Thursday, October 27, 2005

Kamatayan….Isang Panimula

Nais ko lang po bigyan ng daan dito ang isa sa naging reaksiyon sa aking lumabas na artikulo na di dapat katakutan ang mga multo, bagkus ay unawain ang kanilang sitwasyon sa kabilang buhay at tulungan sila na magising sa katotohanan at tanggapin na sila ay wala na sa pisikal na daigdig.

Hindi ko hangad na sumang-ayon kayo sa akin, ngunit sa aking sariling pananaw base sa aking karanasan maituturing na simula ng panibagong yugto ng buhay ng isang tao ang kamatayan at hindi ito katapusan.

Sa reaksiyon ni Mr. Eman Morales, ng Sta. Mesa, Manila, narito ang kanyang pahayag:

“Mr Sibayan, I just read your write ups today, I have a question for you if you believe in the Holy Bible then look for these verses: JOB 7:9; Ecclesiastes 9:5, 6; Psalm 146:4, because dead people did know anything.”

Sagot: RTS I have no intention to question what is in the Bible, in the first place I respect the book itself as a basis of our faith but we must have an open mind to accept the reality of life. I agree with your comment Mr Morales that dead people or the souls of the departed know anything…. But…..only if they realized or awakened that they are on the other side or the after life.

Surprisingly, ang inyong comment ay salungat naman sa isinasaad n Ecclesiastes 9:5, 6 (Ang Mangangaral):

“5Alam ng buhay na siya’y mamamatay ngunit ang patay ay walang anumang nalalaman. Wala na silang pag-asa, at nakakalimutan nang lubusan. 6Nawawala pati kanilang pag-ibig, pagkapoot, pagkainggit; anupat wala silang namamalayan sa anumang nangyayari sa daigdig.”

RTS: Ang aking pananaw tungkol dito…The Soul knows everything because it is an unlimited data or memory bank of our lives not only in this lifetime but also our previous lifetimes. Ngayon ang isang namayapa na ay magiging mas malawak ang kaalaman kapag tinanggap nyang siya ay nasa kabilang buhay na at hindi mawawala ang pag-ibig , at pagkapoot, depende sa kundisyon ng kanyang kaisipan o consciousness. Ngunit kapag nagising na siya sa katotohanan na kailangan niyang umusad sa kabilang buhay ay tuluyan nang mawawala ang pagka-poot nito kung meron man noon at ito ay lalung magpapalakas sa kanyang pag-ibig at lahat ng nangyayari sa buong mundo lalu na sa kanyang pamilya ay mauunawaan nya nang walang pag-a-alinlangan.


Ang dalawang iba pang mga bersikulo na binanggit ni Morales sa Bibliya ay maituturing kong tumutukoy sa pisikal na kaanyuan ng isang tao na kapag namayapa na ay kailangang bumalik ito sa kanyang pinanggalingan – ang alabok.

Job 7:9 (Ang Aklat ni Job)
“9Kung paanong ang ulap ay napaparam, napapalis, Pag pumanaw ang tao, di na siya magbabalik”

Psalm 146:4 (Mga Awit)
“4Kung sila’y mamatay, balik sa alabok, Anumang balangkas nila’y natatapos.”

Sang-ayon naman ako dito dahil ito ay tumutukoy sa pisikal o katawang lupa ng tao, dahil kapag namayapa na ang isang tao ay bumabalik sa alabok ang katawang lupa nito at lahat sa buhay nito ay magwawakas na.”

Ang tangi ko lamang nais bigyang diin hindi maaaring ihambing sa katawang lupa ang kaluluwa ng tao. Ang katawang lupa ay namamatay samantalang ang kaluluwa o espiritu nito ay walang kamatayan.

Oo….maaaring magdusa ito sa kabilang buhay depende sa antas ng kanyang kaisipan, ngunit kapag ang lahat ay natanggap nya ng buong luwag ay biglang magbabago ang pananaw nito at mas magiging malawak ang kanyang kaalaman sa buong buhay hindi lamang sa kanya kundi sa buong sangkatauhan.

Ang mahalaga para sa mga naulila ng isang namayapang tao, kung anuman ang naging pagkakamali nito ay patawarin na natin, at bigyan natin siya ng pagmamahal. Tanggapin din natin ng buong luwag bagaman masakit ang kanyang kamatayan. At para makatulong sa pagtanggap natin ng katotohanan na lumisan na ito ay isipin natin na nandyan lamang siya sa ating tabi at kasama pa rin natin ngunit yun nga lang di natin siya nakikita.

Ilan lamang yun sa mga pamamaraan na maaari nating gawin para mas madali at mas magaan sa isang yumao na tahakin ang landas nito sa kabilang buhay. Kapag naging maayos na ang lahat ay dyan magigising sa katotohanan ang isang namayapa, na hindi lamang natatapos sa pagiging pisikal ang kanyang buhay.

Para sa inyong mga katanungan, suhestyun o kung meron kayong karanasan sa kababalaghan, mangyari mag-text sa inyong lingkod 09206316528 o 09167931451, mag-email sa paranormalrey@gmail .com, o lumiham sa BALITA c/o sa inyong lingkod. Pwede rin kayo mag-log in sa aking website: misteryolohika.tripod.com. #



Wednesday, October 19, 2005

UFO at ET Sightings, Lalu Lumaganap


Dahil sa lumaganap na pagpapakita ng mga UFO at mga Ekstra-Terestriyal sa ibat-ibang panig ng mundo kasama na ang Pilipinas ay lalu pang pinag-ibayo ngayon ang kampanya ng mga eksperto na bigyan ng pansin at hindi lamang basta ipagwalang bahala ang ganitong mga kaganapan.

Hindi ba’t kamakailan lamang nitong Setyembre hanggang ngayong Oktubre ay nagkaroon ng UFO sightings sa Caliraya, Laguna, at sinundan pa ito ng pagpapakita ng mga UFO sa karatig nating bansang Korea at Thailand, gayundin sa mga bansang Mexico, Puerto Rico, Idaho, Peru maging sa England.

Ang ganitong mga UFO sighting ang dahilan kung bakit naisip ng mga mananaliksik na magdaos ng kauna-unahang International UFO Symposium sa bansang Italya.

Ang naturang pagtitipon ay pangungunahan ng Italian National UFO Center sa timugang bayan ng Cosenza, lalawigan ng Calabria, Italy at inaasahang tatalakayin dito kung anong mga sibilisasyon ng ETs ang dumadalaw o narito na sa ating planeta.

Maging sa England ay nakatutok naman ang mga eksperto sa posibilidad na narito sa ating daigdig ang mga alien o ET at ito ay kanilang isinagawa sa pamamagitan ng exhibition sa Science Museum na pinamagatang “the science of aliens.”

Ang naturang pagtitipon ay isinagawa sa mas lohikal na pamamaraan para matiyak na tumpak ang sagot sa katanungan: “Kung tayo lang bang mga tao ang nag-iisang nilalang sa buong kalawakan?.”

Iginiit naman ni Chris Bond sa katatapos na Great British UFO Show na mas marami pang dapat na malaman sa naturang misteryo ng UFO sightings at ET contacts kesa sa nakikita lamang ng ating sariling mga mata.

Sa Cambridge, Massachusetts, pursigido naman si Harvard psychologist Susan Clancy na malaman kung totoong merong mga ETs nang makapanayam nito ang may limampu katao na nagsabing sila ay dinukot ng mga alien o mga biktima ng tinatawag na alien abductions.

Sa Jefferson, Texas naman, sa Estados Unidos pa rin ay idinaos naman ang 5th Annual Texas Bigfoot Conference. Ang Big Foot ay itinuturing na isang uri ng ET bagaman ang iba ay naniniwala na ito ay isang kauri ng mga unggoy o urang-utang.



Pursigido naman ang mga eksperto sa pangununa ni Loren Coleman sa idinaos na Cryptozoology Symposium sa Lewiston, Maine, para maglaan ng isang milyung dolyar sa sinumang makahuli o magsumbong sa kinauukulan para mahuli ng buhay ang Big foot, Yeti, Lake Monster, sea serpent at iba pang kakaibang nilalang na itinuturing ng iba na mga ET.

Sa East Texas, ay isinagawa ang isang symposium sa Bates College Cryptozoology Symposium para ma-engganyo ang kanilang mga kababayan na manghuli ng Bigfoot, Yeti, at Lake monster.

Ang big foot, yeti at lake monster ay maituturing na mga ET sa klasipikaysong Sasquatch, ngunit bigla na lamang sumusulpot saanmang panig ng ating planeta, malay nito magulat na lang tayo isang araw na nandyan na sila sa ating bakuran sa ating tabi.

Sa Dallas, Texas, isa ring seminar tungkol sa mga nilalang na ito ang tinalakay at naging kapansin pansin ang pagdami ng taong dumalo dito palatandaan na matindi ang interes tungkol dito ng mamamayan sa ibat-ibang bansa.

Maging ang misteryo ng Crop Circle ay hindi rin pinalalagpas ng mga eksperto sa mga panahong ito para lamang matiyak kung ano at kung sinong nilalang ang nasa likod nito at ano ang dahilan kung bakit patuloy silang nagpapakita sa ibat-ibang panig ng ating planerta.

Sa serye ng seminar, nagkasundo sina crop circle at alien contacts Janet Ossebaard at Mary Rodwell ng Australya na magtulung tulong para imulat ang mga tao na narito na ang mga ET at patunay na nga rito ang pagkakaroon ng ng crop circle saanmang panig ng mundo.

Samantala, hindi naman pahuhuli ang mga taga-Mexico nang buksan nila sa publiko ang Roswell Exhibit na magtatagal hanggang Oktubre 31.

Layunin nito na sariwain sa isipan ng mamamayan hindi lamang sa Mexico kundi sa buong mundo na talagang may bumagsak na UFO noong July 4, 1947 na unang inamin ng pamahalaang ng US na ito nga ay sasakyang pangkalawakan ng mga ET, ngunit sa bandang huli ay binawi ng mga eksperto sa pagsasabing ito ay isang uri ng weather balloon.

Sinulat ko ito sa aking kolum ngayon para sabihin sa ating mga kababayan na panahon na para magising tayo sa katotohanan na may nangyayari ngang kakaiba sa ating kapaligiran sa kabila ng samut-sari nating problemang pampulitika, at ekonomiya.

Para sa inyong mga suhestyun, katanungan, at kung meron kayong nais na idulog sa aking problema, mag-text sa 09167931451 o mag-email sa paranormalrey@gmail.com. #


Saturday, October 08, 2005

ET Lumitaw sa Larawan


Maraming pamamaraan ang ginagawa ng mga Ekstra-Terestriyal para patunayan lamang na sila ay narito na sa ating planeta. Kabilang na nga rito ang pagpapakita ng mga UFO o Unidentified Flying Objects na karaniwan na ring nakikita ngayon sa ibat-ibang bahagi ng mundo.

Sa nakalipas kong artikulo ay isinalaysay ko sa inyo ang aming nasaksihan sa Caliraya, Laguna kung saan nagpakita noong Setyembre 27 ang anim hanggang sa siyam na mga UFO.

Bagaman ipinalabas din ito sa telebisyon ay lumabas lamang na katawa-tawa ang naturang kaganapan dahil sa hindi man lang nabigyan ng diin kung ano nga ba ang dahilan at nagpakita ang mga UFO sa tao.

Tulad ng unang sinabi ko, nais lamang na patunayan ng mga ET na hindi tayo nag-iisa sa kalawakan . Heto ang lohikang tanong ko sa inyo. Para ano pa at nilalang ng Diyos ang milyun milyun kundi man bilyun na mga planeta, mga bituin at galaxy sa kalawakan kung tayo lang mga tao o human being ang nilalang na buhay? Hindi bat malaking pagsasayang lamang ng pagod at enerhiya kung tayo lang tao ang maituturing na nilalang ng panginoong Diyos?

Ngayon, kaliwat-kanan na ang mga nangyayaring UFO sighting hindi lamang dito sa Pilipinas kundi maging sa ibat-ibang panig ng ating planeta, ngunit ang tao ay nanatili pa ring di kumbinsido na totoo ang mga pangyayaring ito.

Sa totoo lang ito nga ang dahilan kung bakit, hinahamon ko ang mga ET na ito na magpakita sa anumang paraan sa tao. Yun bang hindi maitatanggi na sila nga ay totoo.

At marahil bilang tugon sa aking hamon, ay isang kakaibang nilalang o anino ang biglang lumitaw sa aking larawang ito na talagang tumakip na sa aking mukha.

(INSERT PICTURE)

Kinunan ko ng litrato ang aking sarili sa pamamagitan ng phone camera sa lobby ng ABS-CBN noong linggo (Oktubre 2, 2005) pagkatapos naming mag-guest sa lingguhang programa sa radyo ni Jimmy Licauco at Frances Gloria.

Laking gulat ko nang tumambad sa aking paningin ang kakaibang nilalang na tumakip sa akin sa litratong ito. Marami sa mga natanong kong kaibigan na may kakayanang makakita ng mga espiritu ang nagsabi na ito ay isang ET at siyang nagbabantay sa akin. Ano po sa palagay ninyo?

Para sa inyong mga katanungan, suhestyun, at kung paano ako makatulong sa inyong kinakaharap na sitwasyon, kababalaghan man yan o problema, mangyaring mag-text sa 0916-7931451.

Pwede rin kayo mag-email sa paranormalrey@gmail.com o kaya ay mag-log-in sa aking website: reysibayan.tripod.com.#