of the glass ay isang mabisang paraan para mabuksan ang pintuan ng kabilang dimensiyon lalu na sa daigdig ng mga patay.

Ngunit ang panganib dito ay hindi mo matiyak na ang tinatawag mong pangalan ng sumakabilang buhay ay siya nga ang biglang darating sa sandaling ginawa niyo ang ugnayan.

Ito ay sa katotohanan na ang mga negatibo o masasamang espiritu ay maaaring magkunwaring sila ang inyong tinatawag para lamang makapasok sa daigdig ng mga buhay.

Ibig sabihin, kahit sinuman sa mga espiritu sa kabilang dimensiyon ay maaaring magsabing sila ang inyong tinatawag ngunit sa katotohanan ay kampon pala sila ng kadiliman na nais lamang na makipag-laro sa ginagawa niyong ugnayan sa kabilang dimensiyon.

Ang laging payo ko sa mga taong nagtatanong sa akin tungkol sa pakikipag-ugnayan sa mga sumakabilang buhay, hayaan natin na sila ang makipag-ugnayan natin lalu na ang mga namayapa nating mahal sa buhay.

Kung meron naman silang mensahe sa atin, ay marami silang paraan na gawin yun tulad na lamang ng pagpapakita sa ating panaginip, pagpaparamdam sa atin, pagpapakita sa atin kahit na tayo ay gising at mga kataga na mababasa natin sa pagkakataon na maaalala natin sila.

Hayaan na lang natin na sila ang magparamdam o magpakita para sabihin ang kanilang mensahe hindi yung tawagin natin sila para maka-ugnayan. Ngunit may mga pagkakataon na kailangang-kailangang gawin yun ngunit ito ay dapat na gawin lamang ng mga taong may sapat na kakayanan na isakatuparan ito sa ligtas na pamamaraan.#

Kalituhan sa Nakalipas na Buhay

2007-07-23T18:55:00.000-07:00

Maraming hiwaga ang nagaganap sa ating buhay na hindi basta maipaliwanag ng lohika nating kaisipan.

Lalu na sa larangan ng pag-ibig na karaniwan na ngayong nalalagay sa masalimuot na sitwasyon, mga hindi maipaliwanag na trahedya na karaniwan nang nasasangkot ngayon ang mga miyembro ng pamilya, at iba pang mga sitwasyon na ni minsan ay hindi natin naisip na nangyayari pala.

Isang kaibigan ko ang nagtanong kung bakit marami ang mga nagmamahalan sa maling sitwasyon na mga tinatawag na bawal na pag-ibig. Ang naging tugon ko dito, malalim ang kasagutan tungkol diyan na posibleng makasira sa mga itinuturo ng mga sekta o relihiyon.

Dahil papasok ito sa paniniwala o konsepto ng reinkarnasyon kung saan tayo bilang mga lumang kaluluwa o old soul ay marami na tayong pinag-daanang buhay sa mundong ito.

Nangangahulugan na ang ating buhay ngayon o lifetime ay isa lamang sa mga pagkakataon na ipinagkaloob sa atin ng Panginoong Diyos para maitama ang anumang pagkakamali sa mga nakalipas nating buhay o di man kaya ay maisaayos ang anumang di magandang epekto ng nakalipas na buhay o past life.

Ang mga taong dumadaan ngayon sa masalimuot na sitwasyon tulad ng pagkakaroon ng relasyon sa ibat-ibang tao tulad ng relasyon sa ibat-ibang lalaki o babae at ang matindi nga ay ang relasyon ng kapwa lalaki o kapwa babae, ay isang patunay na tayo bilang nilalang ng Diyos ay dumaan na sa mga nakalipas na buhay sa ibang katawan at sa ibang panahon.

Ganito rin ang alam kong dahilan kung bakit nangyayari ang di dapat na maganap sa mga krimen tulad ng panggagahasa o pagpatay at anupamang krimen na ang sangkot ay ang magkakasambahay o isang pamilya.

Ang ganitong mga pangyayari sa aking personal na kaalaman at batay na rin sa mga pananaliksik na ginawa ng mga eksperto sa larangan ng reinkarnasyon, ay bahagi ng tinatawag at kilala sa pangalang Karma.

Ito ang karma ng mga nakalipas nating buhay sa mundong ito kung saan sa mga nakalipas na buhay ay natagpuan na rin natin at nakahalubilo ang mga taong nakakasama, nakakahalubilo o nakakarelasyon natin sa panahong ito na ginagalawan natin.

Ang dahilan kung bakit natin sila kailangang makita, makasama, makarelasyon ngayon ay para maitama ang anumang di magandang resulta sa nakalipas na buhay. Maaaring walang naging kapatawaran sa isat isa sa nakalipas na buhay o di man kaya ay hindi naputol ang siklo o cycle ng inyong ugnayan o karma.

Sa paniniwala tungkol sa reinkasyon, kailangan lamang na maisaayos natin lahat sa bawat buhay natin sa mundong ito ang hindi naging resulta ng ating mga desisyon sa nakalipas na buhay para makatulong ito sa pag-usad ng ating espiritwal na katauhan patungo sa pagiging pekpersiyon.

Ang isang kaluluwa ay kailangang maipanganak ng maraming beses para ito ay maganap at kailangang umiral ang isang napakamatinding desisyon para hindi na paulit ulit pa ang mga maling karanasan sa buhay.

Ang isang nakita kong dahilan kung bakit parang paulit-ulit na nangyayari sa ating buhay ang mga naganap na sa nakalipas ay dahil na rin sa umiiral na free will sa ating sarili kung saan karaniwan nang naaabuso dahil sa katigasan ng ulo.

Hindi ko hangad na sirain ang paniniwala ng karamihan lalu na sa mga nakatayo lamang sa mga turo sa Bibliya ngunit kung susuriin nating mabuti ang naturang aklat ay meron ding pinapatungkulan dito tungkol sa konsepto ng reinkasyon.

Para sa inyong mga katanungan at suhestyon mangyaring mag-text sa 09206316528, mag-email sa misteryolohika@gmail.com. Bisitahin ang aking website http://misteryolohika.tripod.com. Makinig sa aking programang Misteryo tuwing sabado 5:30-6 ng gabi sa himpilang DZRH.#

Paniniwalang Espiritwal ng Bawat Isa, Igalang

2007-07-09T17:22:00.000-07:00

Isang kaibigan ko ang nagsabi sa akin na siya ay hinihimok na sumama sa kanilang sekta at pinayuhan ko naman na pag-isipan niyang mabuti, damhin kung nararapat ba siyang lumahok sa kanilang samahan.

Isa lamang yan sa patuloy pa ring kaisipan ngayon ng bawat relihiyon o sekta na nagpapadami ng kanilang mga miyembro para ipakita lamang sa tao na sila ay malakas na grupong espiritwal.

Isang paniniwala na kapag marami ang mga ka-miyembro ay hindi mo basta-basta makukuwestyun ang kredibilidad na sila nga ang grupong nagtataglay ng katotohanan at ang palaging ipinangangalandakan na “maliligtas ang kaluluwa” mula sa kasalanan.

Bawat isa sa atin ay hindi naman talaga alam kung ano ang katotohanan ng buhay maliban lamang sa ibang mga tao na may kakayanan na silipin ang kabilang buhay sa pamamagitan ng pamamaraan na tiyak namang kokondenahin ng mga panatiko sa kanilang relihiyon na kinaaaniban.

Ang usaping espiritwal ba hanggang sa ngayon ay maituturing na tila isang pakontes o paligsahan at kailangang ibatay sa relihiyon para masabi mong wala kang kasalanan, malinis, matuwid at tiyak ang kaligtasan?

Hindi na ba maaaring mawala ang ganung paniniwala sa atin na kesyo ang ibang relihiyon o sekta ay masama at ang iba naman sa paningin ng kanilang tagasunod ay natatangi sa lahat?

Paano naman kung ang akala ninyong kinaaaniban niyong relihiyon o sekta ay siya palang nagtutulak sa inyo sa dagat-dagatang apoy ng impiyerno at huli na ang lahat para kayo ay umatras o kumalas.

Hindi ako laban o salungat sa itinuturo ng mga relihiyon ngunit ang lagi ko lang napapansin ay bakit laging banatan, batikusan, siraan at kung anu-anong mga salita ang dapat na bitawan para lamang ipamukha sa tao na ang kani-kanilang relihiyon ay tama at nasa tuwid na landas.

Oo nga at tama naman ang layunin ng bawat sekta na kaya nila ginagawa yun ay para bigyang gabay ang tao kung saan sila dapat na makisalamuha kung espiritwal ang pinag-uusapan.

Ngunit para sa akin, hindi naman siguro dapat na siraan natin ang isang sekta o relihiyon para lamang mahjmok ang sinuman na sumama sa atin, bagkus ay lalu pang palaganapin ang Banal na Salita at hayaan na lamang natin ang tao na silang pumili at hindi pilitin na umanib sa alinmang kapatiran.

Ako ay naniniwala na ang bawat isa sa atin ay may kanya-kanyang paniniwala at kanya-kanyang pananampalataya at hindi mo maaaring ihambing ang iyong pananampalataya sa iba dahil sa hindi natin saklaw kung ano ang itinuturing na katotohanan ng iba na posible namang kaiba sa katotohanan na alam natin.

Maalala ko minsan sa aking website http://misteryo.multiply.com ay merong nagbabala sa akin na ilagay ito sa black list kanilang website dahil sa kanilang paniniwalang ikinakampanya ko ang paniniwalang New Age.

Para sa kanila ang New Age ay itinuturing na kampon ng kasamaan dahil sa salungat daw sila sa itinuturo ng simbahan o anumang relihiyon na hindi nakabase sa Bibliya.

Unang-una nilinaw ko hindi ako kaanib ng New Age dahil sa katotohanan ako ay nanatili sa nakagisnan kong relihiyon, na bagaman alam kong meron ding mga dapat ipaliwanag sa tao dahil sa magkakasalungat na detalye sa buhay ni Hesukristo, ay nandun pa rin ang aking respeto.

Yun ang sana ay dapat na manaig sa bawat isa sa atin, ang respeto sa bawat isa kahit na magkakasalungat ang paniniwalang espiritwal at kinaaanibang relihiyon o sekta ay wag nating husgahan ang isang grupo na sa akala natin ay taliwas sa ating paniniwala.

Ako ay naniniwalang kaya pinahintulutan din ng Panginoong Diyos na magkaroon ng ibat-ibang relihiyon para na rin sa ikabubuti nating lahat dahil sa magkakaiba ang takbo ng ating kaisipan, pilosopiya, at mga paniniwala.

Para sa inyong mga katanungan mag-email sa misteryolohika@gmail.com. Bisitahin ang aking website http://misteryo.multiply.com; http://misteryolohika.tripod.com.#

Aswang, Totoo Ba? (Part 2)

2007-07-02T21:43:00.000-07:00

Narito ang karugtong ng naging usapan namin ni Anthony Vivero (AV) noong Sabado Hunyo 23 sa aking programang Misteryo tungkol sa mga Aswang.
RS: Saang lugar ito?
AV: Magbanggit na lamang tayo ng medyo malaking ano…sa Pilipinas sa bandang Visayas area.
RS: Sa Visayas area?
AV: Ok. Sooo….talagang as in tsinek nga ng pathologist na even siya ay she so amazed kung bakit ganun yung hitsura ng corpse o bangkay kasi based on medical na ano aspeto, dapat ay nabulok na pero hindi pa nabubulok.
RS: Dapat nasa decomposition stage na siya.
AV: Kasi medyo advance na sila eh. Alam mo yung aswang is common tao rin na katulad natin, na highly psychic na matatawag natin na katulad din ng mga pangkaraniwang psychic na matatawag natin but they are so powerful.
RS> Meron din silang psychic abilities?
AV> Sobra as in grabe.
RS> Ano? Can they teleport from a place to another?
AV> Yes! They can levitate.
RS> Nakapagle-levitate din sila?
AV> Yes. Yung teleportation yun talaga ang mabigat talaga.
RS> Teleportation!
AV> Andyan sa harapan mo tapos biglang mawawala siya at biglang andun na sa kabila.
RS> Grabe naman.
AV> So ganun yun.
RS> Ito pa ang tanong ko. Totoo bang nakapag-transform sila sa isang unusual na laki ng hayop o animal. Let say sabi nila, yung aswang parang nagiging malaking pusa, aso, baboy.
AV> actually yan ang isa sa mga paniniwala, which ako naniniwala din ako kaya lang malungkot hindi ako nakakita ng the way they transform, pero may encounter ako, one of my interviews with one television network na matatapang daw na maghanap kami ng aswang, so naghanap kami.
RS> Kasama ka dun ha.
AV>Sila ang isinama ko…actually nung ini-engage naming kasi merong nagsabi, ang aswang kasi heto yun, pag maingay sila, malayo yun…pero pag tahimik, andyan na sa harapan mo.
RS> Ha!
AV> Oo andyan na sa harapan mo.
RS> So ganun bay un?
AV> Ganun yun. There are signs na kakaiba na naririnig mo, malayo yun. Pag tahimik na tahimik…
RS> Tahimik na yung parang nakakabinging katahimikan…
AV> Nasa tabi mo nay un.
RS> Nasa harapan mo na.
AV> Oo, actually ganun ang nangyari.
RS> Pero hindi mo lang nakikita dahil invisible sila?
AV> Hindi naman invisible pero parang naka-camouflage sabi ko nga nakapag-tra-transform.
RS> Ah…
AV> So one of those meetings na ginawa namin talagang all of a sudden nagulat kami nasa harapan na namin. So kumbaga lahat ay nagkagulatan at of course, siguro nagkaka-amuyan na I can do harm sa kanila so kumbaga walang gumawa…standstill ang lahat.
RS> Sandali, sandali yun bang amoy ng aswang ay ano?
AV> Actually, kakaiba ang amoy.
RS> Mabaho o paano?
AV> More of parang oil..na nasunog na oil.
RS> Ano yun? Ang sabi ng mga kuwento ipinapahid daw sa buong katawan yun.
AV> Oo kasi bago sila magsimula ay talagang ipinapahid sa kanilang katawan yung oil
RS> So may ritwal pa?
AV? May ritwal talaga. Yun nga ang nakatutuwa yung sabi ko harapan to nagbubulungan kami. Sabi ko: “atras karamihan atakehin ko para magkagulatan. Kasi ang tendency nito, iisipin nila aatras tayong lahat pero sasalubungin ko. So skapol, bahala na kayo. Eh nung nagka-skapol kami yung cameraman nanakbo eh.
RS> Bahala na kayo, takbo na sa gusto niyong puntahan?
AV? Akala ko matapang nung una kukunan eh so hayun na-drag ako for several meters kasi sinalubong ko kesa ma-harm yung kasama ko. So yun ang one of the worst na encounter ko na ano.

Sa susunod sa patuloy naming usapan ni Anthony ay inilahad nito kung paano inihahanda ng mga lahi ng aswang ang kanilang kakaining bangkay ng tao dahil sa sinasabing merong isang bahagi ng taon na may kapiyestahan sila kung saan sa isang lugar ng mga aswang ay may naka-tokang sila ang maghanda ng isang katawan ng tao na kakainin.

Ngunit, para marinig niyo ang buong usapan namin ni Anthony noong Sabado Hunyo 23 ay bisitahin lamang ang aking website http://misteryo.multiply.com/. Kung gusto niyong matunghayan ang lahat ng aking inilagay sa site na yun bukod sa usapang ito ay mas mabuting mag-sign up kayo sa multiply.com at malaya kayong panoorin ang mga video, pakinggan ang mga na-ere kong programa, mga kakaibang larawan at mga naisulat kong artikulo.

Para sa inyong katanungan at suhestyun, mag-text sa 09209386533 o kaya mag-email sa misteryolohika@gmail.com. Makinig tuwing Sabado alas-5:30 hanggang alas-6 ng gabi sa DZRH sa aking programang Misteryo. #

Aswang, Totoo Ba?

2007-06-25T23:29:00.000-07:00

Binaha ako ng sandamukal na mga tanong sa aking website nang ilahad ko ang isang larawan ng umanoy manananggal na nakunang lumilipad sa isang lugar sa Pilipinas at samut saring tanong kung totoo bang merong ganitong uri ng nilalang sa modernong panahong ito?

Sa aking website http://misteryo.multiply.com ang nakunang larawan umano ng manananggal ay lumilipad o nakalutang sa di kalayuan sa ibabaw kabahayan, ngunit ang pinagtataka ko mismo ito ay nakunan sa araw, taliwas sa nakagisnan nating paniniwala na ang mga ito ay lumalabas lamang sa gabi.

Sinuri kong mabuti ang larawan at sa tingin ko ay peke ito dahil dun pa lamang sa nakunan ito na maliwanag ang sikat ng araw at katanghalian tapat mahirap na paniwalaan na totoo itong aswang o manananggal. Maaaring ito ay isang saranggola na hugis-manananggal na pinalipad sa katanghaliang tapat.

Ngunit, bukas naman ang aking kaisipan na posible rin itong totoo dahil sa alam naman natin na nagbabago ang panahon, malay natin hybrid na aswang ang nakunang iyon ng larawan.

Narito ang ilan sa mga reaksiyon ng mga kababayan natin na nakakita sa inilagay kong larawan ng isang manananggal.

Emily Vli: nagulat ako totoo ba ito?..pinakita ko sa anak ko natakot ayaw nya sa pilipinas may asuwang daw sabi ko na lang movie ito.. pero alam nyo storya ng father ko sa probinsya namin sa Quezon bata pa ako noon may sakit brother ko kailangan madala namin siya sa clinic kabilugan ng buwan nuon isinama ako ng mother ko para dalhin namin sa clinic ang brother naiwan ang fatherko sa bahay namin sa storya ng father ko may lumilipad daw ng malaking ibon pero nagulat daw father ko dahil maliwanag ang buwan nakita nya sa anino na taong malaki na lumilipad at sinusundan daw kami.. yon ang storya ng father ko tapos sabi nya ako daw nakauponuon kabilugan ng buwan nuon malaking aso daw ako malapit ng sunggaban ginawa daw ng father ko humiyaw at tinaboy bigla daw nag laho taka daw siya dahil napakalaking aso .wala naman asong malaki sa lugar namin at itim ng itim daw ang kulay..nuon di ako naniniwala pero ng makita ko tong video bigla kung naalala ang storya ng father ko.

Grace dela Cruz: Manananggal/aswang in broad daylight? Baka oversized paniki lang yan. Ako rin, natakot sa kwento ni Emily. Di na naman ako makakatulog nyan.

Carlos Yu: i like to believe its real but! why is it he is not flapping his wings palaging lang na sa isang position

Eponine Ortiola: so, its mananagal?? i really dont know.. na existing pa pala yang mga yan...

Ang ganitong mga katanungan ang nagtulak sa akin para sikapin kong talakayin sa aking programang Misteryo sa DZRH ang tungkol sa mga aswang.

Isang kaibigan natin na may personal na karanasan ang aking nakapanayam tungkol dito, siya ay si Psychic Healer Anthony Rivero na minsan nang tinaguriang “Aswang Hunter” dahil sa magkakasunod na ginawa nitong pagtugis sa mga ito para patunayan lamang na totoong merong aswang.

Nang tinanong ko si Anthony tungkol sa larawang manananggal heto ang kanyang naging sagot: “Nakarating sa akin ang larawang yun at tinignan ko…hindi tunay yun kasi sa unang-una pa lang yung liwanag eh…kung makikita mo in broad daylight yung manananggal ay lumilipad. So based on my experience, yung personal account ko, halos padilim na sila lumalabas at talagang nawawala sila bago uli lumiwanag. Blue skies eh kung makikita mo yung background blue na blue yung kalangitan. Definitely, kung ano man yun ay gawa lang ito ng isang tao na merong malikot na imahinasyon.”

Dito na lumalim ang usapan namin ni Anthony tungkol sa mga aswang nang siya mismo ay magtungo sa lugar ng mga ito sa Kabisayaan: “Marami akong natuklasan tungkol dyan sa pagiging aswang so far based on my personal account. Ang nakita ko ay plain and simple ito lang ang masasabi ko. Ang aswang para akin ay they eat human flesh (sila ay kumakain ng laman ng tao) kaya nga may criminal aspect ito eh….kaya nga alam nating bawal kainin ang karne ng tao…at kung tatanungin mo kung paano nila i-prepare ang tao is one of the most na mabango, though hindi ko tinikman ah kasi ayaw ko talaga tikman.”

RS: Pero pinatitikim ka?
AV: Hindi naman nila ako pinipilit pero hinipo-hipo ko yung karne….yung amoy ay talagang one of the best na pinakamabangong naamoy ko kung sa pagkain ang pag-uusapan. Kasi they prepare it na sobrang bango at hindi ko alam kung ano ang mga nilagay nilang herbs. Kasi makikita mo yan sa may tiyan tapos pinadaan sa may pusod, iba-iba kung ano ang inilagay sa bibig talagang grabe as in ang bango, ang sarap. May kasama nga akong duktor na pathologist from US nang pinuntahan naming yung lugar…

Ang aking panayam kay Anthony Vivero ay itutuloy natin sa mga susunod na labas ng aking artikulo tungkol dito at buo kong ibabahagi sa inyo ang palitan ng aming talakayan ni Anthony. Para sa inyong mga katanungan at suhestyun mag-text sa 09209386533; mag-email: misteryolohika@gmail.com ; bisitahin ang aking website: http://misteryo.multiply.com. #

Engkuwentro sa Isang Kapre

2007-06-18T23:27:00.000-07:00

Sabado ng gabi (Hunyo 16), nagtungo ako sa bahay ni Edlyn sa Mandaluyong City para personal na makita at masubaybayan ang pakikipag-ugnayan sa isang kapre na umano’y matagal nang nanliligaw sa kanya.

Bahagi ito ng naging usapan sa isang team ng himpilang GMA7 para sa kanilang segment sa palabas na 100 Percent Pinoy sa darating na Huwebes ng gabi, Hunyo 21.

Umalis ako ng istasyon mga alas-6:30 ng gabi, 30-minuto pagkatapos ng aking programang Misteryo sa DZRH at naging panauhin ko si Professor Jimmy Licauco na kagagaling lamang sa Poland mula sa kanyang ginawang lecture doon tungkol sa kapangyarihan ng isip, pakikitungo sa mga nilalang sa kabilang dimensiyon at iba pang usapin tungkol sa paranormal.

Sa daan pa lamang ay naramdaman kong pilit na gumagawa ng paraan ang mga kapanalig ng kapre para hindi ako matuloy sa bahay ni Edlyn marahil ay para hindi matuloy ang usapan o kundi man ay matuloy sila na di na ako kailangan.

Dumaan ako sa Gil Puyat Avenue, Makati City ngunit paglagpas ng riles ng tren patungong Pasong Tamo ay grabe ang trapiko at hindi na umuusad ang mga sasakyan. Dito ako inabot ng halos 30 minuto oras at sa tulong na rin ng ating mga kapanalig sa pwersa ng Liwanag sa pagpapala ng Panginoong Diyos ay nakalagpas ako sa naturang sitwasyon.

Bagaman di ako naniniwala sa nagkagtaon lamang ay nakita kong ang dahilan ng matinding trapiko ay ang napakalapad na hukay sa gitna ng kalsada patungong Edsa sa kanto ng Gil Puyat at Pasong Tamo.

Ang sabi ko sa aking sarili, ah talagang meron palang problema dahil sa hukay na yun ngunit hindi ko lang lubos maisip na kung bakit nagka-sabay-sabay pang bumuhos ang mga sasakyan dun sa ganung oras na dapat sana ay medyo maluwag dahil sa Sabado naman.

Binalewala ko yun sa aking isip at nang makarating ako sa Makati Avenue ay naging maluwag ngunit ang patungong Kalayaan ay medyo masikip dahil na rin sa kaliwat-kanang mga videoke bar.

Ngunit pagdating ko ng Mandaluyong City Hall sa circle nito ay dun na ako tila nalito dahil sa ang pagkaka-alala kong Boni Avenue ang direksiyon patungo sa bahay nila Edlyn ay sa kabila ako napadpad yung patungong EDSA at doon ako inabot ng halos 30 minuto pang pa-ikot ikot, matrapik din at hanggang sa matunton ko ang tamang direksiyon na tila iniligaw pa ako ng todo sa kanilang lugar na sa alam ko ay napakalapit na.

Halos mag-alas 9 na ng gabi ng makarating ako sa bahay ni Edlyn na nahirapan pa rin kong makita ito buti na lamang ay siya na mismo ang lumabas ng kanilang bahay para ako sunduin sa kabilang lansangan. Inaamin kong hindi ko kabisado ang naturang lugar ngunit dapat sana ay madali kong makita ang pangalan ng mga lansangan na sa mga sumandaling iyon ay tila naglaho lahat.

Dun ko nalaman pagdating sa bahay nila Edlyn na sinadya ng Kapre at mga kapanalig nito na hadlangan ako sa aking pagbisita sa kanilang lugar nang ito ay sabihin mismo ng isang dalagita dun na “hindi siya makakarating dito.”

Ilang minuto ang lumipas ay sinimulan naming ang pakikipag-ugnayan ngunit sa aking talagang plano na kausapin ang isang kaibigang Kapre na si Ferdi at hindi direktang kausapin ang manliligaw na kapre na si Marko.

Ngunit nag-iba na ang lahat ng biglang pasok sa katawan ni Edlyn si Marko at dito na nagpumiglas ang dalagita na sa sobrang lakas niya ay tatlo hanggang apat na tao kaming nagtulong na hawakan siya.

Sa pagpapala ng Panginoong Diyos, kanyang mga Anghel kasama ang mga mabubuting kaibigan tulad ni Ferdie, Nicktus at kanyang mga kapatid at iba pang nilalang sa kabilang dimensiyon ay hindi nagwagi si Marko na tuluyang makontrol ang katawang lupa ni Edlyn.

Dito ko napatunayan na talagang masidhi ang kagustuhan ng matapang na kapre sa naturang dalagita na may halong matinding galit marahil dahil sa pakiki-alam namin, ngunit sa pagkakataong ito ay nanaig ang lakas ng Liwanag laban sa kampon ng Kadiliman.

Para sa inyong katulad na mga karanasan sa mga kapre, tikbalang, duwende, mag-text sa 09167931451. Mag-email sa misteryolohika@gmail.com. Bisitahin ang aking website – http://misteryo.multiply.com ; http://misteryolohika.tripod.com

Mga Karanasan sa mga Engkanto, Dumarami

2007-06-11T23:25:00.000-07:00

Habang umuusad ang ating panahon, sari-saring karanasan ng ating mga kababayan ang aking natutuklasan na hindi kayang maipaliwanag ng lohikang kaisipan tulad na lamang ng mga nararamdaman, naaamoy at nakikitang mga nilalang.

Bagaman tayo ngayon ay masasabing nasa makabago nang panahon dahil sa pag-unlad ng siyensiya at teknolohiya, tila sumasabay at ayaw mawala sa ating personal na buhay ang mga misteryo at hindi kayang maipaliwanag na mga pangyayari.

Kung noon ay pilit na itinatago ng tao ang mga misteryong bumabalot sa kanilang kakaibang karanasan, ngayon ay masasabi kong unti-unti nang lumalantad ang tao para isiwalat ang mga ito sa pag-asang magkaroon ng kasagutan sa kanilang mga katanungan.

Tunay ngang ang ating daigdig na ginagalawan – ang pisikal na realidad ay karaniwan na ngayong ginagalawan ng mga nilalang sa kabilang dimensiyon o kilala rin bilang kabilang buhay.

Lalu na at dumarami na ngayon ang nakakaranas ng paglitaw ng mga kakaibang nilalang sa ating pisikal na realidad, na mahirap na tanggapin ng ating isipan dahil sa limitadong kaalaman o kundi man ay dahil sa wala ito sa turo ng ating relihiyon.

Saka lang natin nauunawaan ang lahat at sasang-ayon tayo na totoo ang mga nilalang na ito kung bubuksan lang natin ang ating isipan at tanggapin ang paliwanag ng mga taong nabigyan ng di man sapat ay merong konting nalalaman sa ganitong mga karanasan.

Ito ang isa sa mga layunin ng inyong lingkod sa aking pagsusulat tungkol sa paranormal at malaki ang aking pasasalamat sa Poong Maykapal sa kabila ng mga masamang pagpuna sa kin ay napag-iibayo ko ang paglalahad ng katotohanan tungkol sa mga kababalaghan.

Kabilang sa mga misteryo na aking sinikap na mabigyan ng lohikang kasagutan ay ang mga katanugan tungkol sa manipestasyon o pagpaparamdam ng mga engkanto o mga nilalang dito sa kalupaan o tinatawag na earth elements o elementals.

Bobot Pamplona ng Iloilo: Totoo ba malas sa negosyo kung ang bahay namin ay may tikbalang at mga duwendeng puti at itim.
RS: Para sa akin wag nating isisi sa mga engkanto o mga elementong tulad ng tikbalang, duwende at kapre ang anumang kamalasan na dumarating sa ating buhay. Bagaman aminado ako na ang mga engkantong masama ay nagdudulot ng negatibong epekto sa kabuhayan ng tao, ngunit ang mahalaga dito ay nasa tao rin dahil sa meron tayong sariling kaisipan at kapasyahan kung mabuti o masama ang pananaw natin sa ating buhay. Maaaring kaya naging aktibo o mas malakas ang kamalasan na dumating sa buhay dahil na rin sa masama nating kaugalian o naiisip. Marami nang pananaliksik ang ginawa na nagpapatunay na kayang impluwensiyahan ng ating kaisipan ang takbo ng ating pamumuhay at hindi rin malayo ang posibilidad na nahahatak natin ang mga negatibo o masasamang elemento sa ating buhay.

Tanong: Gud pm po ano po kaya ung nagpapaamoy skin lalu na kung my sakit ako masangsang ang amoy na parang anghit na parang natuyong ihi pero nawawala rn kapag panay ang salita ko na ang baho dito po ito sa tirahan kong bukid tapos may hinihiram siyang mukha pero di naman pala siya ang taong kilala ko.
RS: Likas na sa mga engkanto ang mapagbiro at nagiging mas akbito na sila ngayon sa pakikisalamuha sa tao, hindi tulad noon na sa mga ilang na lugar lang natin sila nasusumpungan. Sa katunayan dito sa kalunsuran ay pagala-gala na rin sila. Ang masangsang na amoy na merong kaakibat na mapanghi ay posibleng manipestasyon ng tikbalang. Maaaring gusto lang magpapansin o kundi man ay kasa-kasama na sa inyong bahay, maaaring dahil sa nasira ang kanyang dati’y tinitirhan.

Alam po ninyo sa totoo lang may kaakibat na awa ang aking nararamdaman sa mga engkanto lalu na dito sa kalunsuran dahil sa patuloy na pag-unlad ng pamumuhay ng tao ang resulta ay ang pagsira din sa likas na yaman tulad ng mga punungkahoy na nagsisilbing tirahan ng mga elemento at sila ay nagiging skuwater na rin.

Iyan ang isa pa sa nakikita kong dahilan kung bakit ang ibang mga engkanto ay napipilitan nang makitira sa loob ng bahay ng mga tao, ngunit ating tignan mabuti kung masama na ang ginagawa ng mga ito tulad ng pananakit, dahil sa kailangan na dito ang tulong ng mga eksperto sa pagharap sa mga espiritu.

Para sa inyong mga katanungan at suhestyun, mag-text sa 09209386533. Mag-email sa misteryolohika@gmail.com. Bisitahin ang aking mga website; http://misteryolohika.tripod.com/ http://misteryo.multiply.com./

Numero ng Kadiliman?

2007-06-09T23:22:00.000-07:00

Takot ba kayo sa numero 666? Marami ang nagtatanong ano nga ba ang tunay na nasa likod ng naturang kinatatakutang kumbinasyon ng mga tatlong numero 6. Naukit sa ating isipan na dapat na iwasan ang naturang kumbinasyon ng numbero 6 dahil sa ito raw ay “tatak ng demonyo”.

Ngunit alam ba ninyo na ang pagkatakot sa bilang na 666 ay tinatawag na HexakosioihexekontahexaphobiaAno ba ang katotohanan sa likod ng 666? Ito nga ba ay ang tatak ng demonyo o mali lamang ang interpretasyon ng mga grupong relihiyon at iba pang sektor tungkol dito.

Dahil sa paniniwalang ito nga ay tatak ng demonyo na maghahasik ng kadiliman sa buong sanlibutan ay marami nang mga personalidad sa buong daigdig mula pa noong unang panahon hanggang ngayon ay inakusahang siya ang Anti-Christ na merong tatak na 666.

Ang mga sinaunang Kristiyano na naniniwalang magugunaw na ang mundo ay gumamit ng numerology sa wikang Aramaic, Greek at Hebrew at lumabas na si Roman Emperor Nero ang umanoy Anti-Christ.

Nang hindi mangyari ang kinatatakutang katapusan ng mundo sa mga panahong yun tulad ng pagkakaintindi sa Revelation o Pahayag, nangangamba ang tao na posibleng mangyari ang katapusan ng mundo sa malapit na hinaharap, at marami sa mga maimpluwensiyan lider ang inakusahang may tatak na 666.

Kabilang na nga sa umanoy may tatak na 666 ay sina Martin Luther, Henry VIII, Robespierre, Napoleon Bonaparte, George Washington, Adam Weishaupt, Lenin, Adolf Hitler, Stalin, Mao Tse Tung, Franklin Roosevelt, Winston Chruchill, Harry Truman, Prince Charles, King Juan Carlos ng Spain, Mikhail Gorbachev, Bill Clinton, Osama Bin Laden, ang mag-amang George Bush at lahat ng mga santo papa.

Ang mga ito ay pinaghinalaang may taglay na bilang na 666 alinsunod sa interpretasyon ng Bibliya sa sinulat na ebanghelyo ni Apostol Juan na kilala nga bilang Revelation o Pahayag.

Ngunit sa pananaliksik na ginawa ng dating British Intelligence agent Edward Alexander (Aleister) Crowley (1875-1947), lumalabas na ang numero 666 ay hindi naman pala masama, bagkus ito ay maituturing na sagradong bilang na ang kahulugan ay ang kapangyarihang taglay ng araw.

Si Crowley na mismong lumantad at nagsabing siya ay Beast 666 ay nagsabing ang naturang bilang ay sagrado dahil sa ito ang misteryosong numero ng Araw na nagbibigay ng buhay, at may kaugnayan din ang bilang na ito sa heart chakra o psychic center sa dibdib ng tao na kilala rin bilang “Christ Center”.

Kung bakit ganito ang interpretasyon ni Crowley, binanggit nito ang sagradong itinuturo ng Hebrew Kabbalah na nagsabing ang “sphere” ng Araw ay ang pang-anim na purong espiritu o pure essence ng Panginoong Diyos.Para maipaliwanag ng husto ang ganitong paniniwala ay inilatag ito sa mga numero na siyang tradisyung ginagawa ng mga Kabalista sa panahon ng sinaunang Babylonia.

Isang kuwadradong tinaguriang “magic square” na binubuo ng 36 na maliliit na kuwadrado (6 x 6). Ang mga numero ay mula 1 hanggang 36 na kapag inayos sa isang balansyadong pamamaraan kung saan ang bawat hanay at linya nito ay pare-parehong 111, na kapag pinagsama-sama ay ang kalalabasan ay 666.

Ipinaliwanag din ni Crowley ang kanyang sariling interpretasyon sa nakasaad sa Aklat ng Pahayag sa Bibliya, na ang nais ipahiwatig ni San Juan sa kanyang sinulat na katapusan ng mundo ay ang katapusan ng tinatawag na “old age” dahil sa pagpasok ng “new age” sa ika-20 siglo ng buhay ng tao sa mundong ito.

Halos tumugma naman ito sa lumabas na pagsusuring ginawa ng mga Bible Scholar na ang isinasaad sa Book of the Revelation o Aklat ng Pahayag ni San Juan o St. John of the Divine ay hindi tumutukoy sa katapusan ng mundo, kundi isinalarawan lang nito ang masasamang pangyayari sa buhay ng tao sa mga kamay ng mga Romano na nagwakas sa ikalawang Jewish Revolution noong A.D. 72 na sumira noong sa Herusalem.

Ngayon masasabi ba nating nakakatakot ang numbero 666. Sa aking personal na pananaw, bago natin husgahan ang sinuman na kesyo siya ay “kampon ng kadiliman” na maghahasik ng kasamaan sa mundo, mainam na suriin nating mabuti ang ating sarili kung ano ba ang ginagawa natin sa ating kapwa, maaaring tayo mismo ay maituturing na isang “demonyo” na umaapi sa ating kapwa, yumuyurak sa dangal ng kapwa, nabibingi-bingihan sa karaingan ng ating kapwa at ang masaklap pa nito ay tayo mismo ang pumapatay sa ating kapwa.

Para sa inyong mga katanungan at suhestyun, mag-text sa 09209386533. Mag-email sa misteryolohika@gmail.com. Bisitahin ang aking website: http://misteryolohika.tripod.com/. #

Paranormal, Nomal Na

2007-06-04T00:31:00.000-07:00

Nitong nakalipas na Sabado sa aking programang Misteryo alas-5:30, muli akong binaha ng maraming tanong tungkol sa mga usapin sa espiritwal at paranormal, isang patunay na ang tao sa ngayon anuman ang kinaaanibang relihiyon ay gising na sa ganitong paksa ng usapan.

Kung noon ay nahihiya kundi man ay takot na ihayag sa kapwa ang anumang karanasan na hindi agad maipaliwanag ng lohikang kaisipan, dahil sa hangarin na magkaroon ng liwanag ang maulap na paniniwala ay lumalantad na ang ating mga kababayan.

At hindi na ako naso-sorpresa sa ganitong dami ng mga may karanasan tungkol sa paranormal dahil sa tayo nga ay pumasok na sa tinatawag na “Age of Aquarius” o kilala rin sa tawag na Golden Age, ang bahagi sa buhay ng tao sa planetang ito na mas nagigising ang isipan sa mas malawak na pananaw at mas malakas na kuneksiyon sa Diyos.

Hindi rin kaila ngayon, na marami na sa tao lalu na ang mga bata ay mas madaling makaramdam, at nakakakita ng mga nilalang sa kabilang dimensiyon tulad ng mga gumagalang kaluluwa, mga engkanto, anghel at mga ekstra-terestriyal.

Narito ang ilan sa mga katanungan sa aking programang Misteryo sa radio DZRH noong Sabado na minabuti kong sagutin sa aking pitak dito sa Balita.

Jun ng Midsalip Zamboanga del Sur: Totoo bang may engkanto? Dito sa amin may madalas kaming makarinig na parang may nagdidisko na walang makitang tao.
RS: hindi ko masasabing yan nga ay mga engkanto o maaaring iyan nangyari talaga sa pisikal na daigdig natin.Gayunman, kung wala kayong nakita o nalaman na merong espesyal na okasyon nang marinig niyo ang diskohan na yan, maaari nating sabihin na yan ay mula sa kabilang dimensiyon. Ilan ba kayong nakakarinig niyan? Paulit-ulit bang nangyayari yan sa isang lugar? May mga karanasan ba kayo sa pagiging aktibo ng mga engkanto tulad ng mga kapre, tikbalang o duwende sa inyong lugar? Ilan lamang yan sa mga tanong na dapat niyong sagutin. Ngayon kung OO ang sagot niyo malaki ang posibilidad na kagagawan nga nila yan. Sa totoo lang para ding tao ang mga engkanto dahil sa may mga espesyal din silang okasyon na nagkakasayahan at kung sila nga yan ay masasabi kong pati sila ay sunod na rin sa uso tulad ng ginagawa ng tao.

Roel ng Pampanga: Tanong ko lang po. Ano po ang mabisang pangontra sa masamang espiritu at sa elemento na di nakikita?
RS: Una muna, gusto kong sabihin na hindi lahat ng mga engkanto, elemento o mga nilalang na hindi natin nakikita ay masama. Ako ay naniniwala na marami sa kanila ang mabubuti. Inaakala lang natin na masama ang mga espiritu sa mga pagkakataong ayaw natin silang maramdaman, makita at makaugnayan. Paano kung gusto nilang magpakita o magparamdam dahil sa meron silang mensahe o babala sa atin? Hindi ba’t maganda ang resulta nun sa ating buhay. Gusto ko lang ipaalala sa lahat na masasabi lang nating masama ang manipestasyon ng mga espiritu o mga di nakikitang nilalang kung ang epekto nun sa atin ay masama tulad ng pagkakasakit, o kamatayan. Ngayon kung ano ang pangontra sa bad spirits ay una ang pananalig natin sa Poong Diyos na pinakamakapangyarihan sa lahat at pangalawa na lamang ang anumang dasal na alam ninyo ngunit kaakibat pa rin nito ng taos puso at buong loob na pananampalataya sa pwersa ng Kalangitan.

Cashper: Tanong ko lang po, paano ba mabuksan ang 3rd eye kasi ang dami ko ng karanasan sa ibat-ibang klaseng lugar na napakakuwestyunable sa aking isipan.
RS: Depende sa karanasan mo, ano ba ang mga nakita mo naranasan mo. Kung may mga nakikita kang mga nilalang tulad ng mga kaluluwa o mga engkanto, bukas na o aktibo ang iyong “3rd eye”. Ayaw kong tawagin na third eye ang pagkakaroon ng karanasan na hindi normal sa nakagisnang paniniwala ng tao bagkus ay tinatawag kong sensitibo na ang taong meron nito. Isang maling katawagan ang third eye o sixth sense dahil sa totoo lang kung meron tayong limang senses sa pisikal ay meron din tayong mga senses na ito sa espiritwal. Clairvoyance ang tawag sa abilidad na makakita, Clairaudience sa mga nakakarinig sa mga espiritu, Clairsentience naman ang tawag sa mga nakakaramdam. Clairalience sa mga nakakaamoy. Claircognizance sa mga nakakaalam kung sino at ano ang isang tao o bagay nang di mo alam kung bakit mo alam. Clairgustance naman ang tawag sa kakaibang panlasa mo na wala ka naman kinain o isinubong bagay.

Sa susunod ay ang mga kasagutan ko sa iba pang katanungan ng ating mga kababayan na lumahok sa aking programa sa radyo para sa inyong mga katanungan at suhestyun, mag-text sa 09206316528. Mag-email sa misteryolohika@gmail.com. Bisitahin din ang aking website http://misteryolohika.tripod.com/. #

Charismata

2007-05-28T00:05:00.000-07:00

Ayon sa Christian Theology, ang “charismata” ay ang spiritual gifts o regalong espiritwal na ipinagkaloob sa bawat Kristiyano para lalu pang maging matibay ang pananalig sa Simbahan at pananampalayata sa Diyos.

Kabilang sa mga nababalitang charismata ay ang tinatawag na “speaking in tongues” at “interpretation of tongues” Ang speaking in tongues ay ang pagsasalita ng lengguahe o wika kaiba sa nakagisnan o ginagamit ng taong meron nito. Samantalang ang interpretation of tongues ay ang taong may kakayanan sa interpretasyon ng hindi maintindihang lengguwahe.

Ang ganitong “regalo” mula sa Diyos ay nakasaad sa Bagong Tipan ng Bibliya partikular na sa Unang Corinto 12, Romans 12 at Ephesians 4. Bagaman sinasabing ang charismata ay umubra lamang sa mga sinaunang Kristiyano alinsunod sa paniniwala ng ilang denominasyon ng mga Protestante. Tinukoy dito ang speaking in tongue at interpretation of tongue ay naganap lamang sa mga naunang panahon ng Kristiyanismo o ang paniniwalang tinatawag na “cessationism.”

Ngunit marami ang naniniwala na nagaganap pa rin ito sa mga panahong ito. Ang mga nasa paniniwalang Charismatic, Pentecostal, Apostolic at iba pang denominasyon ng Kristiyanismo gayundin ang Katoliko Romano, Eastern Orthodoxy at iba pang denominasyon ng mga Protestante.

Naniniwala naman ako na hindi lang ito limitado sa paniniwala ng mga Kristiyano kundi maging ng iba pang relihiyon ngunit iba lamang ang katawagan sa regalong ito mula sa Kaitasaan. Sa aking sariling pananaliksik anuman ang relihiyong kinaaaniban, anuman ang antas ng iyong pamumuhay at sinukaman sa lipunan ay maaaring magkaroon ng ganitong regalo mula sa Diyos dahil lahat ay espesyal para sa mata ng Poong Lumikha sa atin.

Magkakaiba ang mga opinyon kung ilan nga ba ang spiritual gifts o charismata na ipinagkaloob ng Diyos sa tao. May mga nagsasabi na ito ay pito samantalang may ibang sektor naman ang naniniwala na siyam lahat.

Bukod sa naunang dalawang binanggit ko na charismata – speaking in tongue at interpretation of tongue na maaari ding pag-isahin sa tawag na “tongue”, ang iba pang regalong espiritwal mula sa Diyos ay ang “word of wisdom” na nakasaad sa 1Cor 12:8; “word of knowledge” 1Cor 12:8; “faith” o pananampalataya 1Cor 12:9; “gift of healing” 1Cor 12:9, 12:28; “miracles” o himala at “miraculous powers” 1Cor 12:10, 12:28; “prophecy” 1Cor 12:10, 1Cor 12:28, Rom 12:6, Eph 4:11; “discernment of spirits” o pagtukoy sa mga espiritu 1Cor 12:10.

Personal kong napatunayan ang ganitong regalo o gift mula sa Poong Lumikha nang ilang beses ko nang ipina-konsulta sa isang kaibigan ang mga katagang nasasabi ng isang tao kahit na siya ay gising – nangangahulugan nakakapagsalita siya ng ibang lengguwahe kahit na hindi siya nasa kundisyon ng tinatawag na trance na posibleng may ibang nilalang na gumagamit lamang sa kanyang bibig para magsalita.

Hindi ko lubos mapaniwalaan na meron siyang kakayanan na makapagsalita ng mga lengguwaheng Arabic, Icelandic, Hangkok at ang pinakahuli ay ang pagsasalita niya ng lengguwahe ng mga katutubong American Indian.

Sa aking personal na pananaw, maaari nating masabing ang taong ito ay merong isa sa siyam na charismata ngunit sa pagkakakilala ko sa kanya hindi lamang isa kundi halos lahat ng spiritual gifts ay meron siya.

Ngunit ako ay naniniwala na hindi lamang iilan ang meron nito kundi tayong lahat na nilikha ng Diyos ay meron dahil sa wala namang pinipili ang Poong Lumikha sa atin sa aking personal na paniniwalang LAHAT TAYO AY ESPESYAL sa KANYA. Kailangan lamang na magising tayo sa ganung katotohanan at isaisip na anumang spiritual gift na matuklasan natin ay magamit natin para sa ikabubuti hindi lamang ng ating sarili kundi lalu na sa ating kapwa at sa buong sangkatauhan sa planetang at sa buong kalawakan sa pangkalahatan.

Para sa inyong mga katanungan at suhestyun, mag-text sa 09209386533, mag-email sa misteryolohika@gmail.com at bisitahin ang aking website http://misteryolohika.tripod.com/, makinig sa aking programang Misteryo tuwing Sabado alas-5:30 ng hapon sa DZRH. #

Mensahe ng Panaginip (2)

2007-05-21T06:32:00.000-07:00

Mensahe ng Panaginip

2007-05-14T06:28:00.000-07:00

Marami sa atin ang binabalewala lamang ang panaginip na sa akala natin ay isang bahagi lamang ng pangitain natin habang tayo ay natutulog. Ngunit lingid sa kaalaman ng karamihan, ang bawat panaginip ay merong mensahe na nais sabihin sa atin. Maaaring ito ay kasagutan sa inyong kinakaharap na problema o di man kaya ay mga suhestyun na dapat niyong gawin para sa ikabubuti ng inyong buhay.

Bagaman, may mga panaginip na nagbababala sa anumang masamang mangyayari, maituturing naman na ito ay isang mensahe na dapat bigyan ng espesyal na atensiyon lalu na kung ang epekto nito ay hindi lamang sayo kundi sa maraming tao. Maaaring ito ay panaginip ng trahedya o kalamidad na maaaring kumitil sa buhay ng marami. Ang ganitong uri ng panaginip ay tinatawag na “precognitive dream.” Ang maaaring gawin ng nakapanaginip ay ihayag sa sinuman kung ano ang kanyang nakita sa panaginip paniwalaan man nila o hindi. Kahit paano ay nakapagbigay ka ng babala para makapaghanda, dahil sa maraming pagkakataon sanhi ng meron tayong tinatawag na free will ay ayaw tayong pakinggan sa sinasabi natin.

May panaginip din na nakikipag-ugnayan sa atin ang mga namayapa nating mahal sa buhay na kung iisipin natin ay imposible dahil sa nasa kabilang buhay na nga sila at kaluluwa na. Lingid sa kaalaman ng karamihan na sa pamamagitan ng pagtulog ay maaaring makipag-ugnayan ang mga espiritu tulad ng mga kaluluwa, nature spirits (engkantada, dwende), mga anghel, mga santo, at maging ang Panginoong Diyos. Ang paliwanag dito ng mga eksperto, aktibo ang subconscious mind natin habang tulog ang pisikal nating katawan. Ito rin ang pagkakataon sa mga negatibong espiritu na sumasalakay kung kaya’t lagi kong ipinapayo lalu na sa mga sensitibong tao na magdasal bago matulog o kaya ay bigyan ng sapat na proteksiyon ng liwanag ang buong katawan at kaluluwa. Maaari itong gawin sa pamamagitan ng dasal para bigyan ka ng proteksiyon, at ang iba naman ay ginagawa sa pamamagitan ng meditasyon. Isinasaisip ang pagbaba ng liwanag mula sa kalangitan at babalutin ang buong katauhan.

Ngunit ang mga pagkakataon na may nakakausap ka sa panaginip ay hindi na talaga panaginip yun dahil sa ang kamalayan mo ay nasa labas na ng iyong katawan. Ito ang tinatawag na Out of Body Experience (OOBE) o astral travel, ang isang proseso na lumalabas na sa katawan ang bahagi ng iyong kaluluwa at kamalayan. Ang anumang makikita mo sa paglabas ng iyong kamalayan sa iyong katawan ay maaaaring ma-interpret ng iyong utak paggising mo bilang panaginip ngunit sa katotohanan ay talagang naranasan yun habang tulog. Batay sa pinakahuling pag-aaral ng mga siyentista sa misteryo ng pagtulog, 3 hanggang 4 na beses na lumalabas ang ating kamalayan sa buong linggo.

Ngunit sa pangkalahatan, ang mga nakikita sa panaginip ay pawang mga simbolo na merong mensahe na dapat nating pakinggan. Bihira lamang na literal ang kahulugan ng panaginip. Bagaman malaking tulong sa atin na malaman natin ang kahulugan ng panaginip sa pamamagitan ng mga nababasa nating libro tulad ng dream dictionary at iba pa, mas mainam na komunsulta kayo sa mga nakaka-intindi sa mga simbolo ng panaginip. Sa totoo lang, kayo din mismo na nanaginip ang makakaalam ng tunay na mensahe ng inyong panaginip. Ang payo ko sa lahat, kailangan may talaan kayo kun ano ang nakita niyo sa inyong panaginip o kilala sa tawag na “dream journal” para may giya lo guide sa kung ano ang ibig sabihin ng iyong panaginip.

Para sa inyong mga katanungan at suhestyun ilagay lang po ang pangalan at tagasaan, mag-text sa 09209386533. Bisitahin ang aking website – http://misteryolohika.tripod.com. #

Mga Supernatural at Clairvoyance

2007-05-07T01:18:00.000-07:00

Nais ko lang bigyang katugunan ang ilan sa mga katanungan na halos paulit-ulit na isinasangguni sa inyong lingkod na may kaugnayan sa paksang paranormal.

Muli kong sinasabi na kung bukas lang tayo – ang ating kaisipan, sa mga bagay-bagay na hindi nabibigyan kasagutan ng siyensiya at relihiyon ay hindi mahirap para sa atin na tanggapin ang katotohanan tungkol sa mga nilalang sa kabilang dimensiyon, tungkol sa kapangyarihan ng isip ng tao at ang pakikisalamuha ng mga taga-ibang dimensiyon sa ating mundong ginagalawan.

Tanong: Kung Clairvoyant ba ang isang tao, pwede bang maisara yun?
Sagot: Ang kakayanang makakita ng mga espiritu po clairvoyance ay nahahati sa dalawang uri. Ang una ay tinatawag sa pangalang “objective clairvoyance” – ang kakayanang makakita ng mga espiritu sa mismong pisikal na mga mata; at ang pangalawa ay “subjective clairvoyance” – ang kakayanang makakita ng kabilang dimensiyon sa pamamagitan ng isip. Karaniwan maaari nating makita ang mga nilalang sa kabilang dimension sa pamamagitan ng isip, ngunit marami na rin sa tao ngayon ang nakakakita ng mga espiritu ng direkta sa kanilang mga mata. Kung merong ganitong kakayanan ay hindi ganun kadali isara at hindi maisasara ng ibang tao dahil sa ito ay nasa sa taong taglay ang ganitong abilidad. Ngunit dapat nating tandaan na bawat isa sa atin ay may potensiyal na magkaroon ng ganitong abilidad. Sa pagbukas naman sa ganitong abilidad ay nasa sa tao ring may gusto nito dahil sa ito ay nakasalalay sa kanyang pagtanggap ng ganitong kakayanan ng isip. Hindi rin biro ang ganitong kakayanan dahil sa kaakibat nito ang napakalaking responsibilidad lalu na sa espiritwal na layunin. Maaari itong unti-unting magising sa pamamagitan ng palagian meditasyon, at laging pinagagana ang isipan.

Tanong: Paano malalaman kung Supernatural ang isang tao?
Sagot: Karaniwan kong sagot sa katanungan na ito “walang supernatural bagkus ay natural, walang paranormal bagkus ay normal.” Nagiging supernatural sa ating paningin o paniniwala kung makikita nating kaiba sa karaniwan nating nalalaman. Hindi ba’t humahanga tayo sa mga abilidad na maituturing nating hindi normal nating ginagawa? Tulad halimbawa ng pagpapagalaw sa mga bagay na hindi mo kailangang hawakan o bigyan ng pisikal na pwersa, nakung tutuusin ay isang normal na kakayanan ng tao sa pamamagitan ng kanyang isip – at ito ay kilala na sa tawag na psychokinesis o telekinesis. Kung matatanggap lamang natin na lahat tayo ay may taglay na kapangyarihan ng isip ay hindi nating masasabing supernatural, abnormal o paranormal ang isang NORMAL na kakayanan. Wala naman tayo dapat na sisihin sa mga magulang natin, sa mga ninuno natin, sa paaralan o simbahan kung bakit hindi tayo iminulat sa ganung paniniwala na ang ating isipan ay makapangyarihan. Lalu na at karaniwan tayong binabalaan na ang anumang makikita nating kaibang nilalang o magawa nating kaiba sa nakagisnan nating karaniwang abilidad ay sa demonyo o udyok ng mga masasamang nilalang. Oo at sang-ayon ako sa ganitong babala na mag-ingat tayo ngunit maaaari naman nating gamitin ang ganitong kakayanan sa kabutihan, para makatulong sa kapwa tulad halimbawa ng pagpapagaling sa mga may sakit sa espiritwal na aspekto ng buhay ng isang tao, makatulong din na gisingin ang ating kapwa na irespeto ang karapatan ng mga di nakikitang nilalang, at ang positibong kaisipan na ang ganitong kakayanang itinuturing naging paranormal o supernatural ay isang napaka-espesyal na regalo sa atin ng Poong Maykapal na dapat nating ipagpasalamat sa kanya.

Para sa inyong mga katanungan: mag-text sa 09167931451 pakilagay lang ang pangalan at tagasaan. Maaari ding mag-email sa misteryolohika@gmail.com. Bisitahin ang aking website http://misteryolohika.tripod.com. Makinig din sa ating programang Misteryo sa dzrh tuwing sabado, alas-5:30 hanggang alas-6 ng gabi.#

Bakit May Diyos?

2007-05-01T22:29:00.000-07:00

Ang Diyos…Ano ba ang pagkakakilala natin sa kanya? Marami sa atin ang naniniwalang ang Diyos ang lumikha ng lahat hindi lamang sa planetang ating ginagalawan kundi sa buong kalawakan o Universe.

May mga naniniwala naman na ang Diyos ang lumikha rin sa lahat ng mga nilalang sa kabilang buhay o ibang dimensiyon kabilang na rito ang mga Anghel, mga elemento at maging ng mga Ekstra-Terestriyal.

Ngunit sa kabilang dako naman, may mga tao ang di naniniwala na merong Diyos bagkus ay tayo bilang tao ay may kalayaan na hubugin ang ating buhay bilang isang nilalang na hindi dapat iasa sa Diyos.

Kanya-kanyang paniniwala, kanya-kanyang interpretasyon, kanya-kanyang opinyon resulta ng kanya-kanyang relihiyon at kanya-kanyang antas ng kaisipan – kapag nagkatagpo ay maaaring magresulta sa away o mauwi sa madugong digmaan.

Ngunit sa kabila ng mga natutuhan natin sa ating buhay sa larangan ng relihiyon at iba pang pang-espiritwal na mga aktibidad, hanggang ngayon ay hindi natin maarok kung sino nga ba ang Diyos – may mga nagsasabi nga “wag mo nang ipaliwanag kung sino at ano ang Diyos” ang mahalaga ay buhay ka sa mundong ito, kung akala mong may Diyos na lumalang, umaalay at tumutugon sa ating mga dalangin habang tayo ay nabubuhay, sige lang, kung di ka naman naniniwala na may Diyos ay meron tayong kalayaan na mabuhay alinsunod sa ating pinaniniwalaan.

Ang Diyos batay sa nakagisnan ng ibat-ibang lahi ng tao ay tinatawag din sa ibat-ibang pangalan alinsunod sa paniniwalang pang-relihiyon at espiritwal. Ang Diyos ay tinatawag sa pangalang Supreme Being, Elohim, Jehovah, Yahweh, El Shaddai, Holy Zeus, Jupiter, Brahma, Allah, Ra, Odin, Deus, Amlak, Jah, Ashur, Bhagavan, Paramatma, Ishvara,Baquan, Anami Purush, Radha Swami, Izanagi, Viracocha, Ahura Mazda, Mwari, Gitche Manitou, Sugmad, Hu, Shang Ti, Shen, Khoda, Dakilang Espiritu, Holy Ghost, Diyos Ama, The One, at tinatawag din bilang siya ring Inang Kalikasan.

Bunsod nito, marami nang mga argumento tungkol sa Diyos kung totoo nga bang may Diyos o wala. Para sa mga nasa paniniwalang Atheism, hindi sila naniniwalang may Diyos at walang basehan para sa paniniwalang espiritwal. Sa paniniwalang Satanism ang pinaniniwalaang diyos ay ang sarili ng isang tao at yun ang dapat na sambahin at hindi ang sinuman kaiba sa sarili.

Magkakaibang pananaw tungkol sa Diyos na ang resulta ay walang katapusang baliktaktakan at pagtatalo sa tao na hindi naman dapat mangyari dahil sa kung tutuusin dapat nating pahalagahan ang buhay na ating tinatamasa sa ngayon anuman ang antas ng pamumuhay.

Wala akong harangin na salungatin ang paniniwala ng ibang tao ngunit para sa akin ang paniniwala natin tungkol sa Diyos ay dapat nating ibase sa personal nating karanasan sa buhay.

Maaari kasing hindi paniwalaan ng ibang tao ang iyong karanasan na para sa sayo ay siyang totoo. Mahirap ipilit sa ibang tao ang pinaniniwalaan mo kung para sayo ay personal mong nakita ang anumang magandang resulta sa buhay.

Kamakailan lang ay tinanong ako ng ilang kabataan tungkol sa Diyos at iginiit ng mga ito na ang Dakilang Lumikha para sa kanila ay isang Judgemental GOD na kapag nakagawa ka ng kasalanan alinsunod sa paniniwalang Kristiyanismo ay huhusgahan ka at itatapon ka sa impiyerno samantalang ang mga mabubuti ay sa Kalangitan.

Ayaw kong makipagtalastasan tungkol sa ganitong paksa ngunit para sa akin ang paniniwala ko, ang Diyos na alam ko ay hindi mapanghusga dahil sa lahat ng kanyang nilalang ke mabuti ka o masama ka sa mata Niya o sa mata ng tao ay MAHAL NIYA.

Hindi ako salungat sa anumang itinuturo ng ibat-ibang relihiyon lalu na sa kinagisnan kong Katolisismo ngunit ang alam ko meron tayong kalayaan na paniwalaan ang anuman na para sa atin ay tama.

Kung sasandal tayo sa paniniwalang ang Diyos ay nanghuhusga ay balewala na ang lagi nating sinasambit na ang Dakilang Lumalang sa atin ay “ALL-LOVING, ALL FORGIVING GOD.”

Lalu pang nagulat ang mga kabataan sa aking sinabi na ang Diyos na alam ko ay hindi nagagalit, hindi nagseselos, hindi pinipili kung sino lamang ang kanyang dapat na MAHALIN dahil sa lahat tayo ay MGA ANAK NIYA na hindi niya dapat gawing mas espesyal ang isa at ang iba ay hindi.

Para sa aking personal na pananaw sabi ko sa kanila, PANTAY ANG PAGTINGIN ng Diyos sa ating lahat kahit na gaano ka KASAMA O KABUTI dahil sa siya ay punung-puno ng pagmamahal na hindi mo maaaring ihambing kaninuman at hindi natin siya maaaring ihambing sa mga katangian ng isang tao dahil nga sa siya ay DAKILANG DIYOS AT DAKILANG ESPIRITU na hindi natin kayang arukin ang kanyang KALOOBAN.

Ugaliing makinig sa aking programang Misteryo tuwing Sabado alas-5:30 hanggang 6 ng gabi sa DZRH. Mag-email sa misteryolohika@gmail.com at bisitahin ang aking simpleng website http://misteryolohika.tripod.com.#

Lahat Ba ng Panalangin, Nasasagot ng Diyos?

2007-04-23T22:23:00.000-07:00

Ang sagot sa tanong na yan ay “OO”. Ito ang lumabas sa pag-aaral na ginawa ng mga mananaliksik sa Arizona State University at inilathala sa kanilang March Journal na may pamagat na Research on Social Work Practice.

Nagsagawa ng kumprehensibong pagsusuri si assistant professor David R. Hodge ng College of Human Services sa 17 pangunahing pag-aaral sa epekto ng tinatawag na intercessory prayer o ang panalangin sa Diyos na iniaalay para sa kapakanan ng ibang tao.

Positibo ang nakita ni Hodge na epekto ng intercessory prayer na inialay lalu na sa mga pasyente na merong psychological at iba pang medical problem o taglay na karamdaman.

Bilang eksperto sa mga pag-aaral ng espiritwal at relihiyon, inihayag ni Hodge na sadyang importante ang kanyang ginawang mga pag-aaral dahil sa nakapaloob dito ang resulta ng maraming pag-aaral at hindi lamang iisang pananaliksik na meron lamang iisang konklusyon.

“This is the most thorough and all-inclusive study of its kind on this controversial subject that I am aware of,” ani Hodge. “It suggests that more research on the topic may be warranted, and that praying for people with psychological or medical problems may help them recover,” dagdag pa ng prupesor.

Isang pag-aaral nitong 2006 na pinangunahan ni Dr. Herbert Benson ng Harvard Medical School ang may konklusyon na wala daw positibong epekto sa mga pasyente ng cardiac bypass ang intercessory prayer, ngunit ayon kay Hodge hindi naman isinantabi ang naturang pag-aaral bagkus ay naging susi din ito para tignan ang tinagurian niyang “big picture” o mas malawak na pananaw sa naturang usapin na kapag pinagsama-sama ang 17 ibat-ibang pag-aaral tungkol sa intercessory prayer ay makikita ang average na resulta na meron pa ring positibong epekto sa mga pasyente.

Sa pangkalahatan, napatunayan ngang mabisa ang panalangin o dasal lalu na sa kapakanan ng ibang tao para sa ikabubuti ng kalagayan nito, bagaman kahit sa pansariling kapakanan ay may epekto rin.

Kung bakit maituturing na mas malakas ang epekto ng pagdarasal para sa ibang tao, dahil sa maituturing na buung-buo ang pananampalataya at pagmamahal sa tao na tinutukoy sa dasal, kesa sa pansariling kapakanan na karaniwang nahahaluan ng pag-aalinlangan.

Ngunit, kung magiging buo lamang ang ating pananampalataya, pagtitiwala at walang halong pag-aalinlangan ke ito man ay para sa iyong sariling kapakanan o para sa ibang tao, tiyak pa ring magkakaroon ng katuparan ang inyong panalanganin.

Ang lagi ko ngang sinasabi sa sinumang nagtatanong sa akin tungkol sa panalangin, kahit na anupaman itong panalangin kung sa akala niyo ay makatutulong ito para sa sinuman at hindi kayo nagdududa ay tiyak na matutupad ito.

Ang mainam nga sa lahat, hindi mo na kailangan pang humiling sa Diyos dahil sa totoo lang ay alam naman niya kung ano ang kailangan mo sa iyong buhay, ang mahalagang panalangin ay ang pagpapasalamat.

Sa panalangin ng pasasalamat ay nangangahulugan ito na tinatanggap mo na ng buong pagtitiwala sa Kanya ang anumang iyong kahilingan, hindi man ito makita agad sa madaling panahon ay magugulat ka na lang isang araw nandiyan na.

May pagkakatulad din ito sa isa pang pamamaraan na maaari nating gamitin ang ating isipan para matupad ang ating mga pangarap o naisin sa buhay. Ito ay ang tinatawag na visualization o ang paglikha sa iyong isipan ng isang sitwasyon o pangarap mo sa iyong buhay.

Kailangan lamang na wag mo na isipin kung paano mo iyon maaabot bagkus ay isipin mo na lang na nandun ka na sa ganung sitwasyon. Maaari itong gawin sa gabi bago ka matulog.

Kapag relaks na relaks na ang iyong katawan at isipan at pagkatapos mong manalangin, maaari mong iukit sa iyong isipan ang pinakamagandang sitwasyon na nais mo sa iyong buhay – may bago kang bahay, kotse, biyahe o trabaho sa ibang bansa at iba pa kasama na dito ang maituturing mong imposibleng maibigay sayo dahil sa kasalukuyan mong sitwasyon. Kailangan lamang na mismong sa isipan mo ay nararanasan mo na ang ganung sitwasyon na pinapangarap mo.

Kailangang gawin mo ang visualization ng walang pagdududa dahil sa isang isip mo lamang na nagduda ka ay mawawalang parang bula ang naturang pangarap sa iyong isipan.

Kung ano ang paliwanag tungkol dito? Hindi ba’t kung tutuusin lahat ng mga nakikita natin o nahahawakan natin sa pisikal na daigdig na ito ay mula sa malikot na kaisipan o pangarap ng taong unang gumawa ng mga bagay na ito lalu na ang mga imbentor.

Bagaman, tayo ay nanalangin na matupad ang lahat ng pangarap natin, makatulong sa kapwa at iba pa maging ang visualization o tayo ay nangangarap, isaisip lang natin lagi na nasa Diyos ang Awa, Nasa Tao ang Gawa – ibig sabihin kung ano man ang buhay, o daigdig na ginagalawan mo ay ituloy mo lang na gawin at magsikap ka at magugulat ka na lamang isang araw – lahat ng panalangin mo o pangarap mo ay natupad na.

Ugaliing makinig sa aking programang Misteryo sa DZRH, tuwing sabado alas-5:30 hanggang alas-6 ng gabi. Mag-email sa misteryolohika@gmail.com. Bisitahin din ang aking abang website http://misteryolohika.tripod.com.#

Click the link for the article: http://physorg.com/news93105311.html

Mga Abusadong Pari, Dapat Parusahan

2007-04-17T06:04:00.000-07:00

Tila isang bangungot sa hanay ng mga mananampalataya sa relihiyong Katoliko ang paulit-ulit na lamang na mga kaso ng pang-aabusong seksuwal ng mga Paring Katoliko.

Pinakahuli sa mga ito ay ang ginawang pag-molestiya ng isang Father Benjamin Zozobrado Ejares sa dalawampung kabataang babaeng estudyante ng Abellana National School sa Cebu City.

Sa katunayan, nahaharap ngayon sa kasong Child Abuse at Acts of Lasciviousness si Fr. Ejares, limang buwan matapos na magawa ni “father” ang pang-aabusong seksuwal ng molestiyahin nito ang 20 kabataan.

Heto ang pangyayari: Sa affidavit ng pito sa mga bata na isinumite sa National Bureau of Investigation (NBI), noong Nobyembre 14, 2006 nangumpisal sila bilang bahagi ng kanilang Life and Spirit Seminar ngunit laking gulat, takot at umiyak ang mga batang babae nang sila ay minolestiya ni father Ben.

Nabatid na ang kanilang pangungumpisal ay kaiba sa nakagawian sa loob ng simbahan na dapat ay nasa kumpisalan na kaharap mo ang pari ngunit may pagitan na maliit na bintana na merong screen at naaninag mo lang ang alagad ng simbahan sa kabila.

Sa halip na kaharap sa kumpisalan ay katabi ng mga batang-estudyante si father Ben at ito ang sinamantala ng manyakis na pari. Malikot ang kamay ng pari, inakbayan ang mga estudyante, hinawakan ang kanilang braso, siko at pinitikpitik ang kanilang bra. Habang ginagawa ang kalaswaan sa mga estudyante ay tinatanong pa ang mga ito kung meron na silang boyfriend at hinimok pa ang mga ito na makipag-date sa kanya.

Bilang isang Katoliko, wala akong hangarin na sirain ang paniniwalang Katoliko bagkus ay masakit ang epekto nito bilang isang mananampalataya lalu na at hindi ko na masikmura ang ganitong pang-aabuso ng ilang mala-demonyong pari na sa kabila ng kanilang abitong suot sa kanilang pagmimisa ay pawang kabastusan ang nasa isipan at nadadarang sa init ng kanilang katawan.

May ang katwiran pa ang ilang kakampi ng mga “bastos” na paring tulad nito na tao rin sila na may mga pagkakataong natutukso. Ang sagot ko naman, eh bakit pa sila pumasok sa pagkapari kung ganun lang ang kanilang gagawin samantalang alam naman nilang alisunod sa sinusunod nilang Canon Law ay meron silang tinatawag na “vow of celibacy”, ang kautusan na hindi dapat nasasangkot sa anumang seksuwal na aktibidad ang kaparian.

Ilang pari na ba ang nasangkot sa ganitong kahalintulad na “kasalanan” sa kautusan ng Simbahang Katoliko? Hindi lang isa, dalawa, tatlo kundi daan daan, o kaya ay libu-libo na. Bakit di na lang aminin ng simbahan na malala na ang ganitong sitwasyon na sangkot ang mga pari at hindi yung pagtatakpan ang ganitong uri ng usapin.

Bagaman, sinasabing nagpataw daw ng kaparusahan ang Simbahang Katoliko sa mga abusadong pari, ang tanong meron bang paring nakulong dahil sa ginawa nila? Karaniwan nang pinapaalis sa isang lugar ang isang pari at hindi muna pinapayagang makapag-misa habang sinisiyasat ang kasong kinasangkutan – ngunit ang imbestigasyon sa hanay ng simbahan ay ginagawang sikreto.

Nasaan na ang saysay ng nilagdaang kasunduan ng Vatican nang ratipikahan nito ang Convention on the Rights of the Child noong Setyembre 1990 at ang Optional Protocol to the Convention on the Rights on the Sale of Children, Child Prostitution and Child Pornography noong Oktubre 24 2001, kung hindi nito kayang bigyan ng proteksiyon ang mga kabataan laban sa mga abusado, at pedopilyang pari?

Sa aklat na sinulat ni Armando Ang na may pamagat na The Darkside of Catholicism, lumabas sa maraming survey na 4,450 ng 110, 000 ng mga paring-Romano Katoliko ang nasangkot sa pag-molestiya ng mga menor de edad mula taong 1950 hanggang 2002. Ang ganitong bilang ng mga paring sangkot sa pang-aabusong seksuwal ay kokonti sa katotohanang mas marami pa ang mga kasong hindi nai-report sa mga kinauukulan at sa tinatawag na “confidential washing.”

Bahagi ng tinatawag na “silent conspiracy” para maitago ang pang-aabuso ng mga pari ay ang pagsasailalim ang mga ito sa “mental reservation”, umanoy pagkakataon ng mga inirereklamong pari na magsinungaling under oath para umanoy protektahan ang simbahan laban sa kahihiyan. Ang doktrina ng mental reservation ay pinapayagan ang mga pari na wag magsasabi ng buong katotohanan sa ilang pagkakataon para maiwasan ang matinding iskandalo at para pagtakpan ang nagawang pang-aabuso ng isang pari. Isa umanong halimbawa ng mental reservation ay isang kaso ng pari na hindi naman talaga nagkaroon ng pakikipagniig sa biktima dahil sa hindi naman nito naabot ang climax o orgasmo. Tinatawag din itong “reserved embrace”. Karaniwan nang ginagamit ang mga teknikal na katagang teyolohika lalu na ang latin para mailigaw ang publiko.

Bilang isang Katoliko, ang tanging apela ko lamang sa Simbahan, tanggapin na natin ang katotohanan na meron tayong problema sa loob na dapat na lutasin at wag pagtakpan. Kung sa akala natin na hindi na uubra sa ngayon ang vow of celibacy eh di gumawa tayo ng paraan na alisin na lamang ito at payagan ang mga pari na magsipag-asawa ngunit kailangan pa ring disiplinahin para maiwasan ang sexual abuse lalu na sa mga kabatang babae at lalaki. Pangalagaan naman sana natin ang kapakanan ng marami kesa ng iilang alagad ng Simbahan na umaabuso sa kanilang tungkulin.

Para sa inyong mga katanungan at suhestyun, mag-email sa misteryolohika@gmail.com. Bisitahin ang aking website http://misteryolohika.tripod.com. #

Bundok Banahaw, Dadagsain Ngayong Mahal na Araw

2007-03-19T22:05:00.000-07:00

Dalawang linggo na lamang bago ang Holy Week o Mahal na Araw ay halos handa na ang Bundok Banahaw para sa pag-dagsa ng mga deboto at iba pang mamamayan na merong mga panata kung kayat sadyang aakyatin ang itinuturing na sagradong bundok.

Ang mga residente lalu na ang mga “pator” o guide sa naturang sagradong bundok ay handa na sa pagsalubong at pagbibigay ng serbisyo sa mga kababayan natin, mga deboto man o hindi ng partikular na sekta o relihiyon, mga turista at iba pang nais na magkaroon ng kakaibang karanasan sa Mahal na Araw.

Nitong weekend, pagkalipas ng walong taon mula ng huli kong akyatin ang bundok Banahaw ay muli ko na naman dinalaw ang sagradong bundok para makapagmuni-muni at maiangat ang aking kamalayan sa espiritwal.

Tulad ng nakagawian, kasama ko sa aking paglalakbay patungong Banahaw si pareng Nick de Guzman na siyang paroon-parito sa naturang bundok na matatagpuan sa lalawigan ng Quezon.

Para sa mga hindi pa nakakapunta sa bundok Banahaw, masasabi kong mas komportable na ngayon ang pagtungo dun kesa noong mga naunang pagkakataon na umakyat ako sa naturang lugar dahil sa di tulad noon na talagang dadaan ka sa mabato at maalikabok na kalsada, salamat naman at meron nang nakalatag na sementadong kalsada patungo sa Kinabuhayan.

Ang bundok Banahaw ay matatagpuan sa layong 170 kilometro sa timugang-silangan ng Maynila at maaari itong puntahan sa pamamagitan ng bus mula Maynila patungong San Pablo City at mula dun ay sakay ng jeep patungong barangay Kinabuhayan, Dolores, Quezon. Bagaman maaari ding marating ang bundok mula sa ibang direksiyon tulad ng mula sa Lucban at Tayabas, Quezon.

Naging usap-usapan ang bundok Banahaw sa mga kababalaghan na naranasan dito ng marami nating kababayan mula pa nang ideklara itong sagrado ng mistikong si Agrapino Lontok habang taong 1921 pa ito naideklarang pambansang parke o national park.

Tampok sa bundok Banahaw ang mga idineklarang mahimalang “puestos” o mga lugar kung saan matatagpuan ang mga bukal ng tubig, kuweba, at iba pang mga lugar na maitutulad sa mga istasyon ng paghihirap ng Panginoong Hesukristo, aparisyon ng mga imahe ng nakagisnang Diyos Ama at mga lugar na nagkaroon ng kagalingan sa sakit ng mga umakyat sa naturang bundok. Itinuturing ang bundok Banahaw bilang bagong Herusalem sa paniniwala ng mga grupong relihiyon at mga sekta na nakatira na mismo sa naturang sagradong bundok.

Bagaman, hindi ko pa napupuntahan ang mga puestos sa mataas na lugar ng bundok ay masasabi ko namang napakahalaga na sa akin ang maramdaman ko ang kakaibang lamig ng tubig sa Sta. Lucia Falls na ayon sa mga pator dun o guide ay siyang unang-una na dapat na pinupuntahan sa bundok Banahaw bilang pagbibigay pugay, paghingi ng pahintulot at paglilinis sa sarili bago magtungo sa mas mataas na bahagi ng sagradong bundok.

Marami na ang mga nagbigay ng kanilang testimonya na sa Sta Lucia falls ay gumaling sila sa kanilang karamdaman, ang iba naman ay nagkaroon ng kaluwagan sa kanilang sarili dahil sa nahugasan sila sa kanilang kasalanan habang ang iba naman ay nakakita ng mga kababalaghan tulad ng biglang paglitaw ng maliliit na bahaghari at kakaibang mga ibon, kulisap at sa mga itinuturing na sensitibong tao o psychic ay normal na silang nakakakita ng mga espiritu tulad ng mga duwende, lambana, diwata at maging mga espiritu ng katubigan na kilala sa pangalang sirena.

Sa katunayan kahit saan mang puesto ng Banahaw ka mapunta ay marami kang mararanasan na kababalaghan, may ibang bigla na lamang nakakatanggap ng mga mensahe mula sa mga espiritu ng sagradong bundok tulad na lamang ng inyong lingkod sa pakikipag-ugnayan ng isang bumabang kinatawan ng mga ekstra-terestriyal. Ang kanyang mensahe ay saka ko na lamang ibabahagi sa mga susunod na labas ng aking artikulo dahil sa merong mahalagang mensahe patungkol kay Pangulong Gloria Macapagal Arroyo.

Abangan po ninyo sa susunod na labas ng aking artikulo ang mensahe mula sa mga nilalang ng star system Orion kung ano ang kanilang layunin ng pananatili sa planetang ito, maging ng kanilang patuloy na ugnayan sa mga espiritu ng kalikasan sa bundok Banahaw at ang kanilang nais na ibahaging mensahe sa tao.

Sa susunod na edisyon ng aking palatuntunang Misteryo sa dzrh, mula 5:30 hanggang alas-6 ng gabi ay sisikapin nating maka-ugnayan ang aking mga nakasama sa pagtungo sa bundok Banahaw at kung ano ang kanilang naging karanasan.

Para sa inyong mga katanungan at suhestyun, mag-email sa misteryolohika@gmail.com at bisitahin ang aking website http://misteryolohika.tripod.com. #

Ebidensiya ng Kabilang Buhay

2007-03-05T00:14:00.000-08:00

Bagaman marami ang naniniwala na merong kabilang buhay, marami pa rin ang nagdududa dito at hindi pa rin sila naniniwala na kapag namatay ang isang tao ay hanggang dun na lang ang kanyang kamalayan.

Hindi natin pipilitin ang iba na kumbinsihin na totoong may kabilang buhay ngunit isang karanasan ng isang kababayan natin ang maaaring makapagbigay ng inspirasyon sa ating mga kababayan at makapagpatunay na totoong merong buhay pagkatapos nating mamatay sa pisikal na buhay.

Ito ay totoong karanasan ni Malou Sun ng Paranaque noong taong 1999. Minabuti kong ilahad dito ang kabuuan ng kanyang karanasan nang wala akong ginawang pagbabago ngunit isinalin ko sa wikang Pilipino para mabasa at maintindihang mabuti ng ating mga kababayan:

“Sa aming bahay Agosto 26, 1999. Pagod na pagod ako at merong akong sakit na ovarian cyst. Ayaw kong magpa-opera. Bigla akong nawalan ng malay-tao at nakita ko ang aking katawan na wala nang buhay at nakahandusay sa sahig ng aming bahay, ngunit alam kong buhay na buhay ako sa labas ng aking katawan at ako ay nakalutang sa ibabaw ng aking wala nang buhay na katawang lupa.

Ang buong paligid sa aking nakikita noon ay napakapayapa at punung-puno ng liwanag….liwanag na hindi nakasisilaw ngunit masarap ang pakiramdam at nanunuot sa kaibuturan ng aking kaluluwa…at damang-dama ko noon ang di ko maipaliwanag na kaligayahan.

Bigla akong may nakitang imahe…at ang nararamdaman ko noon, siya ang Diyos, ngunit hindi ko nakita ang kanyang mukha.

Sa di kalayuan ay nakita ko ang aking anak na babae, at dun ko nawari at napagtanto sa aking isipan na kailangan kong magbalik sa aking katawan para sa aking anak.

Nang tanungin ko si Malou kung ano ang kaibhan ng pakiramdam dito sa pisikal at dun sa kabilang buhay na kanyang naranasan.

I felt magaan…serene (payapa) as if I’ve been away to a far place na dami ako nakita pero ditto masikip, mabigat ang density at may time element, doon kasi wala at napakalawak samantalang dito may boundaries.
I followed a non-glaring white light I could see everything at walang walls (dingding) that divide. It is a vast opening. Some persons I met smiles some just stare at me. No plants and animals just a vast space filled with human beings seem floating sila. Generally serene lahat.

Ang karanasan ni Malou ay maituturing sa katagang “Near-Death Experience (NDE) na karaniwang nararanasan ng mga taong nasa bingit ng kamatayan o di man kaya ay talagang umalis ng kanilang katawan at naglakbay ang kanilang kaluluwa sa kabilang buhay.

Marami nang ganitong mga karanasan ang naodokumento sa ibat-ibang panig ng daigdig at patunay na meron ngang kabilang buhay kapag namatay ang isang tao.

Ngunit magkakaiba ang ating pananaw dito batay sa magkakaiba nating karanasan kung ano ang tinatawag na kabilang buhay.

Marami sa ating ang hindi lang ito pinapansin sa dahilang maituturing lamang itong isang panaginip, ngunit sa totoo lang ang isa pang paraan para makita ang kabilang buhay ay habang tayo ay tulog at nanaginip.

Sa ating pagtulog, hindi man palagi ay madalas na naglalakbay ang ating kaluluwa at kamalayan sa kabilang buhay para makipag-ugnayan sa mga matataas na espiritu lalu na sa ating Panginoong Diyos.

Ito ang tinatawag na Astral Travel o Out of Body Experience kung saan ang ating kamalayan bahagi ng ating kaluluwa ay lumalabas ng ating katawang lupa at naglalakbay.

Ito rin ang kadalasang pagkakataon na nakikipag-ugnayan sa atin ang mga namayapa nang mga mahal natin sa buhay.

Ang isa pang maituturing kong ebidensiya ng kabilang buhay ay kapag meron kang kakayanan na makita ang mga espiritu habang ikaw ay gising. Ito ay nangangahuluganh na bukas ang iyong matang espiritwal o clairvoyant ka at nakikita mo ang mga kaluluwang gumagala, mga engkanto, anghel at ekstra-terestriyal.

Hindi ko sinasabing totoo na merong kabilang buhay, ngunit iyan ay depende na lang sa inyong magiging karanasan at kung meron man maaari niyong ibahagi ang inyong karanasan.
Mag-email sa misteryolohika@gmail.com. Bisitahin ang aking website http://misteryolohika.tripod.com. Pakinggan din ang aking programang misteryo tuwing araw ng Sabado 5:30 hanggang 6 ng gabi sa himpilang DZRH.#

Hinagpis ng Ina na Naulila ng Anak

2007-02-26T16:18:00.000-08:00

Nais kong ibahagi sa inyo ang hinagpis ng isang ginang na naulila ng isang mapagmahal at talentadong anak na kung hindi sana sa isang insidente ng holdap ay buhay pa ito sa ngayon. May mga katanungan din ang naulilang ginang tungkol sa misteryo ng bilang na 11.

Narito ang ipinadalang e-mail sa akin ni Ginang Nanette Bernardo ng San Andres, Maynila at sinadya kong wag baguhin ang mga ginamit niyang salita at estilo ng pagsulat maging ang aking naging katugunan.

Dear Mr Rey Sibayan,

Ako po si Gng. Nanette Bernardo,51 yrs old. Ang aking anak na si Jose Leandro, Lee sa mga kaibigan ay napatay ng hold upper sa G. del Pilar St. sa may San Andress sa parte ng Arellano.Sya ay binaril sa puso at namatay noong 01-11 @11pm. Dinala sya sa Loyola sa Marikina sa chapel 1 sya nalagay at na creamate ng 1pm noong jan 12. sa isang picture nyang ibinigay ng mga kaibigan at nilagay sa tabi ng urn, ay may hawak syang cake na may 1 candle at yung isa naman ay nakaturo sya pataas ng isang daliri. Ang birthday nya po ay 12-08. 1+2+8 = 11. Ang matindi po nito on the night before he died, meron syang post sa blog nya sa website nya at un ang last log in nya 01-10 @1:01am. He posted the Let It Go article.

Napakasakit po ng mawalan ng anak na 26 yrs old, papunta sa kanyang success. Sya ay hinold up sa tabi ng bahay nya at sa tapat ng barangay office /house ng barangay captain , na lasing at tulog ng gabing yun at di nag lalagay ng mga tanod sa area na yun. Si Lee ay isang graphic artist,mountaineer, video editor at creative artist .

Ano po kaya ang kahulugan ng mga 1 na yun matapos syang mapatay?Ang tangi ko pong nakita sa kanya ay ng umalis syang malamlam ang mga mata. Nandito pa din kaya sya sa lupa?Ng sya po ay iburol nagulat kami sa dmai ng kanyang kaibigan at nag mamahal s akanyang iba ibang edad,klase ng tao. Nag iwan po sya ng magandang memories for us to live by and to cherish and treasure.Makikita po ninyo sa website nya www.bubuekak.multiply.com

sana po ay di maging hadlang sa inyo ang aking pag sulat. til now po walang linaw ang kung sino ba ang kriminal na pumatay sa aking anak.Paano ko kaya maiibsan ang sobrang sakit na nararamdaman ng isang inang namatayan ng anak?

salamat po s ainyo at sana ay matugunan ninyo ako sa email ko.
mrs. nanette bernardo

Narito naman ang orihinal na naging katugunan ko sa e-mail ni Ginang Bernardo:

Ma'am,

Thanks for your trust and you told me the details about your son. My condolences po sa inyo and to your family. First, the only way to get rid of the pain is to release him meaning accept everything about him esp his fate. Of course ma'am, it's hard to accept of losing a loving and talented son like him but we can't changed it.....his life in this lifetime has ended. If he visits you in your dreams, try to ask him if he's ok now.....and listen to him also. If you see him smiling, then i think better to let him go....but if he's sad, you must let him go also, because ayaw niyang ma-focus lang ang life niyo sa kanya. He's just on the other side. For him i think he forgive the person who killed him because he accepted the destiny. Secondly, the 11 phenomenon I admit I'm also connected to that mystical combination of numbers. In fact, everytime I check my time it's always in that digits of 1, 11, 01, etc but now It changed to 12-12; 17-17; 15-15...and i could see a pattern of repitition. For me that phenomenon is a sign of evolving into another state of consciousness esp spiritual. Your son is into that path but unfortunately it was pre-empted in the physical because of destiny. I know he would continue that journey on the other side. To people or person, who killed him, i would suggest you must forgive him and let the Law of Cause and Effect (the law of karma) to take its course for him. Just pray for the soul of your son and give smile to him, love him and tell him, wherever he's now you know he's happy with the angels and higher beings in the afterlife. I know he still doing his part for human evolution and spiritual enlightenment, and he can do more on the other side that trapped in the physical body. Always believe GOD's plan has special purpose to us individually and collectively.

Smile Life is Beautiful
RS

Muling lumiham sa akin si Ginang Bernardo at ito ang sumunod niyang e-mail:

Dear Mr Rey Sibayan,Maraming salamat sa pag tugon nyo sa aking sulat. I have decided to move out of our place and change our environment to be able to ease the pains we are going through. Yes, I have forgiven the people responsible for my son's death for I know God knows what to do and I have accepted my son's fate. Thy will be done, but my motherly heart sometimes tells me to keep on hurting and the pain is devastating indeed. I read a lot of books and articles about life after death . The best was when 2 of my daughters told me they have dreamed of their kuya playing with them , saying its very very nice there. Naka bihis pa nga daw ng maganda si Lee at tinanong ng isa why he is dressed that way na nakapustura and he somehow replied na oo, kahit ano gusto mo isuot pwede d2.And he was saying na kumusta daw kami at nadidinig din nya prayers namin for him. The other daughter told me na her kuya was saying to be very careful , to close the windows and doors bec there are so many strangers outside the house who wants to get it.My dreams of my son is always seeing him in blank face walang emotion nakatingin lang sa akin, but one time may suot syang very bright na damit.I like to dream of him again with happy face.I also would like to share to you this. After a week of my son's death, my bayaw also died. My sister was holding him when she saw a smoke like element leaving the body of her husband. She said she lifted the body of her husband and it moved again somehow. So she brought him to a hospital still panthing. Til he died. I have read in a book, then our soul or spirit leaves the body even before the body stopped breathing. So in traumatic cases like my son's or an accident, kahit na gumagalaw pa ang body at nag hahabol ng pag hinga umaalis na daw ang kaluluwa nito para hindi makaranas ng too much pain ang katawan. When i read this and when my sister told me her true story, I was somehow relieved sa nagpapahirap ng loob ko , na nasaktan ang anak ko ng sya ay barilin ng kriminal.Of course , I have to believe , otherwise ako naman ang mag durusa.Maraming salamat sa iyo ,Rey,
nanette bernardo

Minabuti kong ibahagi sa inyo ang liham ni Ginang Bernardo para ilahad sa inyo ang katotohanan na nangyayari ang ganitong kababalaghan sa buhay natin bilang nilalang sa mundong ito Para sa inyong mga katanungan at suhestyun, mangyaring mag-email sa misteryolohika@gmail.com; bisitahin ang aking website: http://misteryolohika.tripod.com, at makinig sa aking programa tuwing Sabado, 5:30-6 ng gabi sa himpilang DZRH. #

Mensahe ng mga ET at Panaginip

2007-02-19T16:22:00.000-08:00

Bagaman abala tayo sa pang-araw araw nating buhay at sa mga ibat-ibang isyu sa ating kapaligiran lalu na ng pulitika, marami pa rin sa ating mga kababayan ang patuloy na nakakaranas ng mga kababalaghan na hindi kayang ipaliwanag ng lohikang kaisipan.

Kabilang sa mga karanasang ito ay ang pagpapakita ng mga UFO at Ekstra-Terestriyal sa tao na bagaman pilit na ipinagwawalang bahala ng mga nasa gobyerno ay siya namang patuloy na manipestasyon sa ating buhay.

Tulad ng naging karanasan ng mga kababayan natin mula sa Bulacan at Valenzuela City.

* May ng Valenzuela City: Year 1993 ng magkaroon ako ng kaugnyan tungkol sa alien e.t. at dumating yung araw na nakarating din ako sa kanilang place to the another planet,mga kawangis din ntin sila--mga humanoids sila kung tawgin,ang kaibahan nga lang ntin sa kanila, nakakausap nila ang dakilang lumalang sa atin o ang tinatawag nating Diyos na lumalang sa lahat. Isang malakas na paglindol ang mangyayari sa buong mundo na ubod ng lakas. Lahat ng masama ay masasawi, magkakaroon muli ng bagong mundo sa pagwasak ng mundo lahat sila (ET) ay lalantad. Pagdating ng panahon pag ang mundo ay nilinis ng Poong Maykapal o I mean pipiliin na ang mabuti at masama, sila (ET) ang tutulong para ang mga mabuti ay maligtas. Hindi pa huli ang lahat para magpakabuti na dapat ang lahat ng tao upang makamit natin ang tagumpay at gantimpala ng Poong Maykapal at masilayan natin ang bagong mundo with ET. Sa pamamagitan niyo ay maipaalam sa mga tao ang katotohanan at ito na yung takdang panahon na sinasabi nila.

* Ging-ging ng Bulacan: May karanasan ho ako sa UFO mga ilang taon na din ang lumipas. Minsan isang gabi ay namataan ako na UFO na ang lopad niya ay mataas lang ng konti sa puno ng niyog dati sa tapat ng bahay namin. Bilog siya na parang plato at marami siyang pulang ilaw sa paligid. Ang kahanga hanga wala siyang kaingay-ingay sa papawirin sa paglipad at pagtala niya na kung ikukumpara sa helicopter at eroplano na kapag mababa ang lipad dapat sana ay napakaingay na niya. Yung UFO ay tahimik lang at nang ilang Segundo sa ere ay bilang tumalilis siya ng lipad sa isang saglit lang eh naglaho na siya sa kanyang kinalulugaran na parang isang bulang naglaho. Ito po ang aking karanasan sa nakita kong UFO malapit lang ho dito sa bahay naming na di ko malilimutan ang hitsura. Pagkuwento ko po sa inyo ay kinikilabutan pa din ako kasi dun lang ako nakakita ng ganung klaseng bagay.

* Milo Pascual: Mr Sibayan nais ko lang ipaalam sa iyo na kaisa mo ako sa paniniwala na may iba pang nilalang bukod sa ating mga tao

* RS: Ang mga karanasan nina May at Gingging ay palatandaan na ang mga nilalang na ito na hindi lantaran kung magpakita sa tao ay nagaganap anumang oras o saanman. Ngunit ang mahalaga sa ganitong mga karanasan ay kung ano ang mensahe na nais nilang ipaabot sa tao. Tulad na lamang ng mensaheng nasagap ni May na kailangang magbago na ang lahat ng tao at isipin ang ikabubuti hindi lamang ng sarili kundi ng buong sangkatauhan. Kamakailan lang ay sinabihan din ako ng isa naming kasamahan sa Eye in the Sky ng DZRH, nang magpakita kay Gerald Jambora ang kakaibang sasakyang pangkalawakan sa Antipolo City. Ayon kay Jambora ang mga nakita niyang makulay na ilaw na pabilog ay mas matingkad ang kulay pula na may halong asul.

* Myda ng Baliuag, Bulacan: Lagi po akong nagbabasa ng inyong segment sa BALITA. Ask ko lng po kung ano ibig ipahiwatig ng panaginip ko na eroplanong bumabagsak. Madalas po ito. Balak ko po sanang mgtrabaho sa ibang bansa. Sana po masagot nyo po para mlinawan po ako kung tutuloy pa ako. Thanks

* RS: Ang panaginip tulad ng mga nauna ko nang sinabi ay karaniwang simboliko ngunit may mga pagkakataon na maaaring ito ay babala sa hinaharap. Sa panaginip ni Myda ito ay isang babala na maaaring hindi mo maabot ang iyong hinahangad sa ngayon ngunit wag mawalang na pag-asa dahil sa ang taong matiyaga at masipag na may positibong kaisipan ay maaari pa ring matupad ang mga pangarap.

* Sugar ng Siniloan, Laguna: Tanong ko lang po kung ano dapat ko gawin para mabuksan ang third eye?

* RS: Hindi basta-basta ang pagbubukas ng third eye at lalung hindi ito gawang biro lamang dahil sa malaki ang responsibilidad mo kung gusto mong mabuksan ito. Tulad ng sinabi ni Master Del Pei sa aming seminar nitong nakalipas na buwan ay kung nakakakita ka ng mga espiritu ay hindi nangangahulugan na bukas na iyong third eye dahil sa ang ikatlong matang ito ng ating sangkatauhan ay isang mekanismo para makumpleto ang kuneksiyon natin sa Poong Maykapal.

May nagtanong din sa akin na minsan may kuryente sa kanyang katawan na kapag hinawakan ng isang tao ay napapaigtad sa lakas ng kuryente. Ito ay ang enerhiya na bumabalot sa ating katawan na kaya napapaigtad ka o sinuman ang humawak sayo dahil sa sobra ang enerhiyang iyon. At ang enerhiyang ito kapag nagawa nating kontrolin ay may kakayanan na pagalawin o pasabugin ang isang bagay sa tulong ng ating isip.

Para sa inyong mga katanungan, mag-email sa misteryolohika@gmail.com. Bisitahin ang aking website http://misteryolohika.tripod.com. Makinig sa programang misteryo tuwing sabado, alas-5:30 hanggang alas-6 ng gabi sa dzrh.#

Buwan Napatunayang May Epekto sa Tao

2007-02-12T05:00:00.000-08:00

Pagkalipas ng napakahabang panahon na sarado ang kaisipan o kaya ay matindi ang debate ng mga siyentista tungkol sa paniniwalang may kuneksiyon sa katauhan ng tao ang buwan, ngayon ay idineklara ng mga eksperto ng siyensiya na meron ngang kuneksiyon.

Batay sa pinakahuling pananaliksik ng mga siyentista, ang ating buwan ay hindi lamang nakakaapekto sa paglalim at pagkati ng karagatan kundi maging sa pag-uugali at ikinikilos ng mga tao.

Ang matindi pa nito, ay natuklasan din na malaki ang epekto ng buwan sa kundisyong pangkalusugan ng tao.

Kaakibat ng bagong pananaliksik ng mga siyentista ay ang ginawang pag-aaral sa 50 iba pang naunang pag-aaral ng mga eksperto at lumabas sa kanilang konklusyon na maging ang mga duktor at mga pulis ay kailangang maghanda sa anumang mga pagbabago sa kanilang trabaho sa ibat-ibang anggulo ng lunar cycle.

Ayon sa mga eksperto mula sa Leeds University, sa ginawang pag-aaral sa mga taong may gout problem o pananakit ng mga kasu-kasuhan sanhi ng mataas na uric acid, matindi ang atake nito tuwing kabilugan ng buwan at ito ay mapatutunayan sa maraming konsultasyon na idinudulog tungkol dito sa mga duktor. Nabatid na tumaas ang appointments para sa gout problem consultations ng 3.6 percent

Lumabas din sa 22 taong pag-aaral na ginawa ng mga eksperto ng Slovak Institute of Preventive and Clincal Medicine sa Bratislava, matindi ang atake ng gout at asthma kapag sumasapit ang new moon at full moons.

Batay sa mga data sa 140-libong births o panganganak sa New York City, nakita ang tinatawag na systematic variations sa panganganak sa loob ng 29.53 days – ito ang panahon ng tinatawag na lunar cycle, kung saan ang peak fertility sa last quarter.

Malaki rin ang epekto ng buwan sa nangyayaring krimen sa ating kapaligiran, sa ginawang pag-aaral sa Florida, mas matitindi ang mga nangyayaring krimen tulad ng pagpatay at iba pang assault kapag full moon. Ganito rin ang lunabas sa isa pang pag-aaral.

Maging ang mga aksidente sa kalsada ay mas marami dalawang araw bago ang full moon batay sa apat na taon na pag-aaral, bagaman mas mababa ang bilang sa tinatawag na full moon day. Mas marami ang aksidente sa tinatawag na waxing o yung nabubuo ang buwan kesa sa waning o ang unti unting pagkawala ng buwan.

Lumabas din sa isa pang pag-aaral na sa 800 pasyente na dinala sa ospital dahil sa urinary retention o kahirapang umihi sa loob ng tatlong taon, ay natuklasang mataas ang sumpong nito habang new moon o walang buwan sa kalangitan kung ihahambing sa iba pang antas ng lunar cycle.

Sa isa pang pag-aaral na ginawa ng mga eksperto sa Georgia State University, apektado rin ng lunar cycle o siklo ng buwan ang pagkain at pag-inom ng isang tao. Sa ginawang pag-aaral sa may 694 katao, 8 porsiyento ang naging pagdami ng nakakain at 26 porsiyento na kabawasan sa pag-inom ng alak sa panahon ng kabilugan ng buwan kesa sa new moon.

Bagaman sinasabi sa mga pag-aaral na ginawa ng mga siyentista na meron ngang epekto sa tao o ikinikilos nito ang lunar cycle, hindi naman napatunayan kung bakit ganito o ganun ang epekto sa tao.

Hindi bat sinasabi ng mga eksperto batay sa mga teorya na ang buwan ay nagdudulot ng pagbabago sa ating planeta sa pamamagitan ng gravitational pull, at ngayon nga ay malaki ang epekto nito sa hormones ng tao.

Mismong si Dr. Michael Zimecki ng Polish Academy of Sciences ay nagdeklara na ang lunar cycle ay merong matinding epekto sa reproduction system ng tao, partikular na fertility, menstruatiuon at sa panganganak. Ang iba naman mga pangyayari tulad ng mga aksidente sa kalsada, krimen at pagpapakamatay ay may kaugnayan din sa siklo ng ating buwan.

Gayunman, inamin din ni Dr. Zimecki na eksaktong mekanismo ng impluwensiya ng buwan sa tao at sa mga hayop ay kailangan pang pag-aralang mabuti at tuklasin, ngunit ang anumang kaalaman tungkol sa tinatawag na biorhythm ay makatutulong ng malaki sa mga kagawad ng pulisya at praktis ng medisina.

Sa ginawa ko namang panayam kay Helen Saquin, country coordinator ni Master Del Pe, kailangan lamang na maging positibo ang ating kaisipan, emosyon at espiritwal lalu na kapag sumasapit ang full moon, dahil sa mas malakas ang enerhiya sa ganitong kalagayan ng buwan.

Kung gusto niyong matupad ang inyong pangarap sa buhay ay maaaring mag-meditasyon sa kabilugan ng buwan at buong tiwalang isaisip at damhin ang sitwasyon na dinaranas mo na ang pangarap mo at magugulat ka na lang na nandyan na ang nais mong makuha sa iyong buhay.

Para sa inyong mga katanungan at suhestyun, mag-text sa 09167931451, mag-email sa misteryolohika@gmail.com, bisitahin ang website: http://misteryolohika.tripod.com. Makinig sa programang Misteryo tuwing Sabado 5:30 hanggang 6 ng gabi sa dzRH.#

Below is the english report written by Roger Dobson regarding this article:

How the Moon rules your life

At last, scientists claim to have found a link between our satellite and human behaviour - like how it governs the size of your dinner By Roger Dobson
Published: 21 January 2007

For eons, folklore has blamed the Moon for everything from lunacy to bad luck. And, for the last few centuries, scientists have scoffed. Now, according to new research they're not so sure. The Moon may not be made of cheese, but it seems to influence a lot more down on Earth than we previously thought.

According to new research, the Moon affects not only the tides of the oceans but also people, producing a range of symptoms from flare-ups of gout to bladder problems. It may even lie behind the causes of car crashes and affect people's hormonal balances.

Having carried out new research and reviewed 50 other studies, scientists suggest that doctors and the police even need to prepare for how their work rate will increase at different points in the lunar cycle. Among the findings examined by the researchers were studies that showed GP consultations go up during a full moon, according to Leeds University. Appointments rise by 3.6 per cent, which works out at around three extra patients for each surgery. The researchers did not speculate on the nature of the moon-related problems or why they happened, but said that "it does not seem to be related to anxiety and depression".

Gout and asthma attacks peak during new and full moons, according to work carried out at the Slovak Institute of Preventive and Clinical Medicine in Bratislava, where attacks over a 22-year period were monitored.

Data from 140,000 births in New York City showed small but systematic variations in births over a period of 29.53 days - the length of the lunar cycle - with peak fertility in the last quarter. "The timing of the fertility peak in the third quarter suggests that the period of decreasing illumination immediately after the full moon may precipitate ovulation.''

A study in Florida of murders and aggravated assaults showed clusters of attacks around the full moon. A second study of three police areas found the incidence of crimes committed on full-moon days was much higher than on all other days. And a four-year study into car accidents found that the lowest number happened during the full-moon day, while the highest number was two days before the full moon. Accidents were more frequent during the waxing than the waning phase.

Another study of some 800 patients with urinary retention admitted to hospital over a period of three years found higher retention during the new moon compared with other phases of the cycle. Interestingly, patients didn't show any other daily, monthly or seasonal rhythms in their retention problems.

Even what we eat and drink is affected by the lunar cycle, according to a study at Georgia State University. Researchers looked at lunar variations in nutrient intakes and the meal patterns of 694 adults. They concluded: "A small but significant lunar rhythm of nutrient intake was observed with an 8 per cent increase in meal size and a 26 per cent decrease in alcohol intake at the time of the full moon relative to the new moon.''

While scientists have been trying to prove for some time that the Moon does exert an effect, what has not been established is why. Scientists have until now examined the theory that the Moon triggers changes through its gravitational pull. But the latest research points to an effect on people's hormones. "The lunar cycle has an impact on human reproduction, in particular fertility, menstruation and birth rate. Other events associated with human behaviour, such as traffic accidents, crimes, and suicides, appeared to be influenced by the lunar cycle,'' said Dr Michael Zimecki of the Polish Academy of Sciences.

"Although the exact mechanism of the Moon's influence on humans and animals awaits further exploration, knowledge of this kind of biorhythm may be helpful in police surveillance and medical practice,'' he said.

The researchers also found links between the lunar cycle and the likelihood of people being admitted to hospital with heart or bladder problems and with diarrhoea. The menstrual cycle, fertility, spontaneous abortions and thyroid disease were also affected. Just how the Moon could have an effect needs further research. Dr Zimecki suggests that it may be the effect of the Moon's gravity on immune systems, hormones and steroids.

He said: "At this stage of investigation, the exact mechanism of the lunar effect on the immune response is hard to explain. The prime candidates to exert regulatory function on the immune response are melatonin and steroids, whose levels are affected by the Moon cycle.

"It is suggested that melatonin and endogenous steroids [which are naturally occurring in humans] may mediate the described cyclic alterations of physiological processes.

Electromagnetic radiation and/or the gravitational pull of the Moon may trigger the release of hormones.''

Whatever the root cause of the Moon's influence over us, its hold over the imagination will endure as long as the shining sphere of rock remains in the sky.

Only 12 people have walked on the Moon: the first were Neil Armstrong and Buzz Aldrin in 1969, the last were Eugene Cernan and Harrison Schmitt in 1972. But last December, Nasa announced plans for a permanent base on the Moon in preparation for a manned mission to Mars.

Construction of the base is scheduled to take around five years, with the first voyages beginning by 2020.

Katotohanan Tungkol sa Third Eye

2007-01-29T22:32:00.001-08:00

Marami sa atin ang nagsasabi na kapag nakakakita ng multo, engkanto, maligno, at iba pang espiritu ay gising na ang third eye o ikatlong mata nito. Kapag nababasa ng isang tao ang personalidad ng kapwa nito ay masasabing gising na ang third eye nito. Kapag nakikita ng isang tao ang mangyayari sa hinaharap at kaya nitong silipin ang kapalaran ng isang tao ay kadalasan nating sinasabi na meron itong third eye.

Ngunit ang ganitong paniniwala ng karamihan ay isa palang malaking pagkakamali nang dumalo ako sa isang seminar ni Master Del Pe na may pamagat na “Mastering Your Third Eye”.

Natuklasan ko na ang third eye hindi pala ganun kadaling gisingin hindi tulad ng sinasabi ng ilang indibidwal na anumang oras ay maaari nilang gawing aktibo ang iyong ikatlong mata sa isang iglap lang o sa pamamagitan ng isang ritwal o di man kaya ay mahika o panalangin lamang.

Ang ating katauhan kabilang na rito ang ating pisikal, mental at espiritwal ay merong kanya-kanyang disenyo batay sa tanda ng iyong kaluluwa (old soul) at kung ano ang mga napagdaanan mong buhay sa mga nakalipas na panahon at pagkakataon.

Kabilang yan sa mga isinasaalang-alang kung ano ang antas ng iyong espiritwal na kaalaman at paggamit ng abilidad na ipinagkaloob sa atin ng Panginoong Diyos lalu na kapag nagawa nating maging aktibo ang ating Third Eye.

Sa aking pananaliksik, may mga clairvoyant (nakakakita ng mga multo at espiritu) ang hindi pa lubos na nagiging aktibo ang third eye. Ito ay nangangahulugan na wala pa itong kakayanan na makakuha ng mga impormasyon mula sa matataas na mga espiritu, bagaman maaari nilang makausap ang mga ito sa limitadong oras – dahil kung tumagal pa ay masama ang epekto nit. Mula sa pangkaraniwang panananakit ng ulo hanggang sa tuluyang magkaroon ng problema sa katawan.

Ayon kay Master Del Pe, ang ikatlong mata ay isang mekanismo ng lahat ng mga chakra o mga liwanag sa ating ulo na kapag naging aktibo o nagising ay magiging mas malawak, malalalim, maliwanag, at mas malinaw ang mga nakikita mo sa pisikal man o espiritwal maging ang pagkuha ng mga impormasyon sa matataas na antas ng espiritwal. Nagsisilbi itong animo’y teleskopyo o mikroskopyo ng mga impormasyon na maaaring magamit ng mga matataas na espiritu o spiritual masters para makatulong sa ebolusyon ng tao.

Anu-ano nga ba ang mga liwanag na nasa ating ulo – ajna, ito ang liwanag sa pagitan ng ating mga kilay; ang forehead chakra sa noo; ang crown chakra o korona sa ituktok ng ating ulo at mga liwanag sa likod ng ating ulo na tinatawag na alta-major na may kuneksiyon sa mga liwanag sa harap ng ating ulo.

Kapag napag-ugnay ng lahat ang mga liwanag na ito hanggang sa mga chakra sa ibabang bahagi ng ating katauhan ay may ilaw na magliliwanag sa loob ng ating ulo. Ang ilaw na ito ay hindi pisikal ngunit ito ay nasa lugar ng pineal gland sa ating ulo na kitang kita ang liwanag kapag ganap nang nagising at ito ang third eye.

Maling pamamaraan ang ginagawa ng iba na ang paggising sa third eye ay naka-pokus lamang sa noo dahil sa hindi rin magtatagal ang ilaw nito sanhi ng wala itong sapat na pwersa para mapanatiling maningning ang taglay niyang liwanag.

Kailangan dito ang paggising sa tinatawag na “sagradong apoy” o liwanag sa pinakadulong ibabang bahagi ng ating gulugod o spinal cord na kilala rin sa tawag na “kundalini.”

Hindi rin ganun kadaling gisingin ang kundalini dahil sa kailangang sumailalim sa masusi at maingat na pagsasanay ang isang tao bago ito mangyari.

Ang babala ni Master Del Pe kapag hindi tama ang paggising dito ay maaaring magresulta sa ibat-ibang uri ng karamdaman sa katawan ng tao dahil sa ang sagradong apoy na ito ay nagbibigay ng lakas sa lahat ng mga sentro ng enerhiya sa katawan – mabuti man ito o masama sa katawan ng tao.

Mahalagang sumailalim muna sa paglilinis ng katawan at katauhan ang isang tao bago gisingin ang kundalini para tiyak na walang magiging kaakibat na sakit na maaaring mabuo kapag isinagawa ang mga aktibidades para gisingin ang ikatlong mata.

Kapag handa na ang katawang pisikal at espiritwal ng isang tao, ay wala nang magiging problema kung magising man ang kundalini dahil sa magiging maayos na ang pag-agos nito pataas para bigyan ng puwersa ang lahat ng mga pangunahing liwanag o chakra ng katawan.

Ang katawan ay kailangan din na sumailalim sa mga pisikal na ehersisyo bagupaman gawin ang anumang meditasyon sa paggising ng sagradong liwanag para matiyak na mawala ang anumang masamang enerhiya na maaaring nabuo sa katauhan ng tao.

Kapag malinis na ang buong katauhan ay maaaari nang isagawa ang meditasyon sa paggising ng kundalini at mai-akyat ang mainit na enerhiyang ito hanggang sa mabuo ang ikatlong mata o third eye sa loob ng ating ulo.

Sa mga ehersisyong pisikal at tamang meditasyon, maaari niyong basahin ang aklat ni Master Del Pe na may pamagat na “Hidden Dangers of Meditation and Yoga” na maaari niyong mabili sa mga pangunahing bookstore. Abangan din ang kanyang aklat tungkol sa Third Eye. Para sa inyong katanungan tungkol kay Master Del Pe, mag-text sa 09065743899/09202794097 .
Makinig sa aking programang Misteryo tuwing araw ng Sabado, 5:30 hanggang 6 ng gabi. Para sa inyong mga suhestyun mag-text sa 09206316528. Mag-email sa misteryolohika@gmail.com. Bisitahin ang aking website http://misteryolohika.tripod.com. #

Paano Maka-ugnayan ang Iyong Anghel

2007-01-23T23:53:00.000-08:00

Marami nang beses akong tinanong kung paano o sa anong paraan makikilala at makakaugnayan ang mga anghel lalu na ang ating anghel dela guwardiya. Maraming pamamaraan na maaaring makilala natin ang mga anghel lalu na ang mga tinagurian nating “guardian angels.”

Unang-unang dapat nating gawin ay tanggapin natin ang mga anghel sa ating buhay, dahil sa ang anumang pag-aalinlangan gaaano man ito kaliit o kalaking pagdududa ay siyang magpapalayo sa inyo sa mga anghel.

Kapag tinanggap na natin sa ating buhay ang mga anghel ng walang pag-aalinlangan ay hindi mo na kailangan pang gumawa ng paraan para makita sila, maramdaman sila at maging kabahagi ng iyong pang-araw-araw ng buhay. Sila na mismo ang lalapit sa inyo para bigyan kayo ng proteksiyon, karunungan at lakas ng espiritwal na harapin ang anumang pagsubok sa buhay.

Hindi ba’t maraming pagkakataon na rin na hindi natin normal na maipaliwanag na biglang sumusulpot ang mga anghel nang hindi natin inaasahan tulad ng biglang may hahatak sayo kapag patawid ka na dahil sa iniiwas ka niya na mabangga ng sasakyan, mabigat ang iyong katawan kapag paalis ka na, at may nagbibigay sayo ng di maipaliwanag na enerhiya para lumakas ang loob mo o di man kaya ay maging masaya ka sa pagkakataon na ikaw ay dumanas ng matinding kabiguan sa buhay.

Sa mga taong karaniwan nang nakakakita ng mga kaluluwa at iba pang mga espiritu, ay normal na rin sa kanilang makakita ng mga anghel kung gugustuhin nila lalu na sa pagkakataon na may panganib.

Bagaman kadalasan ay darating lamang ang mga anghel kung tatawagin mo sila dahil yun ang susi ng lahat, yung kusang loob mo silang tatawagin para maging mas malakas sila sa anumang hakbang na dapat nilang gawin.

Ngunit, para sa lahat na nagnanais na makaranas ng presensiya ng mga anghel sa kanilang buhay, meron akong ibabahagi sa inyong meditasyon para makipag-unayan at kilalanin ang mga anghel lalu na ang inyong mga guardian angel.

Kailangang gawin ang meditasyon sa mga oras at lugar na walang makaka-istorbo at ang pinakaangkop na gawin ito ay sa gabi o madaling araw kung saan tulog na ang lahat ng inyong mga kasambahay.

Kailangang gumawa ka ng hakbang na maging mapayapa ang lugar na gagawin ang iyong meditasyon, maaari kang magsindi ng puting kandila, mabangong insenso, magpatutugtog ng malumanay na musika para makonekta ang sarili sa Poong Lumikha, manalangin ka muna sa Diyos at humingi ng banal na espiritu para bigyan ng proteksiyon ang iyong sarili.

Umupo sa napakakomportableng posisyon, ipikit ang mga mata at gawin ang “deep breathing” o malalalim at mabagal na paghinga. Kumuha ng hangin sa pamamagitan ng ilong at ilabas ang hangin sa pamamagitan ng iyong bibig. Maaaring gawin ang ganitong hakbang para ma-relax habang nakikinig sa nakakainspirasyon at nakaka-relax na musika.

Maaari kang magbilang sa iyong isip ng sampu habang nag-i-inhale ilagay ang lahat ng hangin sa tiyan, ito ay pigilin sa bilang na lima. Pagkatapos nito ay magbilang ng isa hanggang sampu habang inilalabas sa bibig ang hangin mula sa tiyan at kapag sagad na ay pigilin na walang makapasok na hangin habang nagbibilang ng isa hanggang lima.

Muling huminga at kumuha ng hangin sa bilang na sampu sa pamamagitan ng iyong ilong, pigilin ang hangin sa tiyan sa bilang na lima, at unti unti itong ilabas sa pamamagitan ng bibig sa bilang na sampu at muling pigilin sa bilang na lima.

Paulit ulit itong gawin hanggang sa tuluyan ng relax ang buoang katawan pati ang inyong isipan.

Kapag blangko na ang kaisipan at napaka-relax na ng buong katawan ay tignan ang iyong sarili sa gitna ng hardin habang naaliw ka sa saliw ng huni ng mga ibon at nakikita mo ng malinaw ang mga bulaklak ng mga halaman sa iyong paligid pati ang bango ng mga ito at sa di kalayuan ay may naririnig kang pagaspas ng agos ng tubig.

May nakita ka sa iyong tabi na katamtamang mesa na pabilog at gawa sa kahoy, may dalawang upuan sa magkabilang panig at magkaharap sila at kitang kita mo na nasa gitna ka ng hardin at unti-unti kang lumalapit sa mesa para maupo.

Sa pagkakataong ito ay subuking tawagin ang iyong anghel na magpakita, dahil sa gusto mong makipagkaibigan sa kanya. Nakatuon ang iyong paningin sa isang pintuan sa kabilang panig at naiisip mo na ang lugar na na kinaroroonan mo ngayon ay ang hangganan ng mga buhay sa mundong ito o pisikal at sa lugar ng mga matataas na espiritu.

Maghintay ng ilang sandali at sa di mo inaasahan ay biglang may susulpot na nilalang sa iyong tabi at maaaring ito ay nahihiyang lumapit sa yo ngunit nakangiti at nakikita mong siya man ay gustong makipagkaibigan sayo.

Ngitian mo siya at himukin mong umupo sa harap mesa at mag-usap kayo para magkakilala kayo ng lubusan. Maaari mong tanungin kung anong pangalan niya, ilang taon na siya,, kumusta na siya, mga tanong na magpapalapit sa inyong dalawa bilang magkaibigan at maaari mo ding sagutin ang kanyang mga katanungan.

Pagkatapos ng inyong usapan ay magpasalamat ka at nakilala mo siya. Magpasalamat ka unang una sa Poong Maykapal dahil sa pinahintulutan kang makita, makilala at makausap ang iyong anghel. Habang papalayo siya at ikaw naman ay naghahanda na umalis sa naturang lugar ay kawayan mo ang iyong kaibigang anghel sabay ng ngiti sa kanya at sabihin mong tatawagin mo siya anumang oras at darating siya, at maririnig mo rin ang kanyang kasagutan.

Kapag ganap nang nawala sa iyong paningin ang kaibigan mong anghel, ay unti-unti mo nang ibabalik ang iyong kamalayan sa kasalukuyang panahon at lugar at unti unti mo nang naririnig ang musika at nararamdaman mo na ang iyong kinalalagyan sa pisikal na mundo. Sa iyong isip ay magbilang ka ng isa hanggang lima hanggang sa imulat mo na ang iyong mga mata.

Isa lamang yan sa pamamaraan para makikilala mo bilang isang kaibigan ang iyong anghel dela guwardiya. Ang isa pang paraan ay maaari mong hilingin sa kanya na makipag-ugnayan sayo sa panaginip.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com; at bisitahin ang aking website http://misteryolohika.tripod.com.#

Ang Tatsulok ng Tagumpay

2007-01-11T23:59:00.000-08:00

Marami sa atin ngayon ang nag-iisip ng mga pamamaraan para maging matagumpay sa buhay, dahil nga sa bagong taon dapat bagong taktika, pamamaraan at estratehiya para makamit ang mga inaasam-asam na tagumpay na hindi naabot nitong nakalipas na taon.

Noong Lunes, personal akong nakipagpulong kay Master Del Pe, eksperto sa ibat-ibang larangan bilang isang inhenyero, negosyante, martial arts expert, expert ng yoga, meditasyon at siyensiya ng panggagamot at guro ng Pilosopiyang ng Silangang Karunungan (Eastern Wisdom).

Sa naturang pulong ay lubos kong naunawaan ang kahalagahan ng kumbinasyon ng pagiging praktikal sa buhay at kalakasan ng espiritwal na ugnayan sa Poong Maykapal na siyang alam kong hinahanap ng karamihan sa ating lahat, para sabay ang kaunlaran sa buhay at ang kaligayahan.

Sinulat ni Master Del Pe ang aklat na may pamagat na “From Success to Fulfillment, Applying the Wisdom of the Himalayan Masters”, at binanggit niya dito ang tinatawag niyang pangkalahatang modelo – ang Tatsulok ng Tagumpay at Katuparan (The Success and Fulfillment Triangle).

May tatlong kalidad na binanggit si Del Pe sa kanyang aklat na maituturing aniyang maaaring maisakatuparan ng bawat isang tao para maging positibo sa kanyang pag-uugali, abilidad at ang naitatagong talento sa kaisipan at espiritwal.

Ang tatlong kalidad na ito ay kinabibilangan ng Will Power, ito ang sariling kapangyarihan na taglay ng isang tao para mabago ang anumang luma at maling pamamaraan na ginawa nito sa nakalipas na panahon ng kanyang buhay; Creative Intelligence, ito ang hakbang na bumalangkas ng mga bagong pamamaraan at mga desisyon na malaki ang epekto sa iyong magiging aksiyon maging sa iyong kaisipan; at ang Love, ang pagmamahal sa mga pagbabagong ito at ang matinding desisyon mo na isakatuparan ang lahat ng anumang desisyon mo, iwaksi na ang nakalipas na pag-uugali at wag nang laging balikan sa isipan ang mga masamang karanasan sa buhay.

Ang tatlong kalidad na ito, ayon pa kay Master Del Pe ay maihahambing din sa tatlong panahon na nararanasan ng mamamayan sa ilang bansa. Ang mga panahong tulad ng taglamig (winter) na maituturing na pagkasira, spring o tagsibol para sa pagkakaroon ng bagong nilikha at ang tag-araw o summer na maituturing na siyang preserbasyon sa bagong likha.

Ang mensahe ng kaitaas-taasan tungkol sa tatlong kalidad na ito isang matagumpay na buhay ay paulit-ulit na inuukit sa ating isipan ng Poong Maykapal, sa katunayan sa paniniwalang Kristiyano ay alam natin ang Banal na Trinidad (Holy Trinity), ang Ama (will power), ang Anak (love) at ang Banal na Espiritu (creative intelligence).

Maging ang mga mamayang Hindu ay naniniwala sa tatlong ekspresyon ng Kabanalan – ang Shiva, Divine Destroyer; Vishnu, Divine Preserver at Brahma, Divine Creator.

Sa aking personal na paniniwala tungkol sa mga kalidad na ito na ipinapaliwanag ni Master Del Pe sa kanyang aklat ay ang katotohanan na maraming aspekto ng ating buhay ang nilikha ng Poong Maykapal sa tatlong pagkakahanay.

Hindi ba meron tayong Past, Present, Future na kung isusunod sa tatsulok ng Tagumpay na sinasabi ni Master Del Pe – ang Past o nakalipas na panahon ay siyang ating tinalikuran na panahon sa ating buhay, ang Present o ang kasalukuyan kung saan ay pinagyayaman natin ang anumang kasalukuyang sitwasyon ng ating buhay, at ang Future o ang hinaharap kung saan tayo ay bumabalangkas ng mga hakbang na maaari naging isakatuparan sa mga susunod na panahon ng ating buhay.

Kung susuriin nating mabuti, matagal na nating naririnig ang ganitong tatlong bahagi na kapag pinagsasama-sama ay makakalikha tayo ng isang kumpletong buhay sa mundong ito.

Hindi ba meron tayong tatlong bahagi para makakain sa isang araw – ang almusal, tanghalian, at hapunan na maituturing na isang kumpletong araw sa ating buhay na kapag personal at aktuwal nating naisakatuparan ang kahulugan nito sa ating buhay ay tugma sa sinasabi ni Master Del Pe na tatsulok ng Tagumpay at Katuparan.

Bilang isang mananaliksik sa larangan ng paranormal at psychic phenomena ay sang-ayon ako sa itinuturo ni Master Del Pe, sa katunayan sa Enero 28 ng taong ito ay nakatakda ang isang seminar tungkol sa tamang paggamit n gating Third Eye lalu na kapag ito ay bukas na.

Ayon mismo kay Master Del Pe, mahalagang malaman ng tao na ang pagkakaroon ng Third Eye o kilala rin sa pangalang ESP ay isang napakasensitibong abilidad na dapat na bigyan ng halaga ng bawat isa.

Marami ang nagsasabing nakakakita sila ng mga multo, at iba pang mga espiritu ngunit hindi matukoy kung ano ang mga ito kung ang mga ito ba ay makatutulong sa sinuman o makasasama.

Sa mga interesado sa seminar ni Master Del Pe, tawagan o i-text ang telepono bilang 0906-5743899/09202794097.

Para sa inyong mga katanungan at suhestyun, mag-text sa 09206316528 o mag-email sa misteryolohika@gmail.com. Bisitahin ang aking website sa http://misteryolohika.tripod.com. #

Positibong Pag-iisip sa Bagong Taon

2007-01-04T19:23:00.000-08:00

POSITIBONG PAG-IISIP SA BAGONG TAON
Rey T. Sibayan
January 3, 2007

Ngayong pumasok na ang taong 2007, kabi-kabilaang prediksiyon ang ating naririnig at marami ang umaasa na ang taong ito na tinaguriang “Fire Pig” ay magiging maganda ang buhay ng sambayanang Pilipino.

Hindi pa rin nawawala ang mga prediksiyon ng mga kalamidad, kaguluhan, pulitika sakit at iba pang mga negatibong maaaring mangyari sa ating bansa, na para sa akin ay bigyan din natin ng pansin para alam natin ang ating gagawin para hindi ito mangyari sa atin.

Ngunit, tulad ng aking sinulat sa nauna kong artikulo sa pitak kong ito na ang anumang nakita at hindi simpleng hula lamang ng mga taong sensitibo o psychic ay maaari nating baguhin sa pamamagitan ng kalayaan natin sa pag-iisip, pananalita at aksiyon o sa pangkalahatan ay kilala sa tawag na free will.

Muli gusto kong ipaliwanag dito, ang anumang prediksiyon ng mga psychic ay hindi ko itinuturing na mga hula lamang dahil sa ang mga lehitimong sensitibo at may kakayanan na makita ang future o hinaharap ay yun talaga ang kanilang nakita, at naramdaman sa panahon na ginawa nila ang psychic reading.

Ito ay bilang reaksiyon ko sa mga sinasabi ng ilan na ang mga prediksiyon ay pawang mga hula lamang ng mga manghuhula dahil sa hindi naman mangyayari ang mga ito, ngayon kung nangyari naman, sasabihin e natsambahan lamang ng manghuhula ang kanilang mga nakita.

Paano nga ba maaaring baguhin ang kapalaran ng isang tao sa tinatawag nating destiny o patutunguhan ng buhay ng isang nilalang sa planetang ito?

Sa aking personal na kaalaman, ito ay maaaring baguhin sa pamamagitan ng free will kung ano talaga ang nais mong mangyari sa buhay mo – mabuti man ito o masama.

Ngayon, paano natin gagawing mas maganda ang resulta ng ating buhay sa kabuuan ng taong 2007 at paano natin matiyak na mabuti ang magaganap sa atin sa pag-usad ng bagong taon?

Ito ay sa pamamagitan ng positibong kaisipan – isang pamamaraan ng pag-iisip na kahit pa negatibo na ang posibleng maging resulta ng isang sitwasyon ay isipin mong ito ay magiging mas positibo sa bandang huli.

Hindi ba’t lagi natin naririnig ang mga katagang “be positive” at “positive thinking”? Isang palaging paalala natin na kung maging positibo lang tayo sa ating buhay ay marami tayong aanihing biyaya mula sa Poong Maykapal.

Kahit binagsakan ka na ng sandamakmak na kamalasan sa buhay, maaari mo itong magamit para umunlad ang buhay sa mas positibong pananaw. Isang konsepto na gamitin mo ang enerhiya ng masama para maging mabuti.

Matuto tayong tanggapin kung ano man ang dumating sa ating buhay dahil sa anupaman ito na sa akala mo ay masama ang epekto ay magiging mabuti o maganda pa rin kung bukas lamang ang iyong kaisipan sa bandang huli.

Ipaubaya natin sa daloy ng pagpapala ng Panginoong Diyos ang lahat ngunit sikapin na ikaw bilang isang espiritu sa loob ng isang pisikal na katawan ay merong sapat na kapangyarihan na kung ayaw mo ang kasalukuyang sitwasyon ng pamumuhay ay kayang kaya mo itong baguhin.

Mabuti na kung manalangin tayo sa Poong Maykapal ay ang dasal ng pasasalamat. Ang ganitong pamamaraan ng pagdarasal ay isang matibay na ebidensiya na inaangkin mo na at nandyan na ang naging kahilingan mo sa Diyos.

Yan ang tinatawag na affirmation o pagbibigay diin sa sarili na ang gusto mong mangyari ay naganap na at hindi na maaaring mabawi o mabago pa.

May mga suhestyun na kung ano man ang pangarap mo sa buhay hayaan mo na lagi mo itong isama sa iyong imahinasyon lalu na sa gabi kung saan bago kayo matulog ay sikapin mong maranasan na at isabuhay ang nais mong maganap sa iyong buhay.

Ang isa pang dapat nating bigyan ng kaukulang diin at ito ang itinuturing kong pinakamahalaga bukod sa malakas na pananalig sa Poong Maykapal, ay ang pagpapatawad sa kapwa – kamag-anak mo man ito, kaibigan o mortal na kaaway.

Ang walang pag-aalinlangan na pagpapatawad sa kapwa na walang halong kundisyon ay masasabi kong napaka-kagandang magagawa natin para maging maayos ang daloy ng mga biyaya sa iyong buhay.

Sikapin na lunukin natin ang ating pride o ego dahil sa kung ito ang nangibabaw sa ating katauhan ay tiyak na dudurugin ka lamang nito at wala ka ng pag-asang matupad ang iyong pangarap.

Ilan lamang yan sa aking palagay ay mahalagang dapat nating gawin ngayong pumasok na ang bagong taong 2007 bilang pangontra sa masamang prediksiyon o pampalakas pa sa magagandang prediksiyon sa buhay ng tao.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com at bisitahin din ang aking website: http://misteryolohika.tripod.com. #

Mga Prediksiyon sa 2007

2006-12-31T06:05:00.000-08:00

Sa totoo lang ayaw kong pangunahan ang kapalaran ng tao sa hinaharap dahil sa aking sariling paniniwala na hayaan natin na dumaloy ang panahon sa ating buhay sa mga sumusunod na minuto, oras, araw, buwan at mga taon.

Ngunit may mga pagkakataon na mahalagang malaman natin kung ano nga ba ang mga posibilidad na mangyari sa ating buhay sa pangkalahatan sa planetang ito, dahil sa paniniwala rin ng karamihan na nang likhain ng Poong Maykapal ang buong kalawakan ay meron nang nakatakdang kapalaran ang bawat nilikha nito sa bawat lugar, bawat dimensiyon at bawat panahon.

Bagaman masasabi nating ang kapalaran ng bawat nilikha ay nakatakda na, binibigyan naman tayo ng Poong Lumikha ng pagkakataon na baguhin ang anumang kapalaran na ayaw nating mangyari sa pamamagitan ng free will o kalayaan nating mag-desisyon, mag-isip at umaksiyon.

Ang taong 2007 batay sa kalendaryong sinusunod ng mga Intsik ay ang taon ng baboy. Ang baboy ay kapwa merong positibo at negatibong katangian. Sa aking personal na pananaw ang negatibong katangian ng baboy ay mismong nasa pangalan nito. Hindi ba’t karaniwan nating ginagamit ang mga katagang “pambababoy”, “binababoy” na ang kahulugan ay panyuyurak sa dangal at pagsira sa buhay ng kapwa, magulo ang buhay, at wala sa tamang diskarte ang bawat aksiyon. Ngunit ang ganitong masamang katangian na nakikita sa baboy ay kayang takpan ng magagandang ugali nito dahil sa alam naman ng karamihan na kapag may baboy ka sa iyong bakuran ay magandang kinabukasan ang maibibigay nito…ngunit kailangan lamang na bigyan ng tamang giya para magkaroon ng magandang resulta.

Ang 2007 tulad ng mga taong 1887 at 1947 ay tinatawag na “fire boar” sa Chinese sign. Ang Fire Pig o Boar ay masasabing malakas at matindi ang taglay nitong emosyon na suungin ang anumang pagsubok sa buhay dahil sa matinding determinasyon, kung kaya’t ang taong 2007 ay masasabing magandang pagkakataon na mag-negosyo. Ang sinuman ay merong pagkakataon na piliin kung anong kabuhayan ang angkop sa kanyang panlasa at umaasa siyang magiging siksik, liglig at umaapaw ang biyaya. Ngunitk kailangan lamang na maging malakas ang loob sa anumang desisyon dahil sa ang katiting na pagdududa sa papasuking oportunidad na maaaring mauwi sa kawalan sa halip na umusbong ng maganda at lumago ang kabuhayan.

Pinag-iingat din ang mga tao sa taon ng mga baboy dahil sa madali itong kapitan ng sakit kapag naging pabaya sa kanyang katawan lalu na at kapag subsob tayo palagi sa trabaho. Dahil sa matinding determinasyon sa kanyang buhay, ang tao sa taon ng Baboy ay iniisip lamang ang pagkayod ng kayod at handang tumulong sa kapwa ngunit nakakalimutan na ang kanyang sariling kaligtasan sa kalusugan. Hindi ba’t ngayon pa lamang ay marami na ang nagkakasakit dahil sa sipon, ubo, lagnat at trangkaso na sa akala natin ay bunsod ng matinding pagbabago sa ating panahon, ngunit kung susuriin nating mabuti at titignan natin ang katangian ng isang baboy, hindi ba’t sensitibo ito sa sakit lalu na at hindi kaya ng kanyang katawan ang takbo ng panahon? Ngunit, may iilan na nakasasabay sa mga pagbabago ng klima at mutasyon ng mga bakterya at virus at sila ang makatatagal sa pag-atake ng mga sakit.

Dapat na mag-ingat ang tao sa apoy at tubig sa taong 2007, lalu na ngayon paalis pa lamang ang taong 2006 na Year of the Fire Dog ay nagkasunud-sunod na ang mga insidente ng sunog samantalang may mga prediksiyon na magkakaroon ng mga pagbaha sa darating na taon. Samantala, dapat ding mag-ingat sa mga taong akala mo ay kaibigan mo ngunit yun pala ay lolokohin ka lalu na kapag pera ang nakataya. Laging tignan kung hanggang saan ang pakikitungo sa kapwa at iwasang lumagpas sa anumang limitasyon sa lahat ng aspeto tulad ng negosyo, relasyon, trabaho, pag-aaral at iba pa.

Kung kayo ay ipinanganak sa taong ng Baboy, narito ang mga pagtaya ng inyong relasyon sa ibang tao na ipinanganak sa ibang Simbolo. Pag ang kabiyak ay ipinanganak sa Taon ng Daga o Rat – masaya at mapayapang samahan; Pag Ox ang kabiyak – walang matinding alitan; Tiger – may napagkakasunduang bagay at maaaring magtulungan; Rabbit – may kooperasyon sa bawat isa; Dragon – madaling maayos ang anumang sigalot; Snake – hindi tugma dahil laging may away; Horse – may napagkakasunduan sa ilang bagay; Sheep – tugma sa relasyon dahil laging nagkakaunawaan; Monkey – walang masyadong problema; Rooster – paborableng relasyon sa pag-ibig at negosyo; Dog – respeto sa bawat isa; Pig – hindi maiwasang may banggaan sa bawat isa sa mga desisyon ngunit maalab ang pagmamahalan.

Minabuti ko ring kunin ang prediksiyon ng ilang psychic sa nakikita nilang kapalaran ng bansa sa darating na taon.

Sa prediksiyon nina Psychic Counsellors Daisy at Chito Mercader magiging maganda ang kalagayang negosyo at ekonomiya ng bansa; sa pulitika ay tiyak na magiging masaya at magulo; at ipinapayo nila na kailangan lamang na tignang mabuti ang nakalipas na taon para sa anumang aksiyon sa darating na taon, ngunit kailangang maging matalino ang tao sa anumang desisyon nito at wag maging padalus-dalos. May nakikita rin silang kalamidad ngunit may mga pagbabago at maaaring hindi na magiging matindi ang epekto.

Sa prediksiyon naman ni Psychic Anthony Vivero, ay meron siyang mga pananaw ng kalamidad, kaguluhan at karahasan. Enero – lindol sa Luzon sa ikalawa at ikatlong lingo na may lakas na magnitude 7 at marami ang mamamatay tulad ng nangyari noon sa Baguio City; Pebrero – gulo sa hanay ng military sa ikatlong linggo kaakibat ang tangkang Kudeta ngunit mapipigil, asasinasyon o pagpatay sa taga-oposisyon; Marso – pagkilos ng mga relihiyong grupo sa pangunguna ng simbahan ngunit hindi mauuwi sa people power; Mayo – madugong eleksiyon at makakaungos ang oposisyon; Hulyo, Agosto, Oktubre at Nobyembre – sunud-sunod na bagyo, pagbaha, landslide sa Quezon, Bikol, Kabisayaan at Mindanaw; Setyembre – magandang pagkakataon sa negosyo; Disyembre – rekonsilasyon sa mga pulitiko. Magiging matamlay ang pelikulang Pilipino sa susunod na taon.

Ilan lamang po yan sa mga prediksiyon para sa susunod na taong 2007. Nais ko lamang ipaalala sa lahat na ang anumang nakita ng mga sensitibong tao, bisyunaryo o psychic ngayon ay totoong yan ang nakita at naramdaman nila at hindi panghuhula o guessing lamang ngunit maaari nating baguhin ang mga masasamang prediksiyon sa pamamagitan ng kalayaan natin sa pag-iisip o free will. Isaisip po nating palagi na ang free will ay ang natatanging regalo sa atin ng Poong Maykapal para hubugin natin sa mas maganda ang ating kapalaran sa daigdig na ito. Para sa karagdagang detalye ng mga prediksiyon ay makinig mamayang hapon sa aking programang Misteryo 5:30-6 ng gabi sa DZRH.

Para sa inyong mga suhestyun at katanungan, mag-text sa 09206316528, mag-email sa misteryolohika@gmail.com at bisitahin ang aking website: http://misteryolohika.tripod.com/. #

Mga Anghel Nagpakita

2006-12-23T23:08:00.000-08:00

Ilan ba sa atin ang naniniwala sa mga anghel? Bagaman marami ang naniniwala sa mga anghel, iilan lamang ang kumbinsido na sila ay totoo at yan ay depende sa kanilang karanasan kung makikita nila ang mga ito, maramdaman ang kanilang presensiya at higit sa lahat ay ang kanilang mas masidhing ugnayan sa Poong Maykapal dahil sa mga anghel.

Isang estudyante mula sa Divine Word College ng San Jose, Occidental Mindoro ang kamakailan ay aking kinausap kung naniniwala siya sa mga anghel at sinabi ko sa kanya na kung makikita niya ang mga ito ay paniniwalaan niya. Ayon kay Coney, maniniwala lamang siya kung makikita niya mismo ang mga ito. Sinubok kong tawagin ang presensiya ng mga anghel para makita ng estudyante.

Sa una ay may pag-aalinlangan sa panig ni Coney ngunit nang kalaunan ay unti-unting nagbago ang kanyang reaksiyon ng unti-unti siyang may makita habang kami ay magkaharap, at halos maiyak siya sa kanyang nasaksihan.

Minabuti ni Coney na isulat ang kanyang karanasan at sanay kapulutan ng aral ng ating mga mambabasa sa aking pitak dito sa Balita.

Totoo ba ang anghel? Karaniwan na lamang ang tanong na ito para sa mga tao, kabilang na ako. Hindi ko talaga alam ang sagot dito, kasi wala pa naman akong karanasan na makakita ng mga anghel. Sa TV lang kasi ako nakakita ng mga anghel. Actually hindi ko rin alam kung maniniwala ba ako o hindi sa angels dahil ito’y mga kuwento lamang ito ng mga mas nakatatanda at iba pang mga tao.

Matapos kong maranasan ang ipinagawa sa akin ni Sir Rey na makita ang mga anghel habang nakapikit ang aking mga mata, masasabi kong may anghel nga pala. Noong una kahit na anong subok kong makita ang mga anghel ay talagang wala akong makita ngunit nang ipikit ang aking mga mata ay nag-iba ang aking pakiramdam.

I saw angels with their wings, nasisilaw ako sa sobrang liwanag na nakikita ko. So many angels at the back of Sir Rey. They were all smiling at me, waving their hands and saying “Hi”, “Hello”, and also saying “We are real Coney, believe in angels, believe in us”. Even Sir Rey, I saw him in white clothes (though he’s wearing red shirt) having wings and lights. That was the moment I realized that kahit na human beings ay maaaring maging anghel.

As I opened my eyes, I felt better masarap ang pakiramdam na hindi naked eyes nakakita sa mga bagay na mahirap paniwalaan tulad ng pagkakita ko sa mga anghel kundi sa pamamagitan ng aking imahinasyon and feelings.

Nang moment nay un naisip ko din na “I might be an angel too”. An angel with wings, lumilipad, nakasuot ng pure white na damit at anghel na may sobrang liwanag sa kapaligiran.

Sa experience kong ito, nais kong pasalamat kay sir Rey dahil through him nakita ko ang mga bagay na hindi nakikita ng iba, nasagot ko ang isang katanungan na nagsilbing palaisipan sa akin sa matagal na panahon.

Ang naging karanasan ni Coney bagaman sa pananaw ng iba ay kakaiba, kababalaghan at maaaring sabihin na kabaliwan lalu na at sinabi niyang sa imahinasyon niya nakita ang mga anghel. Sa katotohanan lang, ang pinakamadaling paraan para makita ang mga espiritu, elemento man ito o mga anghel ay ipikit ang mga mata at hayaan na tignan sila ng “mata” ng isipan.

Sa aking personal na pananaw, tayo ay may kanya-kanyang kakayanan na maranasan ang presensiya o makakita ng anghel depende yan sa kundisyon ng ating katauhan. Nabanggit din ni Coney na maging ako ay may pakpak at nagniningning sa liwanag ng mga sumandaling iyon, ganito rin ang sinabi ng iba pang clairvoyant na nakakita sa akin. Marahil ay ganito ang persepsiyon ng karamihan sa mga nakakakita sa mga espiritu lalu na ang mga anghel dahil sa lakas ng kanilang enerhiya.

Ngunit, paano kung magigising tayo sa katotohanan na may mga dating anghel na nagkatawang tao para tumulong sa mga nilalang dito sa lupa. Lalu na at mula’t mula pa ay may paniniwala na ang mga ninuno natin sa planetang ito na may mga bumabang anghel para makisalamuha sa tao at tumulong na mas mapabuti ang kasaysayan ng mga nilalang sa planetang ito.

Malay niyo kayo mismo, ang inyong mga kaibigan, kamag-anak ay dati ring anghel na hindi pa nagigising sa katotohanan ng kanilang tunay na misyon sa lupa. Maaari din tayong maging anghel sa pamamagitan ng pagtulong at pagmamahal sa kapwa, pagpapatawad sa mga kasalanan ng iba, pagpapalaganap ng kapayapaan sa inyong mga lugar at sa inyong mga puso at ang palaging pagtawag sa presensiya ng Poong Maykapal at ang pinakamahalaga ay pasasalamat sa lahat ng mga biyaya at mga sakripisyong nalampasan natin sa ating buhay.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com, at bisitahin ang aking website http://misteryolohika.tripod.com. Makinig din sa king programang Misteryo alas-5:30 hanggang alas-6 ng gabi sa DZRH. #

Mga Tanong Tungkol sa mga ET

2006-12-14T18:08:00.000-08:00

Totoo ba ang mga Ekstra-Terestriyal (ET)? Bakit sila nandito sa ating planeta? Ano ang kanilang plano para sa mga tao? Totoo bang may plano na tayo ay sakupin ng mga ET at gawing tayong alipin?

Ilan lamang yan sa mga pumailanlang na tanong ng maging paksa ng aming talakayan sa tungkol sa mga mensahe ng mga ET para sa sangkatauhan.

Tulad ng dati ang sagot ko sa unang tanong ay isa ring tanong na kayo mismo ang sasagot. “Kung hindi totoo ang mga ET, ano ang layunin ng Diyos na likhain ang bilyun-bilyung mga planeta at bituin sa kalawakan kung tayo lang mga tao sa nag-iisang planeta ang masasabi nating tanging buhay na nilalang.”?

Ang pangalawang tanong kung bakit sila nandito sa ating planeta ay sasagutin ko din ng isa pang tanong. “Kung totoong narito na sila sa ating planeta at matagal na silang nandito, at isang araw nagpakita silang lahat sa isang iglap, kaya ba nating tanggapin ang kanilang presensiya”?

Ang pangatlong tanong kung ano ang kanilang plano sa tao o para sa mga tao ay sasagutin ko din ng isa pang tanong. “Kaya ba natin tanggapin at ano ang ating gagawin kung ano anuman ang plano ng mga ET sa atin.?

Ang pang-apat na tanong kung totoong may planong sakupin tayo ng mga ET at gawin tayong alipin ay sasagutin ko ng “kapag nangyari ito, may magagawa ba tayo para iligtas ang ating lahi bilang tao?

Sa pang-apat na tanong kung may plano silang sakupin ang planeta? Ang sagot ko ay OO ngunit hindi lang naging matagumpay ang may plano nito dahil sa may ibang lahi ng ET na tutol dito. Ngunit kung talagang pipilitin ng mga ito na gawin ang pananakop sa ating planeta at magkakaisa ang mga ET ay dapat noon pa ay wala nang tao sa planetang ito.

Sa aking programang “Misteryo” noong Sabado, narito ang mga tanong ng ating mga kababayan tungkol sa mga Ekstra-Terestriyal.
Robert Landicho ng Quezon: Ano ang ibig sabihin ng nakita ko na isang malaking apoy na mabilis bumababa mula sa langit at lumapit sa akin ng mga 20 metro at may taas na 20 talampakan. Ang dayametro nito ay nasa 6 na talampakan.
RS: Bagaman hindi kumpleto ang detalye ng kanyang karanasan ang impresyon ko sa tanong ni G. Landicho ay isang UFO ang kanyang nakita niya at ito ay naganap sa gabi dahil para sa kanya ay malaking apoy ang tumambad sa kanyang paningin. Hindi lang niya nasabi kung ano pa ang mga sumunod na pangyayari mula nang makita niya ang malaking apoy. Kung bakit apoy ang nakita niya at hindi ang totoong hitsura ng sasakyang pangkalawakan ng mga ET, dahil batay na rin sa paliwanag ng isang siyentista na si Robert BOB Lazar at iba pang mga eksperto, lumilikha ng animo’y apoy sa kabuuan ang mga UFO kapag ito ay lumipad na bahagi ng tinatawag na propulsion system ng mga sasakyang pangkalawakan ng mga ET.

Lester: Kung totoo po sila (ETs) bakit hindi po sila nagpapakita.
RS: Marami nang mga dokumentadong mga insidente na nagpakita ang mga ET sa tao. Mula pa noong unang mga panahon sa mga naunang sibilisasyon ng tao ay nagpapakita na ang mga ito at sa katunayan ay may personal na ugnayan dito ang ating mga ninuno. Marami ang mga naniniwala na ang mga higanteng straktura tulad ng mga pyramid sa Ehipto ay ginawa sa tulong ng mga ET. Ang makabagong teknolohiya sa modernong mga eroplano ng Estados Unidos tulad ng stealth bomber at F-117 fighter planes ay resulta ng pakikipag-ugnayan sa mga ET. At kung kayo ay magagawi o madadaan sa 100 milyang kahabaan ng Nevada Highway 375 ito ay idineklarang Extraterrestrial Highway ni Gov. Bob Miller noong Abril 16, 1996. Yung nakuhang mga debris at mismong mga bangkay at nakaligtas na nilalang sa bumagsak na UFO noong Hulyo 1947 sa Roswell, Mexico ay maituturing ding ebidensiya na narito na sa ating planeta ang mga ET.

Zaldy Laurete: Ano po ba ang hitsura ng mga ET?
Batay sa pag-aaral ng mga eksperto sa larangan ng UFOlogy at mga taong direktang may kaugnayan sa mga ET, ang mga nilalang na ito ay may ibat-ibang hitsura ngunit karaniwan silang nakikitang merong malalaki ang ulo na hugis bombilya at malalaking mga mata. Bagaman halos pareho ang kanilang mga mukha ay magkakaiba naman ang kanilang taas tulad ng mga Grey alien mula a Zeti Reticuli Star System na nasa taas na 3 hanggang 4 na talampakan, samantalang ang mga Martian ay nasa taas na 7 hanggang 8 talampakan. May mga ET din na magaganda ang mga hitsura na animoy mga anghel dahil sa kulay Blonde ang buhok na tinatawag na Nordic beings. Ang mga Reptilian naman ay yaong mga ET na kahawig ng mga dinosaur ang kanilang ulo samantalang may mga ET na ang tawag sa kanila ay Mothman na animoy gamu-gamo ang pakpak na may dalawang antenna sa ulo.

Kahit paano sa abot ng aking kaalaman ay harinawa’y nasagot ko ang mga katanungan tungkol sa mga ET na ang buong akala natin ay gawa-gawa lamang ng malikot na imahinasyon ng mga manunulat at gumagawa ng pelikula ngunit napatutunayang totoo batay sa karanasan na rin ng tao.

Para sa inyong mga katanungan mag-text sa 09206316528, mag-email sa misteryolohika@gmail.com, bisitahin ang aking website, http://misteryolohika.tripod.com at makikita niyo rin ang mga video tungkol sa paranormal, at ugaliing makinig sa aking pang-sabadong programa Misteryo, alas-5:30 hanggang alas-6 ng gabi. #

Reinkarnasyon, Panaginip at Multo

2006-11-30T18:05:00.000-08:00

Sa aking programang Misteryo sa DZRH ay binaha ako ng mga katanungan ng mga listener, bagaman ang iba ay nasagot ko ng direkta sa himpapawid, ang iba naman ay minabuti kong isulat ang mga tanong at sagutin sa aking pitak dito sa Balita.

Yvette ng Sinait, Ilocos Sur: Ano po ang kahulugan ng panaginip ko. Nanaginip ako ng maraming tao na parang may handaan.
RS: Hindi mo binanggit ng buo ang kabuuan ng iyong panaginip ngunit nais ipahiwatig sayo ng iyong panaginip na maaaring may inaasahan ka na magaganap na sadyang mahalaga sa iyong buhay.

Evelyn ng Cavite: Bakit po kaya sa tuwing mananaginip po ako, mga kabaong at bangkay na bumabangon. Ano po kaya ang ibig sabihin ng panaginip ko.
RS: Karaniwan ang panaginip ay repleksiyon ng inyong personalidad at mga intensiyon. Sa aking sariling opinyon, nais sabihin sa iyong panaginip na wag ka nang bumalik sa mga dati mong ugali na sa akala mo ay naglalagay sayo sa problema. Matagal mo na silang gustong ilibing ngunit parang hindi mo sila lubusang maalis sa iyong sarili.

She ng Sorsogon City: Paano po mabubuksan ang aking 3rd eye. Kasi po nong bata pa ako hanggang Grade 6 nakakakita pa po ako pero sandali lang. Nang mamatay po ang lola ko ay wala nap o kahit po paramdam.
RS: Bawat tao ay merong tnatawagt na ikatlong mata o third eye. Sa katunayan, ang ganitong abilidad ay ipinagkaloob sa atin ng Diyos para lamang magising tayo sa katotohanan na hindi lamang tayo ang nilalang sa mundong ginagalawan natin bagkus ay meron ding ibang nilalang sa kabilang dimensiyon. Pagkasilang ng isang sanggol ay bukas na bukas ang third eye, ngunit habang lumalaki ito ay unti-unting pumipikit. Ang 3rd eye ay hindi naman talaga nasa pisikal na katawan kundi ito ay nasa espiritwal na aspeto ng ating katauhan. Ngunit ayon sa mga eksperto, ang third eye ay ang pineal gland na nasa gitna ng ating utak. Ito ay ini-uugnay sa sixth chakra o ang third eye chakra sa larangan ng yoga. Bagaman, nagsara ang third eye ay maaari pa itong magising sa pamamagitan ng mga pamamaraang may kaugnayan sa espiritwal tulad ng meditasyon. Si Israeli Psychic Uri Geller ay nagsabi na isa sa paraan para mabuksan ang third eye ay palaging mangarap at gamitin ang inyong imahinasyon.

Arthur ng Dagupan City: Ano po ang masasabi niyo sa nakikita ko. Sa kainan naming ang dingding lumabas ang imahe ni Hesukristo pati po sa sala namin.
RS: Ang mga manipestasyon ng mga imahe sa pisikal na realidad natin ay depende sa kung ano ang epekto sa mga taong nakakita o nakapaligid sa mga ito. Bagaman ang bawat manipestasyon ay maaring mensahe sa mga taong nakakita gayunman ito ay tumutugma din sa pangangailangang espiritwal ng isang indibidwal. Kung naging maganda naman ang resulta o bunga ng ganitong manipestasyon tulad ng imahe ni Hesukristo at iba pang banal na personalidad ay masasabi kong wala itong intensiyong masama.

+639176004394: Nakaranas ako na may nakisakay na multo. Pagtigil ko sa kanto dalawa lang kasama ko, yung isa nakita niya may isa daw sa likod di ko naman kita agad. Mga alas-6 ng gabi padilim nung pagbalik sa lugar, nakita ko may lalaki sa likod pero di ko Makita mukha siguro mahigit isang kilometro ang tinakbo andun tapos bigla na lang naglaho.
RS: Karaniwan na sa mga multo ang nakikiangkas sa mga sasakyang dumadaan sa lugar na tambayan ng mga multo. Kabilang sa mga tambayan ng mga ito ay ang mga likuan o kurbada na malimit may aksidente, sementeryo, at iba pang lugar na merong nagpapakitang mga multo. Kung wala naman nais sabihin ay hayaan na lang sila na maki-angkas dahil sa kusa naman silang mawawala. Mainam din na bumusina sa mga lugar na alam niyong merong manipestasyon ng mga ligaw na kaluluwa.

Dadi ng Cavite: I can see spirits. They are good at nakakatulong sila to cure illness and locate missing persons or things.
RS: You are an objective clairvoyant because you can see the invisible beings if you’re saying you can see them with your eyes. And I presume what you see are positive entities because they are helping you especially locating missing persons or things. Ito ang sinasabi ko na kung marunong kayong makipag-ugnayan sa kanila maaari niyo silang makatulong sa inyong pang-araw araw niyong buhay at maging sa inyong kapwa na nawawalan ng kanilang mga mahal sa buhay at sa ikalulutas ng krimen. Sa Amerika, karaniwan nang ginagamit ng mga otoridad doon ang mga clairvoyant sa imbestigasyon ng mga krimen.

Ana ng Sta. Rosa City: Totoo po ba ang reincarnation? Di ba sa Bibliya sabi Life after Death e di parang contradiction yung reincarnation.
RS: Wala kang matatagpuang katagang “reinkarnasyon” sa Bibliya ngunit may mga nakasaad sa luma tipan at bagong tipan tungkol dito sa kaganapan ng reinkarnasyon. Bagaman kailangang dumaan sa matinding debate lalu na at hanggang ngayon ay hindi pa rin tanggap ng mga relihiyong Kristiyano ang konseptong ito, ang mga bahagi sa Bibliya na nakasaad ang reinkasyon ay ang Genesis 28:12 tungkol sa panaginip ni Jacob na hagdan na nangangahulugan ng panhik panaog ng mga espiritu sa langit at lupa; Job 14:7-9 tungkol sa isang puno na namatay ngunit maaari na naman mabuhay; Job 14:14-15; Psalm 16: 10, 11 na nagsasaad naman ng sinulat ni Haring David tungkol sa buhay matapos ang kamatayan. Maraming mga bersikulo sa Bibliya na nagmumungkahi ng reinkarnasyon at ilan sa mga ito ay ang mga sumusunod: Psalm 16:10-11; Psalm 102:26; Psalm 107:10-14; Ecclesiastes 3:15; Isaiah 25:8; Isaiah 26:19; Jeremiah 18:1, 6; Matthew 11:10-15; Matthew 17:10-13; John 8:56-58; John 9:1-3.

Para sa inyong mga katanungan, mangyaring mag-text sa 09206316528; mag-email sa misteryolohika@gmail.com at bisitahin ang aking website http://misteryolohika.tripod.com/. #

Soulmate, Perpektong Kakambal ng Kaluluwa

2006-11-23T18:03:00.000-08:00

Marami ang mga naniniwala tungkol sa soulmate ngunit marami rin ang nagkakamali tungkol dito. Kadalasan nating napagkakamalan na soulmate o kakambal ng ating kaluluwa ang mga minamahal o kabiyak. Ngunit, kaiba pala ito sa tunay na kahulugan ng soulmate.

Hindi ba madalas nating sabihin na kapag matindi ang pagmamahal natin sa isang tao ay sinasabi nating siya ang ating soulmate. Madalas natin itong marinig sa mga magkasintahan lalu na kapag magkakapareho ang kanilang hilig.

Ngunit sa bandang huli ay sasabihin mong hindi siya ang iyong soulmate kapag umabot na sa puntong nag-away na kayo, nagkasakitan na kayo at tuluyan nang nagkahiwalay.

Ano nga ba ang tunay na soulmate? Mula sa naturang kataga, ang soul ay kaluluwa at ang mate ay katambal, o partner. Ngunit sa aking personal na pagkakaunawa ang soulmate ay hindi lang basta katambal o partner kundi mas malapit pa at ito ay maihahalintulad ko sa kakambal o twin soul.

Para kay Astrologer Linda Goodman, ang soul mate ay ang kalahati ng iyong kaluluwa kung saan ang kanyang enerhiya at mga katangian ay perpektong perpekto na na kasingtulad ng iyong enerhiya at mga katangian.

Para naman sa Amerikanong Psychic at Sleeping Prophet Edgar Cayce, ang soulmate ay siyang kaluluwa na umaalay sa kakambal nitong kaluluwa sa pangkalahatang buhay nito sa lupa.

Sa aklat na sinulat ni Professor Jaime T. Licauco na pinamagatang Soulmates, Karma and Reincarnation, ang konsepto ng soulmate ay hindi basta-basta maiintindihan kung hindi mo muna uunawain ang tinatawag na Universal Law of Karma at Law of Reincarnation.

Ito’y dahil sa malalaman mo lamang ang iyong soulmate sa serye ng iyong reinkarnasyon sa ibat-ibang buhay mula noong mga unang panahon hanggang ngayon o sa mga susunod mo pang buhay.

Hindi mo rin agad malalaman ang iyong soulmate ng buong magdamagan lamang dahil sa hindi nangangahulugan na ang iyong napangasawa ay ang iyong soulmate bagkus ito ay maaaring isa sa iyong mga malalapit na kaibigan, kamag-anakan at kasamahan sa trabaho.

Maaaring hindi rin niya alam na ikaw din ang kanyang soulmate lalu na kapag hindi pa niya nareresolba ang mga kinakaharap niyang karma sa buhay niya ngayon – pagkakaroon ng relasyon, pakikitungo o pakikisama sa ibang tao na kanya ring nakakasalamuha at natagpuan sa kasalukuyang buhay.

Sakaling nagkaroon kayo ng pagkakataon na nag-krus ang inyong landas ng iyong soulmate, hindi mo maipaliwanag kung ano ang mararamdaman mo dahil sa ang pakiramdam na iyon ay hindi lamang pisikal bagkus ay mula sa kaibuturan ng inyong mga kaluluwa.

Ito ang tinatawag ni Mathematician at Mistikong si P. D. Ouspensky na “Law of Types.” Ito ay ang hindi matanggihan pwersa o “irresistible force” na kahit sinuman sa mundong ito ay hindi kayo mapaghihiwalay. Kapag nagtagpo ang soulmates ay tiyak aniyang mararanasan nila ang katangi-tangi at walang hanggang pag-ibig na maaaring maging inspirasyon sa paghabi ng walang hanggan at walang kamatayang tula ng pagmamahalan.

Sa pagkalahatang resulta ng ibat-ibang kahulugan ng soulmate, inihayag ni Licauco na ang soulmates ay dalawang kaluluwa na naging malapit sa isat-isa sa serye ng mga naging buhay kung saan perpekto ang kanilang pakiramdam at katangian sa kanilang pagtahak sa serye ng kanilang buhay.

Sa aking pananaw, bagaman magkasama kayo o palagi kayong nagtatagpo ng iyong soulmate sa serye ng inyong buhay ay saka mo lang malalaman na soulmate mo ang isang kaluluwa kapag natapos na ang inyong karma sa mundong iyong ginagalawan, bagaman hindi maitatanggi ang masidhing damdamin ninyong dalawa bilang magkakambal na kaluluwa.

Ngayon, ano ang mga palatandaan na ang isang tao ay iyong soulmate? Pag nagtagpo ang soulmates, kapwa nila hindi maipaliwanag ang kanilang damdamin hindi sa pisikal na atraksiyon kundi ang kanilang mga kaluluwa. Kung ano ang nararamdaman ng isa, halimbawa may bahagi ng katawan nito ang masakit ay nararamdaman din ito ng kanyang soulmate. At kung marunong ang soulmate na gamutin ang kanyang sakit ay otomatiko ding gagaling ang sakit ng soulmate nito. Malakas din ang kuneksiyon sa isip ng soulmates. Iniisip pa lang ng isa ang gagawin nito ay ginagawa na ito ng kanyang soulmate. May mga pagkakataon na ang isang tao ay magtatanong sa isa pa ngunit nagtaka na lamang ito na hindi pa niya natatapos ang kanyang tanong ay sinasagot na ng kabila. Ang matindi pa nito, ang soulmates kapag nagtalik ay kapwa sila walang kapaguran bagkus ay lumalakas pa sila kahit gaano katagal ang kanilang pagniniig. Kung bakit ganito, dahil sa kapwa iisa ang antas ng enerhiya ng dalawang taong soulmates at ang pagsasanib ng kanilang kaluluwa ay maaaring magresulta sa tinatawag na “spiritual enlightenment”.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com, bisitahin ang aking website http://misteryolohika.tripod.com. Pakinggan din ang aking programang Misteryo tuwing Sabado, 5:30 hanggang 6 ng gabi sa dzRH. #

Ang Katotohanan Tungkol sa Multo

2006-11-16T16:38:00.000-08:00

Kahapon, may mga kausap akong estudyante ng Polytechnic University of the Philippines at Adamson University at nagtanong sa akin tungkol sa mga nilalang sa kabilang dimensiyon kung sila ba ay totoo o hindi.

Ang tinutukoy nila dito ay ang mga multo na gumagala sa ating paligid at iba ang mga espiritu tulad ng kapre, engkantada at iba pang elemental o tinatawag nating nature spirit.

Ang sagot ko sa kanilang tanong ay kung makikita niyo ba sila ay maniniwala ba kayong sila ay totoo? Kung makakausap niyo ba sila ay maniniwala ba kayong sila ay totoo?

Ang tugon nila sa akin ay depende kung talagang makakausap ba nila ang mga nilalang na ito sa kabilang dimensiyon o hindi, at ang pinakamatindi pang sagot nila ay maaaring ito ay produkto lamang ng imahinasyon.

Para kay Alexandra Martin ng PUP, ang mga multo ay maaaring produkto lamang ng malikot na kaisipan o imahinasyon dahil sa mga nababasa, naririnig at napapanood sa telebisyon.

Sinagot ko siya na may basehan ang kanyang katwiran dahil sa may mga pagkakataon na talaga namang naiimpluwensiyahan ang ating isipan at ang resulta nito ay ang takot sa ating dibdib na likha pa rin ng ganitong sitwasyon.

Ngayon para patunayan natin na totoo ang inyong karanasan ay subukin nating harapin ang anumang manipestasyon ng kababalaghan tulad ng pagpapakita ng mga nilalang sa kabilang dimensiyon, multo man yan ng mga sumakabilang buhay na tao o mga espiritu sa kabilang dimensiyon.

Para sa akin kung meron nang interaksiyon o palitan ng komunikasyon sa panig mo at ng nilalang sa kabilang dimensiyon ay yun na ang isang matibay na ebidensiya na ang iyong nakikita o nakakaugnayan ay hindi lamang resulta ng iyong malikot na isipan.

Sa panig ni Irish Cero ng PUP, nakakatakot na makakita ng mga multo dahil sa baka sila ay manakit. Marami nang mga kuwento at karaniwan na ring napapanood ngayon sa pelikula at telebisyon na ang mga multo ay may kakayanang manakit ng tao.

Hindi ko itinatanggi ang katotohanan na may mga multong nananakit at ito ay resulta ng pakikitungo natin sa kanila o di man kaya ay sa maling interpretasyon natin sa kanilang manipestasyon sa ating buhay.

Sa mga bahay na merong ganitong manipestasyon na sobrang pananakit na ang ginagawa sa mga nakatira ay maaaring maitulad na sila sa poltergeist – isang salitang Aleman na ang ibig sabihin ay “noisy ghost” o maingay na multo.

May mga ginawang pag-aaral na ang poltergeist na ito ay nalikha ng enerhiya ng mga taong nakatira sa isang bahay o lugar lalu na kapag ang mga ito ay talagang napakanegatibo tulad ng palaging pag-aaway, batuhan ng masasamang salita, matinding galit at iba pa.

Kapag may ganitong manipestasyon sa inyong bahay o lugar ay mainam na tumawag na kayo ng mga eksperto na kilala naman natin sa tawag na mga exorcist – maaaring ito ay sertipikadong exorcist na pari ng Simbahan o samahang relihiyon o di man kaya ay mga taong nasa larangan ng paranormal na meron nang sapat na karanasan at pagsasanay para harapin ang ganitong uri ng problema.

Sa panig naman ni Anna Lumentac ng Adamson, itinanong nito sa akin kung ang mga aswang, manananggal, kapre at iba pang engkanto ay kasama sa kategorya ng multo.

Dito tayo karaniwang nagkakamali dahil sa naiukit sa ating isipan na lahat ng mga hindi natin nakikita ay pawang mga multo, kung kaya’t maging ang mga elemental o tinatawag nating nature spirits tulad ng duwende at kapre ay napagkakamalan nating mga multo, at ang masaklap pa nito maging ang ating mga anghel de la guwardiya ay napagkakamalan nating multo.

Ang mga multo o ghost sa wikang Ingles ay mga kaluluwa ng mga sumakabilang buhay na tao ngunit ang kanilang manipestasyon o pagpapakita ay depende sa kundisyon ng kanilang pag-iisip sa oras na sila ay binawian ng buhay.

Para sa akin ang mga elemental o nature spirit maging ang mga anghel ay hindi masasabing nasa kategorya ng multo dahil sa nagpaparamdam lamang sila depende sa naging reaksiyon sa kanila ng tao. Sa totoo lang hindi naman lahat ng mga espiritu ay may layuning manakot bagkus marami sa kanila ang tumutulong sa atin.

Wag ninyong kaliligtaang pakinggan ang aking programang Misteryo tuwing Sabado alas-5:30 hanggang alas-6 ng umaga. Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com at bisitahin ang aking website: http://misteryolohika.tripod.com. #

Hi-Tech Ouija Board, Natuklasan

2006-11-09T23:34:00.000-08:00

Sumasabay nga sa pag-usad ng panahon ang mga espiritu lalu na at karaniwan na ngayong nagpapakita sa mga makabagong kamera (digital camera) ang mga multo, maging ang mga boses nila ay maaari nang marinig sa pamamagitan ng mga makabagong mikropono at naire-record na rin sa mga makabagong audio recorder.

Hindi lang sa mga makabagong kamera, at audio recorder maging sa mga makabagong video camera at mismong sa telebisyon ay nagpapakita na rin ang mga espiritu, ito man ay kaluluwa ng namatay na tao o kaya ay mga espiritung elemental o mga engkanto sa ating paligid, maging ng mga anghel at ekstra-terestriyal.

Ang ganitong mga kaganapan ay nakapaloob sa isang paranormal na katagang Electronic Voice/Video Phenomenon (EVP) batay sa marami nang mga dokumentadong kaso ng pagpapakita, at pagpaparinig ng mga espiruitu sa pamamagitan ng mga modernong gadyet.

Masasabi kong hindi hadlang ang mga pagbabago sa pamumuhay ng tao sa pisikal na daigdig na ito ang mga hakbang na ginagawa ng mga espiritu para makipag-ugnayan sa mga buhay.

At talagang nakapagtatakang nagagawa na nilang gamitin ang mga electronic device tulad ng radyo, telebisyon, kamera, maging ang mga cellphone para lamang ipakita sa daigdig ng mga tao na meron talagang kabilang buhay.

Hindi bat marami na rin ang mga nakaranas na ang mga namayapang tao ay nagagawa pang makapag-text sa kanilang kakilala o kaibigan kahit na sila ay nakalibing na sa hukay.

Hanggang ngayon ay hindi pa rin maipaliwanag na mabuti ng mga siyentista kung bakit may kakayanan ang mga kaluluwa o multo at mga espiritu na makontrol ang mga de-baterya o de-kuryenteng mga bagay.

Ngunit sa simpleng paliwanag dito, ang mga espiritu ay pawang enerhiya kung kayat malaki ang posibilidad na maaari itong makaimpluwensiya sa mga gamit na merong enerhiya de-baterya man o de-kuryente.

Tulad na lamang ng pakikipag-ugnayan sa mga kaluluwa ng patay na kadalasan ay ginagawa lamang sa pamamagitan ng makalumang estilo tulad ng paggamit ng Ouija board o spirit of the glass, coin, at ballpen.

Natuklasan ng mga batikang Okultista o mga taong beterano sa pakikipag-ugnayan sa mga patay na maaari ding magamit sa ganitong pamamaraan na kilala rin sa tawag na séance sa wikang Ingles ang isang modelo ng Ipod mp3 player – Apple Ipod Nano 4Gigabytes.

Muli ang aking babala sa lahat na hindi basta-basta ginagawa ng sinuman ang pakikipag-ugnayan sa mga espiritu lalu na sa patay dahil sa panganib na baka kayo saniban ng demonyo o masasamang espiritu.

Nagbabala na rin tungkol sa ganitong pamamaraan ang paring Exorcist na si Fr. Jose Francisco Syquia, director ng Archdiocese ng Maynila, tanggapan ng Exorcism, at sinabing ang mga pamamaraan ng tulad ng spirit of the glass, coin, at maging spirit of the ballpen ay maaaring magresulta sa pagsanib ng demonyo sa katawan ng tao.

Ngayon nga ay ang paggamit ng makabagong musical player ang Ipod Nano mp3 player na natuklasang merong pagkakahawig sa orihinal na disenyo ng Ouija Board at siyang ginagamit na rin ng mga gustong makipag-ugnayan sa daigdig ng mga patay.

Sa pamamagitan ng Click Wheel na taglay nito ay kasing-hawig na nito ang kumbinasyon ng Ouija Board at plantseta nito at mas maganda pa kung tutuusin sa makalumang pamamaraan dahil sa naturang gadyet ay hindi lamang mga letra ng alpabeto at numero ang mapagpipilian ng espiritu kundi maging ng musika at iba pang mensahe na maaaring sabihin ng mga ito.

Kung anong pamamaraan ang ginawa ng mga Okultista ay tulad ng din ng ginagawa sa spirit of the glass, coin at Ouija Board kung saan ilalagay lamang ang mga hintuturong daliri ng bawat taong kasama sa ritwal at kapag naramdaman nang meron nang sumanib na espiritu sa aparatu ay kusa na lang gagalaw ang magkakapatong ninyong daliri at madidiinan ang Click Wheel ng Ipod para piliin ng espiritu ang letrang katugunan nito sa bawat katanungan.

Ang pinakabagong disenyo ng Ipod ay merong search feature na siyang dinidiinan kung pipili ka ng letrang nais mo para sa mga kanta o musika na nasa loob ng gadyet, at ito ang nagsisilbing plantseta kung ihahambing sa Ouija board.

Inuulit ko, wag na wag ninyong gagawin ang ganitong pamamaran dahil delikado. Sa totoo lang hindi ko inirerekumenda na magtawag kayo ng espiritu para kausapin sila at magtanong ng kung ano man tungkol sa buhay nila dito sa lupa o buhay ng tao dito sa mundo.

Kung merong mahalagang mensahe sa inyo ang isang namapayapa lalu na kung kamag-anak ninyo ay kusa silang magpapakita sa inyo kundi man ay makakaugnayan ninyo sila sa panaginip, at hindi niyo na kailangang sila ay tawagin.

Para sa inyong mga katanungan at suhestyun, magtext sa 09206316528, mag-email sa misteryolohika@gmail.com. Tignan din ang aking website: http://misteryolohika.tripod.com. Makinig sa dzRH tuwing Sabado 5:30-6 ng gabi sa programang Misteryo.#

Mga Tip Sa Ghost Hunting?

2006-10-26T05:14:00.000-07:00

Mahilig ba kayo o interesado sa ghost hunting?

Bagaman marami ng duda pa rin sa realidad ng kabilang buhay o spirit world sa katagang ingles, marami rin ang mga interesadong maranasan ang pakikipag-ugnayan sa mga espiritu at mga gumagalang kaluluwa ng mga namatay na tao.

Ito ang dahilan kung bakit marami ang nagaganyak na sumasama sa “ghost hunting” o ang pagtungo sa mga lugar na kilalang pinagpapakitaan ng mga multo tulad ng haunted house, sementeryo, mga lumang gusali o di man kaya ay sa mga lugar na pinangyarihan ng krimen o trahedya. Ngunit mahigpit ang aking babala na ang ghost hunting ay hindi isang biro o laro lamang dahil sa nakasalalay dito ang kaligtasan ng kahit sinuman

Dahil dito, nais kong ibahagi sa inyo ang mga dapat ninyong tandaan at gawin sa inyong pagtungo sa lugar kung saan kayo magsasagawa ng ghost hunting o imbestigasyon sa mga multo at espiritu.

Kailangang irespeto mo ang mga multo ogumagalang kaluluwa at mga espiritu sa paligid dahil sa minsan naging tao rin sila tulad natin at kailangang maging mabait tayo hindi yung matapang natin silang harapin.

Wag natin silang duduruin o uudyukan para hindi sila gumanti at pagsisihan natin sa bandang huli dahil sa tiyak na susundan ka nila hanggang sa bahay niyo at saktan ka o sinuman sa miyembro ng inyong pamilya.

Lagi mong isaisip na kontrolado mo ang sitwasyon bilang isang prupesyunal sa larangan ng paranormal investigation. Ang tiwala sa sarili at lakas ng loob ay siyang nakapagbibigay sayo ng proteksiyon dahil sa malakas ang iyong enerhiya na bumabalot sa iyong katauhan.

Wag kang maglalakad mag-isa sa iyong ghost hunting. Tiyakin na merong kasama – dalawa man kayo o di man kaya ay mas maganda at mas rekumendado na tatlo kayo sa isang team. Kung sobrang dami kayo sa ghost hunting ay maaari kayong maghati-hati ng grupo na tatluhan.

Dapat walang bisyo ang taong nais gumawa ng ghost hunting. Ang mga nakaka-adik na bisyo tulad ng droga, alak, sigarilyo ay nakapagpapahina sa iyong katawan at enerhiya kung kaya’t mas madali kang saktan ng negatibong espiritu.

Laging makinig sa anumang mensahe sa iyong panaginip. Ngunit lagi ding maging alerto sa panaginip dahil ito ang pagkakataon na nakaka-ugnayan natin ang mga espiritu at sikapin na mag-usal ng panalangin sa Diyos o sinumang mataas na espiritu alinsunod sa iyong pananampalataya bilang proteksiyon kapag may mga umaatakeng espiritu. Ang suhestyun ko dito ay ang pagtawag sa mga anghel sa pamamagitan ni San Miguel Arkanghel.

Maaari kayong gumamit ng mga banal na bagay tulad ng krus, medalyon, o anupaman na bagay na para sa iyo ay sandigan ng iyong pananampalataya sa Kapangyarihan ng Poong Lumikha. Laging isaisip na ang mga bagay na ito ay instrumento lamang at ang tunay na kapangyarihan dito ay ang iyong paniniwala at pananampalataya.

Makinig sa iyong sariling abilidad na tinatawag na intuition. Isang kapangyarihan sa ating isipan na makaramdaman ng mga di nakikitang nilalang sa ating kapaligiran. Mas lamang dito ang mga taong tinaguriang clairvoyant o anupaman na may psychic power.

Kailangang wag hihiwalay sa iyong grupo o ika nga sa kasabihang “walang iwanan.” Mas mabuting sama-sama kayong magtrabaho at nagtutulungan sa anumang misyon ninyo. Kailangang gawin ng buong tatag ang anumang ibibigay sayong trabaho.

Sa inyong gagawing imbestigasyon, tiyakin na lahat ng mga posibilidad na sanhi ng pagmumulto o hauntings sa wikang Ingles ay dapat na bigyang pansin – lohika mang dahilan yan tulad ng mga ingay na likha ng mga bagay-bagay sa paligid, o di man kaya ay ang hindi nakikitang enerhiya sa paligid kasama na rito ang kundisyong kaisipan at emosyonal ng mga taong nakatira sa lugar na pinuntahan. Bigyan din ng halaga ang isang babala na ang mga taong mahina ang kalooban at wala sa tamang kundisyon ang pisikal, mental at espiritwal ay nanganganib na atakehin ng mga masasamang espiritu.

Laging Tandaan na ikaw ang dapat na may kontrol sa sitwasyon. Ikaw bilang imbestigador ay lamang sa mga di nakikitang nilalang dahil sa taglay mong pisikal na katawan, meron kang sapat na kapangyarihan lalu na at ang dimensiyon na iyong ginagalawan ay pisikal at mas may karapatan ka sa mundong ginagalawan mo kesa sa mga espiritu na bigla na lamang narito. Panatilihin ding maging malusog at maayos lagi ang iyong pagkain.

Maging pamilyar sa lahat ng aspekto ng paranormal at supernatural. Kailangang kabisado mo kung ano ang ibat-ibang uri ng mga espiritu mula sa pinakamababa hanggang sa pinakamataas na antas ng mga nilalang sa kabilang dimensiyon. Ika nga, “ang karunungan ay kapangyarihan”. Kung mas marami kang alam ay mas mabuti dahil sa nakapagpapalakas ito ng tiwala sa sarili, ngunit kailangang mag-ingat dahil sa hindi lahat ng karunungan ay makabubuti. Mainam na sumandal ka sa mas lohikang paliwanag.

Hindi maiiwasan na kapag aktibo sa imbestigasyon, ay makakasagupa ka ng mga masasamang espiritu – aminin man natin sa hindi, dalawang klase ang mga espiritu – masama at mabuti. Kailangang armado ka rin na parang isang sundalo na sasabak sa digmaan tulad ng mas masidhi pang pananampalataya sa Diyos. Napatunayan na ang walang kundisyong pag-ibig ang maituturing na proteksiyon at laging balutan ang sarili at sinuman sa inyong team ng puting liwanag mula sa Langit.

Wag matakot na mag-eksperimento. Hindi lahat ng iyong ginagawa ay magiging maganda ang resulta. Kapag sumablay ang isang teyorya, subukin uli o di man kaya ay gawin ang isa pang paraan. Wag maiinip, at wag magiging mainitin ang ulo wala kang matatapos na gawain.

Bago puntahan ang lugar ng may nagmumulto, kailangang alam mo na ang kasaysayan ng lugar na ito, nagsagawa ka na ng inisyal na pananaliksik tulad ng pakikipag-ugnayan sa mga taong nakatira o nagmamay-ari ng lugar bahay man ito o lupain. Ang anumang impormasyon na makukuha mo ay malaking bagay para malutas mo ang anumang misteryong bumabalot sa lugar.

Kailangan meron kang kaibigan o sinumang mapagkakatiwalaan mo ang nakakaalam ng gagawin ng iyong grupo at kung saan kayo magtutungong lugar. Kailangang magdala ka ng cellphone para madali ka makatawag o matawagan sa sitwasyong gipit na at kailangan niyo ng tulong.

Kailangang alam mo lahat ng magiging problema tulad ng pinakamalalang senaryo ng demonic possession o pagsanib ng mga masasamang espiritu sa taong sensitibo lalu na kung ito ay miyembro ng iyong grupo o di man kaya ay mga taong kontak niyo sa lugar na pupuntahan niyo. Kaya mahalagang kabisado mo ang dapat na gawin kapag may problema lalu na kapag di maiwasang makipag-ugnayan kayo sa mga espiritu sa pamamagitan ng spirit of the glass, Ouija board, medium at iba pa.

Kailangang alam mo ang tinatawag na “low level possession”. Ito ay kagagawan ng mga mababang espiritu na walang dudang negatibo ngunit may kakayanan na impluwensiyahan o kontrolin ang isang tao. Ang mga espiritung ito ay gumagawa ng paraan para hindi produktibo ang isang tao sa pamamagitan ng pagiging mahiligin sa mga materyal na libangan tulad ng kinalolokohan ngayong pag-cha-chat, computer games, pagtungo sa mga bar, at iba pang libangan na nasasayang lamang ang oras mo.

Bagaman meron kang karanasan sa mga multo at iba pang espiritu, mainam pa rin na ang direksiyon ng imbestigasyon o ghost hunting ay ang naaayon sa siyensiya o mas lohikang pamamaraan para hindi pagdudahan ng sinuman lalu na ang mga hindi naniniwalang merong kabilang buhay o dimensiyon ng mga espiritu. Kailangang merong makitang pisikal na ebidensiya tulad ng larawan, video o mga tunog na nai-record.

Magtiwala sa sariling abilidad. Dapat na laging nakikinig sa ating intuwisyon kung saan likas sa atin na nakakaramdam kung merong panganib sa ating gagawin. Kung magiging sensitibo lang tayo sa ating pandama ay ito rin ang paraan para madali natin malaman kung merong mga espiritu sa ating kapaligiran. Kahit naman na hindi mo maabot ang tinatawag na pagiging clairvoyant o yung abilidad na makakita ng multo o anumang espiritu ay malaking bagay na ang pagkakaroon ng malakas na pakiramdam.

Siguruhin na ang bawat hakbang na gagawin ay nakatala kasama na dito ang oras, lugar, mga taong kasama sa imbestigasyon at wag kaliligtaan na magdalawa ng mga pangunahing instrumento tulad ng tape/video recorder. Buti na ngayon at nauso na ang mga cellphone na merong audio at video recording.

Kailangang lagi mong tandaan na ang anumang teyorya sa iyong imbestigasyon ay pabagu-bago anumang oras, anumang araw. Anuman na masasabi mong totoo ngayon ay maaaring mali sa kinabukasan. Kailangang ang sandigan ng resulta ng imbestigasyon ay ang mga pisikal na ebidensiya. Hindi dapat na nakasandal lamang sa lumang teyorya tungkol sa mga espiritu.

Siguruhin na ang bawat hakbang ng ghost hunting ay merong magandang resulta. Ito ang dahilan kung bakit ipinapayo ng mga eksperto na kailangang naitala ang anumang gagawing hakbang. Dapat na organisado ang bawat hakbang para magkaroon ng magandang resulta ang imbestigasyon.

Kung nakakaramdam ka ng takot….walang problema ngunit may babala ang mga eksperto na wag lang todo dahil sa ikaw mismo ang naglalagay sa panganib ng iyong sarili. Alam naman natin na kapag natakot ka ay mahina ang proteksiyon ng iyong katawan at posibleng pasukin ka ng masasamang elemento o espiritu.

Laging isaisip ang mga tip na ito para hindi ka magkaroon ng problema sa ghost hunting o imbestigasyon. Mainam na ma-enjoy mo ang ganitong hakbang ng pagsisiyasat para mapanatili mong sapat ang proteksiyon ng iyong katawan at espiritu laban sa masasamang elemento.

Harinawa ay makatulong ang mga impormasyon na sa inyo lalu na ang mga nagnanais na magsagawa ng ghost hunting. Nais kong ulitin ang babala na ang ghost hunting ay hindi dapat gawing laro o biro lamang dahil sa panganib na dulot nito sa sinumang maging biktima ng masasamang espiritu. Laging manalig sa Diyos dahil tiyak na protektado tayo sa anumang pag-atake ng mga negatibong espiritu sa ating kapaligirian.

Para sa inyong mga katanungan, mag-text sa 09206316528, mag-email sa misteryolohika@gmail.com, bisitahin din ang aking website: http://misteryolohika.tripod.com/. Makinig din sa programang Misteryo sa DZRH tuwing Sabado, 5:30 hanggang 6 ng gabi.#

Hikbi, Hagikgik at Kalabit

2006-10-19T16:18:00.000-07:00

Ngayong malapit na naman ang paggunita sa Araw ng mga Patay o Undas ay marami na naman sa ating mga kababayan ang nakakaranas ng mga nakapapangilabot na ugnayan sa mga ligaw na kaluluwa o mga sumakabilang buhay.

Isang araw, ilang empleyado ng isang sikat na broadcasting network ang nagkuwento sa akin nang sila ay balutin ng hilakbot at manindig ang kanilang balahibo sa sobang takot sa buong katawan nang makarinig sila ng mga hagulgol, hikbi at hagikgik sa kanilang comfort room.

Masaya silang nagkukuwentuhan nang isa sa kanila ay nagbibiro ng pananakot sa kapwa at kasunod nito ay ang pagkarinig nila ng mga hikbi at hagikgik ng mga bata.

Agad na nagpulasan palabas ng CR ang mga empleyado at halos kapusin ng hininga na nagkuwento ng kanilang naranasan.

Ang lugar ay kilala nang may manpestasyon ng mga ligaw na kaluluwa o earthbound soul dahil sa marami nang mga naikuwentong karanasan ng mga empleyado dito.

Meron yung biglang nagsasara ang pintuan ng cr, biglang may nagpa-flush sa inidoro o di man kaya ay bglang lumalakas ang aircon at magiging maingay ang paligid at nagpapagalaw ng anumang bagay tulad ng silya.

Ang ganitong mga manipestasyon ay palatandaan lamang na nais makipag-ugnayan sa daigdig ng mga buhay ang mga patay, o kundi man ay nais nilang iparamdam o patunayan sa pisikal na kahit sila ay sumabilang buhay na ay may kakayanan pa rin silang makapag-hayag ng kanilang damdamin.

Ang mga naririnig na paghikbi ay tanda ng kalungkutan ng multo o ng kaluluwa ng isang sumakabilang buhay at nangangailangan ng atensiyon mula sa daigdig ng mga buhay.

Maaaring ito ay gusto nang umalis dito sa pisikal na dimensiyon patungo sa mas mataas na dimensiyon at maaari itong matulungan sa pamamagitan ng pakikipag-ugnayan sa kanya at sabihin lamang na tanggapin ang katotohanan ng kanyang kapalaran at wag nang pagtuunan ng pansin ang kanyang naiwang gawain o problema at higit sa lahat ay matuto siyang magpatawad.

Ang mga multong humahagikgik ay tanda naman ng kakulitan, kasiyahan at mapagbiro na maaaring gawin sa kahit sinumang kunsunada nito.

Ngunit kung anong uri ng espiritu ang nasa likod nito ay dapat nating pakinggang mabuti ang hagikgik kung ito ay mula sa isang bata na alam naman natin kung paano siya humagikgik at maaari din itong mula sa mga maliliit na nilalang na kilala sa tawag na mga duwende.

Ako ay unang nakarinig ng ganitong mga hagikgik nung nagbakasyon ako sa aming lalawigan sa La Union nang isang gabi habang tulog ang lahat ay naramdaman kong may nangangalabit sa aking talampakan mula sa maliliit na kamay o daliri sabay ang hagikgik.

Lagi nating isaisip na hindi lahat ng ganitong mga pagpaparamdam ay mula sa mga sumakabilang buhay na tao, kundi malaki ang posibilidad na mula ito sa mga maliliit na nilalang.

Ngunit kung alin sa mga multo ang kailangan pag-ingatan natin ay yung mga humahagikgik o humahagulgol dahil sa masyadong negatibo ang kanilang taglay na enerhiya.

May isa akong kaibigan na nagsabing nang makita niya ang multong humihikbi o humagulgol ay kitang kita niyang nanlilisiksik ang mga mata at maitim ang aura o enerhiya sa paligid nito.

Ang ganitong mga multo ang malaki ang posibilidad na sumanib sa pisikal na katawan ng isang tao, kung kayat hindi dapat na basta makipag-ugnayan dito kung wala kang alam sa pakikitungo sa mga kaluluwa o multo.

Ang mga nangangalabit naman ay isang uri ng multo na gustong ipahiwatig na nasa tabi lang siya o nasa paligid siya lalu na kung interesado siya sa pinag-uusapan ng mga taong nakapaligid sa kanya.

Naalala ko noong Setyembre 9, 2006 habang nasa kalagitnaan kami ng talakayan tungkol sa mga karanasan ng mga piloto ng Eye in the Sky ng DzRH sa mga multo at iba pang espiritu, ay bigla akong napa-igtad nang may kumalabit sa aking braso at kitang kita ito ng isa sa mga panauhin sa aking programang Misteryo.

Mag-ingat naman sa mga multo o espiritu na nag-iiwan ng mga pasa sa katawan pagkagising dahil sa may damdamain itong nagugustuhan ang isang tao lalu na ang mga kababaihan, kung kayat mainam na may proteksiyon dito ang ating katawan tulad ng panalangin o kaya ay pagtawag sa presensiya o puwersa ni San Miguel Arkanghel.

Kayo may mga karanasan ba kayo sa mga nilalang na hindi nakikita tulad ng mga multo, elemento, anghel, maging ng mga ekstra-terestriyal?

Kung meron, magpadala ng inyong kuwento sa aking e-mail address: misteryolohika@gmail.com o kaya ay mag-text sa 09206316528. Bisitahin din ang aking abang website: http://misteryolohika.tripod.com. Makinig din tuwing araw ng sabado sa DZRH alas-5:30 hanggang alas ng gabi para sa mga pagtalakay tungkol sa mga karanasang kababalaghan at hindi agad maipaliwanag ng ating lohikang kaisipan.#

Dati'y Anghel, Ngayo'y Tao

2006-10-12T16:17:00.000-07:00

Ang buhay natin ay talagang nababalot ng hiwaga at marami tayong dapat na malaman habang patuloy ang pag-inog ng ating mundo. Maraming mga karanasan ang hindi natin basta maipaliwanag maliban lamang kung ang ating isipan ay bukas sa ganitong mga kaganapan.

Marami ang nagsasabi na ang lahat ng ganitong mga karanasan at kaganapan ay katotohanan ngunit ibat-ibang interpretasyon ang maaaring maisaisip depende sa kundisyon ng kanyang paniniwala, pananampalayata at kundisyon ng kaisipan.

Mga karanasan tulad ng paglabas ng katawan o astral travel, pagkakita sa mga multo at iba pang espiritu, at ang patuloy na proseso ng kapanganakan o kilala bilang reinkarnasyon para maabot ang pagiging divine being at bumalik sa Diyos.

Isang araw, isang kaibigan ang lumapit sa akin at nagtatanong kung may posibilidad ba na ang isang anghel ay maaaring maging tao alinsunod sa proseso ng muling pagkapanganak bilang tao.

Meron umano siyang isang kaibigan na nagtataka rin sa kanyang sarili kung bakit mula't mula pa ay parang nararamdaman niyang isa siyang anghel ngunit mahirap paniwalaan dahil sa imposible umano itong mangyari lalu na at ang mga anghel bilang mensahero o tagapaghatid ng mensahe mula sa Diyos ay puro ang kanilang taglay na espiritu.

Ngunit isang araw umano, ay inimbitahan siya ng kanyang kaibigan na tignan ang tunay niyang anyo, at laking gulat nito nang tumambad sa kanyang harapan ang nagniningning na hugis ng isang anghel sa katauhan ng kanyang kaibigan.

Bagaman, nagulat at hindi kaagad naka-imik ay sinikap ng kaibigan na tanungin kung ito ba ay may ibang espiritu sa kanyang katawan o wala, at ang naging kasagutan ay wala siyang sanib, at ang kanyang nakikita ay totoo.

Ano ba ang nakita ng kaibigan kong ito sa kanyang kaibigan? Mahirap paniwalaan nang tumayo sa kanyang harapan ang kanyang kaibigan ay nakita niya itong may pakpak ng tulad ng sa mga anghel.

Sinikap niyang titigan ng husto at pinagalaw ito ng ilang ulit sa kanyang pagkakatayo maging ang balikat nito, laking gulat pa rin at hindi makapaniwala ang aking kaibigan na merong anghel na nakatayo sa kanyang harapan.

Kitang-kita ng kanyang mga mata kung paano umaayon sa bawat galaw ng kanyang kaibigan ang nagniningning na kulay puting pakpak sa kanyang gawing likuran at may anino itong maningning ng isang anghel na umanoy tunay niyang katauhan.

Ilang beses niya itong inunat palabas at kitang kita ang malapad at mahabang pakpak at nang itiklop ay kita rin sa gawing likuran ang maayos na pagkakatiklop nito tulad ng mga larawan o rebulto ng mga anghel na nakikita nitong nakapatayo ang pagkakaayos ng kanilang mga pakpak.

Napaluha pa ng bahagya ang kaibigan kong ito nang makita niya ang tunay na katauhan ng kanyang kaibigan at halos hindi siya makakibo sa kanyang nasaksihan, ngunit may katanungan sa kanyang isipan na posible bang maging tao ang isang anghel?

Maging ang kanyang kaibigan ay nagtatanong din dahil para sa kanya maituturing pa rin niyang isa lamang siyang ordinaryong tao kahit na may nakikita sa kanyang anino ng isang anghel at nararamdaman niya ang aniya'y kanyang mga pakpak.

Nang tanungin ko tungkol dito si Professor Jimmy Licauco ng Inner Mind Development Institute, na sa kanyang pagkaka-alam pinayagan ng Diyos na maging tao ang anghel na si Metatron na sa pagkakaintindi niya ay si Enoch para sa mahalagang misyon sa daigdig ng mga tao.

Nagtanong din ako sa iba pang nasa larangan ng paranormal at psychic phenomena at halos iisa ang kanilang kasagutan na posible ngang maging tao ang mga anghel dahil sila man ay may pagkakataon na sumailalim sa tinatawag na "soul evolution."

Ayon kay Daisy Martinez, isang psychic counselor, umiiral ang exception kesa sa patakaran at ang mga anghel ay maaaring mag-evolve o sumailalim sa ebolusyon sa pamamagitan ng pagganap ng kanilang tungkulin bilang tao.

Sa panig naman ni Cora Guidote, isa ring psychic counselor, inihayag nito na ang pagiging tao ng mga anghel ay bahagi ng ebolusyon ng espiritu. Ang mga tao ay merong kalayaan na mamili samantalang ang mga anghel ay walang ganung kalayaan, kung kayat ang pagiging tao ng isang anghel ay maituturing na isang napakahalagang pagkakataon para sa kanya.

Sa aking personal na pananaw tungkol dito, kung ang mga anghel nga ay naghahangad na maging tao para maabot ang tinatawag na ebolusyon ng espiritu, dapat sanang ganito rin ang lagi nating isaisip bilang mga tao lalu na at maituturing kong mas maswerte tayo dahil sa napakagandang pagkakataon na ipinagkaloob sa atin ng Panginoong Diyos na makabalik sa kanyang kaharian.

Kung kayo po ang tatanungin ko, naniniwala ba kayong mga anghel man ay may pagkakataon din na maging tao? Kung oo ang inyong sagot, Bakit?

Para sa inyong mga katanungan, mag-text sa 9386533, mag-email sa misteryolohika@gmail.com at bisitahin ang akin website: http://misteryolohika.tripod.com . Makinig tuwing Sabado, 5:30 hanggang 6 ng gabi para sa aking programang Misteryo sa DzRH.#

Astral Travel, Di Dapat Katakutan

2006-10-10T16:42:00.000-07:00

Nitong Sabado ay natalakay ko sa aking programang Misteryo sa himpilang DzRH ang tungkol sa Astral Travel/Projection o kilala rin sa tawag na Out Of Body Experience (OOBE).

Sa punto ng aming usapan ni Aldrine Fermin, isang beteranong astral traveler, nais naming ipabatid sa ating mga kababayan na walang dapat na ikatakot o ipag-alala kapag nakita niyong nasa labas kayo ng inyong katawan at kayo ay naglakbay sa malayo at kakaibang lugar, dahil kaya naganap yun dahil may layunin sa inyong buhay.

Ang Astral Travel/ Projection o OOBE ay isang pagkakataon para sa isang tulad nating nilalang ng Diyos na masilip kundi man makitang mabuti at maranasan ang ibang realidad o mundo na masasabi nating napupuntahan lamang ng mga taong sumakabilang buhay na.

Tayo bilang may mga kaluluwa ay karaniwan nang lumalabas sa ating katawan na hindi natin namamalayan dahil sa normal natin itong naisasaisip na pawang panaginip lamang.

Ang bahagi ng ating kaluluwa ay kusang lumalabas sa ating katawan habang tayo ay tulog dahil sa ito ang pagkakataon na kailangang magkaroon ng sapat na enerhiya ang ating Astral na katawan o astral body at makapamahinga ng todo ang ating pisikal na katawan.

Kaya’t habang nasa labas ang ating astral na katawan ay may mga lugar itong napupuntahan na karaniwan nating nakikita bilang panaginip ngunit may mga pagkakataon bigla natin makikita na parang totoo ang lahat.

Sa pagkakataong ito, ay marami ang posibilidad na mangyari, maaari kang mapunta sa mababang antas ng kabilang dimensiyon kabilang na rito ang pisikal na mundong ating ginagalawan o kundi man ay ang matataas na dimensiyon tulad na lamang ang paglalakbay sa tinatawag nating langit o paraiso..

May mga pagkakataon din tayong nakakausap natin ang mga sumakabilang buhay nating mga kaanak dahil sa ang ating astral na katawan ay pumasok na sa antas na maaari tayong makipag-ugnayan sa mga kaluluwa, dito man sa dimensiyon na ginagalawan natin sa pisikal o saan man sa kabilang buhay.

Ngunit karaniwan ang ganitong mga karanasan ay hindi natin kontrolado dahil sa umaayon lamang tayo sa partikular na layunin ng pakikipag-ugnayan at saka tayo bumabalik ng kusa sa ating katawan at magigising mula sa akala natin ay panaginip na hindi maaaring pansinin.

Sa karanasan ng iba tulad ni Aldrine ay may kakayanan itong gawin o sadyain ang paglabas ng kanyang katawan, anumang oras, saanman niya ito naisin.

Maalala kong minsan sa isang pulong ng Inner Mind Association of the Philippines sa Makati, kasama ko si Aldrine at naipamalas niya ang kanyang abilidad nang umupo ito sa isang tabi, sinadyang matulog at hayun lumabas siya ng katawan ng walang kahirap-hirap at saka pumasok sa katawan ng ibang tao na lumahok sa isang spitiual painting session.

Hindi lang yun ang una at huli niyang pagpapakita ng kanyang abilidad. May isa pang pagkakataon na sinadya niya ring lumabas ng katawan para lamang kausapin ang isang ligaw na kaluluwa na tumatangging makipag-usap sa sinuman.

Ang inyong lingkod ay marami na ring pagkakataon na nakaranas ng astral travel at projection o OOBE. Ang hindi talaga maalis sa aking isipan yung unang pagkakataon na nakita ko ang aking katawang lupa na nakahiga habang ako ay nakalutang sa ibabaw nito na sa takot kong baka akoy patay na ay saka ako biglang nahulog ng napakabilis sa animoy malalim na bangin at bigla akong nagising.- yung ang sinasabi ng ilan na Forced Landing o pwersahang pagbalik sa katawan.

Bagaman, kahit paano ay naipaliwanag namin ni Aldrine ang ganitong mga karanasan ay marami pa rin ang mga katanungan ng ating mga kababayan tungkol sa paglabas ng ating katawan.

Tulad na lamang ng tanong na “gaano kasiguro na makabalik sa katawan ang isang nag-astral travel”. Ang sagot ko dito, maaari tayong makabalik kaagad sa ating katawan sa isang iglap dahil sa totoo lang po mas madali pang bumalik kesa sa lumabas ng katawan. Ang ating katawang lupa ay meron ding tinatawag na defense mechanism na kung may panganib habang nasa labas ang katawang –astral o kaluluwa ay biglang hahatakin ito pabalik sa ating katawan.

Gloria Perilla: Ano po ba ang ibig sabihin ng panaginip ko na parang lagi kong kasama ang mahal kong lola sa langit at kung minsan ay may humahabol sa akin. Nasa kabilang buhay na po siya.
RS: Ang iyong panaginip na kasama ang iyong lola ay totoo at yung may humahabol sa iyo ay totoo rin dahil sa ang iyong astral na katawan ay talagang naglakbay at may naka-engkuwentro kang espiritu na siyang humabol sa iyo.

Ma. Dolores Zafra: Kapag nakapanaginip po bang mga pangyayari na nangyari in the future, ano po ba ang tawag dun? Lagi po nangyayari sa akin yun sa panaginip.
RS: Ang mga panaginip na nagkakatotoo ay tinatawag na precognitive dream dahil sa pamamagitan ng panaginip ay nasilip mo ang mangyayari. Kaya’t mainam na isulat ang mga panaginip kung kailan at kung ano ang nakita at para meron kang batayan kung gaano katagal bago mangyari ang panaginip para kahit paano ay meron kang magawang paraan.

Para sa inyong mga katanungan at suhestyun, mag-text sa 09209386533, mag-email sa misteryolohika@gmail.com at bisitahin ang aking website: http://misteryolohika.tripod.com. Makinig din tuwing sabado sa DZRH 666 khz 5:30-6pm sa programang Misteryo. #

Kausapin ang Inyong Anghel

2006-10-05T16:46:00.000-07:00

Bagaman marami ang naniniwalang merong mga anghel, hindi pa rin nawawala ang pag-aalinlangan tungkol sa kanila kesyo wala pa raw nagpapakitang anghel ng personal sa tao sa mga panahong ito, bagkus ay pawang mga kuwento lamang sila.

May tanong tungkol sa mga anghel si Bianca Yu ng Laguna: “nabasa ko o tungkol sa mga anghel, halos lahat o ng sinabi niyo tungkol dito ay naganap sa akin. Bata pa po ako ay nakakita ako ng isang lalaki na naka-puti. May time din po na natutulog ako tapos may bumubulong sa akin at tinatawag ang pangalan ko.
RS: Kung ang paniniwala mong anghel ang nagpakita sayo at bumubulong sayo ay yun ang ating magiging batayan. Totoo na ang mga anghel ay karaniwang nagpapakita ng lahat ay nakaputing suot, may iba na nagpapakita na walang pakpak bagaman karaniwan ay meron silang pakpak na puting puti. Ngayon para lalu natin malaman ang totoong mga tungkulin ng mga anghel ay narito ang paliwanag tungkol dito.

Sa paniniwalang pan-relihiyon, ang mga anghel ay nahahati sa siyam na baitang depende sa tungkuling kanilang ginagampanan, bagaman may mga anghel tulad ng mga arkanghel ang kayang gumanap sa halos lahat ng tungkulin ng mga anghel.

Ayon sa nakagisnan nating paniniwala at patuloy na sinusunod ngayon partikular na ng pag-aaral tungkol sa mga anghel – "Angeology", ang baitang na kinapapalooban ng mga anghel ay tinatawag na Seraphim, Cherubim, Thrones, Dominions o Dominations, Virtues, Powers, Principalities, Archangels at Angels.

Ang Seraphim ay ang unang hanay ng mga anghel sa pinakamataas na antas na tinatawag na First Heirarchy o Choir. Sila ang sinasabing pinakamalapit sa trono ng Diyos, sila ang patuloy na nagbibigay papuri sa Panginoong Diyos na siyang lumikha sa langit at lupa, at sa buong kalawakan.

Ang Cherubim o Kerubin, ay ang mga anghel na naatasang pang-hawakan at pangalagaan ang Karunungan ng Diyos at umanoy kadalasang ipinapadala sa lupa para isakatuparan ang mahahalagang misyon tulad na lamang ng ginawa nilang pagpapalayas sa Hardin ng Eden kina Adan at Eba maging ang pagpapakalat ng balita sa kapanganakan ni Hesukristo.

Ang Thrones ay kilala rin sa tawag na Ophanin at sila ang nagsisilbi sa pangunahing tungkulin bilang "karwahe" ng Diyos o God's Chariot. Sila ang umanoy nagsasagawa ng mga pangunahing nais ng Diyos ng walang kinikilingan. Tinatawag din silang Wheels o Chariot, Kaballah at Merkabah para sa mga Jewish o Hudyo.

Ang Dominions ay ang mga anghel na nasa pangalawang antas sa grupo ng mga anghel na kilala sa katagang Second Heirarchy o Choir at nagsisilbing tagapamagitan sa mga matataas na anghel at sa mababang anghel. Sila ang karaniwang napag-uutusan ng mga Seraphim at Cherubim at sila rin ang nakatalaga para matiyak ang kaayusan sa buong kalawakan- pisikal man o espiritwal.

Ang Virtues ay ang mga anghel na umanoy nakatalaga sa natural na galaw ng mga planeta sa buong kalawakan at ang nagbibigay katiyakan sa pagkakaroon ng mga natural na proseso ng kalikasan tulad ng mga ulan, snow, hangin at iba pa.

Ang Powers naman ay ang mga anghel na tinaguriang "spirits of form". Sila ang umanoy nagsisilbing bantay ng kalangitan laban sa atake ng mga masasamang espiritu tulad ng mga demonyo, at sila ang nasa hangganan ng materyal na daigdig at espiritwal.

Ang Principalities naman ay ang mga anghel na maituturing na pinakalider ng Third Choir at nagbabantay sa materyal na daigdig sa buong kalawakan hindi lamang dito sa ating planeta at sila ang responsable para maisakatuparan ang mga Banal na Gawain ng Diyos sa pisikal na mundo.

Ang mga Archangel naman ay kilala bilang “fire angels” at silang may kapangyarihan na magtakda sa katungkulan at misyon ng mga anghel mula sa pinakamataas na antas hanggang sa pinakamababa dahil sa pinakamataas sila sa lahat ng mga anghel. Sila ang tinatawag na mga Dakilang Anghel dahil sa tinatawag din silang Chief Prince o Prinsipe ng mga Anghel tulad nina San Miguel at San Gabriel.

Ang mga Guardian Angel naman ay silang naatasang magbantay ng mas malapitan sa mga nilikha ng Diyos, bagaman meron isang uri ng anghel na nagsisilbing mensahero ng Diyos mula sa taas pababa sa pisikal na mundo.

Harinawa ay nakatulong ako sa aking mga paliwanag tungkol sa mga anghel. Maniwala man tayo sa hndi ay nandiyan sila, mainam lamang na kausapin natin sila sa pagkakataong nararamdaman natn ang kanilang presensiya.

Para sa inyong mga katanungan, mag-text sa 9206316528, mag-email sa misteryolohika@gmail.com at tignan din ang aking website: misteryolohika.tripod.com.#

Multo, Pangitain at Panaginip

2006-10-02T02:21:00.000-07:00

Sa aking programa nitong Sabado, nais kong sagutin sa aking pitak ngayon ang katanungan ng ating mga kababayan tungkol sa mga kababalaghang kanilang nararanasan.

Mula sa mga karanasan nila gising man o tulog hanggang sa mga tanong na patuloy na naghahanap ng kasagutan tungkol sa hiwaga ng ating buhay sa mundong ito.

VRS ng Pangasinan: Totoo po ba na may mga multo eh sa akin imahinasyon lang po.
RS: Marami tayong pagkakamali tungkol sa mga multo. Nais ko lang linawin na ang totoong multo ay yung mga kaluluwa ng mga sumakabilang buhay na tao sa mundong ating ginagalawan. Ngunit karaniwan nating napagkakamalan na multo maging ang mga engkanto tulad ng mga kapre, tikbalang, engkantada, at duwende. Ngayon kung totoong may multo, yan ay depende sa iyong pang-unawa kahit na sabihin kong totoo sila kung para sa iyo ay hindi ayaw kong makipagtalo dito. Ngayon sa sinasabi mong imahinasyon lamang sila, tama ka rin dahil karaniwan natin silang nakikita sa ating imahinasyon dahil sa mata ng ating isipan o kilala sa wikang Ingles na “mind’s eye.”

Nancy Cruz ng San Jose Del Monte, Bulacan: Ang multo ba ay nabanggit sa Bibliya?
RS: Multo. Ghost sa wikang Ingles. Karaniwang binabanggit ngayon sa mga makabagong pagsasalin ng Bibliya ay ang katagang spirit at hindi ghost tulad na lamang ng Holy Spirit, ngunit marami naman ang nakakaalam na ang mga naunang lumabas na pagsasalin ng Bibliya ay gumagamit ng katagang Holy Ghost tulad ng klasikang King James Version ng Bibliya. Ngunit hindi naman nangangahulugan na ang mga manunulat ng King James ay hindi na gumagamit ng katagang spirit sa kanilang pagsasalin, ngunit pinipili lamang nila sa mga salitang “spirit” at “ghost” alinsunod sa kanilang diskresyon. Sa pagsasalin ng bibliya sa tagalog ay wala ka talagang mababasa o makikitang direktang pagsasalin ng katagang ghost sa multo kundi ang karaniwang ginagamit ay ang espiritu.

BR Dan: Anong ibig sabihin ng vision na may isang tao na nagdasal na may puting kalapati na nakapatong sa kanyang dalawang kamay.
RS: Kung ito ay isang vision o pangitain ay hindi ko masasabi kong ano ang nais na ipahiwatig nito. Marahil nais na ipahiwatig nito ang iyong espiritwal na ng katangian. Maaaring kailangan mong magdasal para sa kapayapaan dahil sa ang mga kalapati ay simbolo ng kapayapaan. Mainam na ang mismong ang nakakita nito ang tanungin dahil iyak na mararamdaman niya kung ano ang nais na ipahiwatig ng kanyang pangitain o vision. Kung palagi kang nakakakita ng ganitong mga vision ang ibig sabihin ay hindi mo pa nakikita o nauunawaan ang tunay na kahulugan ng lahat.

Sergio Pesalver Jr.: Totoo ba talaga ang “spirit of the glass.”
RS: Ang spirit of the glass ay maituturing kong isang ritwal ng pakikipag-ugnayan sa mga espiritu lalu na ng mga kaluluwa ng mga sumakabilang buhay kung kaya’t hindi dapat na gawing laro. Ito ay nakapaloob sa katagang séance – halaw sa katagang Prances na ang ibig sabihin ay seat o paupo at session o sesyon. Ang spirit of the glass ay walang kaibhan sa sesyon ng paggamit ng Ouija board, at spirit of the coin, dahil lahat ng ito ay mga paraan ng pagtatangkang makipag-ugnayan sa mga patay. Maaari lamang itong gawin ng mga taong may angking kaalaman sa pakikipag-ugnayan sa mga nasa kabilang buhay. Dahil kung hindi ay maaaring mag-resulta ito sa pagsanib ng masamang espiritu sa mga taong gumawa nito.

Di nagpakilalang texter: Ano po kaya ang ibig sabihin ng nangyayari sa mga naiisip ko kasi bigla na lamang pumapasok sa isip ko na mangyayari ang ganito tapos pagdating ng ilang araw o buwan ay nangyayari nga.
RS: Ito ay tinatawag na precognition, ang abilidad ng isang tao na makita ng mas maaga o advance ang anumang mangyayari o magaganap sa hinaharap, masama man ito o mabuti, kalamidad man ito o hindi. Ang suhestyun ko lamang sa mga taong nakakaranas nito maging mga panaginip na may kaugnayan sa mga kaganapan ay isulat ang detalye ng inyong mga nakita o pangitain. Kung paano kayo makatutulong, maaaring bigyan ng babala ang sinumang mga tao na ang akala ninyo kasama sa inyong nakita.

Marvs ng Tandang Sora, Quezon City: Ano po ba ang ibig sabihin sa panaginip na merong apat na patay.
RS: Hindi malinaw kung paano mo nakita ang mga patay., ngunit kung iyon ay kinapapalooban mo tulad ng ikaw ay nasa loob ng kabaong o pinaglalamayan ay simbolo lamang ito ng isang pahiwatig na dapat na mamatay ang isang masamang katangian mo o di man kaya ay tuluyang nang kalimutan ang isang bagay na may matinding koneksiyon sa iyong katauhan. May iba namang interpretasyon na ang patay ay simbolo daw ng pera na posibleng dumating sa iyong buhay ngunit para sa akin ang isang panaginip ay depende pa rin sa bawat sitwasyon na ginagalawan ng isang tao. Lagi natin tandaan na walang direktang interpretasyon ang panaginip maliban lamang kung ito ay isang mensahe ng maaaring maganap sa hinaharap dahil sa karaniwan itong simbolo ng mensahe na nais iparating sayo.

Rizalio Sanchez: Totoo ba talagang may mga anghel.
RS: Kung ang tanong mo ay totoo o hindi ang mga anghel, yan ay sasagutin ko na halimbawa may magpakita sayong anghel, kaya mo ba siyang tanggapin sa iyong buhay? Ang anghel sa ating nakagisnan ay mga mensahero ng Diyos para iparating ang anumang pahayag mula sa Poong Lumikha ng Langit at Lupa. May mga kilala akong clairvoyany na nagsabing nakita nilang may anghel.

Ilan lamang yan sa mga katanungan ng ating mga kababayan na lumahok sa ating lingguhang programang Misteryo sa DZRH tuwing Sabado alas-5:30 hanggang 6 ng gabi. Sa inyong mga katanungan mangyaring pakilagay lamang ang inyong pangalan at lugar at maaari kayong mag-text sa 09206316528, mag-email sa misteryolohika@gmail.com at bisitahin ang aking simpleng website http://misteryolohika.tripod.com .

Totoong May Anghel

2006-09-28T19:48:00.000-07:00

Sa araw-araw ng ating buhay ay nakakalimutan na nating bigyan ng pansin ang mga nilalang na nagpapa-alala at tumutulong sa atin na palaging makipag-ugnayan sa Diyos.

Ang tinutukoy ko dito ay ang mga anghel na siyang itinalaga ng Poong Lumikha na gumabay sa atin at magbigay ng proteksiyon sa atin habang tayo ay bumabagtas sa ating buhay.

Bagaman marami ang naniniwalang may anghel, meron pa ring ayaw maniwala na sila ay totoo at para sa kanila ang mga anghel ay resulta lamang ng malikot na kaisipan ng tao.

Hindi natin maaaring pilitin ang sinuman na maniwala kung totoong may mga anghel, ngunit batay sa karanasan ng maraming tao ay masasabi nating ang mga nilalang na ito mula sa Langit ay totoo at karamihan sa mga ito ay nasa piling ng bawat tao sa mundo, samantalang ang iba naman ay paroon at parito mula sa langit.

Mismong sa Bibliya ay maraming pagkakataon na naka-ugnayan ng mga tao ang mga anghel, ngunit karaniwan silang hindi naisalarawan bilang anghel dahil sa ang mga ito ay nagpakita bilang mga ordinaryong tao, kundi man ay nakita silang nakakasilaw na purong liwanag o di man kaya ay animoy apoy tulad ng nakita ni Moses sa nasusunog na puno.

Ngunit sa mga panahong iyon hanggang ngayon ay ibat-iba ang pagpapakitang ginagawa ng mga anghel, merong mga anghel na nagpakita na taglay ang kanilang mga espada tulad ng nakasanayan nating nakikita sa Simbahan na imahe ni Arkanghel Michael o San Miguel.

Sa aking sariling pananaliksik, gusto kong patunayan sa aking sarili sa tulong ng ilang mga kaibigang objective clairvoyant – mga taong may kakayanang makita ang mga espiritu sa pamamagitan ng mga mata, kung ano nga ba ang totoong hitsura ng mga anghel.

Sa aming opisina sa Makati City, isang lalaking kaibigan ang kinausap ko kung makikita niya ng malinaw ang aking anghel dela guardia na nagpakilala sa akin sa pamamagitan ng isip.

Ang anghel na ito na may boses batang lalaki ay unang nagpakilala sa akin habang ako ay lulan ng isang bus patungong Kalookan. Kasalukuyan akong napapa-idlip habang nakaupo sa bus nang bigla akong may marinig na munting tinig at tinatawag ang aking pangalan.

Napalingon ako sa gawing likuran ng aking upuan sa akalang may batang nakaupo na kakilala ko o kaya ay kapitbahay namin, ngunit pawang lalaki at babae ang nakita ko. Lumingon ako sa ibang upuan ngunit natanto ko na wala ni isang bata sa loob ng bus na kinalululanan ko.

Sinubok kong kausapin sa aking isipan ang naturang mahiwagang tinig at tinanong ko kung sino siya at kung nasaan siya. Ang sagot ng mahiwagang tinig siya daw ang aking anghel at ang pangalan ay Richard.

Sa Makati habang kami ay may breaktime, kinausap ko si Aldrine na isang clairvoyant at pinakiusapan kong tanungin ang pangalan ng aking anghel na agad naman niyang pinaunlakan.

Isinalarawan niya ang aking anghel na kasing-edad ng pitong taong gulang na bata at ibinigay ang kanyang pangalan sa ibang ayos ng mga letra na halos hindi mabasa. Ibinigay sa akin ni Aldrine ang mga letrang sinabi ng anghel at ako daw ang bahalang mag-ayos at laking gulat ko ng aking basahin, ito ay nabasa ko sa pangalang Richie. Ang pangalang Richie ay karaniwang palayaw sa mga may pangalan na Richard.

Kamakailan lamang ngayong taong ito, isa pang kaibigan ko na si Sammy ang naging mata ko para makita si San Miguel Arkanghel at hindi kami nabigo dahil sa nagpa-unlak ang itinuturing na pinuno ng mga mandirigmang anghel.

Isinalarawan ito ng aking kaibigan na may taas na walo hanggang sampung talampakan, may suot na animo’y kabal na bakal, kalasag at may tangan na espada.

Isa pang kaibigan ko ang nagpatotoo na anumang oras na humingi siya ng tulong sa mga anghel sa oras man ng kagipitan laban sa aksidente at sakit o panganib laban sa mga masasamang espiritu ay biglang dumarating ang mga anghel na nakasuot ng puting-puti at nagliliwanag na mga damit.

Ang matindi pa nito, bagaman mahirap paniwalaan, isang tao ang nagpatotoo na nakita niya sa kanyang kaibigang lalaki ang animoy pakpak ng anghel na nagniningning sa liwanag sa gawing likuran nito na animoy nakakabit sa katawan ng naturang tao. Ito ba ay patunay na ang mga dating anghel ay maaaring naging tao sa proseso ng reinkarnasyon at kasalamuha din natin para gampanan ang kanilang mahalagang misyon sa ating buhay? May katotohanan ba dito ang mensaheng nais iparating ng pelikulang “City of Angels?”

Ngayon may mga debate kung totoo bang may pakpak o wala ang mga anghel? Ang masasabi ko lang dito, hindi na mahalaga kung sila man ay may pakpak o wala, basta ang bigyan natin ng pansin ay kung ano ang nagagawa nila sa ating buhay, kaya’t marapat lamang siguro na pasalamatan din natin sila lalu na sa mga pagkakataon na halos wala na tayong matakbuhan pag may problema, naililigtas tayo sa panganib, gumagaling tayo sa ating karamdaman at higit sa lahat ang mensaheng nais iparating sa atin ng Diyos sa pamamagitan ng mga anghel.

Para sa inyong mga katanungan at suhestiyon, mag-text sa 09206316528, mag-email sa misteryolohika@gmail.com. Bisitahin ang aking website – http://misteryolohika.tripod.com/ . Makinig din sa aking programang Misteryo tuwing araw ng Sabado alas-5:30 hanggang alas-6 ng gabi. #

Paano Harapin ang mga Multo

2006-09-21T07:00:00.000-07:00

Paniwalaan man natin sa hindi, tayo ay napapaligiran ng mga nilalang na hindi natin nakikita, saanman man tayo magtungo, saan man tayo manatili at anuman ang ating ginagawa sa pisikal na mundo na ating ginagalawan.

Ito ay dahil sa katotohanan na ang espiritwal na mundo o dimensiyon ay sumasabay sa pisikal na realidad dahilan kung bakit marami ang nakakakita ng mga multo o mga espiritu sa ating kapaligiran.

Ilan na ba sa atin ang may mga karanasang makakita ng mga multo kabilang na ang white lady, black lady, mga anino, mga paring pugot ang ulo, mga batang biglang sumusulpot, mga umiiyak na multo, nakalutang na kabaong, santelmo o mga liwanag tulad ng orbs, at iba pang mga nilalang na sa buong akala natin ay bunga lamang ng malikot nating imahinasyon.

Hindi lang marahil minsan kundi ay palagi o ilang beses na tayong nakakita o nakaramdam ng mga multo at mga espiritu ngunit karamihan sa atin ay hindi ito pinapansin o ipinagwawalang bahala lamang sabay sabing “hindi sila totoo o wala naman talagang multo.”

Hindi ko naman sinasabi dito na paniwalaan natin agad kung ano ang kuwento o karanasan ng ibang tao, ngunit nais ko lamang sabihin na maging bukas tayo sa ganitong mga karanasan dahil sa hindi naman magkukuwento ang isang tao kung hindi naman talaga nito naranasan na makaugnayan ang mga kakaibang nilalang.

Minsan nagkuwento ang isa naming kasamahan sa opisina at halos hindi magkandatuto sa kanyang salasaysay nang makakita siya ng multo ng isang babae o white lady sa loob ng comfort room ng mga kababaihan.

Kasalukuyang naghuhugas ng pinggan sa lababo si Weng kaharap ang malapad na salamin – ang normal na disenyo ng mga CR kung saan nakikita mo ang iyong sarili o repleksiyon habang naghuhugas ka o may ginagawa sa lababo.

Tiyempong tiyempo na tumingin si Weng sa salamin at laking gulat niya sa dulong bahagi ng CR ay may nakatayong white lady na pugot ang ulo.

Pansamantala siyang tila napako sa kanyang pagkakatayo habang nakatitig pa rin siya sa white lady, ngunit ilang segundo ang lumipas ay nahimasmasan si Weng mabilisang tinapos ang paghuhugas at saka nagmamadaling lumabas ng cr.

Marami na sa aming mga kasamahan sa opisina ang dumanas ng kakaibang karanasan sa loob ng CR na yun, kabilang na ang isang insidente na sadyang naisara at ayaw mabuksan ng mga babaeng nasa loob ang pintuan, samantalang maaari lamang itong mai-lock sa loob at hindi sa labas.

Minsan naman, isa sa mga newswriter namin na si Malou ang naiwan sa loob ng CR at may narinig siyang nag-flush ng inidoro sa isa sa mga cubicle ngunit matagal siyang naghintay at wala namang lumabas na sinuman.

Sa ibang lugar naman sa aming tanggapan ay dumanas din ng kakaibang manipestasyon ng mga di nakikitang nilalang ang iba pang staff tulad ng may nakitang white lady sa may hagdanan, biglang may nag-flush ng inidoro sa CR ng isang opisina at mismong ang kinikilalang pinaka-beterano sa industriya ng broadcast media, si Tiya Dely ay biniro naman ng isang pilyung multo nang papasok na sana sa CR ay biglang sumara ang pinto.

Ang unang reaksiyon natin kapag nakakita tayo o nakaramdaman ng multo o espiritu sa paligid ay natatakot tayo, tatakbo tayo dahil sa hindi tayo sanay na nandyan sila sa ating paligid.

Ayon sa mga taong sanay nang makakita ng multo at nakakausap ang mga espiritu sa ating paligid, hindi dapat na matakot kapag nagpakita ang mga ito o nagparamdam.

Mainam na harapin sila at pakiusapan na wag magpakita ng nakakatakot kung nais nilang sila ay matulungan dahil karamihan sa mga nagpapakitang multo ay nangangailangan ng tulong – tulad ng gusto nang umakyat sa langit, naghahanap ng katarungan sa masamang kapalaran, at hindi matanggap ang kanyang biglang kamatayan dahil sa marami pa ring dapat na tapusin.

Ayon kay Sam, kapag nagpakita ang multo sa inyo “kausapin sila, wag katakutan. Tanungin kung ano ang kailangan, ano ang dahilan kung bakit sila nagpapakita at kun ano ang ikinamatay, taga-saan siya, ano pangalan niya nung buhay pa siya, at kung bakit siya nagpapakita.”

Sa akin namang personal na kaalaman, mainam na tanggapin natin ang katotohanan na anumang oras ay nandyan sa tabi natin ang mga multo o espirito ayon sa kanilang kagustuhan at hindi natin sila maaaring paalisin dahil sa ayaw man natin sa hindi ay nandyyan sila.

Ang isa pang dapat nating tanggapin na katotohanan ay hindi lahat ng mga multo o naramdaman nating espiritu ay masama bagkus may mga espiritu na ang layunin ay tumulong at mapalakas ang espiritwal na aspekto ng buhay ng tao.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com at bisitahin ang aking website address http://misteryolohika.tripod.com. #

Mag-Ingat sa Mga Itim na Nilalang

2006-09-14T03:47:00.000-07:00

Isa sa mga kaibigan kong DJ ang nagtanong sa akin tungkol sa isang karanasan niya tungkol sa isang maitim na nilalang na ilang beses na siyang inistorbo sa kanyang pagtulog.

Si "Sugar" ng Yes FM101.1 ay halos hindi magkandatuto sa pagsalaysay sa akin nang makita niya ang isang nilalang na naka-itim na hindi niya maaninag ang mukha habang siya ay nakahiga.

Nakita niya ang nilalang na ito sa kanyang ulunan na bagaman hindi niya makita ang mukha ay nararamdaman niyang negatibo dahil sa animoy lagi siyang inaasar at gustung-gusto nito na naiinis siya at hindi na makatulog.

Isinalarawan ni Sugar ang naturang nilalang na matangkad, at hugis trayanggulo o tatsulok, masyadong maitim ang kanyang kulay na animoy isang anino.

Ang napansin ni Sugar sa naturang nilalang ay gustung gusto nito na siya ay naiinis o nagagalit at hanggang sa nararamdaman niyang nanghihina na siya na para siyang nauupos na kandila.

Ganito rin ang naramdaman ng isa kong kaibigan na clairvoyant nang kanyang makaharap ang naturang nilalang na kitang-kita pa niyang may mapulang mga mata.

Karaniwan itong nagpapakita sa gabi mga alas-diyes hanggang alas-dos ng madaling araw, at sa mga unang pagkakataon ay nagpapansin muna ito tulad ng biglang pagpapakita sa bintana na bigla siyang mawawala o kundi man ay sumusutsot sa di kalayuan sa madilim na lugar.

At kapag nakuha na niya ang iyong atensiyon ay saka siya muling magpapakita at unti-unting lalapit sayo hanggang sa ikaw ay kanyang aasarin at makuha ang iyong enerhiya hanggang sa maramdaman mong ikaw ay nanghihina.

Sa mga taong hindi pa bukas ang kanilang ikatlong mata o "third eye" at hindi pa direktang nakikita ang itim na nilalang na ito, nagpapakita ito sa panaginip na maaaring mauwi sa bangungot dahil nga sa sadyang matatakot ka dahil sa bukod sa napakaitim niyang nilalang na animoy anino ay may nagbabaga pa itong mga mata.

Ang matindi pa, ipinagtapat sa akin ng aking kaibigan na nakita niya itong biglang lumapit sa natutulog niyang lola at ito ay kanyang pinagsasakal hanggang sa bangungutin at mamatay.

Maraming teorya tungkol dito ang mga imbestigador sa larangan ng paranormal at kabilang na rito ang hinalang ito ay isang negatibo kundi man napakasamang espiritu na ang iba naman ay maituturing nilang demonyo.

Ang iba naman ay itinuturing itong negatibong nilalang mula sa impiyerno na tinawag nilang "incubus" dahil sa may mga pagkakataon na pinagsasamantalahan o ginagahasa ang kanilang biktima na karaniwang babae habang nahihimbing sa pagtulog.

Sa aking sariling imbestigasyon tungkol dito, ang nilalang na ito ay kaiba sa mga negatibong nilalang o demonyo at ng tinatawag na incubus.

Aking natuklasan batay sa tulong din ng iba pa nating kaibigang clairvoyant at mga ET contact na ang itim na nilalang na ito ay isa palang uri ng Ekstra-Terestriyal (ET) na nasa kabilang panig o mga negatibong alien.

Lalu kong nakumpirma na negatibo itong ET dahil sa nang subukin kung tawagin ang mga mas positibong ET ay tila natakot ito at biglang naglaho.

Sa katunayan, nang tawagin ng kaibigan kong clairvoyant ang kaibigan niyang mabuting kapre ay natakot din ang maitim na nilalang at nawala itong parang bula at hindi mo malaman kung saan siya napunta.

Pinayuhan ko si Sugar na subukin ding tawagan ang mga positibong ET kung sakaling magpakita sa kanyang muli ang naturang maitim na nilalang ay ito nga ang kanyang ginawa nang isang gabing magpakita sa kanya at biglang naglaho nang gawin ang aking payo.

Ayon kay Heidi Hollis ng http://www.ufo2u.com/, ang maitim na nilalang na ito ay kabilang sa mga ET na tinaguriang “Shadow People”, ang isang uri ng mga alien na maituturing na mga negatibo.
Magkakaiba ang kanilang kaanyuan kapag nagpapakita sa tao, tulad ng pagpapakita na naka-itim na mahabang roba na merong saklob sa ulo at talagang mapupula ang kanilang mga mata.
Kitang kita ni Sugar na ang nilalang na nagpakita sa kanya ay merong mahahabang apat na daliri ang kamay at tinatayang nasa taas na 6 hanggang 7 talampakan.

Mag-ingat lamang kapag kayo ay nakakit ang ganitong nilalang, mainam na laging manalangin sa Poong Lumikha bago matulog para magkaroon kayo ng liwanag na magbibigay proteksiyon sa inyo.

Para sa inyong mga katanungan at suhestyun, mag-text sa 09209386533, mag-email sa misteryolohika@gmail.com at bisitahin ang aking website: http://misteryolohika.tripod,.com/. Ugaliin ding makinig sa aking programang Misteryo tuwing araw ng sabado, alas-5:30 hanggang 6 ng gabi sa DZRH, 666 KHz.#

Kahulugan Ng Mga Panaginip

2006-09-09T15:34:00.000-07:00

Marami ang mga nagtatanong ng kahulugan ng kanilang panaginip. Ilan sa mga ito ay binigyang ko ng mga kahulugan.

Teresita Mariano-Cruz: Ako po'y masugid ninyong mambabasa ng misteryo at lohika. May tanong po ako. May panaginip ako na umiihi ako sa timba at ito'y napuno na at napa-ihi ulit daw ako ilang sandali at sa pitsel na inumin ako raw umihi. Ano ba ang ibig sabihin nito. At ito rin sa oras nay un napanaginipan ko si Poon Nazareno na hinahaplos ko raw yung katawan niya at nakita ko raw na yung buhok niya ay nakalagay sa harap ng dibdib niya para bang nakaadit at ako bumulong ng panalangin sa kanya. Ano po ba ang ibig iparating sa akin nito?

RS: Ang ibig sabihin ng panaginip mo tungkol sa pag-ihi sa timba na hindi mo namalayan ay puno na at sa pitsel na inumin, ay wag kang padalus-dalos sa mga desisyon mo maaaring kung saan ka na lang masuong niyan. Mainam na imulat na mabuti ang iyong isipan, puso at mga mata sa mga kinakaharap na problema bago magpasya dahil sa maaaring mag-resulta ito ng kalituhan sa iyo. Nais ding ipahiwatig ng iyong panaginip na tama lamang na magtabi ka ng kahit anong kusing mula sa iyong bulsa para may magamit ka sa hinaharap. Ang panaginip mo tungkol sa Poong Nazareno ay salamin ng iyong espiritwal na pananampalataya. Tama lamang na lagi kang manalangin at tumawag sa Poong Lumikha para gabayan ka sa pang-araw araw mong buhay.

Josephine Centeno: I know GOD has message to me in my dream. I don't know if I'm correct in my interpretation. Being a psychic I know you are in a better position to analyze. Here it is. In my dream I was already walking to church with my former co-teachers for my necrological services. When we reached the church I took hold of the bible and proceeded forward. I was praying fervently. The one who read my biography was my co-teacher who died last year. The service was over but I'm still alive and very weak. When I was awakened I'm still weak. Did GOD gave me already a sign that very soon I'll be leaving this life or it's just the opposite? I'm worried.

RS: As I look at it your dream is trying to tell you that you must free yourself from any emotional attachment with other person maybe your friends, or your co-teacher who died last year. Any dream of dying is not actually a death of a dreamer but a part of his emotion or personality must die and leave behind to move on. Your co-teachers could help you overcome some emotional problem in your life and your former co-teacher who died last year is also helping you resolve the issues you're facing right now. Dead friends could be your guides to help you face the world in the future.

Daisy Lagman: Magandang Araw, Tanong ko lang po kung ano po ibig sabihin ng panaginip ko. Ang panaginip ko ay paulit ulit sa lumang CR sa bahay namin..... lagi daw po ako dumudumi dun at talagang napakarami… umapaw sa sobrang dami ng dumi...... palagi ganun ang panaginip ko....parehong pareho na paulit ulit. ano po kaya ibig sabihin nun? Eto pa po yun isa: kanina nanaginip me na pumasok daw ako sa work tapos magpapalit ako ng sapatos di ko mabuksan yun locker (di ko daw dala yun susi) ko kaya di ko nakuha yun sapatos kay pilit kong sinosoot ulit yun sapatos na inalis ko sa paa ko pero di na magkasya sa akin...... umupo ako at ang set-up ay naging Emergency Room na... nasa waiting area ako nakaupo, yun Nurse tinatanong ako kung confirmed na naka cofine na daw...may binanggit syang pangalan pero di ko kilala.... sabi ko di ko alam....inulit nya ulit ang tanong......kung confirm na confine na daw...sabi ko di ko nga alam..... so tumayo sya at nagtanong sa isang attendant at di rin sya nasagot.... pinakita yun patient list at hinahanap nya dun yun sinasabing nyang naka confine..... di nya nasiguro kung sino talaga yun na confine......ano po ba ibig sabihin?

RS: Hi, Ang sabi ng iba kapag nakapanaginip ka ng dumudumi ka, posibleng may dumating na pera sa yo but for me depende rin yan sa situation mo now. But sa point of view ko, your dream is trying to tell you that you have to share something to people who need your help maybe financial assistance and you'll see the result in the future. There is another angle in your dream, maybe you should get rid of your negative emotions you are experiencing right now and you'll see the benefits from it. About your shoes that can't fit to your feet, wag mo daw ipipilit kung hindi pwede na pumasok ka sa isang situation baka hindi mo matiis at masaktan ka lang. About emergency room set up, you should always be aware of many things especially in emergency situation, meaning you must have your control in a situation that really needs your attention, maybe family matters especially financial issues and family relationships. I hope i interpreted your dreams right based on your present situation.

Lagi pong isaisip mga kababayan, na ang panaginip ay karaniwang simbolo lamang ng tunay na nangyayari sa inyong buhay at hindi basta-basta masasabing literal ang kahulugan o kaya ay kabaligtaran. Totoo, may mga panaginip na nagnanais na ipakita sa inyo ang kinabukasan o yung tinatawag na predictive o prophetic dream ngunit, bibihira lamang ito, at maaari itong maganap sa mga taong laging nakakakita ng mga mangyayari sa hinaharap o prophetic visions.

Para sa mga gustong magtanong, mangyaring paki-lagay lang ang inyong pangalan at kung saan, at maaari kayong mag-text sa 09209386533, mag-email sa misteryolohika@gmail.com at bisitahin din ang aking simpleng website: http://misteryolohika.tripod.com.#

Multo Likha Din ng Ating Isipan

2006-09-04T15:32:00.000-07:00

Sa madalas na pagkakataon, ay may tama ang mga kasabihang “gumagawa ka ng sarili mong multo,” “takot ka sa sarili mong multo,” at “likhang isip lamang ang multo.”

Ito ay napatunayan ng isang grupo ng mga mananaliksik sa ilalim ng Toronto Society for Psychical Research (TPSR) nang magsagawa sila ng eksperimento noong unang bahagi ng dekada 70 kung kaya ba nilang lumikha ng isang multo.

Isang grupo ang inatasang gumawa nito na sadyaing lumikha ng isang hindi nakikitang nilalang sa pamamagitan ng kanilang pinag-sama-samang lakas ng pag-iisip at saka nila kinausap ang naturang espiritu.

Sa ilalim ng superbisyon ni Dr. S. R. G. Owen, walo katao ang binuo ng TSPR mula sa mga miyembro nito, at ang mga ito ay tiniyak nilang walang anumang abilidad sa kaisipan o psychic abilities.

Ang unang unang ginawa ng grupo ay lumikha ng tinatawag na fictional historical character- isang kathang-isip na personalidad ng isang tao at buong buhay nito sa ilalim ng pangalang Philip Aylesford.

Batay sa ginawa nilang talambuhay ni Philip, ito ay isang respetadong tao na nabuhay sa kalagitnaan ng siglo 1600, mahigpit na tagasuporta ng hari at isang Katoliko. Pinakasalan niya ang isang maganda ngunit isang malamig na asawang si Dorothea.

Isang araw, habang nangangabayo sa hangganan ng kanyang teritoryo, nakita ni Philip ang isang magandang gypsy na si Margo at umibig siya dito at dinala ang babae para manirahan malapit sa kanilang bahay – ang Diddington Manor.

Medyo matagal nang itinago ni Philip ang lihim nilang pagmamahalan ni Margo, ngunit kalaunan ay natuklasan ni Dorothea ang lihim ng kanyang asawa, at inakusahan nito ang babaeng-gypsy ng pangkukulam at pagnanakaw sa kanyang asawa.

Takot na takot si Philip na mawala ang kanyang reputasyon bilang isang respetadong tao at kunin ang kanyang mga ari-arian kung kaya’t hindi na nito nagawang maipagtanggol si Margo at hinatulan ito ng kasong pangkukulam at sinunog ng buhay.

Matinding pagsisisi ang tumama kay Philip, hanggang isang araw ay natagpuan ang kanyang katawan na wala nang buhay sa ilalim ng kanilang bahay, at banaag sa kanyang mukha ang matinding pagdurusa at hindi nakayanan ang kamatayan ng babaeng minahal niya.

Nagawa ding mai-guhit ng isa sa mga miyembro ng grupo ni Owen ang mukha ni Philip at ngayong buo na ang kabuuang personalidad at buhay nito ay handa na sila sa pangalawa nilang misyon – ang makipag-ugnayan sa espiritu ni Philip.

Sinimulan ng grupo noong Setyembre 1972 sa pamamagitan ng ritwal ng tinatawag na séance ang pakikipag-ugnayan kay Philip. Una munang naupo ang walo-kataong grupo at tinalakay na mabuti ang buong buhay ni Philip, nagsagawa sila ng meditasyon tungkol sa kanya at binuo sa kanilang isipan ang mukha at hitsura at pag-uugali nito – ang prosesong tinatawag na collective hallucination.

Ang naturang proseso na lagi nilang ginagawa sa maliwanag na silid ay tumagal ng isang taon nang walang kaukulang resulta, gayunman ang ilan sa mga miyembro ng grupo ay nakaramdam ng presensya ng isang espiritu sa kanilang tabi ngunit walang nangyaring komunikasyon kay Philip.

Binago ng grupo ang kanilang taktika, nagpasya ang mga ito na baguhin ang atmospera ng silid, pinadilim nila ang ilaw, naupo sila sa palibot ng isang mesa, umawit sila at pinalibutan ang kanilang sarili ng mga larawan ng kastilyo ni Philip at mga bagay-bagay na ginagamit ng mga tao sa kapanahunan ng nilikha nilang personalidad ng isang tao.

Hindi nabigo ang grupo at isang gabi ay nagparamdam na sa kanila ang multo ng kathang isip na si Philip at nagsimula na itong mag-ingay sa mesa na parang pinapalo ng kanyang kamay at kalaunan ay sinasagot na ni Philip ang mga katanungan ng grupo – isang katok sa mesa na ang kahulugan ay OO at dalawang katok kung ang sagot ay HINDI.

Tiyak nilang si Philip ang kanilang kausap dahil sa lahat ng katanungan nila ay sinasagot nito ng tumpak at angkop sa ginawa nilang talambuhay nito.

Ngunit, lalung namangha ang grupo nang mas detalyado pa ang ginawang pagpapaliwanag ni Philip sa kanyang buhay tulad ng mga ayaw at gusto nito, kanyang mga pananaw sa anumang paksa at kung matindi ang kanyang pagtutol o kaya ay may punto na gustong pagdiinan ay napakalakas ang pagpalo nito sa mesa.

Nagawa ding pagalawin ng espiritu ni Philip ang mesang ginagamit ng grupo, at ginagalaw nito ng pagilid sa kabila ng ang sahig ay merong karpet at may pagkakataon na ang mesa ay sumasayaw mag-isa sa iisang paa.

Bagaman, nasagot ni Philip ang kanilang mga katanungan, napatunayan ng grupo na may limitasyon ito dahil sa unang-una ginawa lamang ng kanilang isipan ang multong ito kung kayat hindi nito alam ang kabuuan ng mga detalye sa panahon ng kanyang ginalawan at ang lahat ng mga sagot ay napatunayan nilang nagmula lahat sa kanilang isipan o tinatawag na subconscious mind.

Subalit, ang matindi sa lahat ay ang kakayanan nitong pagalawin ang mga bagay-bagay sa paligid tulad ng pabagu-bagong liwanag ng ilaw, pag-angat at paggalaw ng mesa at mga katok sa mesa para sagutin ang mga katanungan.

Bagaman ang grupo ni Owen ay kumbinsido na ang kanilang nakausap ay ang totoong multo ng kinatha nilang si Philip, may mga grupo naman na ito ay kinokondena sa pagsasabing may ibang espiritu na umaktong si Philip.

Magkakaiba man ang pananaw dito ng ibat-ibang grupo sa larangan ng paranormal at psychic phenomena, iisa lang ang maaari kong konklusyon dito - talagang makapangyarihan ang ating isipan.

Hindi ba’t palagi nating sinasabi na kapag gusto mong matupad ang pangarap mo ay lagi mo itong isipin at hubugin sa iyong isipan para magkatotoo. Wala itong pinagkaiba sa pag-iisip ng mabuti at masama laban o para sa isang kapwa. Kailangan lamang na tiyakin na nasa wasto at angkop sa inyong kagustuhan ang inyong naiisip.

Para sa inyong mga katanungan at suhestyun, mag-text sa 09209386533, mag-email sa misteryolohika@gmail.com, at bisitahin ang aking website http://misteryolohika.tripod.com. Makinig din sa aking programang Misteryo tuwing araw ng Sabado, alas-5:30 hanggang alas-6 ng gabi sa DZRH, 666 khz.#

Multo ng Guro, Nagwala sa Klase

2006-08-24T13:46:00.000-07:00

Tumawag sa akin ang kaibigan kong clairvoyant at nangangatog sa takot dahil sa nasaksihan nitong insidente sa loob ng kanilang klase nang magpakita sa kanya ang multo ng isang babae, at ito ay nagwala habang nasa kalagitnaan ng kanilang eksaminasyon.

Ito ay nangyari sa isang kilalang Kolehiyo sa Northern Luzon habang abala sa kanilang pagsusulit ang mga estudyante ng Nursing para sa kanilang MS o Medical Surgical subject.

Dakong alas-2:30 ng hapon, habang kasagsagan ng pagsusulit ng may limampung estudyante para sa kanilang laboratory class ay nagpaalam saglit ang lalaki nilang prupesor para mag-meryenda.

Nabulabog ang buong klase ng biglang gumalaw ang silya na siyang upuan ng kanilang prupesor na tila may humihila dito, at kasunod nito nito ay bigla silang nakarinig ng mga yabag ng sapatos paikot sa kanilang klase.

Hindi nagtagal ay nakita na lamang nilang lumipad ang mga test paper sa ibabaw ng mesa at tila galit ang multo na pinaghahagis ang mga ito.

Dahil sa matinding takot na kanilang nasaksihan ay nag-unahan na lumabas ng kanilang silid ang mga estudyante at karamihan sa kanila ay nangangatog sa takot sa nangyari.

Kitang-kita ng dalawang mata ng kaibigan kong clairvoyant kung ano ang buong pangyayari. Nakita niya ang isang multo ng babae na naka-puting blouse at naka-itim na mini na naka-sandalyas na mataas ang takong o high heels.

Halos matawa pa ako nang sabihin niyang multo na nakatakong at naka-mini samantalang ang karaniwang hitsura ng mga multo ay mga nakaputi o kaya ay naka-itim na mahabang damit, at ibang-iba ang hitsura ng nakita niyang multo sa loob ng kanilang klase.

Ngunit, talagang ganun ang nakita ng aking kaibigan kung kaya’t nabuo sa aking isipan na sa mga panahong ito ay sumasabay na rin sa uso ang mga multo kung ano ang kanilang nakikita sa ating pisikal na daigdig.

Nang tanungin ng mga estudyante sa kanilang prupesor kung sino marahil ang multo ng babaeng guro na nagwala sa kanilang klase, at dito nabuo ang konklusyon na ito ay multo ng babaeng prupesor na namatay nung isang taon dahil sa atake sa puso.

Ang naturang prupesora ay sinasabing istrikto sa klase at nasa edad na 50 pataas at galit ito lalu na sa mga mag-aaral na merong kodigo habang nasa kalagitnaan ng pagsusulit.

Kitang-kita ng aking kaibigan kung gaano katindi ang galit ng multo nang makita niyang may mga estudyante sa likurang bahagi ng silid ang may kinokopyahan habang sila ay nagsusulit, at ito marahil ang dahilan kung bakit ito ay nagwala ng todo at pinalipad ang lahat ng mga papel sa ibabaw ng mesa.

Ang insidenteng ito ay isa lamang sa maraming kaso ng pagpaparamdam at pagpapakita ng mga multo sa mga mag-aaral ng naturang kolehiyo at kamakailan lamang ay isa namang mag-aaral sa high school department ang nakatuwaan ng isang multo nang paglaruan ang cellphone nito at pinatunog ng pinatunog samantalang hindi naman niya ito hawak.

Sa preparatory department ng naturan ding paaralan ay malimit na may nagmumulto lalu na sa playground nito, kung saan palaging nakikita gumagalaw ang swing kahit na wala namang tao.

Ang mga pangyayaring ito sa naturang paaralan ay isa lamang sa ebidensiya na kahit saang lugar ay merong multo o mga gumagalang kaluluwa.

Ito ay taliwas sa ating paniniwala na ang mga multong ito ay matatagpuan lamang sa mga sementeryo o libingan kundi kahit sa bawat bahay, pook-pasyalan, paaralan, simbahan, o kahit saanman ay merong gumagalang espiritu, multo man yan o mga nilalang sa kabilang dimensiyon tulad ng mga kapre at tikbalang.

Meron ding ipinadala sa aking larawan ng tatlong estudyante habang sila ay nasa on-the-job training sa Philippine General Hospital, at laking gulat na lamang nila nang tignan nilang mabuti ang kanilang larawan ay malinaw pa sa sikat ng araw na may “white lady” sa bintana sa labas ng gusali. Ang akala nila ay may nagbibiro sa kanila ngunit ang malaking katanungan, paano may magbibiro e unang-una mga madaling araw nila kinunan ang litrato, at ang kanilang kinalalagyan ay nasa ikatlong palapag at labas na ng gusali kung saan nandun ang image ng isang babaeng nakabuti at nakalugay ang buhok.

Kung nais niyong makita ang larawang ito, bisitahin ang aking website – http://misteryolohika.tripod.com; mag-e-mail din sa misteryolohika@gmail.com; pwede rin kayong mag-text sa aking cellphone: 09209386533.#

Totoo Ba ang ET at UFO?

2006-08-17T16:38:00.000-07:00

Mula nang isulat ko ang mga artikulo ko tungkol sa Planetang Serpo na umanoy pinagdalhan sa labindalawang tao bilang bahagi ng palitan ng mga impormasyon ng mga Ekstra-Terestriyal at Estados Unidos, marami pa rin sa ating mga kababayan kung totoo nga bang merong ET.

Tulad ng aking mga naunang sinulat, talagang mahirap paniwalaan sa ngayon ang ganitong katotohanan dahil sa una – hindi natin sila nakikita sa pangkaraniwan; pangalawa – wala pang lumalantad na ET na nagsasabing siya ay taga-ibang planeta at talagang sinadyang magtungo dito sa ating planeta para sa mahalagang misyon; pangatlo – mismong mga makapangyarihang gobyerno sa buong mundo tulad ng Amerika ay ayaw aminin na meron talagang mga ET sa kabila ng mga tsismis na noon pa man 1947 ay meron nang ugnayan ang tao sa mga nilalang na ito.

Kung ebidensiya ang hahanapin, marami nang UFO sightings ang naganap sa ibat-ibang panig ng daigdig, maging dito sa Pilipinas ay laganap na rin ang pagpapakita ng Unidentified Flying Object, ngunit sa kabila nito ay marami pa rin ang ayaw maniwala o tumatangging paniwalaan ang mga ito.

Noong una tulad ng karamihan ay duda rin ako kung totoong may mga ET at UFO, hanggang sa sandaling mismong ako ay nakaranas ng kanilang presensya mula sa panaginip hanggang sa mismong pisikal.

Karaniwan silang nagpapakita sa panaginip para hindi ka agad matakot dahil sa karamihan sa kanila ay kakaiba ang hitsura, malayo sa tunay na anyo ng mga tao. Ngunit may mga pagkakataon na nagpapakita sila sa pisikal tulad na lamang ng naging karanasan ng mga kabataan sa lalawigan ng Leyte ilang taon na ang lumipas.

Tanong ni Allan ng Batangas: Totoo po ba talagang may ET? At kung meron bakit kailangan pang pagtakpan nila? Anong dahilan? Bakit hindi nila ihayag sa tao ang totoo? May napanood ako isang araw tungkol dun sa bata na kinunan ng larawan ang kanyang sarili tapos may nakita sa picture na parang ET. Sabi naman e sadya lang daw yun sa kamera yun. Pero ako naniniwala na may ET kasi hindi lang naman Earth ang planet natin e.
RS: Sa tanong mo na kung totoong may ET, ayaw kitang pilitin kung ayaw mo paniwalaan ngunit tanong din ang sagot ko sa iyong tanong. “Ano ba ang pangunahing layunin kung bakit nilalang ng Panginoong Diyos ang milyun-milyun kundi man bilyun-bilyung planeta at mga bituin sa buong kalawakan, kung tayong mga tao lamang sa planetang Earth ang siya lamang buhay na nilalang ng Diyos?” Kung bakit pinagtatakpan, mahirap magsalita ng tapos at wala tayong eksaktong alam na dahilan kung bakit. Tulad na lamang ng umanoy patuloy na pagtatago tungkol dito ng Amerika,

lumabas ang mga haka-haka na ginagawa ito ng US para masarili lamang ang mga makabagong teknolohiya ng mga kakaibang nilalang. Tungkol sa pagpapakita kapag kinunan ng larawan – ako man ay merong larawan na may nagpakitang ET sa aking digital picture, karaniwan na itong nangyayari ngayon. Sa kinunan kong larawan ay mismong isang eksperto sa photography ang nagsabi at kumbinsidong totoong merong ibang nilalang ang lumitaw sa larawan at yun ay makikita niyo sa aking website: http://misteryolohika.tripod.com.

Texter # 09287836674: Nabasa ko po yung article niyo tungkol sa UFO. Tanong ko po kung totoo yung ET at flying saucer. Paano naman po nalaman yung planet Serpo at yung Zeta Reticuli Star System.
RS: Katulad din ng mga katanungan ng marami kung totoo ang mga ET at UFO. Sana ito ang sagutin po ninyo mga giliw naming kababayan. “Handa niyo bang tanggapin ang katotohanan na merong mga nilalang sa ibang planeta? Kaya ba ninyong tanggapin ang katotohanan na ang mga ET na ito ay mas nauna pa sa atin sa planetang ito, mula noon hanggang ngayon ay patuloy pa rin silang tumutulong sa tao. Yung tungkol sa planetang Serpo at Zeta Reticuli Star System ay matagal nang alam yan ng tao ngunit kamakailan lamang inilabas ang mga detalye tungkol sa planet Serpo. Sa planetang ito nagpadala ng 12 kataong siyentista at mga eksperto ang bansang Amerika kapalit ng mga detalye ng kanilang teknolohiya at mga kaalaman. Batay sa website na http://www.serpo.org/release1.asp tumagal ng sampung taon ang palitan ng mga impormasyon sa pagitan ng mga ET at US, ngunit lahat ng mga taong nagtungo at tumira sa planetang Serpo ay nangamatay din sanhi ng masamang epekto sa kanilang katawan ng klima sa naturang planeta.

Ram Mellida, Mariveles, Bataan (09108231501): Totoo po ba talaga ang ET. That’s what I read in Balita.
RS: Ang tao para maniwala ay kailangan muna niyang makita. Ngunit ang masaklap nito, kahit nakikita na ayaw pa rin paniwalaan ng tao. Ilang beses na bang may mga nagpakitang ET at UFO sa buong planetang ito? Maraming beses na ngunit ayaw pa ring paniwalaan. Kung kayo ang mga nilalang na ito, ano ang inyong mararamdaman? Marahil sinasabi nilang masyado tayong makulit ngunit wala namang patutunguhan ang ating kakulitan.

Ang mga ET at UFO ay sa aking palagay ay mga totoong nilalang at sasakyan ng mga nilalang sa ibang planeta. Sa katunayan, marami sa mga ito ay nakatira na dito sa ating planeta mula pa noong mga sinaunang panahon kung kayat wala tayong karapatan na sabihin na tayo lamang ang nilalang dito.

May mga nakita na ba kayong ET at UFO? Mainam kung meron kayong larawan o anumang ebidensiya na nakita niyo siya, mag-email sa misteryolohika@gmail.com, mag-text sa 09209386533. Bisitahin din ang aking website http://misteryolohika.tripod.com. Makinig tuwing araw ng Sabado, 5:30-6 ng gabi sa DZRH, 666 khz sa aking programang “Misteryo”.#

Hipnotismo, Masama Ba Ito?

2006-08-10T22:24:00.000-07:00

Marami sa ating mga kababayan na kapag narinig ang hipnotismo ay biglang papasok sa isipan na isa itong masamang pamamaraan. Ito naman ay mahigpit kong sinasalungat dahil sa ang pagkaka-alam ko ang hipnotismo ay ginagamit para makatulong sa kapwa lalu na sa paggaling ng sakit, pag-ala-ala sa pangyayari sa buhay ng isang tao at marami pang iba.

Gayunman, may mga pagkakataon na ang ganitong abilidad ay maaaring magamit sa kasamaan ngunit sa limitadong panahon lamang at hindi maaaring magtagal. Alalahanin natin na binigyan tayo ng kalayaan ng Diyos na mag-isip para tayo makapag-desisyon.

Narito ang katanungan ni April ng Angat, Bulacan: Maaari po ba akong humingi ng advice sa inyo. Hindi ko alam kung paano ako magsisimula. Naglakas loob na lang po ako. Tungkol po ito sa aking kapatid na sa palagay po naming ay nahipnotismo ng isang tao upang magkagusto sa kanya. Binabasa kop o kasi ang kulom niyo sa Balita tungkol sa paranormal. Mahaba po ang istorya ang involve po nasa abroad. At kapag kinokompronta ang ate ko about dun nag-threaten po siya na magpapakamatay ang she doesn't know na alam naming dahil once daw po nabulgar yun magpapakamatay daw po siya.
RS: Yes, maaaring gawin ang hipnotismo sa isang tao. Ngunit, kaya mo itong labanan dahil sa unang-una meron tayong free will na ipinagkaloob sa ating ng Diyos, kaya mali ang paniniwala ng iba na wala ka ng control sa sarili mo at anuman ang nais ng isang tao sa iyo ay wala ka nang magagawa pa. May mga pagkakataon na masyadong malakas ang impluwensiya na marahil ay ginamitan pa ng dasal o orasyon. Ngunit, maaari pa rin itong harangin ng lakas ng iyong pananalig ibig sabihin ay wag mong pakinggan ang nais na idikta sa iyo ng isang tao. Ngayon, kung sa pag-ibig ang pag-uusapan, may mga pagkakataon daw na maaaring magayuma ang isang tao para umibig. Ngunit kalaunan kahit na ganito ang nangyari ay tiyak ring mawawalan ito ng bisa dahil sa ang pagkakaalam ko mas malakas pa rin ang kapangyarihang taglay ng pag-ibig na hindi kayang talunin ng simpleng hipnotismo o gayuma.

Lawrence Bagnes, Sta. Mesa Manila: Ka Rey may katanungan po ako kasi habang ako ay natutulog ay nanaginip po ako ng mga espiritu. Gusto ko pong kilalanin ang sarili ko kung ano pa ang mga kakayanan ko na hindi ko po alam sa sarili ko pati anghel ng Diyos napapanaginipan ko rin.
RS: Karaniwan na para sa mga nilalang na nasa kabilang buhay o ibang dimensiyon tulad ng mga ligaw na kaluluwa, mga elemental o engkanto at mga ekstra-terestriyal na makipag-ugnayan sa daigdig ng mga buhay o pisikal sa pamamagitan ng panaginip. Habang tulog ang isang tao ay namamahinga ang kanyang kamalayan na siya namang pagiging mas aktibo ng subconscious mind dahil sa hindi alerto dito ang normal na kaisipan ng tao.

Texter: Bago nalagnat ang anak ko may binabasa siyang horror komiks, naospital siya at namatay. Pumutok balita na sa room niya marami namatay, hinahanap namin komiks hindi ko na nakita. May isang nobela akong nabasa na parang ganun ang nangyari o pakiwari ko lang.
RS: Hindi ako naniniwala na dahil sa komiks ay namatay ang inyong anak bagkus ay talagang oras na niyang sumakabilang buhay. Bagaman, maaaring may impluwensiya sa kanyang kaisipan kung ano ang istoyang kanyang nabasa sa komiks. Sinasabi mong ang inyong anak anak ay namatay sa isang silid ng isang kilalang ospital na kilala ring marami nang mga namatay. Posibleng nahatak din siya ng enerhiyang taglay ng mga multo sa naturang silid, ngunit lagi natin tandaan kung hindi pa natin oras mamatay ay kahit na ano pa ang mangyari ay hindi pa tayo mamamatay.

Josie ng Maynila: Bakit po nakita sa panaginip ng aking ate ang isang nakabiting patay na bata sa kanyang silid. Sa pakiwari ng aking ate, nais ng batang yun ang tulong kung kayat nakipagkita sa kanyang panaginip.
RS: Tulad ng naging paliwanag ko sa katanungan ni Lawrence, ang mga espiritu lalu na ang mga multo o sumakabilang buhay ay kayang makipag-ugnayan sa daigdig ng mga buhay sa pamamagitan ng panaginip.

Ilan po yan sa mga katanungan ng ating mga kababayan sa kanilang mga karanasan. Pag meron kayong suhestyun o katanungan, mag-text sa 09209386533, Mag-email sa misteryolohika@gmail.com. Bisitahin ang aking website: http://misteryolohika.tripod.com .
Makinig tuwing Sabado, 5:30 hanggang 6 ng gabi sa DZRH para sa programang Misteryo.#

Mga Multo at Near-Death Experience

2006-08-05T22:30:00.000-07:00

Marami sa ating mga kababayan ang may ibat-ibang karanasan tungkol sa mga multo at sa tinatawag na Near-Death Experience (NDE) o muntikan nang pagkamatay, o namatay man ay nabuhay.

Bagaman, may ilan na alam nila kung ano ang paliwanag tungkol sa kanilang karanasan, ang iba naman ay patuloy pa ring nangangapa ng mga kasagutan lalu na at kung puro haka-haka lamang ang kanilang naririnig at hindi ang tamang paliwanag.

Ang iba naman ay minamabuti na lamang na manahimik kapag hindi alam ang tumpak na sagot sa kanilang katanungan, at unti-unting kalilimutan lalu na kapag ang kanilang karanasan ay nakakatakot.

Ngunit, ang lagi kong paalala sa lahat kung meron kayong karanasan tungkol sa mga espiritu, nakita niyo man ito ng personal, lumitaw man sa larawan, narinig man ang kanilang boses o di man kaya ay kayo ay dumanas ng pananakit sa mga ito, mas mainam na ito ay bigyang halaga at wag lamang ipagbawalang bahala.

Narito ang ilan sa katanungan ng ating mga kababayan batay sa kanilang karanasan:

Tanong ni Christian Nider: May tanong lang po ako. Bakit po kaya nakakakita po ako ng mga spirits pero mga anino lang po. At kapag pinag-uusapan naming ng mga kaibigan ko sumasakit ang ulo. But why do I see them. Just last night, I was with my friends were at the 2 nd floor of an unfinished house, madilim and dun sa may hagdan, may nakita kaming umaakyat and palinga-linga pa nga e kaya lang walang mukha and bigla na lang nawala.
RS: Kung ikaw ay nakakakita ng mga espiritu, ang karaniwang tawag sa iyong kakayanan ay "clairvoyance". Merong dalawang uri ng clairvoyance – ang objective at subjective clairvoyance. Ang Objective Clairvoyance ay yung abilidad na makakita ng mga espiritu at multo sa pamamagitan ng pisikal na mata. Maaaring ang tingin nito sa multo ay usok, anino at ang pinakamatindi sa lahat ang tingin sa kanila ay tulad ng isang pisikal na tao. Ang Subjective Clairvoyance naman ay ang kakayanan na makakita ng mga espiritu sa pamamagitan ng isip, o ang tinatawag na "mind's eye". Ang mga multo ng sumakabilang buhay na tao ay karaniwang nagpapapansin lamang ngunit ang iba naman ay gumagawa ng paraan para sila ay magbigay ng mensahe. Gayunman, kailangang mag-ingat na mabuti sa pakikipag-ugnayan sa kanila, merong ibang uri ng multo o espiritu ng namatay na tao na marahas at may kakayanang manakit ng tao lalu na sa mga sensitibong tao.

Tanong ni Milen dela Cruz ng Potrero, Malabon: Nabasa ko lang po yung column niyo sa diyaryo, gusto ko po sana magtanong sa inyo kasi nag-picture po ako dati sa bahay na pinagta-trabahuan ko tapos may lumitaw po na ibang tao na nakaputi. Ano po ibig sabihin nun? Isang lalaki at isang babae tapos nakatayo sila, nakasandal yung ulo ng babae sa balikat ng lalaki. Tapos yung isang picture namin mukhang witch tapos nakaharap sa kamera. Sarili ko po yung kinunan ko tapos nakita kop o sa background, tapos yung mukhang witch nakunan ko dun sa pwestong pinanggalingan ko.
RS: Karaniwan na sa mga panahong ito ang mga multong nakukunan ng larawan. Ang manipestasyon ng mga ito ay magkakaiba. Maaaring sila ay sa pormang usok, anino, at liwanag. Sa tanong mo Milen kung ano ang ibig sabihin ng pagpapakita nila sa larawan ay karaniwang gusto lang nila sabihing nandun sila at dapat silang bigyang pansin. Ang mga kaluluwa ng mga namatay na tao ay kadalasang gusto nilang mamuhay bilang isang pisikal na tao lalu na at hindi pa nila matanggap na sila ay sumakabilang buhay na. Sila ang mga karaniwang tinatawag nating mga ligaw o gumagalang kaluluwa, ngunit mas mainam na tawagin silang Earthbound Souls. Kung hindi naman sila nananakit ay walang problema ngunit kung madalas na silang perwisyo sa inyong lugar ay mainam na komunsulta kayo sa mga eksperto. Kung madalas naman sila magpakita ay maaaring may gusto silang sabihin na kailangang pakinggan.

Tanong ni Neng ng Bulacan: Just read your column. Naranasan ko rin ang NDE. Heto ako nanggagamot at kalaban ng masasamang elemento (elementals) sa gabay ng banal na santisima trinidad at mahal na birhen. Pati ng mahal na Sto Nino. Pero may alam ka bang dasal para sa kamamatay kong ina kasi two heads are better than one. Lagi niya haplos ang buhok ng anak kong bunso na mag-19 years old na sa Oktubre. Inang died June 29, 2006. I'm your fan.
RS: Mismong si Neng ay umamin na siya ay dumanas ng Near Death Experience (NDE) at tulad ng nauna kong sinulat na ang mga taong may ganitong karanasan ay nagkakaroon ng pambihirang abilidad tulad ng panggagamot, yun ang ginagawa na ngayon ni Neng. Sa tanong niyang kung ano ang dasal para sa sumakabilang buhay na kaanak ay yung karaniwang dasal na ginagawa natin. Nakatutulong ito ng malaki para matanggap ng sinumang namayapa na sila ay nasa kabilang buhay na. Yung pag-haplos ng kaluluwa sa buhok ng anak niyang bunso ay hindi ko naman masasabi na yun ay isang uri ng pananakit bagkus ay nais lamang gawin yun ng isang namayapa dahil sa tulad natin meron din silang emosyon lalu na ang mga hindi pa nakaka-akyat sa langit o nakakapunta sa ibang dimensiyon.

Ugaliing makinig sa aking programang Misteryo tuwing Sabado, 5:30 hanggang 6 ng gabi sa DZRH. Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com, at bisitahin ang aking website http://misteryolohika.tripod.com.#

Walang Ulo, Babala Ba ng Kamatayan?

2006-07-31T19:09:00.000-07:00

Maraming mga kababalaghan sa ating kapaligiran na hindi pa rin maipaliwanag hanggang sa kasalukuyan. Kabilang na rito ang mga pangitain na sa akala natin ay pawang mga kuwento lang, ngunit kapag naranasan natin ay masasabi nating totoo pala.

Hindi ba’t marami nang mga kaso na kapag kinunan ng litrato ang isang tao ay magugulantang ka na lang pag nakita mong walang ulo ang tao sa larawan.

Bakit nga ba nangyayari ito? Samantalang buo naman ang imahe ng taong kinunan mo nang litrato nang silipin mo sa kamera bago mo ito pinindot para kunan ng larawan.

Maraming teorya tungkol dito ang mga nasa larangan ng paranormal kung bakit nawawala ang ulo ng isang tao sa pagkakataong kinunan ito ng larawan. Subalit ang kagimbal-gimbal ay bigla mong makita ang isang tao na walang ulo ngunit alam mo namang siya ay buhay na buhay.

Isa sa mga kababayan natin ang nagtanong sa inyong lingkod tungkol dito. Sa katunayan, matagal na itong itinatanong sa akin ng marami ngunit ngayon ko lang napagtuunan ng pansin nang isang kaibigan ko ang humingi ng sakloklo tungkol dito. Mamaya ay ikukuwento ko ang kanyang karanasan sa mga taong nakita niyang walang ulo.

Tanong ni Jerry Bongtayon: Gusto ko lang pong isalaysay yung experience ng mga kasamahan po namin dito sa library. Student librarian po kami. Isang araw, may nakita po silang isang estudyanteng walang ulo as in wala hangang sa collar lang ang visible papuntang paa. Nilapitan pa po ng isa at nakitang gumagalaw naman po ang paa habang nakatayo at nakasandal sa mesa ang dalawang kamay habang nagbabasa ng dyaryo. Pagkatapos hinintay po syang lumabas ng library at tinapik sya sa balikat para daw po walang mangyaring masama sa kanya sabi ng isang staff. Paano po ba nangyayari ang ganun. Akala ko po sa mga pictures lang nangyayari ang ganun. Salamat po.

Ayon sa paniniwala ng karamihan, ang ganitong mga manipestasyon ay maituturing na mensahe sa taong nakakita nito at sa taong nakitaan nito, at ang karaniwang nasa isipan ng karamihan, ito ay babala sa tao na sadyang mag-ingat sa pangambang merong masamang mangyayari sa kanya – maaaring ito ay kamatayan.

Maalala ko minsan nang bigla akong tawagan ng isa kong kaibigan na itago natin sa pangalang Samuel na kinakabahan pa ng makita niyang walang ulo ang isang bata habang kasama ang ina nitong kapitbahay lamang nila habang naglalaro sa di kalayuan sa kanilang bahay.

Sinabi ko sa kaibigan ko na maaaring isang babala yan sa anumang mangyayari sa bata, kung kaya’t pinayuhan ko na hangga’t maaga ay sabihan ang kanyang ina na ingatang mabuti ang bata.

Bagaman, nagawa niyang bigyan ng babala ang ina ng bata ay nagulat na lamang ang aking kaibigan nang pagkalipas ng isang linggo ay nabalitaan niyang namatay ito dahil sa isang malalang karamdaman. Alam na rin ng ina na mamamatay ang kanyang anak dahil sa taglay nitong karamdaman ng pagdurugo ng ilong.

Ayon sa aking kaibigan, matagal na siyang nakakakita ng mga taong walang ulo mula nang siya ay bata pa at karamihan sa mga taong kinakitaan niya nito ay mga namatay sa aksidente, habang ang iba naman ay sanhi ng malubhang sakit sa katawan.

Sa katunayan, nung isang araw na sumakay siya sa isang pampasaherong bus ay nakita niya ang konduktor na walang ulo habang sila ay nasa biyahe, ngunit ng makarating sila sa terminal, ay nagulat na lamang siya na ilang sandali lamang ang lumipas ay patay na ito. Ayon sa mga kasamahan, nagpaalam lang ito sa driver na matutulog dahil sa pagod ngunit hindi na ito nagising.

Kabilang sa mga taong nakita niyang walang ulo: kaibigan ng kuya niya at maging kaibigan niya sa Zamboanga City na kapwa namatay sa magkahiwalay na aksidente sa kalsada; lolo ng kaibigan niya, pagkalipas na apat na araw na makitang walang ulo, namatay dahil sa sakit; at pinsan ng kanyang ina na namatay sa aksidente.

Batay sa karanasan ng aking kaibigan, hindi na niya matandaan ang iba pang mga taong nakita niyang walang ulo at naging kasunod nito ang kamatayan. Ngunit ng tanungin ko kung ano ang agwat ng panahon mula nang makita niyang walang ulo hanggang sa mamatay, sinabi nitong mula 15 minuto hanggang sa pinakamatagal na isang linggo.

Ngayon, ano ang dapat na gawin kung makita niyo ang isang tao na walang ulo at kayo ay nangangamba na may masamang mangyayari sa kanya? May punto ang sinasabi ng mga matatanda na tapikin mo ang taong iyon at sabihan mong mag-ingat bagaman tulad ng karanasan ni Samuel tinapik niya yung konduktor subalit kalaunan ay namatay din. Sa aking personal na kaalaman, maaari mong ipagdasal ang taong iyon na wag sapitin ang kamatayan ngunit kung talagang oras na niya ay talagang wala na tayo magagawa.

Ang isa pang naisip kong paraan para bigyan ng proteksiyon ay isipin na merong puting liwanag na dumadaloy mula sa kalangitan at babalot sa buong katawan at katauhan ng tao. Ang kapangyarihan ng puting liwanag na animoy isang haliging puting-puti at nakasisilaw na liwanag ay napatunayan kong mabisa bilang proteksiyon at pampaalis ng karamdaman sa katawan. Sa mga taong clairvoyant ay malinaw itong nakikita ng kanilang mga mata, ngunit sa iba ito ay karaniwang nakikita sa isip at nararamdaman ito sa pamamagitan ng kilabot sa katawan at gumagaan ang inyong pakiramdam. Ang iba naman ang pakiramdam ay parang binuhusan ng napakalamig na tubig ang buong katauhan. Laging tandaan na iisa lang ang susi para maging mabisa ang lahat lalu na ang panalangin, manalig, maniwala ka at magtiwala ka sa Panginoong Diyos.

Ugaliing makinig tuwing Sabado sa DzRH, 666 khz, 5:30-6 ng gabi sa aking programang Misteryo. Maaari din kayong magtanong sa inyong lingkod, mag-text sa 09206316528. Mag-email sa misteryolohika@gmail.com. Bisitahin ang aking website: http://misteryolohika.tripod.com.#

Batang Nabuhay, Totoo Ba?

2006-07-27T00:11:00.000-07:00

Totoo bang nabuhay yan? Paano naman nangyari yan? Ilan lamang yan sa mga reaksiyon ng ating mga kababayan nang ilathala ko sa aking nakalipas na pitak na si Dante “JunJun” Cardel Jr. ay ebidensiya ng taong dumanas ng Near Death Experience.

Ivan ng Paranaque City: Totoo po bang nabuhay si Jun Jun Cardel. Imposible naman po kasi e.
RS: Bakit naman imposible? Mismong mga magulang ni Jun Jun ang nagsabi na namatay na ang kanilang anak at pagkalipas ng 17 oras ito ay biglang nagmulat ng mga mata, at doon na nagsimula ang kanyang ikalawang buhay. Minsan mahirap talaga tanggapin ang katotohanan na kahit imposible ay maaaring mangyari sa ating buhay. Akala ko ba naniniwala tayong habang may buhay lahat ay possible.

09208834082: Talaga po ba na nakagagamot ang batang yan? Nasubaybayan ko po kasi yung istorya e.
RS: Marami nang kaso ng mga dumanas ng NDE ang nabigyan ng abilidad na makagamot ng mga may karamdaman, kahit na anong karamdaman. Natural hindi ito basta paniniwalaan lalu na ng mga ayaw maniwala. Wala naman sigurong masama kung subukin ninyo hindi po ba.

Lawrence Bagnes ng Sta. Mesa, Maynila: May katanungan po ako. Kapag ang isang tao ay namatay na makikita pa rin ba niya ang mundo ng mga tao.
RS: Oo. Dahil sa karaniwan lalu na kapag hindi pa tanggap ng isang tao ang nangyari sa kanya kung bakit siya namatay ay nagpapasyang manatili muna sa daigdig ng mga buhay o pisikal na daigdig ang kanilang mga kaluluwa. Ito ang tinatawag nating earthbound souls. Sila ang mga kaluluwa ng mga sumakabilang buhay na meron pang dapat na tapusin sa daigdig ng mga tao na hindi nila nagampanan nang sila ay buhay pa. Kabilang na rito ang pagbibigay ng alalay sa mga kaanak nilang buhay pa – sila ang mga tinatawag na spirit guide.

Ilan lamang yan sa mga ipinarating sa ating reaksiyon ng ating mga kababayan tungkol kay Jun Jun Cardel.

Tulad nga ng aking unang sinulat, hindi lamang si Jun Jun ang dumanas ng NDE na nagkaroon ng biglang pagbabago sa kanilang buhay. May mga kasong ang mismong mga kaanak ay nagtataka kung bakit tila hindi sila kilala ng taong muling nabuhay.

At ang pagkakaroon nila ng kakaibang abilidad tulad ng panggagamot at iba pang mga pahayag o detalye tungkol sa isang tao ay pangkaraniwan na rin dahil sa maituturing na ito ang talagang misyon ng kanilang pangalawang buhay.

Mismong si Father Efren Borromeo, ang kinilalang “The Healing Priest” ay umamin na siya man ay nagtataka nang nagkaroon siya ng abilidad na makapanggamot pagkatapos na siya ay maaksidente.

Ito ay resulta ng proseso ng muling pagkabuhay ng isang maituturing na sumakabilang buhay bagaman ang iba ay muntikan nang mamatay habang ginagamot sa tinamo nilang pinsala sa katawan.

Batay sa mga sinaunang paniniwalang Hinduism, ang mga taong dumanas ng ganitong proseso ng NDE o Near Death Experience ay pawang mga kaluluwang Walk-In kung saan ito ay maituturing nang bagong kaluluwa na nagpasyang magpatuloy na lamang sa buhay ng taong sumakabilang buhay.

Harinawa kahit paano ay nakapagbigay ako ng mga impormasyon tungkol sa aking tinalakay ngayon. Mahirap talaga paniwalaan ang ganitong mga pangyayari ngunit kahit na may paliwanag dito ang mga hindi naniniwala ay mahirap pabulaanan ang mga ebidensiya na totoo ang nangyari.

Ugaliing makinig sa aking programang Misteryo, 5:30 – 6 ng gabi tuwing araw ng Sabado sa himpilang DZRH. Maaari din kayong magbigay ng inyong suhestyun at katanungan sa textline 09206316528 o mag-email sa misteryolohika@gmail.com. Bisitahin din ang aking website: http://misteryolohika.tripod.com.#

Batang Nabuhay, Bagong Kaluluwa

2006-07-25T03:25:00.000-07:00

Tulad ng aking inaasahan bagupaman nabalitang nakapanggagamot si Dante "Jun Jun" Cardel Jr. ng Legazpi City, alam ko nang magkakaron ito ng pambihirang abilidad matapos na siya'y mamatay at muling nabuhay.

Napag-usapan na rin namin ito kamakailan sa isang hapunan ni Professor Jaime Licauco bago ang kanyang panayam sa programa ni Tiya Dely Magpayo sa DZRH.

Maging si Prof. Licauco ay naniniwalang nakaranas si Jun Jun ng Near Death Experience (NDE) nang ito ay mamatay noong Hunyo 21 sanhi ng taglay nitong malubhang karamdaman at muling nabuhay kinabukasan pagkalipas ng 17 oras.

Bagaman, itinanggi ng mga manggagamot ng Philippine General Hospital na hindi namatay si Jun Jun bagkus ay nagpumilit ang kanyang mga magulang na iuwi na lamang ito at tumangging lapatan ng lunas sa kanyang sakit na terminal brain tumor.

Ngunit, nanindigan ang kanyang mga magulang, sina Dante Sr., at Sheila, na talagang patay na ang kanilang anak nang ilabas nila ng ospital at minabuti na lamang nilang iuwi agad ito sa kanilang lalawigan sa Bikol, paglamayan at ilibing.

At nang inihahanda na ang lahat para sa burol ni Jun Jun ay bigla na lamang itong nagmulat ng mga mata habang katabi ang kanyang tatay at dito na nagsimula ang bagong yugto ng buhay ni Jun Jun para sa isang misyon, at ngayon nga ay may abilidad na siyang manggamot ng mga karamdaman.

Sa report na lumabas sa pahayagan, unang ginamot ni Jun jun ay ang kanyang lolo na si Fortunato Moneda, 42 taong gulang nang gumaling ito sa kanyang sakit na arthritis matapos na haplusin ng mga kamay ng kanyang apo.

Bagaman, ayaw ipamalita ng pamilya Cardel na isa nang manggagamot si Jun Jun ngunit hindi na ito maaari pang itago pa dahil sa kailangan niyang gampanan ang kanyang misyon sa kanyang ikalawang buhay.

Ito ang karaniwang nagaganap dahil sa naipagkaloob sa kanyang abilidad nang ito ay "mamatay" o muntikan nang mamatay na kilala sa katagang "near-death experience" (NDE).
Kung bakit biglang nagkaroon ng pagbabago sa bata mula ng ito ay "mamatay" ay dahil sa bagong kaluluwa ang pumasok sa kanyang katawan nang siya ay muling mabuhay -- ang kaluluwang ito ay tinatawag na Walk-In Souls.

Ang paniniwala tungkol sa walk-in souls ay isa nang matandang konsepto na isinalarawan noon sa relihiyong Hinduism, kung saan ang dati nitong kaluluwa ay tuluyan nang lumisan sa kanyang katawang lupa at ito ay pinalitan ng bagong kaluluwa.

May iba namang teorya na ang bagong kaluluwa, na posibleng nasa mas mataas na antas ng espiritwal ay siyang pumasok sa katawang lupa ngunit ang dating kaluluwa ay nanatili lamang bagaman hindi na ito ang may pangkalahatang kontrol sa katawang lupa.

Hindi ito maituturing na pagsanib ng isang ligaw na kaluluwa na karaniwan nating naiisip bagkus ay nagkaroon ito ng proseso ng komunikasyon, kasunduan at transisyon ng dalawang kaluluwa para magampanan ang pangunahing misyon sa buhay ng may katawang lupa.

Marahil nagtataka ang pamilya ni Jun Jun sa mga pagkakataong kakaiba ang kilos nito kesa sa dati dahil sa ang bagong kaluluwang pumasok ay kailangan niyang mapag-aralang mabuti ang kanyang kapaligiran at parang maituturing na ito ay bagong panganak o "born-again".

Ang maituturing na pinakatampok na kuwento ng walk-in ay ang misyunerong si Santo Tirumular, na umanoy boluntaryong umalis sa kanyang katawang lupa para pumasok sa patay na katawan ng isang pastol ng mga baka. Dito nagawang maalala ni Tirumular ang kabuuang kaalaman ng namatay na pastol at nagkaroon siya ng kakayanang makapagsalita ng Tamil.
Sa makabagong panahon ay nagpatuloy ang ganitong misteryo ng kakaibang personalidad ng isang taong namatay o muntik nang namatay sa ilalim ng proseso ng NDE.

Karaniwang nagkakaroon ng walk-in ay ang mga taong tinamaan ng matinding karamdaman na kalaunan ay namatay, inoperahan sa malubhang sakit, o di man kaya ay naaksidente na muntikan na niyang ikinamatay.

Kapag nagkamalay ay kapansin-pansin ang kakaibang kilos o pag-uugali ng tao na siyang ipagtataka ng kanyang mga kaanak at nagagawa nito ang dati-rati'y hindi niya ginagawa noong bago siya "namatay" tulad ng paggawa ng mga "himala."

Sa pag-aaral ng mga eksperto sa larangan ng paranormal, ang bagong pasok na kaluluwa ay mga matataas na espiritu tulad ng mga anghel o di man kaya ay mga umakyat na sa kalangitan na nagpasyang bumaba sa lupa para gampanan ang isang pangakong tumulong sa kapwa tulad ng panggagamot at iba pa.

Sa paniniwalang New Age sa panahong ito ng Age of Aquarius, ang walk-in souls ay pumapasok sa katawan ng isang indibidwal sa napakahalagang misyon sa mundong ito lalu na at napakalakas ng kanilang psychic ability tulad ng talas ng kanilang pag-iisip at pakiramdam dahilan para kaya nilang basahin ang personalidad ng isang tao at makapanggamot.

Mismong ang paring si father Efren Borromeo alyas Father Momoy ng Bonga, Bacacay, Albay ay umamin na nagkaroon siya ng abilidad na manggamot mula nang siya ay maaksidente ilang taon na ang lumipas.

Bagaman, ang ganitong pangyayari ay pilit na pinapawalang-saysay ng mga taong ayaw maniwala sa naturang misteryo kesyo ang mga gumaling ay sanhi ng "placebo effect" ang sikolohikal na epekto ng paggaling ng isang tao na sa akala niya ay napagaling siya ng himala o kapangyarihan ng isang indibidwal na may kakaibang abilidad, hindi naman maitanggi ang katotohanan na ang ganitong kaganapan ay hindi lamang minsang nangyari kundi marami na at ito ay hindi lamang sa ngayon nagaganap kundi noon pang sinaunang panahon.

Makinig sa aking palatuntunang Misteryo tuwing araw ng Sabado, alas-5:30 hanggang 6 ng hapon sa DzRH, 666 khz, para sa pagtalakay ng mga kababalaghan sa ating buhay at magkaroon ng kasagutan ang mga katanungan sa larangan ng paranormal.

Para sa inyong mga katanungan at suhestyun, mag-text sa 09206316528 at mag-email sa misteryolohika@gmail.com.#

Mga Taong Nabuhay, Ebidensiya ng Kabilang Buhay

2006-07-20T18:35:00.000-07:00

Kung kayo ay nagtatanong kung totoong merong kabilang buhay, ang sagot ko palagi ay totoong may kabilang buhay dahil kapag ang isang tao ay namatay ang pisikal na katawan, mananatili namang buhay ang kaluluwa – ang esensiya ng buhay na nilalang ng Panginoong Diyos.

Marami nang pag-aaral na ginawa ang mga siyentista na nagtangkang patunayan na merong kabilang buhay sa pamamagitan ng mahigpit na monitoring sa mga tao na nahaharap sa bingit ng kamatayan ang kanilang buhay.

Ito ay sa paniniwala ng mga siyentista na sa pamamagitan ng kontroladong sitwasyon ay maaaring magkaroon sila ng konklusyon sa katotohanan sa likod ng ating buhay sa pisikal na daigdig.

Batay sa mga ginawang pananaliksik ang mga ebidensiya ng kabilang buhay ay ang nakita ng tao na nakahiwalay siya sa kanyang katawang lupa, nakita ang kanyang mga sumakabilang buhay na kamag-anakan, ang pagdaan sa tinatawag na “tunnel of Light,” ang pagkakakita sa mga anghel at iba pang personalidad ng relihiyon tulad ni HesusKristo, Birheng Maria at San Pedro.
Tulad na lamang ng karanasan ng 10-taong gulang na batang lalaki na si Dante “JunJun” Cardel Jr. ng Legazpi City na umanoy nakita niya si Hesukristo habang ang kanyang pisikal na katawan ay wala nang buhay.

Si JunJun ay unang idineklarang patay ng mga manggagamot ng Philippine General Hospital noong Hunyo 21 dahil sa umanoy atake ng tumor sa kanyang utak.

Nagpasya ang mag-asawang Dante at Sheila na iuwi ang bangkay ng kanilang anak sa lalawigan ng Albay, at nang sila ay dumating sa Puro, Legazpi City pagkalipas ng 17 oras ay nagulat na lamang sila nang biglang nabuhay si Junjun.

Nang tanungin kung ano ang naranasan ni Junjun sa kanyang pagkamatay hanggang sa mabuhay, sinabi nitong tinulungan siya ni Hesuskristo na nagsabi sa kanyang imulat ang kanyang mga mata.

Ang kaso tulad ng kay Junjun ay kaiba naman sa naranasan ng isa kong kaibigan na si HRV nang habang siya ay isinasailalim sa operasyon sa tinamo niyang pinsala sa nabali niyang buto sa binti ay bigla na lamang niya nakita ang sariling humiwalay sa kanyang katawan at dumaan siya sa napakaliwanag at nakapakahabang animoy walang hanggang kuweba o tunnel.

Naranasan din ni HRV ang dumaan sa umanoy mga solidong bagay sa pisikal na daigdig na animoy plastik lamang o kaya malapot na sapot ng gagamba sa kanyang pakiramdam habang tumatagos siya.

Maging ang aking 82-taong gulang na Lola Ilang noong ito ay buhay pa sa mundong ito ay nagkuwento sa akin na minsan na rin siyang namatay, at ibinurol.

Marami siyang pinuntahan sa kanyang paglalakbay at sinamahan siya ni Santa Maria tulad ng nagagandahang mga lugar, pagtawid sa maitim na tubig na may madulas na tulay na kawayan, at maaliwas na lugar na ang turingan ng bawat isa ay magkakapatid.

Ilan lamang yan sa mga patotoo na merong kabilang buhay, na hindi basta-basta matatawaran ng sinuman dahil sa mismong ang mga nakaranas nito ay nagsabing sila ay namatay o naranasan nilang mamatay hanggang sa sila ay mabuhay.

Ang kaso ni Junjun at iba pang dumanas ng kamatayan hanggang sa muling mabuhay ay tinatawag na “Near-Death Experience (NDE)” na patuloy pa ring sinasaliksik ng mga eksperto sa larangan man ng paranormal at siyensiya.

Ang 17 oras na deklaradong patay si Junjun ay hindi maituturing na kauna-unahan dahil sa may mga kaso tulad ng sa Rusya ay deklarado siyang patay ng tatlong araw, inilagay sa freezer at nang i-otopsiya ay bigla siyang nagmulat ng kanyang mga mata.

Ang mga eksperto sa Estados Unidos ay seryoso sa pag-aaral tungkol sa ganitong mga kaso na sinimulan nina Elisabeth Kubler-Ross, George Ritchie at Raymond Moody Jr. Ito ay sinundan ng pagkakatatag ng International Association for Near-Death Studies o kilala bilang IANDS noong 1978 at hanggang ngayon ay patuloy pa rin ang kanilang pag-aaral at pagkolekta ng mga taong dumanas ng NDE.

Minsan may nagtanong sa akin, ang NDE ba ay katulad din ng Astral Projection? Ang aking naging sagot dito ang NDE at Astral Projection ay malaki ang kaibhan dahil sa ang NDE ay talagang naranasan ng isang tao ang mamatay sa kanyang pisikal na katawan, humiwalay ang kanyang kaluluwa sa katawang-lupa at siya ay nagbalik. Samantalang ang Astral Projection naman o Astral Travel ay ang paghiwalay ng bahagi ng iyong kaluluwa sa katawang lupa na hindi mo kailangang mamatay, ngunit ang pakiramdam ay parang mamamatay ka rin dahil sa magbabago ang iyong mararamdaman tulad ng pagka-paralisa, may maririnig kang malalakas na tunog at mag-iiba ang tingin mo sa paligid, mas maliwanag kesa sa normal na paningin sa pisikal na mga mata.

Para sa inyong mga katanungan at suhestyun, mag-text sa 09206316528 o mag-email sa misteryolohika@gmail.com. Bisitahin ang aking website http://misteryolohika.tripod.com./

Multo, Totoo Bang Nakakatawag sa Telepono?

2006-07-13T18:20:00.000-07:00

Totoo bang nakatatawag sa telepono o nakakatext sa cellphone ang mga multo? Ito ang naging tanong ko sa aking isipan nang may mga tinatanggap akong mga mensahe na maging sila ay nakaranas ng kababalaghan sa ganitong pamamaraan – na ang multo ng namayapang tao ay nakatatawag sa telepono o nakaka-text sa cellphone.

Ano ba ang katotohanan tungkol dito? Maituturing ba itong guni-guni lamang ng taong tumanggap sa tawag o text ng isang multo na ang ginamit ay cellphone?

Tulad na lamang ng isang pagtatapat sa atin ng isa nating reader ng Balita si Junior ng Baguio City:

“Mr. Sibayan, nabasa ko po ang iyong kolum Misteryo at Lohika sa Balita, yung tungkol po sa pag-tetext ng mga patay, may kakilala po ako, namatay yung asawa niya pero after a week tumawag po ito gamit ang cellphone number nya, samantalang isinama sa libingan yung cp nya. Nung sinagot daw po nya yung tawag, nasa linya lang daw po pero hindi sumasagot. Ang dahilan po ng pagkamatay niya car accident.”

Sa maniwala man tayo sa hindi, ang mga multo ay may kakayanan na manipulahin ang mga electronic gadget ng makabagong panahon kabilang na ang mga tape recorder, video recorder, telebisyon, radyo at maging ng cellphone. Ito ay kinikilala ngayon sa katagang EVP o Electronic Voice Phenomena – ang manipestasyon ng mga espiritu o mga kaluluwa sa daigdig ng mga buhay o pisikal na dimensiyon.

Sa mga ginawang imbestigasyon ng mga eksperto tungkol dito, ang tawag sa telepono ng mga kaluluwa ay karaniwang abnormal ang dating, malabo ang kuneksiyon at halos pawala-wala ang boses sa kabilang linya. Kadalasan ay pamilyar ang boses nito para hindi kaagad ibaba ang telepono o di man kaya ay magbabanggit ito ng mga kilalang pangalan ng ibang tao maaaring ito ay kaibigan o di man kaya ay pangalan ng alagang hayop.

Kung gaano katagal ay depende rin yan sa bawat karanasan. Pag alam ng taong tumanggap ng tawag na patay na ang may-ari ng boses na kausap nito ay bigla itong maibababa o di man kaya ay biglang matatakot kayat sabay baba ng telepono. Ngunit kapag hindi alam na patay na ang kausap, may mga pagkakataon na ang usapan ng magkabilang panig – sa panig ng buhay at patay ay tatagal ng 30 minutos.

Ang paggamit sa telepono, tawag man ito o text ng mga kaluluwa ng patay ay nangyayari beinte kuwatro oras mula nang ito ay sumakabilang buhay, ngunit may mga pagkakataon na ang tawag sa telepono ay nangyari ilang taon na ang lumipas para lamang iparating ang kanilang masidhing mensahe.

Ano nga ba ang pangunahing layunin ng pakikipag-usap ng mga patay sa daigdig ng mga buhay? Ito ay depende rin sa sitwasyon na kinakaharap ng bawat taong kaugnayan nito sa pamilya man, kaibigan man o kaaway.

Sa pangkalahatan, nais ng mga kaluluwa na magbigay o mag-iwan ng mensahe sa kanyang mga mahal sa buhay. O di man kaya ay magbigay ng babala sa isang panganib o kaya ay mga pangunahing impormasyon na sadyang kailangan ng mga naulila nitong mga mahal sa buhay. May mga pagkakataon na tumatawag ang mga ito o nagte-text sa mga araw na mahalaga sa kanila nung sila ay buhay pa sa daigdig na ito tulad ng kaarawan o anibersaryo. Ang iba naman ay nakalimutan nilang sabihin ang kanilang habilin.

Ano nga ba ang mga teorya ng mga eksperto sa ganitong pagpaparamdam ng mga sumakabilang buhay sa pamamagitan ng tawag sa telepono o pagte-text sa cellphone? Walang sapat na paliwanag tungkol dito ngunit ang pinakamalapit na maaaring may katotohanan ay ang kakayanan ng mga espiritu na manipulahin ang anumang electronic gadgets tulad ng cellphone.

Ang isa pang posibleng dahilan ay ang umanoy maaaring kagagawan din ito mismo ng taong tumanggap ng mensahe o tawag sa telepono sa pamamagitan ng tinatawag na Psychokinesis (PK) o Telekinesis na marahil ay hindi nila namalayang ginawa nila ito sa pamamagitan ng kanilang kapangyarihan ng isip.

Ang isa pang teorya ay maaaring kagagawan ito ng mga espiritu na nais magbiro sa tao. Maaaring ang mga ito ay lamang-lupa o engkanto ngunit depende pa rin kung paano ang pagpaparamdam.

Bagaman, maituturing na ang mga multo, kaluluwa o mga espiritu ay sumasabay na rin sa makabagong panahon dahil sa gumagamit na rin sila ng mga modernong kagamitan para iparating ang kanilang mensahe, ang mahalaga dito maging nasa kabilang buhay ay hindi ito hadlang na makipag-ugnayan ang mga patay sa mga buhay.

Habang sa panig ng mga siyentista, sila ay patuloy na gumagawa ng mga hakbang para maka-ugnayan ang mga kaluluwa o espiritu. Sa katunayan noong unang bahagi ng ika-20 siglo, tinangka ng mga eksperto na baguhin ang disenyo ng telegraph at wireless device para makipag-ugnayan sa mga patay. Maging ang imbentor na si Thomas Edison ay ginawa niya ito hanggang sa nitong dekada 60 nang makasagap ng mga boses sa pamamagitan ng electromagnetic tape si Konstantin Raudive na ngayon ay tinawag na sa EVP o Electromagnetic Voice Phenomenon.

Para sa inyong mga katanungan at suhestyun, mag-text sa 09167931451. Mag-email sa misteryolohika@gmail.com. Bisitahin ang aking website sa internet: http://misteryolohika.tripod.com.#

UFO Crash sa Roswell, Totoo Ba?

2006-07-08T00:47:00.000-07:00

Tulad ng sinulat kong artikulo tungkol sa Planetang Serpo, dinagsa ako ng mga katanungan tungkol sa Roswell UFO Crash na nangyari noong Hulyo taong 1947 kung ito nga ba ay totoo o hindi.

Batay sa salaysay ng mga taong mismong nakakita sa mga debris o pira-pirasong bahagi ng bumagsak na sasakyang pangkalawakan ng mga Ekstra-Terestriyal (ET), maituturing na totoo ngang nangyari ang naturang insidente, limamput-siyam na taon na ang lumipas.

Bukod sa mga taong personal na nakakita sa crash site o lugar na kinabagsakan ng UFO malapit sa Corona, New Mexico, sa salaysay ng isang opisyal ng militar ng Estados Unidos tungkol sa US-Zeta Reticuli Exchange Program noong 1965, kinukumpirma nito batay sa nakita mga dokumento sa Intelligence ng Amerika, na totoong may bumagsak na spaceship noong 1947, hindi lamang isa kundi dalawang spaceship bagaman ang huling insidente ay natuklasan lamang noong 1949.

Sa website na Serpo. Org, isang ET na tinawag noon sa pangalang EBE o Extraterrestrial Biological Entity ay nakitang nagtatago sa isang malaking tipak ng bato sa lugar na kinabagsakan ng sasakyang pangkalawakan. Binigyan siya ng tubig ngunit tumanggi naman itong kumain, at dinala sa Los Alamos.

Ang EBE na ito ay napag-alaman na nagmula nga sa planetang Serpo, isa sa anim na planeta ng Zeta Reticuli Star System, nasa layong 39 light years mula sa planetang Earth.

Ngunit paano ba pinagtakpan ng mga otoridad ng Estados Unidos ang naturang insidente? At ano nga ba ang motibo ng ganitong hakbang ng pamahalaang Amerika ng mga panahong yun.

Hapon ng Hulyo 8, 1947, tinawagan ni General Clemence McMullen na noon ay nasa Washington si Colonel Thomas Dubose na nakabase naman sa Fort Worth, at maging si General Roger Ramey ng Eight Air Force Command. Ipinag-utos ni McMullen kay Dubose na sabihin kay Ramey na baligtarin ang nauna nilang report tungkol sa natagpuang flying saucer at gumawa ng ibang kuwento para pagtakpan ang tunay na insidente ng UFO Crash, at magpadala ng bahagi ng mga debris o pira-pirasong material ng sasakyang pangkalawakan sa Washington para masuring mabuti.

Kinahapunan ng July 8, 1947, nagpatawag ng press conference si General Ramey sa 8th Air Force headauarters sa Fort Worth at pormal na sinabi na ang bumagsak ay hindi flying saucer kundi isang weather balloon.

Para makumbinsi ang tao lalu na ang mga kagawad ng media, ipinakita pa ni Ramey ang mga bahagi ng bumagsak na weather balloon at hindi mula sa sasakyang pangkalawakan ng mga ET.

Ang ilan sa mga pahayagan na unang naglabas ng bersiyon na flying saucer ang bumagsak sa rantso ng mga Foster ay ang Midwest to the West, Chicago Daily News, the Los Angeles Herald Express, San Francisco Examiner at ang Roswell Daily Record.

Samantalang ang The New York Times, Washington Post at Chicago Tribune dahil sa pang-umaga silang mga pahayagan ay ang cover-up story o ikalawang bersiyon na weather balloon ang kanilang inilabas.

Bahagi umano ng pagtatakip sa tunay na insidente ay ang pagpapakalat ng maraming sundalo kabilang ng MPs o military police sa paligid ng crash site sa rantso ng mga Foster na ang pangunahing tungkulin ay wag pahintulutan ang sinuman na makapasok sa naturang lugar.

Naglunsad ng malawakang paghahanap ang mga sundalo labas sa tinatawag na debris field at sa loob ng dalawang araw, ilang milya ang layo mula sa crash site ay natagpuan ang pangunahing katawan ng bumagsak na flying saucer at isa hanggang dalawang milya ay natagpuan naman ang mga bangkay ng mga namatay na ET na tinaguriang humanoid.

Agad naming isinailalim sa custody o pangangalaga ng military si Mac Brazel na tumagal ng isang linggo, at nakita siya sa mga lansangan ng Roswell na palaging merong bantay na mga sundalo. Lubos na nagtaka ang mga kaibigan ni Brazel dahil sa hindi na sila pinapansin nito at nakakabigla na bumaligtad na ito sa mga nauna niyang sinabi tungkol sa flying saucer.

Ngunit nanindigan si Major Jesse Marcel noong 1979 na hindi weather balloon kundi totoong flying saucer ng mga ET ang bumagsak. Tinataya niyang sumabog muna ang sasakyang pangkalawakan na ito sa himpapawid bago tuluyang bumagsak sa lupa sa napakabilis na pagbulusok nito.

Sa kabila ng mga hakbang ng pamahalaang Amerika na pagtakpan ang lahat tungkol dito ay matatag ang paniniwala ng mga taong personal na nakakita na talagang spaceship o flying saucer ang bumagsak sa Corona, malapit sa Roswell, New Mexico.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com at bisitahin ang aking website: http://misteryolohika.tripod.com.#

Roswell Crash, Simula ng UFO Cover-up?

2006-07-06T17:02:00.000-07:00

Marami sa ngayon ang nakarinig sa pagbagsak ng UFO sa Corona malapit sa Roswell, New Mexico noong Hulyo 1947 ngunit lingid sa kaalaman ng karamihan, ang naturang insidente ay maituturing na kauna-unahang cover-up o pagtatakip sa totoong pangyayari.

Sa kabila ng mga nakuhang mga ebidensiya ng naturang insidente ay idineklara ng pamahalaang-US na hindi UFO (Unidentified Flying Object) bagkus ay weather balloon ang bumagsak at ang sinasabing mga labi o bangkay ng mga ekstra-terestriyal (ET) ay pawang mga manika na nakalagay dito.

Kailan nga ba nangyari ang Roswell UFO Crash? Ano ang mga sumunod na pangyayari? Totoo bang may mga nakuhang mga patay na ET sa naturang bumagsak na sasakyang pangkalawakan? Bakit idineklara ng Amerika na hindi ito UFO kundi ay bahagi ng operasyon ng pamahalaan para sa pagsubaybay sa kilos ng panahon? Ngunit, ito ay ginawa sa kabila ng naunang pahayag na ibinalita pa ng pamahalaang-Amerika na nakakuha sila ng bumagsak na UFO.

Narito ang mga sunud-sunod na pangyayari sa Roswell UFO Crash at kayo na lamang ang bahalang humusga:

Hulyo 2, 1947: Sa gabing ito na kasagsagan ng mga pagkulog at pagkidlat ay biglang nabulabog ang mamamayan ng Corona nang bumagsak sa rantso ng pamilya Foster ang hinihinalang flying saucer. Ang pinakamalapit na base militar sa kinabagsakan ng UFO o crash site ay nasa Roswell, New Mexico kung kayat tinawag itong Roswell Crash sa kabila nang mas malapit sa crash site ang bayan ng Corona.

Hulyo 3, 1947: Natagpuan nina William “Mac” Brazel at pitong taong gulang na si Dee Proctor ang umanoy mga pirasong bahagi ng bumagsak na flying saucer. Si Brazel ay ang foreman ng rantso ng mga Foster. Namangha sina Brazel at Proctor sa nakita nila dahil sa nagkalat ang mga pira-pirasong bahagi ng bumagsak na sasakyang pangkalawakan. Nagawang makakuha ng isang piraso sina Brazel at Dee kayat pagdating sa bahay ng bata ay ipinakita ito kina Floyd at Loretta – mga magulang ni Dee at sinabing maging sila ay noon lamang nakakita ng naturang mga materyales.

Hulyo 6, 1947: Nagawang ipakita ni Brazel kay Chaves County Sheriff George Wilcox ang piraso ng bumagak na UFO. Agad na tumawag si Wilcox sa Roswell Army Air Field at nakipag-usap kay Major Jesse Marcel, isang intelligence officer. Agad na nagtungo sa sheriff’s office si Marcel at nagpasyang tignang mabuti ang piraso ng material. Agad naman itong nag-report sa kanyang commanding officer, si Colonel William “Butch” Blanchard at inutusan nito si Marcel na kumuha ng kasama mula sa counter intelligence corps at agad na nagtungo sa rantso kasama si Brazel, sa layuning makakuha pa ng mga karagdagang mga ebidensiya. Ilang sandali lamang ay biglang dumating sa sherrif’s office ang mga kagawad ng military police at kinuha ang kapirasong bahagi ng UFO na bumagsak at dinala kay Blanchard. Agad na inilipat sa 8th Air Force headquarters sa Fort Worth at dinala sa Washington. Sina Marcel, Brazel at Sheridan Cavitt ng Counter Intelligence Corps ay dumating sa rantso ng mga Foster kinagabihan, nakitulog at kinaumagahan ay nagtungo sila sa crash site.

Hulyo 7, 1947: Nangolekta sina Marcel at Cavitt ng mga piraso ng bumagsak na flying saucer sa rantso Foster at nang mapuno ang sasakyan ni Cavitt, sinabihan ni Marcel ang intelligence officer na mauna nang ihatid ang mga nakuhang pira-pirasong bahagi ng UFO at saka na lang sila magkita sa Roswell AAF. Napuno rin ng mga nakolektang pira-pirasong bahagi ng UFO ang sasakyan ni Marcel at habang ito ay nasa daan patungo sa air field, ay dumaan muna sa kanilang bahay at ipinakita sa kanyang asawa at anak ang kakaibang materyal na natagpuan nila.

Hulyo 7, 1947, 4 ng hapon: Sinimulan ni Lydia Sleppy sa Roswell radion station KSWS ang transmisyon ng istorya sa pamamagitan ng teletype machine tungkol sa bumagsak na flying saucer sa Foster Ranch. Ngunit, naudlot ang transmisyon na posibleng kagagawad umano ng FBI – Federal Bureau of Investigation.

Hulyo 8, 1947: Sa umaga ng araw na ito ay dumating sina Marcel at Cavitt sa Roswell AAF lulan ng kanilang mga sasakyan na punung-puno ng mga nakolekta nilang mga materyales, at ito ay inihatid sa pamamagitan ng eroplano patungong Fort Worth AAF.

Tanghali ng Hulyo 8, 1947: Inatasan ni Colonel Blanchard na nakabase sa Roswell AAF si 2nd Lt. Walter Haut na maglabas ng press release para ibalita na ang US Army ay nakakita ng mga pira-pirasong bahagi ng bumagsak na flying saucer. Si Haut ay siyang public information officer ng 509th Bomb Group sa Roswell AAF, Dinala ni Haut ang press release kay Frank Joyce ng radio station KGFL, at hinintay muna na makabalik sa base military ang opisyal saka tinawagan ni Joyce para kumpirmahin ang balita at saka ipinadala patungo sa United Press Bureau.

Malinaw sa mga magkakasunod na araw na ito mula Hulyo 2, 1947 ay merong nakuhang mga materyales sa bumagsak na UFO o flying saucer na sa bandang huli ay pagtatakpan na ng mga opisyal ng military sa mga panahong iyon.

Idinetalye ko sa inyo ang pangyayaring ito para kayo ang humusga kung totoo ba na merong bumagsak na UFO sa Roswell, New Mexico at gaano kabilis din itong pinagtakpan ng militar sa Amerika. Abangan ang karugtong ng pangyayaring ito.

Para sa inyong mga katanungan at suhestyun, mag-text sa 09206316528, mag-email sa misteryolohika@gmail.com. Bisitahin ang website: http://misteryolohika.tripod.com.#

Katotohanan Sa Project Serpo, Ilabas

2006-06-29T00:45:00.000-07:00

Panahon na para ilantad ng Estados Unidos ang lahat ng mga proyekto o programa nito na may kinalaman sa pakikipagkasundo sa mga Ekstra-Terestriyal (ET) tulad na lamang ang kontrobersiyal na Project Serpo – ang Exchange Program ng US at ang mga ET sa Zeta Reticuli Star System.

Ito rin ang nais ng ating mga kababayan lalu na ang mamamayang Amerikano na patuloy na sinisilip at kinakalkal ang mga lihim na operasyon ng US na maituturing na panloloko sa kanila ng kanilang pamahalaan.

Bro. Antolin: Brother Rey, mahalaga po na malaman ng mga tao ang tungkol sa Serpo. Dapat po ilantad sa tao ang mga pangyayari sa Serpo, maging sa mga paaralan ay dapat isiwalat na at tutukan.

RS: Maraming salamat brother sa iyong reaksiyon. Harinawa ay ganito nga ang gawin ng US o maging ng iba pang makapangyarihang bansa na meron ding lihim na ugnayan sa mga nilalang mula sa ibang planeta. Hanggang ngayon ay mahirap paniwalaan at tanggapin ng tao ang mga ET dahil sa wala pang pormal na pahayag dito ang mga higanteng bansa tulad ng US.

Lheeze Perez: Then whats the importance of that planet Serpo? Is there a chance that we may also live there? (E ano ang halaga ng planetang Serpo? Meron bang tsansa na tayo ay mabuhay doon?

RS: Of course the project itself is important dahil it is about time na malaman ng tao na matagal nang nakikipag-ugnayan ang ating planeta sa mga nilalang sa ibang solar system o planeta. Bagaman sinasabing napakainit ng planetang Serpo at malabong mabuhay ng mahabang panahon ang mga taong maninirahan doon ay isa itong patunay na hindi lamang tayo ang nilalang sa buong kalawakan. Yun ang kahalagahan na nakikita ko na magising tayo sa katotohanan na hindi lamang tayo sa planetang ito ang nilalang ng Diyos kundi marami pa palang nilalang na hindi natin natutuklasan o ayaw nating tanggapin na sila man ay nilalang din ng Diyos na makapangyarihan sa lahat.

Kung gaano katotoo ang US-Ebens Exchange Program, mismong isang dating special agent Richard Doty na nakatalaga sa Air Force Office of Special Investigations ng US ang umamin na meron siyang direktang karanasan sa kanyang pananatili sa militar at kung paano ito maiuugnay sa mga detalyeng nabunyag tungkol sa Project Serpo. Si Doty ay isa sa isang grupo ng dating “insider” na merong access sa classified information tungkol sa mga UFO ang lumantad para kumpirmahin ang umanoy alien exchange program na ibinunyag ng anonymous mula sa Defense Intelligence Agency.

Sa katunayan, si Doty ay naging kasama ni Robert Collins para sulatin ang aklat na pinamagatang “Exempt from Disclosure” noong 2005. Isinalarawan ni Doty ang kanyang mga direktang karanasan tulad ng personal niyang nakita ang isang napakalaking flying saucer sa isang klasipikadong pasilidad sa Indian Springs noong 1969.

Binigyan din umano siya ng access sa isang napaka-klasipikadong report tungkol sa tinawag niyang Extraterrestrial Biological Entities (EBEs), maging ang kanilang sistema ng komunikasyon at mas makabagong teknolohiya. Personal din umano niyang nakita noong 1983 ang isang EBE mula sa Zeta Reticulum sa isang pasilidad sa Los Alamos, New Mexico. Isinalarawan niya itong may taas na 4’ 9” na nilalang, walang buhok at may suot na tinaguriang tight fitting cream-colored suit. Napakinggan ni Doty ang umanoy panayam sa naturang nilalang sa pamamagitan ng makabagong translator at tungkol sa pinagmulan nitong planeta.

Sa pahayag ni Doty na inilathala sa UFO magazine noong Pebrero 2005, sinabi ng dating special agent na nagsimula ang kanyang serbisyo sa AFOSI sa isang briefing tungkol sa compartment program ng EBEs at pagbagsak ng mga UFO sa Corona at Datil, New Mexico. At binanggit nga dito ang pagkakasalba sa isang alien o nilalang mula sa bumagsak na sasakyang pangkalawakan na nagmula sa planetang Sieu ang unang pangalan ng Serpo sa Zeta Reticulum. Nasa pangangalaga ito ng US mula taong 1947 hanggang sa mamatay ito noong 1952.

Bukod kay Doty, dalawa pang katao na pawang mula sa Defense Intelligence Agency ang lumantad, at ang mga ito ay sina Gene Lakes aka Gene Loscowski at Paul McGovern. Si Lakes ay nagtrabaho sa DIA mula 1964 hanggang 1996 bilang imbestigador at naging director ng security operations ng ahensiya. Si McGovern naman ay dating security chief ng DIA. Kapwa sinabi nina Lakes at McGovern na nakakita sa briefing document na pinamagatang Project Serpo na naglalaman ng mga detalye ng alien exchange program.

Ang iginagalang na manunulat na si Whitley Streiber at isang Linda Moulton Howe ay lumantad din na nagpapatunay sa katotohanan ng Project Serpo. Ayon kay Streiber mismong siya ay kinausap ng isang tao na kabahagi ng Project Serpo na sa unang dinig niya noon ay Serpico na kalaunan ay Serpo.

Sa ngayon ay tampulan ng balitaktakan sa hanay ng mga mananaliksik sa larangan ng UFOlogy sa Estados Unidos ang Project Serpo na ang isang grupo ay naniniwalang totoo ang naturang programa samantalang sa kabilang panig naman ay sinasabing hindi ito totoo at pawang kathang isip lamang naturang kuwento.

Marahil para matapos na ang ganitong mga pagtatalo sa magkabilang grupo ay panahon na para magsalita dito ang pamahalaang-Amerika at hindi naman siguro masama na aminin kung totoo nga ba ang programang ito. Dapat na ihayag ang katotohanan at hindi yung patuloy itong itinatago dahil sa may kasabihan nga na “walang usok kung walang apoy.”

Para sa inyong mga katanungan at suhestyun, mag-text sa 09206316528. Mag-email sa misteryolohika@gmail.com. Bisitahin ang aking website: http://misteryolohika.tripod.com/. #

Source: http://www.jerrypippin.com/UFO_Files_serpo_project.htm

Planetang Serpo, Totoo Ba o Kathang-Isip?

2006-06-27T20:01:00.000-07:00

Gaano katotoo ang Planetang Serpo? Sino ang nakatuklas nito? Bakit hindi ito ipinaalam sa tao?

Ilan lamang ito sa mga katanungan na ipinarating sa inyong lingkod nang mabasa nito ang dalawang magkasunod na artikulo ko tungkol sa 12 mga tao na ipinadala ng bansang Amerika sa Serpo, isa sa mga planeta ng Zeta Reticuli Star System.

Narito po ang ilan sa mga reaksiyon ng ating mga kababayan sa naturang mga artikulo.

Ernesto Jonjon Ancheta: Salamat po sa kolum niyong Misteryo at Lohika. Gaano katotoo na merong pong 12 katao na nakapunta sa sinasabi ninyong planeta sa Zeta Recituli System? Ipaliwanag po ninyong mabuti kung “truth or fact”, magbabasa po kami ng balita.

09104713103: Bakit po nagkaroon ng planetang Serpo? Kailan po ba nadiskubre ito? Bakit di isinama ito sa 9 na planetang pinag-aaralan ng mga estudyante sa buong mundo?

Gernel Tare, Sucat, Pque City: Mr. Sibayan nabasa ko yung misteryo at lohika. Nagulat ako kung totoo ba ang nabasa ko, sounds like very interesting. Totoo ba o hindi?

09205943215: Ano ba ang hitsura ng mga Eben?

Brother Antolin: Bro. Rey, interesado po ako sa nilathala niyo tungkol sa Planetang Serpo. Ano po ang ibig sabihin ng Zeta Reticuli Star System? Ano ibig ng Serpo? Kelan pa natuklasan? Sino ang nakatuklas nito? Bakit hindi ito napasama sa solar system natin? Lahat ng bagay ay nilikha ng Diyos, dapat suriin din ito.

Thristy Umali: I just want to ask kung totoo po itong mga nababasa ko at paano nyo po mapapatunayan na totoo lahat ng ito? umaasa po akong sasagutin nyo ang tanong ko. thank you po.

Halos magkakapareho ang mga tanong ng mga kababayan natin tungkol sa Serpo kung gaano ba ito katotoo. Paano ba ito natuklasan at kung kailan at paano nagsimula ang naturang Space Exchange Program ng mga ET o Ebens at ng Estados Unidos.

Batay sa mga impormasyon na ipinagkaloob ng isang hindi nagpakilalang opisyal ng US na nagsabing kasama siya sa naturang proyekto, ang orihinal na pangalan ng programa ay Project Crystal Knight. Ito ay sinimulan noon pang 1965, ngunit tinatayang mas maaga pa ang ganitong palitan ng mga impormasyon mula nang bumagsak sa Roswell, Mexico ang isang sasakyang pangkalawakan ng mga Ekstra-Terestriyal noong Hulyo 1947. Isa sa mga ET na lulan ng bumagsak na spaceship ay sinagip ng pamahalaang-US at ito ay tinawag sa pangalang EBE, katagang ginamit noon sa mga ET. Ang Eben na ito ay sinasabing merong taglay na gamit para magkaroon ng ugnayan ang tao ang kanyang mga kalahi sa planetang Serpo.

Sa tanong kung kailan natuklasan ang planetang Serpo. Nalaman lang ito sa pamamagitan ng nabuhay na ET, ngunit sinasabing noong dekada 90 ay merong namataan sa pamamagitan ng mas modernong teleskopyo ang mga siyentista na isang planeta sa solar system ng Zeta Reticuli Star System na katulad ng planetang Earth, ngunit agad namang binawi ang kanilang natuklasan sa pagsasabing isa lamang itong wobble o pagnginig ng isang pulsar, ang umiikot na neutron stars sa kalawakan na naobserbahang umanoy pinagmumulan ng electromagnetic radiation sa radio wavebands. Dito nagsimula ang mga espekulasyon na pilit itong pinagtatakpan ng mga kinauukulan sa gobyerno ng amerika.

Ang Serpo, batay sa mga impormasyong isiniwalat ng nagpakilalang Anonymous batay sa kanyang natuklasang “debriefing book” tungkol sa Project Serpo na merong 3-libong pahina at maaaring makita sa website na http://www.serpo.org/, ay merong 3-bilyung gulang, at ang dalawang mga araw nito ay kapwa tinayang nasa tig-5 bilyung taong gulang na.

Ang diameter ng Serpo ay 7, 218 milya; Mass – 5.06 x 10 24; Distansiya sa Unang Araw – 96.5-milyung milya; sa Sun #2 – 91.4 milyung milya; Moons – 2; Gravity – 9.60m/s 2; Rotation periods – 43 oras; Orbit – 865 araw; Tilt – 43 degrees; Temperatura – 43 – 126 degrees centigrade; Distansiya mula sa Earth – 38.43 light years; Bilang ng mga planeta sa Eben Solar System – 6; at Pinakamalapit na planeta sa Serpo – Otto.

Ano nga ba ang mga Eben? Sila ay sibilisasyong umabot na sa 10-libong taong gulang na. Sila ay lumipat sa Serpo, 5-libong taon ang lumipas matapos na manganib sila sa matinding aktibidad ng mga bulkan sa hindi binanggit na una nilang planeta. Naharap sa matinding digmaan ang Eben, tatlong libong taon ang lumipas, kung saan libu libong Ebens ang namatay ngunit nagwagi sila sa pakikidigma. Sila ay unang dumalaw sa planetang Earth, 2-libong taon na ang lumipas.

Ilan lamang yan sa mga detalye ng website na ginawa ni Bill Ryan, batay sa mga tinanggap niyang mga impormasyon na ipinasa ng isang journalist na si Victor Martinez noong Nobyembre 2005.

Ang pagsisiwalat na ito tungkol sa planetang Serpo at mamamayang Ebens ay sinuportahan ng batikan at kinikilalang manunulat na si Whitley Strieber na nagsabing maging siya ay nakatagpo ng isang tao na nagsabing kasama din siya sa project Serpo.

Para sa inyong mga katanungan at suhestyun, mag-text sa 09206316528; mag-email sa misteryolohika@gmail.com at bisitahin ang aking website: http://misteryolohika.tripod.com/. #

Photos courtesy of: http://www.jerrypippin.com/UFO_Files_serpo_project.htm

Tao, Paano Nabuhay sa Ibang Planeta?

2006-06-22T17:34:00.000-07:00

Paano nga ba nabuhay sa Planetang Serpo ang 12 katao na ipinadala doon batay sa salaysay ng isang umanoy dating opisyal ng US government na naging aktibo sa Project: SERPO, ang kontrobersiyal na kasunduan ng Amerika at mga Ekstra-Terestriyal mula sa Zeta Reticuli Star System.

Ano nga ba naging buhay ng 12 kataong ipinadala ng Amerika sa planetang-Serpo na merong dalawang araw at dalawang buwan sa gabi?

Batay sa pahayag ni Request Anonymous na isiniwalat ni Bill Ryan sa website na http://www.serpo.org/release2.asp, ang planetang Serpo ng mga ekstra-terestriyal na tinawag na Eben ay matatagpuan sa solar system ng Zeta Reticuli Star System at ito ay mas maliit ng konti kesa sa ating planetang Earth.

Ang atmospera ng Serpo ay katulad din umano ng Earth at meron itong taglay na Carbon, Hydrogen, Oxygen at Nitrogen. Ang Zeta Reticular ay tinatayang nasa layong 37 light years mula sa Earth, at inabot ng siyam na buwan ang 12 katao na lumipad sa kalawakan lulan ng sasakyan ng mga Eben.

Habang nasa biyahe, ang bawat isa sa mga miyembro ng team ay palaging nakakaramdam ng pagkahilo, nawawala sa wisyo at nakakaramdam ng pananakit ng ulo. Nagagawa naman umano ng buong team na makapag-ehersisyo sa loob ng spaceship dahil sa sinadya ng mga Eben na mapanatili ang gravity sa loob ng sasakyang pangkalawakan.

Nang makarating sa Serpo ang 12 katao, kailangan nilang gumugol ng maraming buwan para makapag-adjust ang kanilang katawan sa kapaligiran doon kung saan palagi silang nakakaranas ng pagsakit ng ulo, pagkahilo at nawawala sa kanilang sariling kamalayan.

Problema din ng mga ito ang matinding sikat ng dalawang araw sa Serpo, na bagaman meron silang dalang sunglasses naging matindi pa rin ang epekto nito sa kanilang kalusugan lalu na sa mata at sa balat. Ang radiation level sa naturang planeta ay bahagyang mas mataas kesa sa Earth at palagi silang nagsusuot ng pananggalang sa init o sikat ng araw doon.

Walang makitang refrigeration ng mga Ebens maliban lamang sa mga pabrika. Napakatindi ng temperature sa planeta lalu na sa pinakagitna nito ay nasa 94 hanggang 115 antas ng sentigrado, bagaman may mga ulap at pag-ulan ay bihira itong mangyari.

Sa hilagang bahagi ng planetang Serpo ay may temperatura ng mula 55 hanggang 80 antas ng sentigrado. Maituturing itong pinakamalamig na bahagi ng planeta para sa mga Eben dahil sa mas sanay ang kanilang katawan sa napakainit na panahon. Iilan lamang sa mga Eben ang nakatira sa hilaga ng kanilang planeta.

Dahil sa kahirapan sa matinding init, dinala ang 12 katao sa hilagang Serpo at ang transportasyon nila ay maihahalintulad sa isang helicopter. Ang power system ng sasakyan ay selyadong energy device na nakapagbibigay ng kuryente para ito gumana at makalipad.

Madali namang natutuhan ng mga pilotong kasama sa 12 kataong team ang pagpapalipad sa sasakyan sa loob lamang ng ilang araw ay sila na ang nakapagpapalipad dito. Ang mga Eben ay meron ding katulad na sasakyang panglupa dito sa Earth ngunit walang gulong dahil sa ang mga ito ay nakalutang.

May mga lider ang mga Eben ngunit walang iisang porma ng pamahalaan, at walang krimen na nakita ang team ng mga tao na nagtungo doon. Merong mga sundalo ang mga Eben na umaakto rin bilang mga pulis, ngunit wala silang mga baril o anumang uri ng armas.

Iniulat din ni Anonymous na may regular na pagpupulong ang bawat komunidad ng Ebens at merong pinakamalaking komunidad na itinuturing na pinaka-sentro ng kanilang sibilisasyon kung saan matatagpuan ang mga industriya, ngunit wala silang ginagamit na pera o salapi.

Ang bawat mamamayang Eben ay kusang binibigyan ng pangangailangan nito mula sa gobyerno. Wala silang mga tindahan, walang shopping mall o mga palengke. Ngunit merong itinakdang central distribution center kung saan doon kinukuha ang mga pangunahing pangangailangan ng mga Eben. Nabatid din na lahat ng Eben ay nagta-trabaho sa angkop na tungkulin at ang kanilang mga anak ay pinananatiling nakahiwalay.

Naging mahigpit naman ang mga pulis ng Ebens na wag makunan ng larawan ang mga kabataan sa kung anong dahilan ay hindi binanggit.

Ang mga isiniwalat ni Anonymous ay kinumpirma rin ng iba pang opisyal na kabilang sa sikretong operasyon ng US at mga ET. Kabilang na rito sina Gene Lakes alyas Gene Loscowski at Paul McGovern ng Defense Intelligence Agency.

Bagaman merong pagkakasalungat sa ibang detalye ng kanilang impormasyon ay halos iisa ang iba pang mga detalye na kanilang isiniwalat. Tunghayan lamang ang website para sa kabuuang detalye tungkol dito at kayo na lang po ang bahalang humusga.

Para sa inyong katanungan, suhestyun at mga reaksiyon. Mag-text sa 09206316528. Mag-email sa misteryolohika@gmail.com . Bisitahin ang aking website: http://misteryolohika.tripod.com.#

12 Katao, Ipinadala sa Ibang Planeta

2006-06-20T19:22:00.000-07:00

Maniwala man kayo sa hindi matagal nang nakipag-usap sa tao ang mga Ekstra-Terestriyal (ET)? Sa katunayan, nakapagpadala na tayo ng tao sa ibang planeta….hindi lamang isa kundi 12 katao ang ipinadala sa isang planeta ng Zeta Reticuli Star System. Ang naturang hakbang ay nakapaloob sa programang SERPO o Project: SERPO na pinasimulan noon pang taong 1965.

Isang retiradong empleyado ng pamahalaang Estados Unidos na nagpakilala lamang sa pangalang “Request Anonymous” ang nagbigay ng mga impormasyon tungkol sa Project SERPO, dahilan para malikha ang website na, Serpo.org – The Zeta Reticuli Exchange Program (http://www.serpo.org/).

Inamin ni Request na siya ay kasama sa espesyal na programa tungkol sa Serpo at ibinunyag nito ang lahat ng kanyang nalalaman tungkol sa mga hakbang na ginawa ng Estados Unidos nang makipagkasundo ito sa mga nilalang mula sa ibang planeta.

Sa kanyang testimonya, ibinunyag nito na hindi lamang isa kundi dalawa ang nangyaring pagbagsak ng UFO noong Hulyo 4 1947 malapit sa Roswell, New Mexico ngunit ang isa pang crash site ay natuklasan lamang noong Agosto 1949 sa Pelona Peak, South Datil, New Mexico.

Ang naturang UFO crash ay kinapalooban ng dalawang (ET) spacecraft. Nang madiskubre ang unang crash site sa Corona, isang buhay na ET ang nailigtas nang ito ay nakitang nagtatago sa isang malaking tipak ng bato, binigyan ito ng tubig ngunit hindi pinakain at dinala sa Los Alamos.

Sinuring mabuti ng mga otoridad ng Roswell Army Air Field and crash site at lahat ng mga ebidensiya ay kinuha at ang mga namatay na ET ay dinala sa Los Alamos National Laboratory dahil sa meron itong pasilidad ng freezing system para sa pananaliksik. Ang bumagsak na flying saucer ay dinala sa Roswell at nakarating hanggang sa Wright Field, sa Ohio.

Ang pangalawang crash site ay natuklasan lamang noong Agosto 1949 ng dalawang rantsero at iniulat ang kanilang nakita, ilang araw ang lumipas sa hepe ng Catron County sheriff, New Mexico. Dahil sa masyadong liblib ang lugar, inabot ng maraming araw para makarating sa kinabagsakan ng UFO. Nang makarating sa crash site ang sheriff ay kinunan nito ng litrato ang lugar at nagtungo sa Datil, kasunod nito ay naipaalam ang insidente sa Sandia Army Base, Albuquerque, New Mexico. Isang team ng mga otoridad ang kumuha lahat ng mga ebidensiya kabilang na ang anim na katawan ng mga patay na ET na kalaunan ay dinala din sa Los Alamos.

Ang buhay na ET ang siyang naging susi para magkaroon ng komunikasyon sa kanyang mga kalahi sa kanyang sariling planeta. Ito ay nanatiling buhay hanggang sa mamatay noong 1952.

Ngunit , bago siya namatay nasabi na niyang lahat ang mga impormasyon tungkol sa mga natagpuang mga kagamitan sa dalawang bumagsak na UFO, kung saan isa dito ay isang gamit komunikasyon na siyang ginamit nito para makipag-ugnayan sa kanyang planeta.

Inihayag pa ni Request sa kanyang testimonya, na noong Abril 1964, lumapag ang mga ET malapit sa Alamogordo, New Mexico at kinuha ang mga bangkay ng mga nilalang at dito na nagsimula ang palitan ng mga impormasyon sa pagitan ng tao at mga ET kung saan ang ginamit na wika ay Ingles sa pamamagitan ng translation device ng mga Ekstra-Terestriyal.

Taong 1965 nang mabuo ang aniya’y exchange program ng pamahalaang-US at ng mga ET kung saan pinili nila ang 12 eksperto ng militar – 10 lalaki at 2 babae. Ang mga ito ay sinanay at maingat na unti-unting inalis mula sa ranggo ng military.

Nang handa na ang mga ito, sila ay sinundo ng mga ET lulan ng kanilang sasakyang pangkalawakan sa Nevada Test Site at naiwan sa pangangalaga ng US ang isang nilalang.

Ang orihinal na plano ay kailangang manatili sa planetang SERPO ang 12 katao sa loob ng 10 taon at saka sila ibabalik ating planeta, ngunit dito nagkaroon ng problema nang sila ay bumalik noong 1978, walo lamang sa kanila ang nakabalik ng buhay. Apat ang nagpasyang magpaiwan kung saan dalawa sa mga ito ang namatay sa planeta ng mga ET. Sa kabuuang walong nakabalik, lahat ay nangamatay at ang pinakahuli dito ay nito lamang 2002 sumakabilang buhay.

Ang pagbubunyag na ito ni Request ay sinang-ayunan ng iba pang mananaliksik sa nangyaring Roswell Crash bagaman merong nilinaw sa detalye ng buong pangyayari.

Ayon kay Victor Martinez, ang mga taong nakabalik sa ating planeta ay inihiwalay mula 1978 hanggang 1984 sa ibat-ibang instalasyon ng militar at mahigpit silang binantayan ng Air Force Office of Special Investigation.

Sinabi naman ng isang Gene Loscowski, na hindi 10 lalaki at 2 babae ang ipinadala kundi lahat ay pawang mga kalalakihan - 8 US Air Force, 2 US Army at 2 US Navy na pawang namatay lahat na ang pinakahuli sa kanila ay sumakabilang buhay noong 2003.

Sa susunod ay ihahayag ko sa inyo kung ano ba ang naging buhay ng mga taong ipinadala sa planetang SERPO kung bakit lahat sila ay hindi nagawang mabuhay ng mahaba-habang panahon mula nang sila magbalik sa Earth.#

Para sa inyong mga reaksiyon, katanungan at suhestyun, mag-text sa 09206316528. Mag-email sa misteryolohika@gmail.com. Bisitahin ang website: http://misteryolohika.tripod.com./